郎田日本料理 (已結業)

大約一月中左右，我同朋友到奧海城間郎田日本料理食宵夜時段，起初食既時候都無問題，埋位我第一時間就叫我既致愛（三文魚刺身），其次就叫各類壽司及其他料理等，唔使五分鐘，刺身已經上，好快﹗但壽司就未到，我同朋友起初以為可能要等陣，壽司要加飯，未到唔係問題，我地只好邊食邊等，繼續叫其他野食﹗過程中我不停叫刺生，當中有三文魚同吞拿魚刺身，開始問題就出現。首先我叫既吞拿魚刺身，賣相好，但食落既口咁有似生牛肉既感覺，完全無晒吞拿魚本身既鮮味。第二唔新鮮，食落似隔夜既感覺﹗成碗既賣相完全唔得，我自己本人勉強食幾啖就接受唔到，我朋友為左唔好浪費，試食一啖，都未完全咬到一半，已經忍唔住吐番出來．．我地只好放棄。第二，我叫既三文魚刺身，我食左十幾年三文魚刺身，完全未食過咁既情況，三文魚刺身有骨．．．唉﹗我朋友第一時間就講，好食喎，有幾好食．．．而家知啦﹗以後唔會再來。最後，我地叫既壽司當然係最遲最遲先來到啦﹗我地問服務員，話因為太多單，所以遲左．．大佬﹗我地叫左既壽司都無10個，何來多單呀，比盡你10分鐘，咩都做好啦﹗更何況我地食既同時見到員工係到傾計，如果真係多單既話，仲有時間比佢地傾．．．今次係我第三次