逸亭餐廳 (已結業)

週二放假，與家人一起吃自助餐，爸媽比較慳儉，而且食量小，平日不喜歡吃自助餐，不過見長者價$78兼HSBC有八折，便順下我意。成人都只不過是$108兼有八折，所以我亦沒帶特別期望。估唔到中午都好多野食，而且味道不太濃，都幾適合長者吃。我當然第一時間吃三文魚生及生豪﹙連中午都有，而且仲好新鮮添﹗﹚，我好鍾意食魚，雖然一碟蒸魚好快無晒，但竟然好快又refill，有d感動。甜品選擇多，芝士Cake好好味，雪糕有四種味，本人甚喜歡當中芝麻味，好香、好滑﹗溫馨小提示︰原來除了指定兩隻信用咭﹙滙豐及渣打﹚有八折外，即場申請埋VIP咭仲可以儲分，而且又可以用其它咭簽。

以成人價$188(假期價)黎講, 食物質素和款式算是不俗.湯: 周打蜆湯, 清保涼湯日式: 刺身, 壽司, 冷麵西式: 炸魚, 炸豬扒, 煎雞扒中式: 燒賣, 炒麵, 豬腳薑, 炒飯海鮮: 青口, 炸蝦, 龍蝦仔甜品: 藍莓芝士蛋糕, 朱古力蛋糕, 什果蛋糕, 榛子布甸, 豆腐花, 雪糕, 湯圓 餐廳不算大, 環境一般, 有幾部大電視. 侍應生換碟算頻密, 食物亦不斷添加, 服務可接受.有人即場拌沙律, 焗窩夫, 煎薄餅, 可自由拼生果,果醫.海鮮賣相不太吸引, 而且很細隻

今日終於同班朋友去過逸亭餐廳夜晚食自助餐 , 因為個朋友佢話有7折因為 book o左位所以好快入得 佢個沙律即場有人整 , 而個盤都幾大幾得意又幾好味 wor 海鮮即場煮 , 都算係幾唔錯 魚生同三文魚都 ok SUSHI 都尚算可以 , 不過款式唔多而d蒸魚都算係可以接受 燒雞d肉都 keep 到熱 , 食口又幾林 要改進地o既方係 , d 員工怏d拾o野 , 因為食完都放左好幾個碟係枱 .又唔係真係講得禁唔得 wor 180蚊呢講係酒店自助餐算係幾 ok , 冇得同幾百蚊o既5星酒店去做比較 不過我無影相所以只係用文字寫 . 希望下次有幾會影下

上網見到HKQPON的宣傳，咪同男朋友試吓。點知吃了一堆垃圾落肚。當時去到只是7:15PM，8成坐滿，以為會好好食。長腳蟹 – 得幾條，比普通花蟹的腳更幼，冇乜肉，而且好「鞋」，沒有海水味。我平時喜歡吃蟹的咬了一口都唔再食新鮮海鮮檔 –瀨料蝦死既，D肉好霉SUSHI –也是暗啞不新鮮，不想吃熱盤 – 冇乜，個廣告話有炒蟹、炒蝦、點知只得楊州炒飯，炒麵，冇人搶的排骨，豬頸肉同炒瓜。成晚唔駛REFILL，因為冇乜人食 (8:30仍是那些食物)甜品 – 冇咖啡味既TIRUMISU，食到吐了出來既MOUSSE，想叫PANCAKE，點知冇大廚做，咪搵個著黑色衫整。成晚最開心係見到這位仁兄，帶給我歡樂，因為佢整咗好耐都得一PAT野。其他侍應都走去笑佢。每位成$180，但只有菠蘿(冇REFILL過)同雪糕放得入口。唉! 總之一早聽男朋友話去OUTBACK冇咁激氣。又一次俾廣告欺騙了

2008年6月24日出了事，有13人因為吃了利景酒店的自助餐入醫院。2008月7月1日至7月10日，利景酒店推出半價優惠，原本198元一位，50% off，平足一半，連加一只用128元。早幾日打電話去訂位，職員聲稱幾乎全滿，但去到現場，卻見有幾張大枱都四大皆空。價錢咁平，對食物要求當然較低。食物衛生ＯＫ，最起碼沒有肚痛入醫。自助餐食物包括：急凍蝦（無蝦味）壽司（舊飯好乾）三文魚生（算可以接受，可能酒店怕出事，唔敢用太差的三文魚魚生啩？）芝士蛋糕（出了兩個，第一個有些怪味，芝士味濃到好似屎味咁；第二個就好好食，有質素）沙律吧（呢個做得好好，唔喺話有乜突出之處，但算是水準正常）其他炒粉麵飯，麵冧ＰＡＴＰＡＴ，飯又硬。服務︰個煮麵廚師幫我煮麵時跑咗去，完全無其他人服務我，我就只好等，終於見到個廚師返嚟，但啲麵都煮冧哂。總體嚟講，畀得HK$128我就要求抵啲，但喺如果要我用正價（HK$220一人），就一定唔制啦！

講真,200蚊一個人冇野食真係好差裝修之前很殘舊,又冇野食而家鋪過地氈,都係冇野食熟野勁少種類炒飯冇味係個炒麵ok d魚生有根,唔夠凍長蟹腳得幾條,又鹹tiramisu幾好食雪糕勁甜,唔好食車仔麵太大碗,而且唔值錢

同家姐月尾手緊,冇咩本錢去食貴價buffet..又想過下buffet癮..所以抱住敢死既(第一次去gazebo)..就揀左去book gazebo既lunch buffet啦..看到之前有關逸亭的食評,大部分以劣評為多..係食之前果陣都有d擔心..驚無咩野食同食唔飽 - -v酒店地址比較偏僻..出左灣仔地鐵站要行成15分鐘..反而走過陣..發現利景係勁近鵝頸橋...行7-8min就去到銅鑼灣地鐵啦=)另外酒店大堂都幾令..不過就細左少少..有螺旋型樓梯上一樓(一樓有一間bar同gazebo)..果度麻雀雖小,但五臟俱全,酒店自助餐一般應有的菜式都齊備..我自己就幾滿意架~唔講甘多題外話啦..講番d野食先..PART 1` 沙律吧 有煙肉片,火腿片,青瓜粒,水果粒,吞拿魚長通粉,中華沙律同素肉等..約7-8碟的沙律是預先撈好的..蜜瓜同菠蘿非常爽口鮮甜..另外吞拿魚長通粉都幾開胃..唔錯~但看見旁邊吸引的魚生..只食了少量蜜瓜同菠蘿同長通粉就STOP左..同行既家姐就食多左火腿片..評價也不俗..係MAIN BAR外也有自成一角的小攤位..有專人幫你撈沙律..有十多種常件的配料..較特別

本人透過open rice 看到有關利景酒店自助餐的介紹, 是贊不絕口的. 但本人在19/4/08 吃過此酒店的自助晚餐, 明白以$200 元左右成人價的自助餐是不能要求太高的, 但食過此酒店的自助餐後, 覺得實在太差了! (1) 未到8:00 p.m. 沙律盤無晒沙律, 同D waitress 講, 佢地淨係識得行開, 直到完場都没有加添沙律; (2) 三紋魚同香蒜粉絲蒸"帶子" 又唔新鮮(3) 所謂東南亞特色- 什錦湯河, 裡面D 牛丸是臭的(4) 食雪糕無茶匙用, 問waitress 攞, 佢地話要去什物倉攞先至有(5) 飲檸檬茶無檸檬........ 重要食食下餐廳天花板漏水, 搞到要搬食物........ 連廣告介紹有蝦同翡翠螺頭盤, 係絶對無的, 我地一家11人果晚真係食到一肚氣!

呢次係我第一次寫食評,寫得唔好,請見諒~~!!11號係我生日,so我男朋友同我去左逸亭食(因為萬豪訂唔到位,所以退而求其次lor,同埋用左openrice既8折coupon)!!入到去,餐廳既環境都算ok啦,好靜~~但係食物既選擇就一眼望晒lor! 坐底一陣,waiter哥哥就拎左2份芝士焗龍蝦出黎,望落隻龍蝦焗得唔係好靚>.<但食落去出奇地鮮甜^O^ 之後,我就主攻生蠔,雖然D生蠔細隻左D,但係我食到海水果陣咸味~~一D都唔似係岩岩解凍,結果我同我男朋友加埋食左30隻,之後就黎左一輪快攻,冷盤,熱葷,我男朋友最愛果度既龍脷柳卷,佢話肉質夠厚,食落無雪味,個汁又唔會搶左陣魚味,至於個Spinning Salad都算OK起碼長期有人係度!! 之前既燒味部依家變左粉麵部,即灼東風螺,蝦,青口更是一絕~~仲用"公雞碗"裝住tim!!

公司請食飯, 當係大家食餐飯也好, 答謝大家也好, 不過有得食, 不代表一定好. 有人提議係度食, 大家馬上好高興, 但小弟看一看先記得而度舉行過偉大的一舊水自助餐, 個心即刻涼了一截, 仲係一大截. 上次無膽應戰, 是次係非戰不可.午市有八折, 連加一即係$95一位, 價位來講, 係幾低的, 但不等如幾抵.自助午餐: 2分, 既然一場來到, 就抱著敢死隊的精神, 乜都試點. 中西湯也畢了點, 忌廉湯淡淡的, 拿了個麵包送, 又係凍凍的, 菜乾湯反而沒有太大師傅痕跡, 出奇. 冷盤方面, 要了一隻生蠔, 腥到不得了, 忍著呼吸一啖吞落口. 又吃了件三文魚, 沒有任何鮮味. 壽司, 吃落口一大陣酸味.好了, 到熱盤. 有個疑似蝦天婦羅, 炸得好油, 粉漿也過多. 吃了小小炒飯, 無鑊氣, 又凍凍的. 燒肉好肥, 皮又唔脆. 數各項食物, 以熱盤係最差.跟著吃生果, 西瓜麻麻甜, 始終係不當做, 還是吃罐頭桃同涼粉最好.甜品方面, 陣容係幾傍大的, 意大利芝士餅無層次, 無酒香, 得個甜字. 曲奇餅硬硬的, 練牙力一流, 同鬆化兩個字且不上關係. 芒果慕絲的芒果肉酸到不得了, 慕絲部份係勁

上個星期同幾個朋友嚟食, 兩舊水唔駛仲要有生蠔, 我都唔會抱咩期望先食生蠔, 大多數都有蠔殼痴住, 亦都唔係好新鮮魚生得兩種, 三文魚同另外一隻白色的魚, 這種魚簡直不堪入口熟食冇乜選擇亦唔好食有燒牛肉但一去到只係得細半舊, 又蘇又熟過頭沙律又話有專人同你整, 點知成嗰個位成日都唔見有人沙律同甜品比較ok, 如果唔係都唔知點填飽個肚

以酒店嘅自助晚餐計收$178，依度真係算數一數二抵食，試過之後，又覺得唔錯喎，好過預期添，食物質素都唔賴，當然唔會話好到「氹」一聲，我覺得都有幾個賣點：1.Spinning Salad，2.中式老火湯，3.生蠔、龍蝦仔、翡翠螺，4.自助咖啡吧。其他仲有燒味、即煮麵檔、冷盤、壽司、魚生、熱盤，夾夾埋埋都好幾十款！不過，烤豬柳（即切肉車）麻麻哋，甜品亦都係唔得，選擇少質素唔似樣，反而個涼粉掂，點解掂？因為可以自家制超級B仔涼粉，好多款粒粒生果俾你配搭，再加埋蜜糖糖漿、石榴糖漿或椰奶，整多球香芋椰子雪糕放上面，幾正架！有老友問，D沙律有得自己DIY咪得囉，使乜搞咩Spinning Salad！沙律好食，除咗D沙律菜夠新鮮，唔會話濕立立外，夠冰凍，醬汁撈得夠均亦係好重要，所以，Spinning Salad就做到以上效果，佢用冰鎮住個沙律兜，將你揀好嘅沙律菜、配料同醬汁一路轉一路撈均，同你就咁自己撈埋係有分別嘅。D沙律菜冰鎮過，夠凍，食落就索索聲，更爽脆，而醬汁夠均，唔使講都知咁樣會好味D啦！此外，佢哋個沙律吧，晌沙律菜、配料同醬汁都好多嘢揀！老火湯方面，雖然唔係咩貴價湯，好似依次飲嘅只係紅蘿蔔

我以前響呢做過waiter，基本上所有海鮮都係急凍or冰鮮，生亦係急凍生，臨開buffet時先「飛水」解凍，D熱食好多都係外面交嚟，一袋袋咁整熱之後出buffet，不過最離譜係D咕嚕肉係揾色素嚟炒lor~~~>.<我而家冇做都唔會叫Friend去利景食！！！

last weekend 同屋企人去食dinner buffet, 覺得D食物唔多ok, 好似d三文魚sashimi, 有魚鱗同魚骨架!再好味都死啦.... d日本野完全唔得!!其他食品種類唔係多, 而且都唔多特別, 好似ko lo 肉呀, 炒雜才呀.係個salad巴叫做有特色d law, 我見無人食燒味個d, 唔知好唔好食呀, 不過去buffet 食X雞飯好odd啫!!!不過我諗平野係差唔多架啦!

本身不愛Buffet,更加對那些三星酒店的Buffet嗤之以鼻,如非貴網在此搞大局,小弟就一定不會去.雖然選址不甚吸引,但也有三十多人出席,可見自助餐聚會,也有一定的叫座力.在這個地方吃生蠔,等同"用腳投票",支持到底.來歷不明的生蠔,味道極腥,而且還帶點沙.水準如何,無須多講,坐對面的ET就覺得沒有我講的那麼差,坐在後面的Maxine就身同感受.刺身兩味,之前碰過生蠔之後,對三文魚的態度更決絕,誓死不碰.另一味白身魚,吃下沒有味道.好像雪足幾日一樣,奉客的刺身豉油,味如生抽....熟食又如何?也是普通貨之流,有味紙包雞,算最特別,味道亦特別的咸.行行企企,吃不多幾味,喝回忌廉湯,充下個肚.越喝越口喝,味精大過天.導致這一夜,喉嚨乾固,很不爽說.身旁的藍鳥兒,在Cook station點個肉骨茶粉,吃罷還叫不錯,結果差不多一窩蜂衝出來,一人一碗歸來.雖然食物難吃(小弟在buffet之後仍要"補飛",算是第一次.)但整夜的氣氛亦不錯,在此謝過.希望下次聚會,不要再是甚麼湘川滬,一舊水自助餐之流....