逸之燒 (已結業)

見到好多好評嘅呢間日本🇯🇵料理，見唔駛等位即管試吓係咪咁高質。有壽司🍣刺身，燒物炸物，雖然選擇多，但價格亦唔平，可惜感覺性價比同樣唔高，唔太有滿足感，究竟係什麼一回事呢？🤔———————————————————————————🥢銀鱈魚西京燒🐠💬想不到只有得半份嘅大細，雖然味道都係唔錯，但感覺唔太爽🥺.🥢串燒牛舌🐮👅、墨魚🦑💬試試串燒嘅水準，正常口味，感覺算是不錯🤔.🥢吞拿魚腩蓉手卷、壽司🍣💬賣相一眼看出感覺，只點咗呢幾款試試看，但無再叫第二輪，好似可以更好🤔.🥢牛肉鍋壽喜燒🐮💬只有眼見嘅四片牛肉，配料其實唔算好豐富，菜🥬、豆腐等只有少量，與價錢唔成正比🥺

餐廳既裝修已經睇得出花過心思居酒屋設計外表極日式 簡約又華麗估唔到原來都幾多清酒選擇 食物盲刺身 燒物 沙律 炸物都有雞泡魚干比較特別雞泡魚干燒完唔會好乾仲保留到魚鮮味明太子雞翼雞翼外表 但入邊係明太子 燒得好香 唔會濃到黑色 真係要襯熱食一上碟就要食佢鵝肝多士呢個少見, 好似好吸引, 見到格離台有人叫, 聞到好香我地都叫左, 佢係一口多士, 細細塊, 配上鵝肝即時豪華左

今日工作關係，黎到元朗逸之燒，環境又真係可以令人感覺去左日本咁，所有佈置都有置身當地的感覺，而且座位闊落，非常唔錯。坐左一陣享受完環境開始就叫野食第一道菜 燒鱈魚片$25，口感好脆，咸咸地好入味，鱈魚味碎入脷面，用黎送酒簡直係一流！第二道菜式蟹籽沙律 $58 仍然係前菜，我地最鍾意食既，份量適中，賣相不錯，青瓜絲佔量較多，蟹柳絲比例多點更佳😋，🥒始終都係沙律做前菜開胃第三道菜式二人雜錦刺身盛 $298整體都好新鮮，令嘴巴最深刻應該是天使蝦刺身和鯰魚刺身，啖啖肉好肥美，鯰魚就鮮甜可口。第四道菜式廚師推介 . 火炙左口魚裙邊壽司 $28第一次食到這種感覺，應該是即叫即燒，入口還是很暖，不似平時食開的，感覺好新鮮〰️〰️〰️〰️〰️〰️〰️〰️〰️〰️〰️〰️第五道廚師推介 七味雞皮餃子唐揚$58，依個真係幾正，皮脆肉嫩，味小甜，微咸，值得推介〰️〰️〰️〰️〰️〰️〰️〰️〰️〰️〰️〰️第六道廚師推介 豚肉紫蘇廣島豪串$38很有紫蘇葉香味，鐘意食蠔同甜既朋友一定會愛上第七道炸軟殼蟹$58，酥脆炸蟹，價錢合理最後一道菜和風炒雜菜 $48食左咁多肉，用返個菜埋尾清淡的菜上面放了柴魚片吊味，一咸一淡，味道好平衡👍🏻整體來講，以食物新鮮度5

聖誕節當然要同朋友見下面, 朋友介紹話呢間居酒屋食物選擇多, 價錢大衆化朋友先嚟一杯Suntory生啤, 鬆一鬆先前菜: 和風魚生沙律刺身好新鮮, 包括魚生和帶子角切, 加上清新爽脆沙律菜、青瓜粒同蟹籽,配埋柚子醋酸酸甜甜, 吃起來開胃吉列蝦芝士反卷炸蝦卷炸得香脆,蝦身又爽口,啲飯好軟綿見到個廚師推介,叫咗2串食吓豚肉紫蘇廣島蠔串薄薄豚肉包住好香嘅紫蘇葉同蠔, 味道特別亦襯托出蠔嘅鮮味 鹽燒豚肉荔枝串豚肉捲住荔枝串, 咸甜對比更顯荔枝甜美, 果香味突出安格斯牛小排天氣咁凍,最啱食呢個熱辣辣牛肉鍋。牛肉鮮嫩輕輕一灼就熟,湯底清甜, 鍋內有椰菜、豆腐、金針菇等…好足料蟹籽炒飯炒飯炒得乾身,入面有不同種類海鮮粒,面頭仲有一大堆蟹籽,卜卜口感吉列紫薯栗餅外脆口內香軟,粒粒粟子碎,好有咬口又唔會太膩, 勁好食Affogato 雲呢拿雪糕加上濃郁咖啡, 在冰火交融下溶為一杯香濃超滑的甜飲, 好易入口,啱晒咖啡新手,也為這頓晚餐作完美句號

又到聖誕，本身今日喺Yoho行完街，想搵嘢食，先發現原來商場好多間都食過，行返落去雞地有呢間日式料理叫做逸之燒，望入去，質素好似唔錯，主打係串燒，就試下串燒5花腩串燒到了，果然無令人失望，燒得香口得黎，鎖住肉汁，直頭係爆汁，小心熱啊，另外佢哋仲有啲串燒係肉加車厘茄或荔枝，出奇夾，香肉加上酸甜juicy 嘅水果再來係魚生壽司，我分別叫左油甘魚，三文魚，帶子，鰻魚，全部都好鮮甜啊大家聖誕新年呢排出街都可以試吓呢間好味嘅居酒屋

叫咗好多爐端燒，有鹽燒豚肉菠蘿串，豚肉好Juicy,菠蘿好鮮甜！仲叫咗芝士啡菇，燒得啱啱好，啲芝士有啲拉絲，咖啡菇都好juicy!!加州手卷，紫菜好脆，材料新鮮！三文魚腩刺身，識落好滑好肥美，好新鮮！時令生蠔，好新鮮，而且冇沙，亦都唔腥！汁燒蒜芯串，燒得啱啱好，外面有啲脆，裏邊亦都好林！帆立貝刺身，好新鮮，好肥美！玉子壽司，玉子甜甜的，好香蛋味！三文魚子壽司，啲魚子脆卜卜，好新鮮！日式薄餅，燒得啱啱好，邊邊有啲脆，口感豐富，中間好多材料，而且份量啱啱好！大蔥五花串，大蔥爽脆，豬肉好juicy,肥瘦適中！汁燒安格斯牛肉村，有好香嘅牛味，而且啲汁亦都唔會蓋過左牛肉嘅鮮味， 配合得啱啱好！仲叫咗一個汁燒月見免治雞肉棒，個雞肉棒好爽脆，裏面有少少雞軟骨，加上有啲新鮮雞蛋，令到成個食物口感更加豐富！最後仲有一個汁燒鰻魚串，啲魚好滑，而且燒得好香！

想食好耐既一間餐廳~聽過好多朋友介紹終於抽到時間約埋男朋友一齊入元朗食餐廳門面已經好有特色~行過見到都會想入去裝潢簡單得黎但唔會單調~牆壁都掛有幾幅日本特色既壁畫Drink Menu好多選擇~~由其清酒 鍾意清酒既朋友一定唔會失望！廚師推介既菜式十分優惠～火炙左口魚群邊壽司／油甘魚壽司火炙左口魚群邊壽司油脂豐富！入口即溶～食完成個口腔都好香油甘魚好新鮮，口感好豐富～而且無根三文魚腩刺身大大件非常厚～亦都好新鮮適當既脂肪令到口感一流～食完仲有少少飽tim原條燒魷魚上盤時已經非常吸引，加埋醬汁燒睇見都覺得惹味食落當然唔會失望，魷魚爽口彈牙非常新鮮，加埋醬汁令到味道上除左鮮味都會食到其他味～豚肉紫蘇廣島蠔串蠔好新鮮呀！完全唔會腥而且非常Juicy，紫蘇既味道好特別，配合豚肉同蠔真係一流！鹽燒雞翼／串燒菠蘿鹽燒雞翼大大隻～肉質鮮嫩唔會柴～外皮燒得脆身，好味！串燒菠蘿好甜好多汁～又可以幫助解膩牛肉壽喜鍋牛肉脂肪會佔多少少，但作為壽喜燒係無問題～冬天食壽喜燒真係好正呀～食完個人暖粒粒Ｄ湯仲可以拎黎當泡飯咁食～超正呀！菠蘿雪芭食完成餐飯，最後當然叫返個甜品作為一個完滿既句號啦～依個菠蘿雪芭真係好驚喜

今日早收工，心血來潮想食串燒！因為之前已經同朋友食過位於雞地間逸之燒，印象中都唔差，所以二話不說就再去幫襯。晚上6點左右入座，我哋係第一枱客，所以2個人可以坐個4人位都好舒服。串燒主要都係分為鹽燒系列、汁燒系列同蔬菜同海鮮。打頭陣係雞泡魚乾，配上蜜汁燒，燒得唔會好乾身，因為坊間有食肆真係將呢味菜燒到乾柴烈火咁，所以呢碟係水準以上。鹽燒方面點選咗五花串、豚肉荔枝串、牛脷串：五花腩脂肪同肉嘅比例係5050，脂肪食落非常香但唔油膩。我最愛嘅豚肉荔枝串，再食嘅感覺依然一樣好食，鹹中帶甜。至於汁燒就揀咗豚肉蘆筍串、安格斯牛肉車厘茄串、安格斯牛肉大蔥串、茄子串、安格斯牛肉金菇芝士串、月見免治雞肉棒：咁多款入面我比較喜歡車厘茄串，因為車厘茄嘅酸甜可以完全中和到燒汁嘅鹹味，值得一試！另外仲有叫咗銀雪魚西京燒、炸軟殼蟹、牛油蒜香翠玉瓜串、燒飯團：值得一提嘅係燒飯團，外面燒得焦香，咬落香脆可口，份量對兩個人嚟講絕對適中。其實餐廳都有其他日式食物，包括刺身、壽司、鍋物等等，不過始終區內真係少日式串燒店，所以我嚟到淨係食串燒，有機會的話會再試埋其他款式！

環境有正宗居酒屋氣氛感覺，食物種類多，難得地價錢相當合理😍好耐無食過認真主理嘅日本菜🙂皇帝蟹炒飯($128)••••••原個蟹蓋上嘅炒飯❤️超級香😚脹卜卜珍珠米炒得乾身，粒粒分明，好足料，除左蟹肉，仲有蟹膏添！好食💯安格斯牛小排壽喜燒($158)••••••鍋物係小編最愛之一🥰明火保溫嘅牛小排壽喜燒，靚牛沾蛋汁食，甘甜滑順😛配料包大蔥、菜、豆腐、金菇汁燒魷魚筒($88)••••••CP值高✅ 魷魚🦑大條厚肉，肉質彈牙又易咬，燒汁帶些少甜味，加上一點燒魷魚嘅香味，好夾😌茶碗蒸($26)••••••熱辣辣新鮮茶碗蒸內餡有蟹柳、冬菇、帶子，食起嚟保持鮮甜+軟嫩口感，滑溜🤤汁燒月見免治雞肉棒($38)••••••串燒出場❗️ 加入照燒汁烤熟,，香脆外皮加上軟骨嘅爽脆咬口😋沾蛋汁食令焦香更突出更有層次，非常享受☺️芝士啡菇($30)••••••拉絲芝士不敗🥳喜歡大啡菇獨有嘅濃郁香味，燒起嚟亦夠多汁juicy日本迷你番薯仔($23)••••••一貫香甜軟糯👍🏻黑糖梅酒冰淇淋($58)••••••Menu見到就已經覺得好特別😜一定要點！帶點玩味自己倒酒落香滑雲呢拿雪糕，黑白配，入口酒味好濃郁好出，估唔到兩

與元朗友人晚飯，揀左間門口裝潢好日式的居酒屋。店內環境唔錯，食物亦無令人失望，座位寬敞舒適，放鬆心情串串燒。蟹籽沙律 $58青瓜去皮切絲粗身爽口，大量的粒粒蟹籽蟹柳絲唔多，撈埋開胃的沙律醬簡單美味。七味池魚仔唐揚 $38池魚仔大條香脆惹味，好多條依個價錢超抵食，私心推介一定要試。炸沖繩芝麻雞翼 $48雞皮炸得香口，內裡雞肉保持肉汁，水準不俗。銀鱈魚西京燒 $58魚皮香口富油脂，魚肉嫩滑不過有細骨，配以蛋黃醬更加甜滑，汁燒豚肉金菇芝士串 $24金菇終於遇上豚肉，啱晒唔食牛的朋友。佔上美味燒汁的豚肉捲住細嫩清爽金菇，正。汁燒大蔥串 $20大蔥不太粗身，塗左薄薄燒汁，味道甜美。鹽燒豚肉鵪鶉蛋串 $26鵪鶉蛋香，被鹽燒豚肉包住都幾有口感。鹽燒豚肉荔枝串 $26豚肉捲住荔枝燒，咸甜對比更顯荔枝甜美，果香味突出。蒲燒鰻魚 $98鰻魚都大條，切成五件，燒汁濃郁鰻魚肉質Q彈緊緻好味。燒松葉蟹膏 $188手掌咁大的蟹殼，佈滿香濃嘅蟹膏和絲絲蟹肉，放在石爐慢慢燒，配以多士熱住食，充滿櫻花樹下幸福的感覺。

又去元朗食逸之燒，呢間係我好鐘意嘅日本餐。我地一口氣叫左幾樣壽司、刺身。先黎三文魚腩刺身先，因為係魚腩嘅關係，所以好肥美，而且每一塊都好厚切。磯煮鮑魚刺身好稔好彈牙，都幾驚喜，下次會再叫！最後係海膽花之戀壽司，海膽都幾新鮮幾creamy，好好味。燒鵝肝多士，燒鵝都幾厚幾肥美，入口即化，多士烘得好脆。沖繩網燒鮑魚仔燒得幾香，可以再encore呀！鹽燒豚肉荔枝串係每次黎都必叫嘅，荔枝好甜，夾埋豚肉一齊食可以幫手消左肉嘅肥膩感，正！鹽燒日本赤雞心串，一串有4粒，爽口彈牙，加上少少燒汁好吸引。鮮菠蘿串係我嘅最愛，菠蘿好甜好多汁呀，加上燒到好香，我後尾仲嗌多左一串呀。和風炒雜菜同芝士年糕係最後先叫嘅，啲菜炒得好爽口，味道唔會太濃。

放工同朋友係yoho行完街唔知食咩好，見到間居酒屋好似唔錯就入去試吓，佢Menu有好多選擇，但我哋太肚餓所以諗太多直接叫咗二人餐。先上咗個豆腐沙律同啤酒，然後好快就有刺身食，刺身好新鮮，尤其個鮑魚好甜好好味。明太子雞翼同帶子都燒得好香好好食，雞翼啖啖肉，帶子又唔會燒到太老同啲芝士好夾。燒松葉蟹膏好有驚喜，個蟹殼一大過我隻手，仲有幾塊多士俾我哋搽蟹膏食，好又蟹味，食完又唔會覺得太漏。和牛紙火鍋嘅肉肥瘦均勻，雖然未到入口溶嘅程度，但都好有牛味，即使煮耐咗都唔會好un 。因為天氣已經有啲涼，個冷烏冬我哋食咗一半，然後剩返一半放埋落個火鍋度食，試齊冷熱口味，正。可惜個set裏面冇包串燒，下次真係要過黎叫啤酒再加串燒食。

次次入元朗都最愛嚟呢度食壽喜燒記住要追加牛肉，性價比勁高成日當邊爐咁樣打，加埋個烏冬岩岩好無限覆桌之店串燒都好食，推薦荔枝豚肉，一咬落口啲汁bit晒出嚟好甜好味！

元朗係一個我曾經熟悉嘅地方，太耐冇嚟，哩度發展得好快，變得好熱鬧、好多好嘢食！今次搭屯馬線，去到元朗站附近嘅雞地覓食。哩間居酒屋嘅食物選擇好多，個人幾推介佢嘅啲熟食😋，好味！.🔸海膽花之戀壽司（$88）🔸雜錦刺身飯（$108）食熱野之前先食啲壽司、刺身。魚生幾新鮮，而且刺身同飯係分開上，當小食又得，當正餐都得。.🔸七味池魚唐揚（$38）❤️池小仔炸又香脆熱辣，每條都有好薄嘅炸漿，好脆卜卜，配香辣嘅七味粉好惹味！.🔸汁燒魷魚筒（$88）❤️好好味！魷魚大條又好彈牙！魷魚酥燒得有啲脆脆地，燒汁香甜，😋😋。.🔸土佐豆腐（$48）豆腐同木魚絲一齊炸，外脆內軟，豆腐好滑，醬汁係另外的，味道咸咸甜甜，有明顯嘅清酒味，好香。.🔸明太子雞翼（$50）❤️雞翼肥美飽滿，內餡係滿滿嘅明太子，食落咸咸地、微辣，仲有芫茜味。.🔸雜菜湯稻庭烏冬（$52）最後叫咗個好清好健康嘅烏冬，係昆布清湯底，調味唔多，所以味道好清，有好多蔬菜，烏冬好滑又煙韌。雖然佢好清淡，但我幾鍾意，而且食落冇味精。

逸之燒 逸之燒已經喺元朗已經有好多年喇，喺我心目中絕對係首席既居酒屋，餐廳入面和式裝修，乾淨企理，加上柔和既光線，非常有氣氛。 喺居酒屋，一定要點既係三文魚刺身，三文魚刺身係鮮豔既橙紅色，肉質鮮美，油份濃郁，而且富營養價值高，加上厚切既質感，食落口感柔軟但仍保持有咬口，十分出色。 雞泡魚乾，食到油脂清香，味道甜又香，口感像燒魷魚但更有鮮味，再配上沙律醬再灑上七味粉，絕對係最佳小吃，令人食唔停口。 燒油甘魚鮫，魚鮫大大件，皮燒得十分香脆，加上超厚肉，魚鮫黏著不少魚肉，非常肥美，魚油甘香，魚肉非常滑嫩，食一件其實唔太夠喉。 鹽燒墨魚仔鬚，燒得烚到好處，墨魚味香，外面少少焦香，入面柔軟彈牙有咬口，送酒小菜一流。 炸軟殼蟹，軟殼蟹本身沒有調味，上菜後撒上椒鹽或者七味粉，唧檸檬汁或沾蛋黃醬亦可以，炸粉好薄，入面唔會太乾，口感外脆內軟，十分推薦呢個小食。 炸芝麻沖繩雞翼，雞翼皮炸到卜卜脆，但入面雞肉仍然嫩滑多汁，加埋已炒香既芝麻，真係好食到停唔到口。 安格斯牛小排壽喜燒，有安格斯牛小排肉片放在上面，每片厚度適中，咬下去除了可以品嘗到軟嫩的口感外，頂級牛肉的鮮甜度及散發出來的油花，真的會讓人有種幸福