進材食品

營業中

休息中

今天心血來潮，點影，想搞個自家煮嘅情人節大餐，選咗間工廠大廈嘅肉店，真係冇令我失望！首先，個prime ribeye牛扒嗰肉咬落去外層煎得金黃爽口，裡面又保持得嫩滑，啖啖嘅肉汁同肉香充斥口腔，正😋！咸香得嚟又唔腻，連家陣講緊都仲想多嚟幾口。再講下嗰魚子醬，簡直係奢華嘅代名詞啊！一開蓋就飄出陣陣海鮮味，輕輕咬落去，鹹鮮味道配埋toast，我真係話都講唔出，幾好味架！🥂最後嗰自家煎嘅北海道帶子，啱啱好嘅火候令到每粒帶子外焦內嫩，咬落去彈牙同埋爽口，甜美嘅海洋味道令人憶記猶新。總之，今次嘅食材選購經驗實在係得意㗎，自己喺屋企都可以整出嚟高級餐廳嘅feel，下次仲一定會返去搵佢哋買嘢，簡直係煮食好幫手！🍽👩‍🍳👨‍🍳

太可怕囉，$28兩大塊急凍豬扒，一個唔覺意買咗五包囉！$68一大班牛肋條，$30隻春雞，$78無激素雞柳，好興奮咁買咗好多，但搬返屋企搬到死下死下！不過上次食過阿媽煲果一大煲蘿蔔炆牛肋條，又淋香又好味，又覺得辛苦啲都抵！上次買嗰包回家，同阿媽講$68，佢已經話好抵，點知炆出嚟咁好味喎，唔知係我阿媽廚藝高強定係本身條牛肋條已經係好嘢，所以咁好食！買埋大包雞皮，喺外面好難搵到㗎，加蜜糖海鹽放落氣炸鍋炸到脆，一流！

平常返工比較忙除了新鮮的食品外，也需要為雪櫃添置一些雪藏食品已備放工後，可以食用。買雪藏食品除了去超市外，也會選擇一點比較高級的，今次在網上看到這間凍肉店買，性價比高，下次可以再來。一口牛，一大包也不到一百元， 輕輕用鹽和胡椒醃一醃，炒一炒，不用太熟就已經可以食了，非常方便，牛肉汁保存得好，而且不會太韌，正。平常街市看到的龍蝦很貴，這個龍蝦尾雖然很細，但是價錢也只是68元，上網查一查食譜，先煎了龍蝦尾再用芝士汁煮，龍蝦肉爽又有鮮味，只是自己煮得稍熟，下次生一點更好。西冷牛扒兩塊200多元，價錢不算太貴，由於是美國prime級的牛肉所以其實很抵吃。用平底鑊兩邊煎一煎，各煎兩分鐘，再加一點即磨黑椒，有一點筋的高級西冷牛扒這樣就已經很好吃。這個牛肋條很抵食，58元大大包，我沒有一次煮晒，因為一個人食，煮了三分二，也要分幾餐食。便利店買了一支小紅酒只是10元，加上薯仔、甘筍、紫洋蔥、蕃茄、意粉，就煮出了紅酒牛肋條，味道很香濃，牛筋軟腍得來有點口感，正。

牛肋條來自巴西，五十八蚊就已經有1kg，真係非常抵食仲有黎自不同國家既和牛西班牙黑毛豬竟然係賣緊二十八蚊兩塊，呢個價錢可以係邊度搵呢度仲有酒同唔同既罐頭小食老闆仲好好咁俾我試食左幾條，果然肉質滑流，一d都唔腥，d油就係橄欖油，真係同平時食開既唔同，友人本來都唔鍾意食，結果忍唔住都買左兩罐，而家仲做緊五十蚊兩罐老闆仲話買夠六百蚊就邊度都送，佢話遠至長洲都送添最後我買左可以解凍後就生食既帶子兩隻龍蝦尾我先起龍蝦肉，再將龍蝦肉斬件，用九菜花炒勻便可而龍蝦殼再落鍋爆香，再將龍蝦殼同冬瓜粒，蟹柳絲、帶子粒滾湯，咁就可以極鮮味既海鮮湯啦而帶子我分別試左解凍生食，當然就鮮甜極至同落鑊微煎既方法外層輕煎至金黃色，內裏仍帶少少生既感覺

成日出街食飯食到口都寡曬,又想特顯我有幾 賢良淑德,所以要親自下廚,而濕漉漉既街市容易俾人揾笨就是令滿腔熱誠想煮飯既我 卻步嘅原因,朋友就叫我去凍肉鋪試試,幫我揾左幾間格調幾好既鋪俾我揀,我就揀左呢間.係揀選食材時,十分舒適,環境整潔,分類清晰,我就揀左羊架同豬扒,因為朋友話材料優質,呢兩道餸好難整得唔好🙈我翻到屋企上網睇過食譜,照份量 醃製,再簡單煎至7成熟剛放上枱就被清空,獲得的評價係買得幾好,好新鮮,好嫩肉質唔錯,既 一致好評, 但冇人敢談及我嘅 廚藝🙈經過今次煮餸嘅大成功, 我有少少驕傲, 到時我部份豬扒有少少煮得太耐,但豬厚實既肉質,有雪味同新鮮, 為我唔使畀人批評我嘅廚藝🙈 今次係好個好好嘅煮餸經驗, 下次都會再嚟, 再煮好嘢畀屋企人食

Japan Sashimi scallop L $368數過大約20粒，刺身級帶子所以解凍可即食。我自己鍾意加牛油微煎都好香口。雪係雪櫃度，有心情可以煮個西蘭花抄帶子，加d魷魚圈同魚片，用xo醬調味煮到出坑紋便可。西蘭花就加鹽加糖煮煮再抄都好夠味。今次只係用左三粒帶子。Diced waygu $68熊本一口牛一口和牛，解凍後加蒜蓉蔥片同蠔油抄香。和牛好林，呢個只係用左約四分一既份量。好抵食。第二餐就加蘆筍抄，同樣好食。有根位既牛肉粒我都好鍾意食牛肉片想簡單自製越南牛河，於係開左包牛肉片。落水拖半分鐘便可食。再用個湯汁加蔥同蕃茄等，加香料同青檸就煮成個牛肉河粉。好開心一家大細都好鍾意食，因為個牛夠林。食落又唔肥。下次打邊爐煮都好正。自己煮抵過出面食好多。Spanish pork chop $28 2pc呢個價錢真係平到唔信。豬肉必須煮熟，我加左少少水，煮時調味。簡單地已煮出勁juicy 豬扒。 USA IBP prime sirloin $228呢個西冷係我敗筆之作，因為未解好凍。出面煎得濃入面就少少凍，但家人話好食食。我覺得我可以煮得更好。因為牛同豬只係食一塊，如果有獨立包裝係煮食同

常聽人說外出食飯無益，皆因食材經過味精洗禮後，營養價值已大不如前， 所以這天就帶到觀塘樓上凍肉店，買食材自家泡製。 店名很特別「賣肉求榮」，玩味十足，而店內出售多種急凍的鮮食材。  和肉、羊架、豬扒、甲羅燒、三文魚、元貝，應有盡有，最重要是價錢貼地。購物後，店主會主動奉送乾冰及保冷袋，服務窩心。 我買了甲羅燒來試，店員還表示焗香後加點清酒及生鵪鶉蛋，味道會更好。 蟹膏入口軟滑甘香，蟹味濃郁鮮甜，吃後不會有膩滯感。 牛扒  大姐家天台有網燒爐，牛扒就由她負責，牛扒脂肪比例剛好，先將肉扒以鹽、香草及黑椒略略醃製，再以牛油起鑊煎香，簡單方便。 牛扒很美味，油香豐腴，肉汁豐富，口感鮮嫩，牛肉味突出，推介。 三文魚  三文魚的價錢雖然比坊間貴，但就以質量取勝，而且做法超簡單，只要將三文魚以鹽、黑椒醃好，再加入香草及檸檬，放入焗爐就可以，非常適合上班族。這款三文魚的味道果然與一般的不同，魚味重，而且肉質超嫩滑，甘香鮮味，難怪店主大力推介。 進材食品  觀塘興業街23號寶業大廈3樓B12號舖

近期鐘意試下番屋企煮野食😛，但係由於廚藝都未到家，😂所以都會選擇d 簡單嘅菜式。🧐朋友介紹觀塘d工廠大廈有好多平野買，食材都有，所以最近都好鐘意行下，🥰當百貨公司咁行。😍上星期俾我發現到呢個凍肉店，好值得推薦！👍🏼佢賣嘅野食除左種類多外，食材都好高質，價錢亦唔貴‼️😂其實我揀個陣都驚自己煮唔掂，❤️但店員勁好耐心話我知好多煮食步驟，技巧等，又教我點揀！😊😎我今次買左d 我呢d煮食bb班嘅人都handle 到嘅野食！⭐️北海道帶子（可生食）😋解凍就可以食了‼️佢有大size 同超大size 揀，揀左個大size。好鮮甜，同出面高級日本餐廳有得比，👍🏼勁方便，解凍之後就食得。家中老人家唔食咁生嘅，所以我就幫佢落左牛油煎下佢，都好食，佢又夠厚肉。但我覺得我都做多左，其實就咁輕輕煎下就夠了。😋⭐️宮崎A5 和牛🐮🤤煎完已經好香！我覺得我煎得有點過時，因為佢係薄身，但係都超級好味‼️我話就覺得煎耐左，但食落都仲係好林，🔥因為本身佢個牛脂分佈都好好，仲要香牛味，有食過和牛就知我講緊係個隻香牛味。😋不過我都覺得我畫蛇添足左，係唔需要落調味料‼️

放長假係屋企玩下煮飯仔，買開焙培食品既朋友介紹我呢度買急凍食品cp值高。於是走左個轉，買了心頭好。店鋪企理乾淨選擇不少，有豬，牛，龍蝦，帶子，魚子醬。買左塊澳洲和牛m5 wagyu 肉眼170g $178比起日本超市買平成一半。放假日，買左d蔬菜（泰國茄，西蘭花，紅蘿白）煮好 ，整左個薯蓉，把牛肉解凍。個真室包裝令舊牛可以貼住水咁解凍好方便，唔似平時要連包裝盒一齊浸係水度。 再加個透明保鮮貼，輕輕一拉，成舊牛拎得去煮，比起平均要雙手打開保鮮紙更方便。燒好個鍋，加牛油，煮一陣，已有牛香。望住牛脂肪溶化，就知舊牛3成熟了。 切開好林，係口中化開，但冇麥牛味，所以煎熟d就香d, 煎生d就林d。 睇你想要邊種。。煎到變金黃就7成熟。調味就加左少少鹽同胡椒粉。USA black cod $78因為小朋友鍾意食魚，所以平時從不煮魚既我，第一次煮。我都唔清楚要唔要加水煮，但我第一次煮就反轉得太多次，變成個魚皮甩甩地，同埋食到中間好軟，好重魚味。因為煮俾小朋友食都係全熟好d, 所以我再煎多次，煮到d肉既坑紋出哂黎，就得喇。調味就加左胡椒粉同豉油，同蒜蓉。小朋友食哂但唔肯食配菜。個包裝同牛一樣都係好易解

觀塘多食肆就出曬名架啦！ 但今日竟然俾我地發現凍肉都有得賣架 真係勁方便！ 就係我翻工附近炸~ 買完拎翻屋企學煮下先~西蘭花炒一口牛牛柳粒牛味極重！ ！ 而且油脂分布得啱啱好 ~ ~ 細細粒只需要每邊煎一陣就食得 對於煮嘢食唔太叻嘅我來講都覺得好簡單 蘿蔔炆牛肋條 呢個真係值得一試！ ！ 又係一道不太需要技巧既餸菜 買條蘿蔔 同啲花椒八角一齊炆 牛肋條愈炆愈淋身~~ 完全係好過出面食個d 蘿蔔都吸哂d味高質既食材個然不同💕鰻魚條真心帶飯一流！ 完全不需要開火及調味 鰻魚十分滑身仲要係無骨 叮幾秒就可以開餐！！

如果要數買凍肉好去處！樓上鋪一定係口袋名單👍🏻👍🏻點解因為租金平啲囉🤗今日我就走咗上觀塘呢間食材店買靚靚嘅牛肋條同埋雞串～～大家可以見到牛肋條咁大份～而且顏色靚靚！雞串大大包都係$68！決定都要買啲嚟試吓先得⋯⋯雞串最方便嘅做法～一定係煮飯嘅時候放落電飯煲🤗🤗煮好飯之後撈埋一齊就食得啦😝正宗連汁都撈埋～可以食三碗飯添啊⋯⋯牛肋條我就用蘿蔔炆，嫩滑又Juicy！推上蘿蔔唐芹～湯頭鮮味絕倫，清甜清甜🤤牛肋條入口即溶！好正啊

經過開觀塘放工決定係買啲和牛獎勵下自己～上到去裝修非常之美麗同有特色！收銀上面仲貼左張牛寫真～寫晒成隻牛所有嘅部位😆完全一目了然購物完成之後靚靚姐姐仲會幫你包裝好放定冰袋～貼心程度100分首先我就買咗和牛粒～貪佢一啖一粒容易整！跟住決定就買大大片嘅豬扒⋯⋯非常抵食$58就有兩塊啦⋯⋯仲要係黑毛豬添😳😳😳和牛粒首先我用牛油將蒜片煎香跟住之後落牛整至七成熟～下面再加少少蘆筍😳😳😳連一向嘴刁嘅老婆都讚好～和牛入口鬆化！口感細嫩～食完一粒又一粒👋🏻👋🏻豬扒肉味香濃～普通煎香已經表現出色！完全冇雪味！😍最啱平時擺喺雪櫃看門口

最近新屋入夥佢哋去觀塘買啲靚嘅食材放入雪櫃！實行煮餐大餐俾老公仔食～呢間凍肉店位於觀塘工廈之中由於租金相對便宜～所以價錢亦都非常吸引！你入到去我就比一大櫃牛肉吸引！分別有唔同部位同埋價錢～人妻就揀咗precious USA 西冷～同埋買咗超抵食嘅黑毛豬扒！！即晚已經煮咗個大餐😘西冷（$198 兩塊）我就係咁用煎pan用牛油煎香！食前再灑上玫瑰鹽～油花分布均勻！肉味濃～咬落去嘅時候有口感👍🏻而且超大塊抵食抵食～黑毛豬扒（$28 兩塊）咁啱做特價所以真係平到傻咗！靚嘅豬扒只要加少少鹽已經好好食！不但肉質軟腍，肉汁亦豐富！再配上少少黑松露意粉一餐中產嘅西餐就咁樣完成啦

觀塘好多工業大廈架 ， 但系大廈入面有林林總總不同既行業鋪頭 餐飲等 ..... 我緊系最關心美食啦 近期我就發現左呢間好高 CP 值既凍肉店 入面全部都系進口食材呀 ！！！！ 種類都幾多下 主要牛肉居多 。揀完就放入冰袋 歸家啦 ！！帆立貝 $308 1kg 帆立貝都幾大粒下架 一盒大約20幾粒 ，生食我分左原粒同切片 食落勁鮮甜 夠哂厚身 肥美 留返少少下次煎嘢食先 肉眼扒 $228 🥩🥩🥩 牛排🥩夠厚身又大塊 煎既時間相對耐少少 ， 半生熟既狀態最好食 帶少少紅 ，牛扒食落好有口感 一啲都五柴口 牛味相當重 。

話說最近家人成日想自己試下焗龍蝦🦞上網搵過好多間凍肉舖 見價錢合理~又方便泊車 🚗🚗 一於過去睇下佢地d款齊唔齊先啦- 北海道帆立貝 🍴而個係可以一貝兩食架 屬於刺身級別既帆立貝新鮮當然就不在話下啦！ 仲要係大大粒 big size 架👅👅用食用水浸一浸~退冰後就可以點醬油黎食架啦完全係滿足左視覺同味覺唷 如果唔食生既話可以每邊煎十秒中左右 ！又係另一食法 真係可以一次滿足兩個願望架- 龍蝦尾 🦞🍴家人最想自己試下煮龍蝦睇下成唔成功今次就一於滿足下佢地啦！ ！ 買龍蝦尾真係超級方便處理~~ 打開沖沖佢 再放上蒜蓉 牛油 香草 芝士 👅👅 估唔到簡簡單單又幾好味雖然係急凍 但係真係十分十分鮮甜！ ！ 而且龍蝦肉質地十分結實~ ~ 最重要既係一定要加芝士喔！！加左芝士簡直係錦上添花