那個ㄋㄚˋ ㄍㄜ˙ (埃華街) (已搬遷) 新店位置

睇開電視介紹，好吸引，咪專登搭車嚟試下。🤩🤩一入舖頭，坐低即時覺得冷氣唔夠，好鬼焗，大大陣油煙味，心諗唔通冷氣壞左。🥵🥵🥵滿心期待，叫左 ＜勝利雙腸滷肉便當＞，同一份＜香酥排骨便當＞。好快食物放低，賣相都好靚。但咬落塊豬扒怪怪地，係勁大塊勁厚肉，但無味又乾乾地，食左2啖都唔想食了（唔想浪費食物，打包拎走）。朋友叫的勝利雙腸滷肉便當，台灣腸係幾好味，但滷肉d瘦位好鬼鞋，個汁得個甜字，唔香又唔惹味，好失望。本來想下次再嚟食其他。但朋友話，都無下次了。😅😅總括，成餐飯最ok係台灣腸 + 杯飲品 + 花枝丸。網民話d服務麻麻，雖然都唔算勁好，但問過d職員野，都算客氣有禮貌。

#搞串個pantry今次去食一間#台灣菜 餐廳🍽️。呢間餐廳位於#大角咀 同#北角 ⬆️，有唔同嘅飯類便當🍚、台南麵食、#夜市 小食等等😋。今次我哋就嗌咗兩個套餐，1️⃣第一set有香酥脆雞便當+古早味紅茶🍹+香酥魷魚鬚🐙($116)。2️⃣另一個set就有那個滷排骨便當🍱+黑糖冬瓜茶+香酥花枝丸($86)。一上菜就嚇一嚇，因為真係勁大份🤯，勁大塊排骨，勁多炸脆雞。兩個便當都勁大碗，望落去啲餸好似會跌出嚟咁💕。雖然份量好多，但係香酥脆雞、滷排骨無論口感同味道都唔係太好啦😧。脆雞炸衣係脆嘅，但略嫌食落口有啲粉，而且雞肉比較柴。同樣，滷排骨食落口都相對乾身，唔夠juicy🤧。相對嚟講，香酥魷魚鬚同埋花枝丸就比較好啦。不過可能成餐都只喺叫咗啲炸嘢🙂，所以就越食越乾，同埋感覺好似食咗好多炸粉🍤。仲有呢度一到食飯時間就好多人，座位之間又無乜空位，所以坐得好逼，無乜距離感😵‍💫。如果大家追求勁大份嘅菜式，可以嚟試下，或者嚟食下呢度嘅湯麵😚！！

住喺大角咀附近，平時每逢午市晚市經過都會有非常多人在排隊，適逢有日下午經過發現唔洗排隊入去都有好多空位， 就試一試這間餐廳。 餐廳入邊裝修唔錯，但係位置都比較窄。 我哋嗌咗招牌嘅滷排骨便當同埋手撕雞便當， 大概5分鐘到就已經送到。 手撕雞個份量都正正常常，但係個排骨嚟到嗰陣我同個friend都嚇咗一跳，因為真係有成塊面咁大。 便當入邊都有其他菜粉絲 豆腐咁樣，仲可以同佢講要多汁同埋多飯。但係我哋好後悔叫咗多飯多汁，因為真係大份都兩個男人都食唔晒。 排骨嘅味道都唔錯， 唔會話重口味， 口感炸得幾好。 炸排骨仲有三種調味粉可以揀。 至於手撕雞便當味道比較一般， 如果第一次去都係建議食返啲炸嘢，不過都依然係好大份。 同埋建議晏晝三四點去肯定唔使排隊。

之前想食好耐，但係每次過去都見到好多人排隊，所以放棄咗。今次平日假期去碰下運氣竟然唔使排隊，所以就衝左入去！去到剩返幾張空枱，侍應姐姐就叫我哋坐去近窗口位嗰張。同朋友都想試吓兩款唔同嘅嘢，所以嗌咗一個雞一個排骨，我哋下晝去到已經冇波霸珍珠，如果想試嘅可能仲要再早啲去，假期都有精選便當，但係我哋食三點左右已經賣晒呢個係正常份量嘅手撕雞便當，如果女仔來講咁樣就會啱啱好，因為佢有粉絲同埋有飯，會建議全部撈埋一齊食當然唔少得佢嘅招牌滷排骨便當，佢塊排骨超大塊一個女仔應該食唔晒，大過我塊面，肉質都好厚實唔會食到好乾，淨係食佢已經夠飽左邊嗰個仲要係多飯嘅份量，個人好鍾意食滷肉汁，所以都叫左多汁。手搖查因為冇咗波霸珍珠，所以叫咗白玉，反而好鍾意建議大家都可以試吓台南蝦卷唔係煙韌嗰隻蝦肉，但係都好足料。整體感覺不錯。

之前黎叫過一次外賣便當，印象中因為便當入邊勁多榨菜類嘅嘢，個人唔係好接受到嗰個口味，見佢人氣咁勁，決定俾多次機會。今次係中午黎堂食，但係依然好高，差唔多12點多啲出到嚟，已經要排隊，排咗10幾廿分鐘之後呢終於有位。今次叫咗個榨菜滷排骨便當，根據之前嘅經驗，就叫咗走菜脯同酸菜，便當一嚟到，真係勁大塊排骨，枱面仲有三種調味粉，有特製麻辣香粉，海苔粉，同埋秘製鹽酥粉。頭幾啖，真係好正，外脆內軟，仲有少少肉汁，加埋啲滷水汁送飯，幾好食。但係食多幾啖之後呢，就開始覺得有少少膩。結果只係食到半碗。滷排骨便當加埋茉莉綠茶係$68。份量好足，但係個人覺得漏咗少少。

☞ 大角咀 那個ㄋㄚˋ ㄍㄜ˙ ☜———————————————◊ 玖香啤酒豬軟骨便當 ◊食嗰陣見佢新出咗呢個，鍾意豬軟骨嘅我緊係要試下😆配菜好豐富。雖然個名有啤酒兩個字，但其實識落係冇啤酒味。豬軟骨燜得好淋好香好入味，唔會好似某啲餐廳整豬軟骨咁仲係硬掘掘，加埋辣粉更惹味🤤美味程度: ㊣㊣㊣㊣.5/5◊ 香酥排骨便當 ◊排骨好厚，炸得好脆又唔會乾爭爭，肉質仲好彈牙添😋美味程度: ㊣㊣㊣㊣/5———————————————📍:那個ㄋㄚˋ ㄍㄜ˙ 大角咀埃華街116-118號地下8A號舖#為食豬在大角咀 #大角咀美食#foodblog #香酥排骨 #豬軟骨 #香港美食 #香港餐廳

呢間打住黃店口號 份量大的台式店 老實說 味精可以的 不錯 本人也食過不止20次 但態度和收銀方式 令人失望 因為家住附近 經常叫的是外賣 有兩三次經過想入去堂食 入去問在收銀處人 態度極度不善 最近再一次想堂食 見到門口幾個人 有的等外賣 有的是排隊 有啲亂 見到餐廳裏面又有空坐位 入去問一下使唔使排隊 那個收銀員的態度語氣囂張講（出邊排啦）我話你裏面的高台不是有位嗎，佢又用非常令人討厭的語氣 我哋唔搭枱波，另一個點 打住黃店做生意 但接收支付寶付款 反而唔可以用pay me 同八達通付款 真奇怪的黃店 建議別吃了 吃呢家店是受氣

每次路過大角咀這家店的時候都有看到排隊，所以一直很好奇這家餐廳的味道，週末下雨天氣很差可是竟然還要排隊！！不過一人食的話就還好，直接進去坐到邊枱，點咗嘉義雞肉飯+蝦卷+台灣香腸+滷雞翅，一份上台超級滿足，還好是少飯不然真的很飽足！最喜歡蝦卷和飯裡面的配菜，雖然已經冷掉但是還是很好味。其他的一般般，不過應該還會再去一次因為還想點其他菜品服務一般般，可能因為我講普通話，溝通不太順利，不過沒關係，我覺得可以接受，另外店裏只有cash，所以記得帶💰現金。

假日下午嚟食飯，唔駛點等位。兩個人都嗌咗滷排骨便當，個便當嚟到時嚇咗一跳，塊排骨大到連個碗都裝唔晒咁滯，一睇就知食唔晒！塊排骨之前滷過，好入味，但味道略甜，而且愈食到中間啲肉就愈硬，結果食到一半已經放棄。另外個飯有好多配料，都幾好食，但係當你食完塊排骨已經冇胃口食啲飯，眼見好多枱客都食剩好多，其實感覺有啲嘥。另外可以嗌台式飲料，甜度明顯貼合返香港人口味，唔太甜，不過又係好大杯，最後飲唔晒要拎走。其實建議食物份量真係可以少啲，以免太浪費，因為眼見真係枱枱都食剩

一入門口想問可唔可以坐某個位，門口個男人喝狗咁話唔得，以為自己入左監倉食。嗌左個雞肉飯，係撕開左嘅雞肉，但一咬係有骨碎，爭啲咬爆埋粒牙，食到燥啲野食都係凍嘅，配菜啲色又好似擺左好耐咁，見到食欲都下降。另外加左個25蚊嘅乜乜養生湯，唔知養生去邊，係冬瓜同蛋花。。。。。茶記嘅例湯都高質過去。如果無心做餐廳，不如轉行？？？整體來講，服務態度差，食物又差！！！！！真係無良心丫！不推薦丫！試過一次都覺得後悔

朋友成日係依間買外賣，一食再食，話未試過堂食，咁就試下啦~朋友話早d去walk in，因為太多人排隊哈哈，我地6點到3個人馬上有位，不過應該生意太好太多人排隊，食左一個鐘就要埋單啦有選擇困難症既我諗左10分鐘先掃QR code落單，最後叫左三個便當，叫野飲既話就大概加$20，就叫左蜂蜜麻糬白玉同埋愛文芒果冰茶，叫多兩個小食每個便當既配菜都好豐富，有粉絲有菜有豆腐有蛋，個份量真係大份，我女仔request少飯都食唔哂~滷排骨便當個塊排骨大過我塊面，炸得唔乾勝利雙腸滷肉便當既雙腸外皮脆，咬落去有肉汁，滷肉幾軟冧好入味雞球便當當然又係大大舊，幾脆至於飲品，又係好大杯，蜂蜜麻糬白玉d麻糬多到呢...好飽但又好想繼續飲，淡淡蜂蜜味又唔太甜(50%甜)。愛文芒果冰茶個茶係蜜香，最低糖度係75%夜市小食拼盤有蕃薯條(甜既熱既好食)、甜不辣(冇味要點醬食)、台灣腸同台南蝦卷大滿足夜市脆雞就正常啦～有滿滿既海荅，同雞球一樣炸得幾脆

去嘅時候，八點，我諗都仲叫係晚市？但係個餐牌有一大半已經係沽清，剩返可以揀嘅勁少係好吸引叫咗個嘉義雞便當，雞凍嘅，冇問題，至少你個飯要熱掛。。？將啲凍雞放喺暖嘅返上邊，食咗兩啖之後成個飯都已經凍晒🥲完全食唔落 70蚊個便當唔係咁啊。。個便當啲配菜，同埋唔知咩粉絲定米粉，好似煮好晒你一落單就夾埋一碟俾你，快係快，但係有冇諗過冇一樣嘢係熱嘅點食。。味道來講真係普通到冇得再普通，就係手撕雞嘅蔥油味版，本身聽到佢話有個秘製醬汁，仲有啲期待，真係小失望男朋友叫咗個滷肉排骨便當？個滷水汁真係甜到懷疑人生。野飲黎到食咗10分鐘咁上下就走咗，因為真係太難食快手買單食過第二間。。點解見到人話要排隊。。勁不解另外個環境，坐低嘢食都未嚟就成間鋪都係烏蠅。。餐具，啲筷子係木筷子。。。。成個感覺勁嘔心，霉霉地濕濕地，個筷子頭仲要係分叉食嘅時候好難唔去想像有幾多個人吮過🤢🤢🤢咩都好求吓你間嘢換晒啲木筷子先。。

雖然去過台灣但當地的菜實在是分量太少，而在這家感受到了實在的分量。滷排骨比我的臉還要大，各式的配菜兼顧了午餐的營養，接近4種的小菜，吃起來甚是滿足。厚奶茶和外面的奶茶店不一樣，烏龍基底的奶茶喝起來別有一番感受，假如只喝奶茶的話，也是很值得推介的。可惜離家太遠，不然晚上簡單吃一頓，也是極好的，剩下的還能當第二天的中午飯。我的朋友叫了一份炸雞便當，我們一人一半，上面綠色的海苔粉中和了些許的油膩，但還是吃起來很有罪惡感。

今次黎到依間餐廳晚餐，因早到所以冇人排隊，叫左個滷排骨飯、鹽酥雞同台式奶茶，滷排骨十分大，有個碗咁大，而滷排骨個炸皮好脆好香口，而肉質亦好嫩，而個排骨厚度有成1-2cm厚，十分飽肚，推薦一試。鹽酥雞既份量都唔小，有三大塊，都十分香脆，兩個飯都有配菜跟，粉絲同椰菜花等。

秘製嘉義雞肉便當雞絲好足料，鋪滿哂喺白飯上面紅蔥醬幾香幾好味紅蔥醬上面仲有一啲脆蒜片，好脆好香同紅蔥醬好夾令口感更有層次便當仲會跟埋蔬菜 👍 而且份量足夠啱哂想出街食得均衡既人 🙂