進材食品

營業中

休息中

而家市面好多專賣凍肉既小店，除左價錢通常較大型超市吸引，而家質素仲會較高今日去到呢間凍肉店，完全俾佢既標語吸引左-賣肉求榮 個名好搞笑好深刻入到去，店員細心介紹佢地既食材，除左有牛扒豬扒外，仲有海鮮類，好似龍蝦尾，甲羅燒，帆立貝等等仲會有啲調味料，例如岩鹽因為唔係成日煮野食，店員都有講解下我買既野可以點煮，過返兩招心得俾我西班牙黑毛豬扒其實只要食材靚，真係唔識煮野食都無問題 煎兩煎，落啲岩鹽吊下味，其實已經出得廳堂 黑毛豬扒肉質嫩滑，好少可豬扒係少少靭既感覺都無，超好食帆立貝其實呢隻帆立貝係可以當刺身食，不過今日唔想食生冷野，所以就落鑊輕煎，半熟既感覺正 而且本身超大粒，就算煎熟左都無話縮得好勁，好鮮甜

今日嚟到觀塘呢間食材公司，幫自己嘅雪櫃入返啲存貨，鍾意呢度嘅肉類都係高級優質嘅，而且我覺得價錢都好公道，最重要係店員有心機講解，令到我知道邊啲食物啱我，唔會買錯。呢度嘅牛扒M五同M9嘅級別，仲有坊間比較小見嘅牛柳，斧頭扒，黑木豬豬扒，牛肋條等，另外我仲買咗刺身級嘅帆立貝，龍蝦尾。除咗食物之外，仲會有一啲精選紅酒，清酒，其有一個特選嘅澳洲甜酒，蘋果薑味，店員介紹呢款酒，可以佐暖嚟飲，特別適合女士牛肋條👍🏻👍🏻佢哋嘅牛肋條好多肉，今次我就煮咗一個韓式炆牛肋條，炒香洋蔥再加牛肋條同埋韓式醃肉張先炆一陣，然後再加其他配菜紅蘿蔔，白蘿蔔，薯仔，甜甜地，牛肋條肉質軟腍，肉味濃，屋企人食到一件大留牛扒🥩🥩因為鍾意肉未夠濃，店員推薦買呢一個M五嘅牛扒，由於都係優質嘅牛扒，所以是不需要任何醃制的，只要放落鑊煎到你心儀嘅生熟程度，上枱時可以加少少岩鹽，咁就已經好好味啦，我地呢啲非專業厨師都搞得掂😍😍

我成日都出去食牛扒，但未試過自己煮，所以經朋友介紹黎以間賣肉求榮買急凍食材，以家好小門市做高質素既急凍食材，如果有，但好貴，所以朋友介紹以間真係冇介紹錯賣肉求榮位於興業街，官塘站B2出口，都好易搵到。店鋪不算大，有兩個急凍櫃，但已容納好多急凍食材，有牛扒、雞串、和牛粒、特大刺身帆立貝柱、甲羅燒，銀鱈魚扒，虎蝦等等掃左幾樣急凍食材返去煮，我全部煮既方法都係煎熊本霜降一口牛可以用黎打邊爐，但我唔鐘意，所以今次煎了全熟，雖然全熟，但好軟腍，一點都不柴口，只加了黑椒和小許鹽調味，一口一粒。銀鱈魚扒加了香草和小許鹽調味，銀鱈魚扒肉質雪白結實，油脂含量豐富，口感一流。M5肉眼今次煎了8-9成熟，因小朋友都可以食到，竟然好軟腍，脂肪平均，好多肉汁，只撒試了小許鹽，更能帶出肉味靚女老闆亦好有耐心介紹每一款食材，點樣煮先好食，分享好多意見。

平日朋友聚會很多時的話題都會圍繞烹飪，煮甚麼菜式，哪裡買食材等等。最近朋友介紹了我一間工廠大廈買凍肉，於是我走上去看看，地方不算很大，但環境簡結。凍肉的種類、款式也很多，而且價格比超級市場優惠，經職員的介紹，我買了一盒北海道帶子、一包和牛粒、西班牙黑毛豬扒，用冰袋載著回家。回家解凍後，慢火去炒和牛粒，撒上少許鹽便可，份量都很足，肉質很嫩且牛味濃郁。同樣，北海道帶子亦需解凍，可以當刺身吃或者喜歡的煮法，我將它一味慢煎，另一味炒西蘭花，帶子仍然很厚身，沒有縮小，新鮮嫩甜。還有西班牙黑毛豬扒，煎香撒少少鹽，肉質很嫩滑，且脂肪和肉的比例平均，簡單調味已經足夠。這間凍肉店的品種款式選擇多，而且格價合理，確實是優質凍肉之選。

正所謂「病是吃出來的」，為求健康當然要認真選購食物。最近買肉查看食物來源，看到觀塘工廠大廈新開了凍肉店，凍肉店主打健康食材，除了標籤來源外，還主推鮮有人知的肉類。澳洲草飼牛澳洲有堪稱全球最好的自然環境和先進的管理，是國際公認的優質牛肉出口國。草飼牛肉質瘦肉比例很高，含有豐富的蛋白質、B族維生素、鋅和鐵質，煮起來肉味十足，煙韌有嚼頭。Premium Pork（300g）以優惠價28元換購一包兩塊的西班牙黑毛豬扒，加小許鹽跟黑椒煎一下，肉質柔軟鬆化，性價比王。梅頭豬肉片 (HKD 48)美國1寸肉眼扒 268店內有1寸及2寸選擇，脂肪分佈平均如雪花，我們買了1寸的，煎起來牛肉香味濃厚，質感細滑，肉汁豐富。白鱈魚扒 (HKD 68)高級的白鱈魚扒肉質厚實，油脂充分，吃起來滑溜油潤。龍蝦尾店內有不同大細的龍蝦尾，分別為6oz及5oz等。店家詳細介紹每款食材出處、烹煮方式等。最後埋單還送了一包牛油及一包頭尾牛肉。牛油切一部分落鑊爆香，用來炒菜炒飯一流。詢問下原來店家會把牛肉頭尾不夠美觀部分及牛肉脂肪部位切開，當自己私伙食用或贈送朋友，務求只把最優質的賣給顧客。附贈的保溫包很好用，即使坐長途巴士亦

經過朋友介紹，得知觀塘工廈區開了一間專門賣凍肉的地方，凍肉儲放時間較長，可以買多一點以備不時之需，只視乎你的冰箱有沒有位置。進材食品店舖面積不大，但是店內簡潔俐落，乾淨！雖然面積不大，但店內設有很多款式供客人慢慢選擇，當日美女老闆娘詳細介紹不同產品的分別，你亦都可以詢問她煮法。有牛扒區、海鮮區、紅酒區，還有魚子醬售賣，牛扒有不同產地、品種的扒類選擇，例如美國、澳洲、日本、韓國等等，牛的部位亦可選擇海鮮本來想買甲羅燒，但家中沒有焗爐，所以今次沒有購買了帆立貝大粒跟特大微波爐鰻魚，可以用蒸的龍蝦尾我到這裡購買海鮮較多，買了帆立貝大粒裝、12串雞肉串、微波爐鰻魚。凡購物均可獲贈正方形保溫袋！

早幾日同老友聚舊食飯，食西餐鋸牛排，其中一老友話呢餐D牛排雖然唔錯，不過如果自己煮，2/3價錢已可以食到而且牛排質素更可以高一級。昨天放假，就跟老友去佢買開的食材店見識一下，順便買定D食材今天同女友和家人食餐好，約左老友起觀塘港鐵站等，老友起附近返工非常熟路，不用10分鐘己行到，但其實好方便，我行一次已識路。上到進材食品，有幾個冷藏櫃亦有一個架放酒及食材。店內放著不同食材，冷凍的有牛豬羊和海鮮，種類不少。一心想買牛排，先問店員有乜好介紹，而店員亦好nice好詳細介紹每種牛排，原來呢度有澳洲和牛，油花多些，較淋滑，美國穀飼牛西冷肉眼肉味較濃，更有牛柳及斧頭扒。最後都係買了美國prime 厚切西冷，之後店員介紹了美國龍蝦尾，及北海道刺身帶子，很少見到咁大隻刺身帶子，忍不住又買了一盒，計一計，的確比出街食平好多，而且店員更熱心分享烹煮經驗。非常好。今天先將北海道刺身帶子解凍，牛排就加牛油香草慢煮，之後再煎香二面，帶子刺身非常鮮甜，就如置身日本漁市場食差不多。厚切西冷牛排肉嫩多汁，肉味非常香濃，女友和家人個個食過都讚不絕口！非常正～！仲問我幾時再去買～！

剛搬新屋，當然要試下D 爐具得唔得😂😂，其實只是一個藉口，係因為我好鐘意煮野食，搬左新屋想食好D，所以今日經朋友介紹去官塘既工廠大廈買凍肉。店鋪細細，有兩個凍櫃，有好多不同種類既急凍食品，有M9，M6和牛西冷、和牛肉眼、急凍龍蝦尾、一口和牛、甲羅燒、三文魚扒等等今日我買左越南海虎蝦、M9和牛肉眼扒、12串裝雞肉串越南海虎蝦-先將蝦開邊，剪鬚，之後用蒜頭蓉加芝士拎去焗，焗幾個字就可以食啦，海虎蝦蝦肉爽口彈牙，超大隻，仲有好多膏M9和牛肉眼扒-不用落油煎，因我地食開5成熟，所以每邊煎3-4分鐘就可以了，煎得剛剛好，仲保留到肉汁，牛味濃，肉質非常嫩滑，好Juicy 12串裝雞肉串-炭燒雞肉串，將雞肉串放落微波爐叮4-5分鐘就可以了，非常多汁，汁既味道夠濃，最緊要雞肉嫩滑

皇太后（媽咪)話想食牛排，咁啱男友上星期去完朋友新屋入伙gathering ，話朋友整左D牛排好得。就叫佢問吓起邊度入貨，琴日收早，就同男友落觀塘買材料先。間食材店叫賣肉求榮-進材食品，位於觀塘D工業大廈內，離港鐵站都唔遠，幾易揾。上到去，店子不算很大，但食材種類都不少，有多種牛排，如：澳牛、和牛、美國牛外，還有急凍海鮮，罐頭食品及酒類。店員好詳細介紹每種牛排的特色及分享煮法，幾細心，我一眼已經比成2寸厚的prime級西冷吸引，但男友想食肉眼，話淋D，咁就每種都要啦，之後男友又說想食帶子，店員就介紹左一隻北海道刺身級2XL帶子，真的好大隻！最後店員更介紹左隻澳洲甜餐酒，一於試一試。2寸咁厚的牛排，一般我之前都是用慢煮的，但店員話每邊煎2-3分鐘，再焗10分鐘，除了可保留肉汁外，肉質亦會比慢煮好，所以就試一試，prime級果然肉味十足，肉汁飽滿，唔洗慢煮都夠淋，一落鑊煎已成屋牛排香，皇太后食後非常欣賞！隻2XL帶子，我每邊煎一煎再配沙律菜食，帶子煎過非常香，外香內鮮甜，男友一路食一路讚～！

約咗幾位朋友house warming，諗住整西餐，平時多數會在大埔名店入貨買材料食材。今日咁啱去apm睇戲，聽講話觀塘區好多工商廈都有賣靚食材的鋪頭，search 咗附近呢間進材，近近地就上去睇下。上到去唔知老闆定經理非常熱情招待，好細心介紹各款食材，也分享了自己的煮食心得，氣氛相當自然愉快，絕唔會黑面或迫人買嘢。傾咗一輪，我也揀好了，買咗兩件各兩寸厚的西冷和肉眼，大約$5百幾，一盒北海道刺身級特大帆立貝$428，一支甜品酒。煎焗西冷/肉眼，煎前兩個鐘在雪櫃取出解凍，至軟身最好接近室温，灑上岩鹽就可以煎喇，因為非常厚，每邊大約煎兩分鐘至脆面，再放焗爐焗十幾分鐘，就食得😋肉眼有少肥，肉質非常腍，輕輕用力就可以切開；肉味比平時買開的濃。西冷一向都係我最愛，這件肉味好濃，肉質結實唔會韌，有少咬口；除咗烹煮功夫，食材的質素也很重要呢！帆立貝雖然係刺身級數，但今日想食煎的。用少少牛油起鑊，張解凍後的帆立貝，灑少少鹽兩邊略煎香，半生熟就可以了。帆立貝肉很厚，北常鮮甜，用牛油煎都唔會搶過鮮味，肉質也非常彈牙。我諗下次都會買這個牌子的帆立貝了，質量真係非常好，我到現在還回味緊😋😋

今次去買返d食材返屋企玩煮飯仔，去到店鋪有張牛既解構圖。環境裝修以工業風格，除左有肉類之外，仲有魚子醬罐頭同酒類。好多選擇，真係樣樣都想食，食材又大又吸引。最後揀左5款。甲羅燒($88/pack)，共3隻蟹膏蓋，我加入左鵪鶉蛋攪拌再去焗，好濃郁蟹膏味，超香，簡直係蟹既精華所在。美國肉眼扒10安士($228/2塊)，煮至7成熟，肉質好腍，牛肉味重，而且好大塊，平均每塊$114好抵食。熊本霜降一口牛($78)，配左蕃茄意粉一齊炒，牛粒唔會過韌，岩岩好，一粒一口唔使切真係好方便。牛勒條($58)，份量超多，薯仔紅羅白炆牛勒條，一樣炆得好腍，因為帶有少少筋位，食落口感有d似牛腩。龍蝦尾($88)，生既時候望落肉質已好通透，將佢開邊加芝士拎去焗，賣相好靚，肉質爽口彈牙，而且厚肉。

Friend of mine suggest this small shop to me, he knew I’m a meat lover and only go for high quality meat.Ordered their signature IBP steak (both Rib-eye and Sirloin) and Japan 2L scallops via WhatsApp, special request 2 inches cut for the steak. Order delivery to my home after 2 days with cooler bag, cooked one rib-eye (black and blue) and one sirloin (medium rare). Quality was good and for that price; it really a good deal!! From my personal opinion, if you cook the steak right, the quality

朋友同我講話上網搵到間質素非常唔錯，而性價比超高GE急凍食品公司，而且仲要係觀塘，叫我係每個月GE紀念日GE時候煮餐好GE俾男朋友食。諗左兩諗，表現係我賢良淑德GE一面確實係一個好提議XD。店雖然唔大，但感覺上食材都非常之高質。除左有急凍食品之外，仲有D免治牛、沙甸魚、魚籽醬、果酒等俾你選擇。由於姐本身都唔係太叻煮野食GE人，所以簡左D低級LV GE野去食，埋單都係$500內，確實幾抵！真炭烤燒雞腿肉串，一包12串，叮3-4分鐘就搞掂，輕鬆無難度，我諗除左可以征服小朋友之外，仲拎黎等係度怪叫話肚餓GE男朋友冷靜一下XD。肉串肉與意外地滑嫩，醬汁亦都非常夠味，男朋友見有野食即刻無哂聲乖乖係度等食。西班牙黑毛豬2大塊，先解凍左之後，再俾左少少鹽去調味，再落鑊煎，同平時食GE豬扒唔一樣，肉質軟身好多而又唔會好多肥肉，唔會實丁丁，再加埋牛酒同少少香草，簡單又好食。買左一口牛黎煮，先將薯仔炸過後，再加上蜜糖同一口牛放入焗爐焗幾分鐘，超正！蜜糖令到呢道菜生色不少，薯仔因為炸完所以卜卜脆再加埋蜜糖果種焦香輕甜，非常好食，一口牛非常有牛味而有口感，入口無肥膏，係蜜糖GE加持下，更加風味十足，下次如果再

朋友推介『賣肉求榮-進材急凍食品』 ，知道該店舖專業銷售世界各地高級食材，全球直運，並以合理的價錢提供最優質的食品，讓所有食家以快捷方便的途徑訂購美食。今次我哋亦都唔執輸，為咗準備屋企搞party，我哋都選購左唔少牛扒等凍肉招呼朋友。原來賣肉求榮-進材急凍食品都有各式各款凍肉、海鮮等任君選擇，實在太多花款，每樣都想試吓！喺門口見到一條圍裙好得意。但係估唔到佢哋嘅西班牙黑毛豬扒咁平，都只係$58，好鬼抵食呀！返到屋企煮嚟食，估唔到豬扒一啲都唔鞋，反而肉質好爽口，又幾新鮮喎！然後我們揀選了顏色非常鮮紅的Precious 澳洲M6和牛肉眼扒，有我手掌咁大塊，驟眼睇牛的條紋非常平均，相信食落去一定好飽肚好滿足，可以當一餐食，出去餐廳食都冇咁平！除咗肉類之外，還有帆立貝及銀雪魚扒都好大件，好吸引呀！最後我哋掃貨掃左$1000左右，店舖非常體貼，附以冰袋裝住食物，還有冰塊可以把凍肉繼續保鮮，攞到返屋企依然可以保持溫度，夠晒貼心！

平時都成日出街食，好少會係屋企下廚，心血來潮今晚想食牛扒，就去一啲上樓凍肉急凍食品鋪頭掃下貨先。進材急凍食品店舖位置方便，容易搵到，一出電梯已經見到鋪頭，行入去原來有好多林林總總嘅急凍食品售賣，擺放整齊企理。店員隨即向我們推介不同國家的牛肉，當中有美國、歐洲同埋日本等產地，最鍾意食肉眼部位嘅我隨即選購了日本A5肉眼牛扒，驟眼睇牛扒半肥瘦，條文非常平均！返到屋企煮嚟食，兩邊煎唔駛一分鐘就食得，牛油一邊煮一邊滲透出來。食落去牛肉肉質鮮嫩，點小小海鹽Pink Salt 一齊食🧂 ，已經好夠味！大愛！另外還選購了日本的熊本霜降一口牛、黑毛豬扒以及澳洲和牛等。還即場試了店員推介的罐頭牛肉，只需要放入微波爐叮就可以即刻食得，口感好軟熟，食到一條條牛肉絲，又幾滋味！相信嚟緊嘅日子我一定會再去幫襯！