郭仔記粥麵專家

營業中

休息中

呢度有著民間美食，呢一間小店有菁極長久嘅歷史，依然屹立不倒 有一堆街坊街里幫襯。呢度有腸粉燒賣魚蛋炒飯炒麵粥品熱奶茶與咖啡熱檸蜜 可樂雪碧芬達，根本上可以講係應有盡有，款式多而不失霸氣。今次我就選擇咗一個車仔麵食，叫嘅餸就當然要多啲啦，因為我好肚餓。我選擇咗好好味嘅五香肉丁，黐孖筋嘅牛孖筋，肉質彈牙嘅貢丸，長長幼幼嘅通菜，兼且要河粉加腩汁。佢同一般嘅車仔麵唔同，腩汁特別濃味，河粉特別滑，加埋唔同嘅餸撈埋一齊，完完全全係食緊九大鬼咁款，每一款都好啱我口味，每一款都好鬼好食。雖然環境望落去有少少擠迫，但係呢一種就係民間嘅風味，喺出面感受唔到嘅！呢一種嘅民間小店一定要多啲去幫襯，支持下，因為呢啲就係我哋嘅歷史回憶，同埋因為佢好好食呀！！！！！！！

今日行開大埔呢邊，就喺大埔呢間郭仔記粥麵專家度食埋午餐。 聽講呢度啲車仔麵唔錯，一於試下啦!大埔呢一間郭仔記既地理位置都算方便喺大埔墟港鐵站落車行五分鐘就到。呢套幾鋪面唔算好大，午餐時間就迫滿咗人!我揀咗四個餸，加個木薯粉，仲要咗佢嘅秘製辣汁!出乎意料嘅係，佢嘅餸好多，好豐富，好大碗。 呢個湯底加埋佢嘅秘製辣汁都好唔錯啊！d通菜同啲金針菇都好新鮮，金錢肚同埋豬大腸好入味!呢度仲有我最鍾意食嘅醃小菜， 卜卜脆 ，好好食!仲有呢度嘅熱奶茶都好好飲，奶味同埋茶味都好香濃!

突然想食車仔面, 經過此店, 見有位置坐下吃, 便內進點餸.由面底, 餸菜, 至醬汁, 選擇款式算多, 選好後交樓面即製. 我點的是生菜, 貢丸, 水魷魚, 油面配沙嗲汁.甫一送到時, 還以為樓面畀漏一個餸, 原來水魷魚放在碗底, 而且份量也算不少, 把沙嗲汁混好湯底, 濃淡適中, 不消一會便吃清了.進食其間不少食客點碗仔翅, 下次可以嘗嘗.

車仔麵可以叫淨餸，最適合我這種想吃多幾款又吃不下一碗麵的人。蠔油冬菇一值是我最喜歡的車仔麵餸菜，來到一定要試一試。冬菇肉很厚，咬下去啖啖肉之餘，還會流汁，蠔油味很香濃，也吃得出冬菇味。豬大腸夠肥又爽口，沒有腥臭味，份量很多。腸粉質地很滑，卷得緊實不容易散開，麻醬很香，我跟朋友都喜歡吃。辣魚蛋不算太辣，彈牙好吃，份量也是好多，價格不高，cp值高。朋友點了車仔麵，湯底選了秘製辣汁，果然很辣，喜歡吃辣的朋友可以挑戰一下。桌上放了菜圃，味道清新爽口，有很香蘿蔔味，平常在外面吃的菜圃大部分都吃不到蘿蔔味，這裡的有，感覺不是只有辣味，味道比教豐富。豬頸肉爽口，而且油已經煮走了，不會吃到滿嘴油。麵的份量很多，大件夾抵食。

黎開呢頭剪完頭髮，打算食個快晏就走，黎到公園附近幾條食街，眼見呢間好多人流出出入入咁，羊群心理哈哈，就去食喇原來係車仔麵，都幾多選擇，想試真章就一定要揀牛腩牛肚腩汁，另外仲有我最愛嘅紅薯粉，好難得呀有呢個選擇！牛肚好軟好有味，係肚紋好密個種，所以更容易索汁牛腩入味得黎仲肥瘦均勻，仲有小小牛筋痴住，好有口感！牛柏葉好彈牙，菜嘅分量都好充足紅薯粉不失所望好好咬～另外好加分嘅就係辣菜甫！！配埋落麵到簡直一流！

車仔麵係細個daddy最鍾意帶我食既野。吸引之處：1. 個menu俾你自己寫，懷舊式。仲有好多野食揀。2. 舖頭夠多位，好快就有位坐。3. 車仔麵好快送到黎，大碗，包你夠食。4. 原來呢度既牛丸係100percent牛肉，見到舖頭poster先知，牛丸係用牛後腿黎整。5. 牛丸彈牙，有濃既牛肉味，中間又食到口感好幼，好細緻既感覺。6. 每次食車仔麵都會食魚皮餃。魚皮個層滑同香味食極都唔會厭。魚皮餃好新鮮，無腥味。7. 湯底加左牛腩汁，好香牛腩陣味。食埋牛腩，牛腩又煮得好夠味。8. 仲有豬頸肉，俾得好多豬頸肉。豬頸肉好香。口感爽口又彈牙，每樣車仔麵既送都整得唔錯。9. 買多串燒賣黎食。一次過滿足曬我想食小食同車仔麵既慾望。食得好飽，價錢又合理，好好食。

今日同女朋友行街街 肚仔餓 於是去揾野食 本身都未決定到食咩 行行下見到有間車仔麵 突然好有意慾想食 最後都係決定左食佢環境方面同其他車仔麵檔冇乜分別 算乾淨 都幾怕見到出面D車仔麵檔勁烏糟 地下立痴痴 但呢到冇呢種感覺一坐低即刻睇下有咩食啦 我就叫左油麵，豬頸肉，漢堡扒，豬大腸，紫菜（係紫菜呀 小弟好鐘意食紫菜 如店有既話 基本上係必點 今次亦都唔例外 🤣） 要牛腩汁 女朋友就叫左烏冬，墨魚丸，炸紅腸，漢堡扒，炸魚皮 要唦嗲汁首先講返小弟果碗先 湯底幾好 再加埋牛腩汁都唔會太鹹 大腸會有少少肥（驚肥既人自己衡量 但我覺得可以肥多少少 😂😂😂） 漢堡扒就唔駛講 冇乜可能唔好食 重點係紫菜 紫菜入晒味 每啖再加少少湯 👍👍👍 但美中不足 口感唔係我想要果隻 有少少似雲耳 整體唔錯到女朋友果碗 加左唦嗲汁又惹味左 墨魚丸同紅腸就正常味道 但炸魚皮不得不提 好好食 炸得夠脆 浸左湯都唔會淋晒 加埋唦嗲汁 正呀⋯⋯陳皮魚蛋都唔錯 可以一試

男朋友對車仔麵情有獨鐘，藍妹自然成日陪佢覓食。「郭仔記粥麵專家」，睇個名唔知原來佢專食車仔麵嫁。🧐－果到除左車仔麵，仲有炒公仔麵，小食等等。－而家好多車仔麵檔都用自己畫單既方法落單，清晰唔會錯。－果到既服務態度其實麻麻，不過呢啲車仔麵小店，做街坊生意，都預左嫁啦。😰落單來來回回問左幾次，終於等到野食。少少地叫左4樣餸，漢堡扒、炸紅腸、墨魚丸同炸魚皮。－叫左沙嗲汁，可以清楚見到一pat沙嗲汁，撈暈就食得。味道唔係平時果種沙嗲汁，微辣，幾香呢。🤔－墨魚丸真係冇味，完全冇墨魚丸味，令次次都會叫墨丸既藍妹好失望。😭－令藍妹最驚喜既係脆炸魚皮呢！😱佢同藍妹以前食過既炸魚皮完全唔同，佢係一舊，唔係一片片咁。炸得超級脆，一路食一路話正，連男朋友試完都話好味。🤣最好既係，即使一路浸住湯，食到最尾，都完全唔會林，仲保持到脆卜卜！😍－暫時未係第間見到車仔麵有漢堡扒點，一見到有，我地兩個都不約而同點左。漢堡扒真係點整都好食，冇得輸。😆－好耐冇食過陳皮魚蛋，藍妹平時唔鐘意食魚蛋，但偏偏想食陳皮魚蛋。因為陳皮魚蛋個口感完全唔同，唔會彈牙，有啲黏口，藍妹就係偏愛佢膠膠地既質地😆呢間既陳皮味有啲淡，如果濃啲就更好啦

同屋企人經過大埔墟見到呢間車仔麵舖， 見到有勁辣魚蛋，所以就想去試下車仔麵嘅餸選擇都算多， 有好少見嘅鮑汁鳳爪同埋蠔油冬菇另外仲有成十款麵可以選擇。屋企人叫咗四個餸，有魚肉，牛腩，豬手和蘿蔔佢揀咗腩汁同油麵豬手同牛腩夠淋好入味， 蘿蔔索咗啲湯既味道唔太鹹幾好味。我叫咗五個餸面，有秘製辣汁魚蛋， 酥炸魚皮， 豬大腸，豬軟骨和牛腩 我見唔夠辣， 要揀埋佢隻 秘製辣汁湯底配粗麵。酥炸魚皮係連骨炸嘅魚皮，食落鬆脆豬大腸夠入味鹵水味濃， 豬軟骨和牛腩都夠淋同入味秘製辣汁魚蛋夠辣，同埋食得出佢啲魚蛋係用咗陳皮魚蛋， 個湯底都夠濃同埋夠辣。見到舖頭都唔係淨係賣車仔麵， 仲有粥賣， 呢d 辣蘿蔔相信係畀客人食粥嗰陣時落嘅， 雖然我嗰日冇嗌粥， 不過試咗少少辣蘿蔔， 送粥一流。

咁多類型嘅麵店，我最鍾意食嘅就係車仔麵， 因為貪佢多款式，價錢又大眾化雖然成日經過呢度，不過一路都未有機會食呢一間車仔麵今次就特登搵時間嚟試一試呢度啲野食呢度除咗車仔麵,仲有得食腸粉、粥同埋其他麵食 餐廳裏面啲佈置都好簡潔，坐得算舒服車仔麵嘅款式同配料都算多選擇，而且價錢亦都唔算貴，揀多幾個餸都唔會覺得肉赤我嘅心水一定係揀粗麵，仲一定要配豬大腸，另外仲叫咗牛柏葉同埋魚皮餃呢個麵底我非常滿意，因為啲麵唔會淥得太淋啲豬大腸件件都好夠分量，唔似出現有啲車仔麵碎濕濕咁，一啲都食唔到口感牛柏葉都好爽口，非常好味另外叫咗個小朋友版嘅車仔麵，有漢堡扒魚蛋同埋牛丸小朋友都覺得好滿意，成碗食哂呢度嘅自助調味料都好多選擇首推呢個辣蘿蔔，非常之開胃又好食 如果係加落啲粥度食真係一流呢度仲有學生優惠臨走先見到呢個咁得意嘅牌下次真係要試下佢啲秘製辣汁整體覺得呢度嘅車仔麵非常之有水準啲嘢食又抵又唔貴下次再想食車仔麵都會再嚟呢度食

同朋友係大埔踩單車，粗粗地食碗麵再繼續行程。黎到郭仔記，環境都幾整潔，見到佢主張無加味精既湯底，一於黎試下係唔係冇味精。叫左肥牛，豬大腸，五香肉丁配米線($43)。碗麵一上枱份量唔細，大大碗，而d餸亦都十分之足料。特別欣賞佢既豬大腸，清理得好乾淨，煮得夠味，而且一d都唔韌。肥牛肥瘦均勻，冇急凍味，有口感。而五香肉丁盲不過不失。鍾意食辣既朋友，可以試下餐廳秘製既辣汁，真係非常惹味，加埋肉丁既辣味，好過癮。唔夠辣，枱面上有唔同既辣醬辣油，可以自己加。本來仲叫左罐裝可樂，估唔到食完唔似其他車仔麵咁會好口渴，睇黎真係冇加味精。整體，除左車仔麵，仲有其他炒粉麵飯，粥品，腸粉小食，迎合唔同口味既人。

今日黎到大埔墟掃平貨，晏晝正煩緊食咩好個陣就見到依間郭仔記，見到有篤魚蛋嘅車仔，又有唔同款嘅小食、車仔麵、粥品、粉麵，價錢仲好平民，於是二話不說就入咗黎食~好耐都冇食車仔麵，緊係試番碗。以2餸1麵起，餸嘅選擇非常多，價錢由$8到$13不等，身為食肉獸嘅我，揀咗牛腩、牛根、牛肚，外加1串辣魚蛋。麵都有唔少款，估唔到有我最中意嘅紅薯粉。最厲害嘅係，醬汁除咗有清湯同腩汁，仲有辣汁、咖哩汁同埋沙嗲汁，啱哂口味較濃嘅朋友。牛腩燘得軟熟入味，牛筋爽滑又有少少黏，而牛肚就有濃濃嘅五香味，估唔到鋪頭仔都可以做出咁高水準嘅牛類。紅薯粉本身冇咩味，配上沙嗲汁就更加入味。最後加埋凍檸茶消暑，真係平靚正，下次一定要試下佢嘅粥品。

星期五放工後，約了朋友到大埔食飯。我原是打算到商場裏的一些餐廳吃飯，但朋友話經常食連鎖式餐廳不如試下其他的，所以我們就在大榮里那邊走了一會，剛好見到這間郭仔記，見它有張海報說他們的上湯不含味精，當然想試一試。既然作為一間粥麵專家當然不得不試下他們的車仔麵，而最重要的當然是想品嚐一下他們的上湯是否真的不含味精，全由新鮮豬骨瘦肉，金華火腿和大地魚等製成。所以我便叫了沙嗲汁配雞中翼和豬頸肉的公仔麵，另外還叫了一份魚肉燒賣和陳皮魚蛋及熱阿華田。朋友說他不太餓，所以只叫了一份No. 4（魚蛋，燒賣和腸粉）。話說他們的店內都貼有一些食物圖，並標上數字，方便一些有選擇困難症的朋友仔決定，方便之外，還很貼心。等了一會店員便把食物遞上了，我急不及待先品嚐了自選車仔麵的湯，發覺上湯確實是很香甜，由於加了沙嗲汁的原故，味道更香濃惹味。雖然在其他餐廳也可以品嚐得到美味的上湯，但往往喝了幾口後，便會使人產生咸意，而卻步或需要喝其他餐飲，但我直到把整碗麵吃完也沒有出現咸意，叫的飲品依然原封不動，所以我認為確是沒有加味精的，各位也可試試。另外，在食材方面，雞中翼肉質唔會太老，而且大大件。豬頸肉夠爽口，不肥不膩，配上

係大埔住既人都會知道有郭仔記呢一間車仔麵店，多年老店重要平靚正！環境簡單的設計，但是不會感覺污濁，所以感覺良好。車仔麵，魚蛋，燒賣，腸粉加杯豆漿，係細細個既童年回應，個個都食過車仔麵材料多款選擇，樣樣都好！！！車仔麵的醬汁濃郁，加上麵條唔係便宜貨，麵條有口感，啖啖食落去都好完美。魚蛋係經典的陳皮魚蛋，爽口彈牙。燒賣係魚肉燒賣，有煙韌的口感，加上魚味肉香，蘸點豉油、辣椒油，閒閒地吃十粒八粒絕對沒有問題。腸粉粉薄、味鮮、爽滑的，加埋甜醬，花生醬，豉油，配給一流！！！！加上濃濃的香味的凍豆漿，一整個套餐的感覺有如小時候的感覺。

今日去到大埔約左朋友仔去踩單車，當然我地要去左搵食先踩單車，為左對我個胃好d，聽聞大埔有間郭仔記唔錯，而且佢係食燒賣、魚蛋、腸粉、碗仔翅、車仔麵個d既，當然要落去踩踩點拉🤟🏻🤟🏻🤟🏻一早落到黎當然要試下佢既燒賣、陳皮魚蛋、車仔麵，因為我一個人食唔到太多野😂燒賣首先吾會整到過熟，爽口有咬口既！陳皮魚蛋香港都見少買少，呢到食到而且仲要重陳皮味，的確係我榮幸！🤩碗仔翅吾會淨係水吾會好稀，佢入面好足料架！而車仔麵我就叫左肥牛雞翼豬腸，件件都大件又抵食，肥牛每件都好大塊，雞翼有2大隻，豬腸起碼有8舊加上呢到每張枱都有得你自己落調味料，菜脯任加吾嬲！呢到等位都好快，呢頭嗌野食轉頭就有得食，大埔郭仔記！掂！冇得輸！正！