逸東餃子

營業中

休息中

👍🏻芫荽胡椒鮮肉湯餃 $59/10隻大埔人氣餃子店殺出港島！餐廳一共有7款口味嘅餃子，當中有啲款係其他餃子店較少見，幾特別！呢度嘅餃子皮偏厚少少，但煙韌唔重粉感，肉餡足料飽滿大大粒芫荽胡椒餃入口先係濃濃嘅芫荽味，後勁有胡椒味湧出，帶少少胡椒嘅辣芫荽味濃得嚟唔會蓋過胡椒味，兩者平衡肉味就唔算明顯，但整體味道特別，鍾意芫荽嘅朋友要一試！配招牌無味精蕃茄薯仔鮮魚湯底，鮮甜唔腥，淡淡蕃茄味同魚湯好夾飲晒都唔頸渴，而且加咗蕃茄微微酸，食完冇咁漏味道：8/10性價比：8/10-👍🏻椰菜木耳鮮肉湯餃 $53/10隻嗌咗間間餃子店都有嘅椰菜餃比較下菜肉比例適中，椰菜切得大粒，咬落爽脆索索聲，味道清甜椰菜唔會搶味，豬肉味更香更明顯如果食餃子鍾意食到豬肉味嘅話就推薦嗌呢款雖然比起另外兩款餃相對冇咁特別，但都係好食嘅椰菜餃味道：8/10性價比：8/10-👍🏻麻香三椒鮮肉煎餃 $40/6隻呢款好特別，其他餃子店未見過！店員推介嗌煎餃，食落會更香口餃皮金黃香脆，肉汁比起湯餃更多肉餡混咗三色椒粒，食落三色椒味都幾明顯又有少少花椒味，但唔會太麻/辣，唔食得辣嘅朋友都食到，值得一試味道：8/10性價比：8/10-👍🏻

呢間餐廳位於炮台山附近，餐廳牆上介紹好多關於多款餃子既圖畫，我地叫左一碗魚湯味十足蕃茄魚湯湯底餃子揀左韭菜豬肉餃十粒韭菜味濃郁豬肉涵新鮮皮薄涵靚，之後仲叫左六隻冬菇黑松露豬肉煎餃，黑松露味超入味，鐘意食黑松露既朋友一定會愛上小編推介，所有餃子都係即包即煮，每日新鮮制作，賣晒就無嫁啦～生餃子而家仲做緊買十送二優惠，唔知做到幾時完，不過記得要買生餃子係要提早一兩日預訂先有，另外，呢間餐廳仲有另一間分店位於大埔，飲品我推介飲玫瑰花茶淡淡青香，入口清幽。

（煎）韮菜鮮肉餃$38/6隻最鍾意食韮菜餃，呢度嘅餃子好受歡迎，即叫即煎，夠晒香脆！隻隻餃子都大大隻，韮菜同肉都好平均，外脆內軟，仲好有肉汁。桂花元肉烏龍茶$20/樽自家製樽裝冷泡茶，每樽茶都有原個三角茶包沖泡，我呢款仲有桂花同元肉。入口有桂花香味，同元肉嘅甜味，烏龍茶帶點回甘，很解渴，配煎餃食唔錯。番茄薯仔魚湯韮菜鮮肉餃$49/10隻從來都冇諗過，食餃子可以有番茄薯仔魚湯做湯底💕個魚湯超級鮮甜，好豐富嘅番茄同薯仔味，帶有小小薑/胡椒味，飲落好暖身。

一直都好鐘意食大埔逸東餃子，今日收工比我搵到佢由大埔山長水遠到港島開分店，收工拿拿臨過黎食餃。呢到既煎餃真係好好食，叫左即叫即煎既韭菜餃子，熱辣辣脆卜卜，每粒到爆汁咁濟🥹一客6粒真係好唔夠喉，但係生緊飛滋唔敢暴食，所以都係乖乖食下湯餃。但係煎餃真係完全停唔到口，開到咁近我，下次黎要試多幾款。湯餃竟有蕃茄薯仔湯黑松露餃子同韭菜餃，湯底除左番茄薯仔味之外，仲有小小魚味，湯餃黎講都做得好夠誠意。我地仲叫左兩款果茶、菜同雞翼，都係健康仔推介。好味，食完零負擔，價錢又平，港島區黎講真係恩物。

逸東餃子 is a place I had bookmarked for quite some time if I ever went to Tai Po. But Tai Po is a bit far from where I live and thus this place was always a bookmark. Until now! I found out it had opened a branch near me. So, boyfriend and I decided to go there for lunch. And it was busy with a number of people ordering takeaway and people waiting to dine in. I guess it was new in the neighbourhood so people were curious.The inside was cutely designed with their dumplings and other characters like

星期日放假又去覓食，今次同屋企人試吓呢間位於炮台山嘅逸東餃子非繁忙時間都坐滿人食物款式都幾多，除咗有湯餃、煎餃同蒸餃之外，都有其他嘅特色小食，而且價錢合理韭菜鮮肉湯餃湯餃叫咗10隻，餃子大大隻，皮薄足料，餡料飽滿，鮮甜多汁，韭菜香甜，豬肉肉質爽嫩。湯底係蕃茄薯仔魚湯，冇味精，魚湯鮮甜，帶有少少番茄酸甜味，醒胃，同餃子幾夾。除咗傳統嘅餃子之外，都有特別口味嘅餃子，我哋叫咗粟米芝士鮮肉煎餃，餃子煎到金黃色，賣相吸引，餃子皮煎得香脆焦香，餃子入面加粟米令口感更爽口，豬肉爽彈，加埋芝士鹹鹹香香，味道更豐富。椰菜木耳鮮肉煎餃木耳同椰菜清香爽口，豬肉比例都幾多，口感紮實。韭菜鮮肉煎餃由於食完韭菜鮮肉湯餃覺得好好味，於是encore埋煎餃，煎餃令韭菜嘅口感更加好，食落好爽脆，而且多汁鮮甜，非常推介玫瑰荔枝茉莉茶玫瑰同茉莉清香，同時都飲到荔枝嘅清甜，飲落好舒服，幾解渴。桂花元肉烏龍茶桂花同元肉嘅味道好夾，烏龍茶味香濃，甜度啱啱好

大埔人氣餃子店原來喺港島炮台山開左分店，作為一個餃子迷🥟，當然要黎朝聖下😍首先試左個招牌魚湯配椰菜木耳鮮肉餃同芫茜胡椒鮮肉餃，蕃茄薯仔魚湯好有家既味道，好味到最後飲曬成碗湯❤️餃子大隻得黎好足料，尤其係芫茜餃，夠芫茜味既同時又唔會太搶味，我喜歡煎餃方面，d餃煎得好靚，皮夠脆而唔油，韮菜鮮肉餃既肉同韮菜既比例岩岩好，夠曬香，而芝士粟米鮮肉餃既芝士味好濃，仲會拉絲tim，喜歡芝士既一定要試下比較可惜係試唔到我想食既咖哩餃，希望之後有機會試下

今晚一個人食飯，行嚟行去唔知食乜好，路過呢間逸東餃子，見到門口好多日入面舖頭亦都坐滿人，所以就是試一試，仲好似係新開張，真係本著人多無死😅叫咗一個煎餃同叫多個魚湯。睇門口d餐牌介紹，魚湯好似係皇牌，所以要試，真係好好飲，唔係味精湯，真材實料。韭菜鮮肉餃（六隻）- 由於即叫即正，所以攞到返屋企都保持到脆皮，依個外賣兜餐廳都好細心都剪走咗一小放熱氣。個餃子個皮真係好薄，名副其實嘅皮薄餡靚。