那個ㄋㄚˋ ㄍㄜ (仁愛堂街)

營業中

休息中

❗️那個ㄋㄚˋ ㄍㄜ (屯門)❗️餐廳面積細，座位唔多，所以要排隊。座位比較細有d逼，坐得有啲唔舒服，不過都無計啦，香港租貴舖細。餐廳用QR 落單，介面都幾方便♦️紅燒牛腱湯麵$80有啲失落因為關廟麵煮得好腍，無咗關廟麵應該有既彈性口感。今次個麵煮到接近漿糊口感但湯同牛腱都唔錯既。♦️總匯蛋餅$42外皮偏向Q彈，煎到有少少🤏🏻焦香，大量粟米同肉鬆，係好食既。🏠：屯門仁愛堂街1-43號麗日閣地下13號舖

某日飲完咖啡見到隔離開左這間台式餐廳，但成日睇到啲人話要排隊，要等，今日就喺一個唔係下午茶時間而又未到晚飯時間黎試吓。那個滷排骨便當🍱和香酥脆雞湯麵餐（其實唔係好明佢點解叫餐，咩都無包點解會叫餐）。滷排骨，好大件，整塊豬扒將整個盒都鋪滿，原來底下有飯之外，還有粉絲、粟米、椰菜和紅蘿蔔片。外表炸得幾好，可惜肉又點實，豬扒本身唔夠味，要不停落旁邊果三樽調味粉。飯唔夠熱，因沒有加滷肉，所以飯又凍又乾，好失望。香酥雞，三大件雞球，同樣炸得好，雞仍有肉汁可惜一樣係唔夠味。我哋叫左關廟寛麵，麵好淋但好彩湯底有牛味，加返啲分。半糖黑糖波霸幾好飲，珍珠軟硬適中仙草原來是只有水沒有固體仙草在杯裏整體：不過不失，可以一試，但要排就要考慮吧

這間餐廳位置不多，位置比較迫夾，因為開了幾個月想試一試這間平時也多人排隊的台式餐廳。想不到完全沒有服務，進入店內沒有店員招呼，坐了5分鐘也沒有送上菜單和點餐紙，店員還在整理垃圾膠袋，向他詢問才給了一張二維碼的點餐紙給我們自助點餐。 我們點完餐後食物送上，食物的味道不過不失，但絕對沒有需要排隊等候的必要，進食期間不斷有其他客人催餐飲及食物。當我們完成用餐後，餐飲還未到，店員的回覆卻是沒有人有時間沖。我們多等10分鐘之後，卻見到廚房做了幾個外賣，而且裏面也有餐飲遞給外賣員。下單了50分鐘還沒有餐飲，向店員提出完全沒有跟進。直至我們埋單，他才說給他1分鐘時間去沖餐飲，沖了兩杯珍珠奶茶才跟我們說有一杯白桃茶是已經沒有的，不知道為什麼可以下單。下單的時候，應該已經要發現這個問題，而不是在準備離開的時候才把問題提出。完全沒有服務，及不在意客人的感受的餐廳，10分不推薦

屯門新開了分店，來試試看～ 星期一 6:45pm左右晚飯時間不用等位，7:30pm之後就開始多人，坐滿了。點了一份香酥排骨便當🐖和 香酥魚菲力便當🐟，加了一條台灣腸和一杯熱黑糖波霸奶（蜜香）50%糖，total $172。香酥排骨便當（點了少飯）排骨超級大塊，比碗還要大！炸得香脆，不油膩，但排骨偏薄身，口感不夠鬆軟。味道比其他台灣餐廳輕身，不會太重口味，食落很有台灣風味～ 雖然叫作點了少飯，但由於排骨太大塊，一個女生也很夠飽了～每個便當配有粟米粒、椰菜和炒粉絲，有香烤的味道，很有驚喜，和飯拌在一起食，豐富了口感～ 香酥魚菲力便當（點了少飯）魚塊🐟很厚身，香脆鬆軟不乾身，意外地魚柳和鹽酥很搭配～ 枱面上，有海苔、鹽酥香香辣粉，如果想有不同口味，可以自行加上熱黑糖波霸奶（蜜香）50%糖雖然50%糖，但個人還是覺得偏甜，蜜香茶底味很出，配軟身珍珠，好飲！台灣腸讚！店員很細心，知道我們是share食，主動問我們需不需要切開兩件，超級好！店舖不大，設有自助茶水位。

屯門區有很多好食嘅小店，本人住九龍，始終交通不太方便所以很少來，咁啱朋友住附近，所以介紹咗呢間新開嘅台灣嘢，要食嘅朋友要留意，聽我朋友講呢間小店很多人排隊，原來佢開12點，我哋啱啱12點到，所以即刻有位坐，佢係掃QR code落單嘅，好多嘢都想食，但只有一個胃，記得揀完自己想食嘅嘢之後要撳提交訂單，唔係就好似我哋傻吓傻吓等咗好耐，原來發現自己仲未提交訂單，我哋兩個人叫咗一個玫香啤酒豬軟骨便當加小食黑糖梅子地瓜薯條，豬軟骨燜得好淋好香好入味，唔會好似某啲餐廳整豬軟骨咁硬掘掘，雖然名係啤酒豬軟骨，但完全沒有啤酒味道，唔使驚食醉。及和牛QQ牛筋丸湯麵加小食香酥魷魚足，我朋友就話未食過咁好食嘅牛筋丸，總括嚟講屯門雖然係好遠，但係小店味道真係好出色，下次都會再幫襯。

今晚叫左個外賣係2個香酥排骨便當，蛋餅同鹽酥雞便當先講個排骨便當，炸到鬼死咁老，咬都咬唔開啖啖到鞋到好似食瘦肉咁啲伴菜粉絲，又乾又硬個排骨根本好似冇調味過咁，明明叫香辣，又唔辣又唔咸，得個鹽酥叫做好少少，總之所有野都係冇味既個炸雞直頭離曬大譜，乜味都冇，連基本既鹽味我都食唔到，到底呢間野所謂既人氣係係邊嚟？個三星蔥餅仲攪笑又係冇味既呢啲來貨野都攪到咁不如直頭唔好出呢啲小食算啦呢間野網上外賣平台仲要唔平咁既價錢咁既垃圾質素永不回頭，88！

究竟係那個排隊誇張？定係那個大件夾抵食？我話那個真係好好食。收工經過又排隊，我真係好唔鍾意排隊呢種感覺，我喺度諗真係咁好食咩🤔，好啦，我決定買外賣返去同屋企人一齊食。買咗兩個飯盒，一個招牌嘅滷排骨便當，返到去一打開個盒，下！咁黑嘅，不過可能係滷水汁關係所以較深色，但係都要食㗎，嗰塊排骨好厚好大塊，雖然係炸，但咬落去口感又幾鬆軟，唔乾唔嚡口，配飯一流。另一個係蔥燒豬頸肉便當，豬頸肉爽滑彈牙惹味焦香再加配菜粟米係我嘅至愛。食物外賣返到屋企依然夠熱同好食，難怪人氣爆棚啦，下次如果有機會唔使排隊，我一定會堂食，如果再排隊我都會encore外賣返屋企食🤭

今日同仔仔探完婆婆諗住去食之前食過嘅BUBU KitChen鋸扒，點不知執咗開咗間台灣小店，原來呢間台灣嘢都係啱啱開冇幾耐，排咗5分鐘左右入到去坐低食，食完非常滿足😋我哋兩個人叫咗一個香酥排骨便當，一個香酥脆雞湯麵（湯麵嚟嘅時候擺得好靚，但後來食咗一啖先發覺唔記得咗影相🤭）香酥排骨好大件，排骨不單止大塊而且好厚肉，有骨位置帶有肥肉，有油香，但係仔仔鍾意食炸雞，因為雞皮炸得好香脆，雞肉好嫩滑好入味。 加一個小吃就係香酥魷魚足。

之前見到有人推介bookmark左，見佢係屯門開咗就去試吓！我就叫咗個滷香雞球便當，雞球個醬汁味道唔錯，便當入邊仲有啲粉絲同粟米粒都有調過味好食，但係我就覺得唔夠飽，份量較少。套餐有包一杯飲品，我加左$9叫咗杯招牌濃厚奶茶，真係好失望，無味！似水！重話係濃厚，真係就咁飲純茶仲好😮‍💨朋友就叫咗香酥排骨湯麵，就偷咗佢個香酥排骨trytry，大就大份，但係冇味嘅。。。間舖頭有提供三款粉放喺枱面，即使係咁加落去個排骨到都係無味嘅。。。究竟邊度出咗問題？如果去食嘅建議叫滷香同純茶飲品啦~~~

我本身住喺附近，成日經過見到都要排隊，今晚收工冇飯食咁就去排隊試吓啦， 8:30已經截單，好好彩排咗隊之後仲可以入嚟坐低食，舖頭細細，啲乘客都坐得密麻麻，我一個人可以坐兩個位，唔使同人同台我已經好開心，有陣時好怕一啲餐廳要同人搭枱，呢度要自己QR code落單，我自己叫咗個玫香啤酒豬頸肉湯麵，啲豬頸肉好有骨膠原很容易入口，好好味，小食仲可以加倍黑糖梅子地瓜薯條，好少餐廳會有地瓜薯條加梅粉，食落去好香口我好鍾意，飲品我就叫咗炭焙烏龍無糖，總括嚟講食物質素好，亦都明白點解要排隊都會咁多人排隊去食，下次我會試食佢嘅招牌滷排骨便當。

排隊1.5小時入去等落單15分鐘落完單等食45分鐘整體用餐時間3小時成3個鐘以為自己食緊法國餐野食唔係特別好食 唔知點解咁多人排隊排隊效應？臨送餐上黎個陣先話另一份今日售罄嘩 笑左 等咗兩個幾鐘以為食得Omg 個menu已經嘜都無仲問我哋轉咩？不如你話俾我知有咩可以轉如果唔係已經排咗咁耐真係直頭起身走人算啦 怪自己蠢一食 嘩 真心覺得自己浪費咗時間浪費咗成個假期心情勁差！！！！！！！做唔切堂食，好心唔好接外賣經營勁有問題 開分店唔係咁樣亂黎去唔去自己諗

叫左兩個便當，分別係豬扒便當同豬頸肉便當，配黑糖冬瓜茶落單後20分鐘先到問一句，職員都有啲不耐煩「你入座半個鐘啫～入單無嫁」食物份量係好好既，但味道真係好鹹，豬扒個面既海苔粉都好鹹..豬頸肉係生抽味..連配菜粟米都好鹹…最緊要係app落單便當張相有半隻蛋..食物出場時係無..嗰個不耐煩職員話「相黎嫁咋！」個態度係「你唔係唔知ar ma~」咁🤷🏻‍♀️有個後生女職員係好友善有禮貌嘅，但可惜佢有個豬隊友…池上百芳好食啲…仲要平$10…起碼人哋真係圖片有隻蛋..俾番隻蛋你

出餐超慢，d野食普普通通。經外送平台訂餐，一落單已經預計備餐時間要1小時至1個半小時，其實都算耐了。但最後都要1小時40分鐘先出到餐，外送員用咗唔夠15分鐘就已經送到，但係我哋收到嘅外賣只係常溫連暖都講唔上，飲品d冰都溶曬，等咗個幾鐘嘅外賣就係咁？？！！？？烤豬扒便當塊豬扒好乾，灑咗好多調味粉，麻麻地。滷水雞翼便當d雞翼個樣好似生cancer咁超黑。咁深色仲以為煮好耐一咬就骨肉分離，諗錯晒，d雞翼又咸又鞋，完全唔好食👎總括係唔好食，無下次。

閒日中午12:30左右開始多人，又外賣又堂食都係得一個老闆娘（？）做樓面好頻能。滷排骨飯非常大塊夠入味，唔覺得好油膩，仲要切好分開連骨位同純肉位，食得好爽。不過由於好大份，係會飽到頂住，始終76一個飯餐嘛。特別深刻係配菜即炒好有鑊氣，便當餐嚟喎喂，不過連埋唔少鑊屎，係熱氣，但食開大排檔好啱口味。

其實早喺佢地得大角咀本店嘅時候 我已經bookmark左 但一直都未有機會去試眨下眼佢地已經開埋第二分店 今次進駐屯門！身為屯元天居民嘅我緊係要去幫襯下😆當日都好多人排隊 我大概排左大半個鐘🥺🍴香酥排骨便當 ($76)期待已久嘅招牌菜！排骨真係超級巨型！唔只大份 仲好厚！😍炸得好酥脆之餘 唔會炸到乾哂 有少少肉汁 唔會好柴👌🏻飯嘅份量都唔少另外仲有炒粉絲、洋蔥、粟米等配料食完真係飽到捧住個肚☺️🍴和牛QQ牛根丸湯麵 配鮮蛋拉麵 ($68)試業期間好多款食物同飲品都已經售罄朋友推薦嘅牛肉麵都已經賣哂 於是就試下呢款麵結果係…好有驚喜！牛根丸口感扎實彈牙 咬落去會爆汁 而且牛味超濃郁！❤️湯底有好香嘅藥材味 我好中意🫶🏻鮮蛋拉麵有咬口 掛湯能力都不錯大推！！🥰🥤鳳梨冬瓜茶 (+$6)酸酸甜甜 好解渴 仲有唔少鳳梨粒粒 唔錯🥤南投炭焙烏龍 (+$3)有好香嘅炭焙味雖然舖頭唔大 坐得比較迫 但係員工服務態度都好親切😌 呢度嘅食物同飲品性價比高 而且味道都相當不錯 唔怪得一直都咁有人氣😆