逸亭餐廳 (已結業)

有幸同openrice一班食友齊齊食buffet本來已經無乜expectation但點知仍然係失望而回食物選擇已經唔多仲要味道麻麻令我呢個好想試多d甜品既人完全無慾望食多兩轉齋同長通粉都唔夠味螺肉同帶子都係有d韌煙三文魚同豬頸肉最好味蟹味道唔差但無肉蒸魚蒸得太老西蘭花又係煮得太老紙包豬扒味道尚算ok魚肉包蝦無味甜品出左一轉後只係淨番4款紅豆蛋卷無乜味檸檬tart味道幾清新藍莓芝士餅同tiramisu比較ok

見到大家如此好評, 故決定一試.在23/9(日)滿懷希望來此店大飽口福, 唔食由至可, 一食就大感失望.魚生及生蠔唔新鮮同無味, 加上生蠔還有好多沙, 而魚生還可以食到有冰碎. 熱葷也是平平無奇, 不外如是.就連好普通的楊洲炒飯都唔可以用普通來形容, 只可以用難食呀=.=最好食還是薄荷雪糕, 食了兩大杯.用每人$170來食此店, 簡直就係浪費金錢, 我另願食茶餐廳也比它美味及便宜

見到yahoo有介紹, 價錢平又好似幾好食, 就同家姐去試下! 點知...D食物好差, 扇貝好咸, cheese cake又唔好食, 連佢地標榜既tiramisu都唔好食! 明明話有東星斑, 點知變左鯇魚, 完全係比人呃錢! 以後都唔會再去食!!

咁o岩報紙見倒張8折cupon ,見價錢合理,就走o左去食dinner buffet,間酒店外觀的確遜色少少...但上到去餐廳...地方都唔錯o丫~食物唔係話多選擇...主菜有10幾款...包括生蠔,三文魚刺身,蝦,仲有抄蟹...樣樣o野都幾新鮮好食...冇樣令我覺得難食...同埋冇乜炸o野...幾健康...另外有即叫即煮生料粉~幾多選擇...甜品有基本o既朱固力蛋糕,芝士蛋糕,雪糕,生果,糖水~樣樣都妹味~侍應超有禮貌o既招呼...令我有d 受寵若驚...仲好過香格里拉d 服務~見我企o係飲品枱前面猶豫o左一陣就走過o黎想同我倒咖啡...超友善~裝修唔係好華麗~但勝在整整齊齊...感覺幾舒服~收碟超快,又有禮服,抵讚~超抵食...食多d 生蠔同三文魚就抵返哂...我同女朋友都懷疑佢點賺錢...

I went there for lunch buffet with my family. Since I went to Las Vegus a year ago, I compare their foods with different buffets over there and I can say kinds and tastes of the food are no worse than those buffet in the Vegus. However, I found that congee cooker was so busy and he looks so stressful. I think the hotel should hire some more chiefs during the rush hours. Eldery has 80%~90% discount.

我同阿A＆5位舊同事敍舊，好開心啊．諗到想食buffet，一路都無咩頭緒．我有一日經過哩間酒店出面有張poster賣廣告，好，一於試下，價錢係我地既budget之內．我地鐵定係5月16日晚試下喇．有三文魚，生蠔，兩款壽司，好多款中菜熟食．cake有cheese cake，cream cake and strawberry cake，我幾欣賞個蛋布甸：好香滑．有一個檔攤煮麵，煮粥，材料自己挑選；另一檔係菜，青口，冬菇任客人自己配合ｄ醬料，再俾師傅抄兩抄，食得．雪糕有四隻味，杯或甜筒裝黎食：芒果，薄荷朱古力，芝麻，士多啤梨．依家做緊promotion，買三送一．

某星期六慶起想食下buffet, 見到magazine 有coupon 就黎試下啦我地大約6:50到, 已經坐滿好多人, 多數一家大細同一大班朋友gathering食物選擇唔多, salad bar (無掂過), 生蠔、凍蝦、三文魚、魚立魚刺身(呢幾款係不停refill 的, 唔洗搶)熱盤有炸朧利柳、泰式蝦餅、咖哩牛肉(硬到石頭一樣)、泰式炒蟹同瀨尿蝦(好難食...)、燒火腿(正常應該是燒牛肉吧...)，仲有d 唔知咩炒西蘭花(唔明點解西蘭花都可以難食...) 同炒粉麵飯咁上下另外有個boiling counter, 唔知食咩...好普通甜品都好普通，兼俾人搞到爛晒見唔到其他食家所講的好有禮貌的waiter......captain 大姐常黑面...overall, 就是好普通......

昨晚二人去Gazebo吃自助餐，地方不太大，但頗舒服，員工服務態度非常好，個個都好有笑容，無論是收碟或加水，都會講一聲多謝，對一些很麻煩的客人都很有耐性，面帶笑容地招呼他們，服務甚至比一些五星級酒店更好。食物大致上都很好，以$168的價錢來說，非常抵食。每人送一隻大頭蝦，很好吃。冷盆：共有十款，有煙三文魚（很鮮味），日本冷麵，俄羅斯沙律，越式春卷，等等。湯：有龍蝦湯（很好味）及冬蔭公湯。海鮮：三文魚（很新鮮），魚生，生蠔（略細，但很鮮味），龍蝦仔（很好味），青口，壽司。熱盆：有十二款，有蟹，魚，牛仔肉，炒麵（不好吃），菜，等等。粉麵檔：自選材料及粉麵，煮完再選不同的湯底，有喇沙湯等等。燒牛肉：味道很好，略嫌熟了少許。甜品：共十二款，Tiramisu（推介），Bread and Butter Pudding（推介），南瓜布甸，朱古力卷，芝士蛋糕，等等。另外還有雪糕（四款），即磨咖啡，生果。樣樣都很滿意，過了一個開心的晚上，埋單$300（VIP卡本月有8折）。

呢度既Buffet 我地時不時就會去食架啦.因為貪佢百三蚊就可以食到好似有二百幾蚊水準既buffet囉.(我地有酒店VIP卡)佢地d野食味道唔錯,款式都算幾多.熟食特別好.次次去都會見到只有2款魚生.多款壽司,龍蝦仔同生蠔.點解尋晚去無左生蠔食既?又話十月同十一月係海鮮大會.唉.少少失望添.再加上,今次又無左好好味既羊排.唉唉唉.不過算啦.甘平.侍應服務又好.每位去食既又送一隻好多膏既大闡蟹.嘩.去邊度搵啊.(台面寫住話十蚊特價既飲料,大家可以唔使飲啦)平日.148.假日168.東亞卡有8.5折.酒店VIP卡有7折.可以免費申請.

- 環境寬敞, 幾舒服, 但係冇景- 自助餐食物款式算多- 侍應態度好

尋晚同男友book左6:30系度食dinner buffet,6:30去到一個客都無,成晚都系4枱客.環境方面就相當寧靜,但感覺裝潢都頗舊.食物方面雖然種類吾系好多,但味道吾錯!好食:法國青口及龍蝦仔,creme brulee,tiramisu,三文魚及snapper魚生,芝士焗西蘭花椰菜花,紅酒燴牛尾.咖啡檸茶任飲,服務又相當之好!見我地有幾個袋,立即拉張椅埋黎比我地.原價$159,我地有coupon買一送一,埋單$192.抵到爛!

之前試過dinner,覺得唔錯,見佢哋成日出報紙八折coupon,一於試埋個lunch.熱盤:咕嚕肉(好酸),炒蟹腳,豉油皇炒麵,酥炸多春魚(炸得唔錯),炸春卷,炸腐皮卷,冬菇絲西蘭花,日式龍脷柳(上面有茄醬,都幾好味,但唔夠滑),茴香豬扒(嚡),羊肉,芝士茄醬青口(我食咗不止10隻,幾好味),日式炒飯,日式炸豆腐冷盤及其他由於我成2點鐘先去望d甜品,所以之前出過乜就唔知)意粉沙律,壽司,三文魚,生蠔(職員會問你要唔要,要會攞俾你),芝麻布甸(好勁芝麻味),豆腐布甸(豆香味),綠茶蛋糕,生果,x莓批(唔知係咪藍莓,總之好酸),tiramiu,凱撒布甸,杏仁糊,青瓜青口沙律,雜菜沙律,冷麵,人蔘海鮮批(啫喱狀,有d蟹柳,仲有其他料,但食唔出,味道麻麻),人蔘牛肉批,雪糕(今次易挖好多,有士多啤梨,石板街,藍莓,芒果),檸茶/水/啡,湯,麵包lunch同dinner會有d食物相同,我覺得不如食lunch啦,又平d,嘢食都唔少,都幾抵食吖.另外,如果你唔出聲,佢哋會收你$1作慈善用途(枱上有張卡,我無仔細睇).

前晚同朋友去賀壽,因為呢度有個星期三賽馬夜七折優惠,所以去呢度試下.先講食物...熱盤有:香辣蟹腳(好快冇晒但都有refill.雖然幾好味,不過食0個陣麻煩),咕嚕肉,炒麵,炒飯,焗新薯,炸青椒/雞肉卷/雲吞/蘿蔔(個炸雞肉卷同炸雲吞幾好味,但d炸野始終幾油膩下),羊腿(即切),白菜,湯麵(即煮),炸/蒸龍脷柳,香草雞扒,牛肉,鰻魚(臨尾d人走晒先出,好嘥,因為甜甜地幾好味),海鮮意粉(初初冇乜人夾,所以我夾到面頭0個浸,d芝士好好味,意粉亦好味,第二次夾已經冇咗面層芝士lu,不過夾到隻蠔.)冷盤及其他:湯,生蠔,煙三文魚,壽司,冷麵,刺身,沙律約8款(如辣豬肉柚子沙律,螺絲粉,腸仔,青瓜,什菜,腰豆等等),海踅,鳳爪(類似),多款蛋糕西餅(本人覺得麻麻地,可能唔多喜愛吃甜品關係,朋友就覺得好"漏"好甜,而最得係個香蕉芝士蛋糕),雪糕(好硬,實在太難挖,但味道很好,綠茶味真係似飲綠茶,最好味就係士多啤梨,有d類似果肉.),麵包,燉蛋,泡芙,生果,檸茶/水/啡食物唔算多,味道就唔差0既.每人均獲贈一杯飲品(柑桔檸蜜或啤酒)及一碟鮑魚鴨掌,我覺得個鮑魚仔只不過係一舊菇,唔韌但有排0趙,隻鴨