郎田日本料理 (已結業)

尋日我老公生日，諗住同佢\食餐\好，點知去左奧海城間郎田食buffet，好後悔！覺得有d對唔住佢\添！初時入到去只係覺得地方好迫，好嘈，好似去左街市咁，已經全無氣氛可言，但算啦！都坐低左喇！但d野食來到先嚇死你呀！d魚生又細件又唔新鮮，好似擺\左好耐咁，因為一d都唔凍！壽司飯就大，但件魚生細得可憐，蟹子細粒到，入口即溶，一d都唔似蟹子，d吉列蝦同天婦羅蝦，d粉成吋厚，隻蝦呢？仲細隻過阿媽去街市買既基圍蝦呀！拉麵d麵發到大晒，食落去全無口感可言，蟹粥d粥係味精粥，食多兩啖都唔係好想呀！仲有就係，生蚝同螺片無貨唔出聲，到我地追問先講無貨，我老公一邊食就一邊鬧，話service唔得，野食唔得，想食返d回本野都搵唔到，從來未食過咁差既日本buffet，以佢\8點後入座$155 + 10% 既價錢，好多地方都好過佢\，起碼唔會食到一肚氣先啦！當我地離開郎田時，我老公同我都異口同聲以後唔會再踏足依間餐\廳！

真係冇乜點食過咁差既日本野...一. 服務, 環境1. 訂位未留名就收線; 2. 見到當見唔到, 唔理你; 3. 地方細, 位都細, 坐得唔舒服;二. 價錢唔係貴, 但係都唔算平; 價錢差唔多, 我寧願去松屋同大吉都唔再去呢間...FIRST TIME IS THE LAST TIME. 三. 食物1. 魚生- 唔新鮮;2. 壽司- 凍魚生片加熱既飯, 有d仲唔知點解要加埋蠔油...九唔搭八;3. 串燒- 冇味, 要自己加七味粉調味;4. 沙拉- 唔知食咩...刺生沙拉既魚生唔知點解要用豉油"葉"過, 又係九唔搭八;5. 牛肉鍋- 算係ok既一個, 可能係我地叫個細既,所以得2片;6. 雪糕- 都係正常野, 綠茶同荔枝; 總括黎講...就係咩都唔得!!! 一定唔會再去!!!

嘻嘻!!小弟非常喜愛食放題，就係鍾意放題價錢平、多款咩都食到d...言歸正傳，小弟係2007年12月中第一次去該店食的，食之前無睇過食評....結果奶晒野....趁有緣來到這網頁，不妨寫過遲來的食評見廣告影d相ok，有分店，價錢較貴(我平時吃女人街$128一位)，於是好有期望咁去試下回唔回到本，唔識路周圍問人先搵到間鋪，去到果陣已經有宵夜場了，但侍應話宵夜場比"正價"場較少款式，因此我都係俾多d錢，要食多幾款.....食物出的好快，無多無少，但非常坦白講，係無樣野得既，絕對無吹水，由刺身到熟食都不知所謂，莫講話回本，我坐左無45mins已經走人，好飽....係成肚氣...頂到飽，價錢已經唔係平，食d咁既野....成晚唔開心因為有被騙既感覺，d野根本唔應該放得落口既...如之前既食評所講，只有d汽水係正常的原來貴d唔一定好d，而係差d

大約一月中左右，我同朋友到奧海城間郎田日本料理食宵夜時段，起初食既時候都無問題，埋位我第一時間就叫我既致愛（三文魚刺身），其次就叫各類壽司及其他料理等，唔使五分鐘，刺身已經上，好快﹗但壽司就未到，我同朋友起初以為可能要等陣，壽司要加飯，未到唔係問題，我地只好邊食邊等，繼續叫其他野食﹗過程中我不停叫刺生，當中有三文魚同吞拿魚刺身，開始問題就出現。首先我叫既吞拿魚刺身，賣相好，但食落既口咁有似生牛肉既感覺，完全無晒吞拿魚本身既鮮味。第二唔新鮮，食落似隔夜既感覺﹗成碗既賣相完全唔得，我自己本人勉強食幾啖就接受唔到，我朋友為左唔好浪費，試食一啖，都未完全咬到一半，已經忍唔住吐番出來．．我地只好放棄。第二，我叫既三文魚刺身，我食左十幾年三文魚刺身，完全未食過咁既情況，三文魚刺身有骨．．．唉﹗我朋友第一時間就講，好食喎，有幾好食．．．而家知啦﹗以後唔會再來。最後，我地叫既壽司當然係最遲最遲先來到啦﹗我地問服務員，話因為太多單，所以遲左．．大佬﹗我地叫左既壽司都無10個，何來多單呀，比盡你10分鐘，咩都做好啦﹗更何況我地食既同時見到員工係到傾計，如果真係多單既話，仲有時間比佢地傾．．．今次係我第三次

朋友生日飯局選址郎田，皆因奧海沒什麼可選擇，上星期五的晚上，全店只得一半入坐率，原因很簡單水準達不到水平，若不是朋友極力要求，我也絶不會"再"嘗試全晚所點的食物，大多離不開刺身、串燒......而其中我覺得是可以合格的1)蟹粥2)串燒雞翼、雞皮、冬菇、雞軟骨、牛舌、多春魚......3)刺身4)飲品是可添飲的四人共消費: $682

叫了2人晚餐，都幾多野食，以質素同分量來講，呢個2人餐都算抵食。服務就認真唔掂，可能服務員年紀還少吧。入到餐廳，豎起2只手指表示兩位，服務員即時令轉面，我們以為他帶我們入座啦，點知道原來拒去羅2杯茶，跟到拒去沖茶水既位置至知道拒唔系帶緊位。我們便望望另一位在旁既服務員，拒叫我地隨便坐。我地就自己選了張台喇。服務員好明顯系等緊收工，都未見過在餐廳內5-6個服務員可以一起行（成間餐廳就只有果5-6個服務生），好似童黨多個似服務生0我。我地旁邊張台仲激氣，他們食放題，他們在再點食物時發覺有幾樣食品都未來，在追問之下服務生幫他們跟，誰知道連張order單都唔見埋,旁邊既食客一邊食一邊罵。

除夕夜，於奧海城覓食，最終決定吃日本菜。等侯時間不足一小時，當晚來說算是快的了！帶位姐姐的態度不錯，我們錯過了號碼也即時安排座位給我們呢！點了以下食品：手打烏冬──烏冬軟硬適中，湯底甜甜的，令人上癮！軟殼蟹卷──很難造得差的一個料理，中規中距！三品剌身──三文魚、北寄貝、平貝，皆新鮮肥美！海膽平貝壽司──海膽色澤暗啞，令人望而生畏！吃下去竟不錯！平貝是一貫水準，有鮮味！與海膽很配！炸甘栗餅──一咬下去，是紫色的！即是大叫「蕃薯o黎o既！呃人！」吃著吃著，見到少許小粒栗子，配合蕃薯一起吃，又是出奇的甜！好味！咖啡涼粉──咖啡與涼粉又是很能配合的東西，不錯！令人滿足的２００７年最後晚餐！

早幾曰同朋友夜晚黎食,叫了好多野食但有D熟食叫得!!天婦羅唔脆,D拉面好怪D味秋刀魚仲有D唔熟,失敗好彩D串燒OK尤其雞翼好味!!我朋友食左好多三文魚話好鮮好肥!!

Before I visited this jap buffet, I knew exactly what I would get for the price.I came for the lunch and dinner buffet recently.The service is better than some of the expensive cafes at 5 star hotels.The food, susumi - fresh congee - good udon - soft ice cream - red bean/green tea excellent Drinks - free refillsI always do not trust the comments at open forums as they are sometimes subjective. I will try.

昨晚我同幾個朋友一起去食過, 之前還未看此些人的食評, 現在食完再睇返, 都唔係太差, 魚生都幾鮮甜, 係有一些食物就差左少少, 好像燒冬菇/鴨片肉就唔得.服務員都可以接受啦!

我好少比評語餐廳，但尋晚試完佢930pm既任食，真係唔上黎講唔得，對唔住d街坊。基本上，d食物全部都唔新鮮，攪到連魚生、魷魚鬚呢d好味野都唔想食。調味方面，叫左個牛油粟米，基本上呢道菜都冇理由話難食，但粟米無粟米香，牛油無牛油味，只係食緊一粒粒好鞋既野。串燒雞翼，雞翼咁滑溜都可以有本事整到鞋拾拾既！串燒牛柳，口感好怪；蟹粥，隻蟹算清甜，但d粥，米還米，水還水，似係一碗爛泡飯！炸蟹鉗，一口咬落，成口油吱出。軟殼蟹卷物，嘩，以為叫左白飯壽司，果丁點蟹真係放大鏡先睇得出。臨尾個waiter叫last order，我心諗，「你鋪頭有咩難食野不如一次過leg晒出黎，等我聽日幫你上open rice」。唔好以為我好咀刁，唔信可以自己leg張紅衫魚去幫襯。全場只係杯可樂係正常水準！

平時LUNCH HOUR 特別多人，皆因附近兩幢銀行中心，以為食物水準應該不錯吧？所以一家人晚上去試自助晚餐，樓下的朋友說得好：『一生人食過最難食的日本菜』，燒烤又乾又無味道，雞軟骨簡直不知所謂，魚生還可以(話說回來，連這些都不好就更沒有東西可以吃了)，海皇翅味道不好已經夠慘，再加上好像沒翻熱似的，比街邊的碗仔更差！我們一家人都不算是咀刁的呢，可惜用數百元換一頓這樣的晚餐，確是不值。希望老闆加點良心去經營，地點已經不算方便，食物水準這樣差勁，怎生存？下次再去光顧任何食肆前，學精乖了，還是上這裡找找食評才去吧！

去到見到好多後生仔~唉~都唔會有咩好服務啦~最慘係~成間餐廳都好大煙~一坐得~我地就TICK TICK TICK啦~其實佢地都好多野可以揀~不過壽司好麻麻~炸物一般烏冬又無咩味~'卷物的紫菜係差野不過佢地好就好在~好多野都好大般~而且上菜快~而服務方面係麻麻啦~叫佢地掃掃個地都唔肯~我出去個時見到個走廊個地下成隻雞翼係度~佢地見到都唔掃~地下有有D濕濕的又唔抹~埋單120加送茶~(唔熱的)同芝麻ICECREAM(OK啦)

我去過好多次lo,而家keep住2星期去一次,同d舊同學聚下回正題,根據我既經驗,郎田既質素好飄忽,去得多既話你會認到一d侍仔侍女同師傅服務超好,有d pk到想用水杯車佢不過,三文魚,串燒,一些和食長期都keep得好,不過三文魚多數有一條魚根,不鍾意魚根的朋友可帶把刀仔切左佢ps,其他魚生同拉面吾好叫,真係好差不過我就好鍾意叫尼d,同d fd猜左佢,十分過癮

雖然真係未至於話難食，但同廣告講到話全城最強真係差十萬九千里咁遠。款式有無過百款就真係無數過，但都算叫做多選擇，不過全部都係大路野，無乜驚喜。用料麻麻，除左三文魚之外，幾乎分唔出其餘刺身既味道，其他熟食既味道都係一般過一般，不過睇番價錢，只係百零蚊，唔通真係用塊A5黎做件和牛壽司咩，所以......將貨就價，都係算吧啦。