郭仔記粥麵專家

營業中

休息中

朋友推介之下，去到大埔墟公園仔附近一間車仔麵檔，聽說在大埔已很久歷史，而且非常有名的。車仔麵檔經過裝修後，現在的招牌以紅色為主，而且餐廳位置當眼，好容易就搵到。餐廳有卡位同埋中間嘅長枱位置選擇，裝修格局簡潔，好彩剛剛好不用等位，原來入面已經非常滿座。落單以自助形式，而且緊記寫上枱號，如果唔係職員唔知㗎。最後我就揀咗六七個餸嘅車仔麵，因為實在太肚餓了，當然唔少得要佢個沙嗲汁，小小辣好滋味。最後叫咗我最鍾意嘅油麵，配料唔少得好索味嘅紫菜，份量都幾多，而且雞翼亦好入味，肉質同埋皮好軟熟。墨魚丸好新鮮彈牙，而且好有咬口。滷水蛋亦滷得得非常入味，食落去唔擔心太乾，因為可以飲一啖湯中和返。食到咁上下，加少少辣菜粒落去麵度食更加滋味。除此之外，仲有蠔油冬菇、生菜、鮑汁鳳爪、豬大腸同埋牛孖根等等。旁邊仲有不同嘅調味料，讓客人自由配搭加入麵入面食。食到咁飽，最後都只係$100左右埋單，每人平均消費$50-60，就可以食到咁豐富嘅下午茶，根本晚飯都唔使食，已經好飽肚了。

一起身就去大埔搵吓下午茶食，結果俾我哋揀選左大埔一間馳名車仔麵檔。配料太多選擇數之不完，每一款配料都各有特色。當中嘅墨魚丸大大粒，食落去咬到一粒粒嘅墨魚粒。鮑汁鳳爪好入味，而且一份都有兩三隻，外皮好林好入味。雞中翼用咗香濃嘅滷水汁浸，除咗好入味之餘，肉質更非常嫩滑。咖喱魚蛋好彈牙，食落去唔算太辣，味道剛剛好。除咗車仔麵之外，仲有多款小食任君選擇，如有腸粉、魚蛋、燒賣同埋碗仔翅等。飲品方面有奶茶、咖啡、豆漿同埋汽水等。整體來說，餐廳嘅食物就算早餐、午餐、晚餐都可以食，冇分季節，所以這間小店是我經常幫襯嘅餐廳之一。

今日要喺大埔做運動，想喺附近揀D好味但又唔heavy嘅食物終於諗到去呢間食個車仔麵一坐低就即刻睇下想食咩先第一時間就揀左我至愛嘅粗麵。。。再揀多2個餸今次就食牛腩同牛柏葉另一半今次揀左食豬大腸，豬皮同咖喱魚蛋，我地心有靈犀咁揀左一樣嘅粗麵同沙爹湯底本來淨諗住食麵。。。不過另一半見到個炸魚皮好吸引，所以就叫多左個炸魚皮等緊野食嗰陣走去揭下餐牌，原來除左車仔麵之外，仲有其他飯類同芝士麵可以揀好快就有麵食我個牛腩牛柏葉粗麵。。牛腩算幾大舊，唔係碎濕濕嗰D餸頭餸尾feel，牛柏葉好爽口，個麵都煮得剛好，係我鐘意食嘅彈牙口感，非常滿意至於另一半嗰碗，最有驚喜係個辣魚蛋雖然我唔係特別鐘意辣，但都覺得好好食個炸魚皮就好厚身好脆，平時出面好少食到另外值得一讚係樓面D叔叔阿姨好有禮貌，今日落雨地下濕滑，我地食緊野嗰陣就聽到叔叔提醒D客人小心地滑有心嘅小店下次會再嚟

今日去大埔去朋友屋企聚會，中午時候嚟到就自己去搵嘢食先，熱辣辣嘅天氣想食碗麵🍜，見到有間食香港地道小食同車仔麵嘅鋪頭，就入去試吓去到都幾多人，係自己係餐紙上圈起想要嘅配料，選擇都幾多，我揀咗脆炸魚皮、牛孖根同紫菜，配上紅薯粉，另外叫咗杯熱檸茶我揀左加沙爹汁，紅薯粉好彈牙，份量十足牛孖根煮得夠軟身，容易食而魚皮炸得好脆，金黃色好吸引枱面上有好多調味料自己可以落，仲有啲辣榨菜仲叫咗碟腸粉試吓，夠晒多醬大家如果想試香港本土嘅特色小食或者車仔麵，可以黎試吓，仲有其他魚蛋、碗仔翅、豆漿等等，夠多選擇

貓貓講出黎貓貓都唔相信。貓貓今日放左工貓貓一個去食車仔麵。貓貓好耐無食車仔麵。貓貓order左個河粉。河粉當然要有牛腩，豬頸肉，滷蛋，魚皮餃。見到濃濃既牛腩汁貓貓即刻濕左個嘴。好濃味既牛腩湯。牛腩煮得軟，仲有啲牛根，正唷！貓貓食到個豬頸肉就覺得非常爽口。炸左既豬頸肉，本身豬頸肉已經業過，所以又鹹又香。等豬頸肉浸左一陣，牛腩汁入左味更加好味。好鍾意呢個車仔麵。河粉又滑又彈牙。貓貓仲試左個菜脯。辣味菜脯一加落個湯，味道就更開胃。碗河粉雖然好大碗，但吸引既菜脯，令貓貓越食越快，味道真係好夠，貓貓好開心！

大埔車仔麵店中，呢間都算滄海遺珠，皆因它標榜湯底真材實料：使用大量新鮮豬骨瘦肉、金華火腿、大地魚....等多種配料精制而成，保證不添加味精！奇怪點解我冇介紹過😅呢度成日坐滿人，食飯先時間d order多到一疊疊，無計又平又好食，百物滕貴嘅今日去邊度搵。今日又嚟食碗麵，叫咗蘿蔔、滷水雞蛋、鯪魚肉，加米線。最鍾意呢度嘅車仔麵大大碗，勁多餸，夠抵食，最低消費兩餸一麵，＄30、40就有一碗👍🏻蘿蔔：真係我最愛，清甜、入晒味，每次食都一定要叫！滷水蛋：鍾意佢已經首先餣好咗，充滿滷水味而且係完整一粒，抵食。鯪魚肉： 食落覺得好似魚肉碗仔翅，唔會腥，而且份量好多，好味道。順帶讚下呢度嘅侍應哥哥姐姐，有禮，有笑容，叫親都極速回應，落餐夠快，唔hea，like ar👍🏻👍🏻

黎到大埔，如果只係想食普通平民嘢食，我會推介“郭仔記”嘅車仔麵，呢間鋪頭營運左好耐，早幾年好似仲有裝修過，食物好抵 ，水準一如以往。非繁忙時間，可以自己係餐廳搵位，梗係搵卡位坐最好，跟著自己拎台面張點菜紙圈低想食咩，再比侍應就得。除左車仔麵之外，其實仲有腸粉、和各類小食。我今日當下午茶食，所以就冇點成碗麵咁多，而係單點左2份豬紅(所謂的兩份，只係約份量乘2，並唔係真係有兩份不同的)，味道濃厚，再加上蘿蔔菜鋪好好味，一齊襯住食

今日難得黎到大埔做野，一個人食飯唔知食咩好。朋友介紹話呢間粉麵好好味，咁就一於黎試下啦。一入到去，見到真係好多客喎，不過環境夠大唔會迫。睇menu見到，原來除左車仔麵仲有好多其他人野食嫁喎，不過朋友就話最推介車仔麵，咁我就食佢啦。佢同其他車仔麵店一樣，都係自己劃紙落單既，我就叫左個豬軟骨魚皮餃米粉。見到佢既碗碟同餐具都印有郭仔記既字樣既，真係好有心思呀。好肚餓既我緊係即刻試下啦，豬軟骨夠哂稔，而且好入味，唔會好似出面某d餐廳咁太硬咬唔開。魚皮餃都好香，個皮唔會太厚，食落岩岩好。湯底都好惹味，米粉吸哂d湯汁真係好出色呀。呢間餐廳又夠平，環境又乾淨，朋友今次真係無介紹錯呀。

住喺大埔嘅街坊一定知道郭仔記呢一間車仔麵店，今日終於的起心肝坐低試吓！其實郭仔食物都幾多元化，除咗大眾化嘅車仔麵之外仲有好多唔同嘅飯類選擇，不過鍾意食車仔麵嘅我就梗係叫返車仔麵啦，我就叫咗魷魚牛腩菜心同埋蘿蔔，一間車仔麵店好唔好食睇蘿蔔就知道佢見真章，小食方面我仲叫咗一個魷魚牛柏葉！車仔麵好快就上咗枱，佢個湯汁係用非常之濃郁嘅咖喱做湯底，飲一啖已經覺得非常之嘢味，魷魚真係可以做得到非常之有咬口之餘唔會有渣，蘿蔔有清香嘅魚湯味道，蘿蔔外皮已經處理好晒唔會有渣，咬落去非常之滑呢個蘿蔔，牛腩非常之香濃但係都有牛味嘅，配合菜心索晒啲湯汁一食真係返唔到轉頭！小食方面魷魚牛柏葉上面鋪滿晒香濃嘅沙嗲醬，沙嗲醬好似唔駛錢咁樣鋪都滿一滿，務求令你每一啖都食到香濃的沙嗲醬味，牛柏葉煮得啱啱好又爽又滑，魷魚就唔使講啦質素非常之好！好多人都話車仔麵蘭登大雅之堂係街邊小食，真正嘅美食就好似郭仔記為街坊提供美味嘅食物，大埔街坊仲等乜嘢快啲過嚟試吓！

原本想食粥，但入到去先知原來仲有車仔麵。好耐無食過車仔麵啦。坐低即刻叫完車仔麵黎食。揀左好多送因為太肚餓。超大碗。入邊有米線，牛腩，豬軟骨，牛拍葉，芽菜等等。飲左少少湯底，係我最鍾意既牛腩汁。少少一啖已經食到真香濃既牛腩味。好惹味！牛腩有好多，好捨得落料既車仔麵。而且牛腩整得夠味。豬軟骨軟口又滑，份量多。湯底加左辣菜脯之後，又係另一個層次。菜脯既鹹辣味令車仔麵更加開胃。加左特別好味。牛拍葉同菜脯一齊食，又彈牙又辣，又幾好食！叫埋罐雀檸消一消暑。平平地又好滿足既午餐。

今次去左大埔食下平民美食～呢度地方唔算難搵 不過冇諗過都好多客人下 外賣既多堂食既都多呢粥粉麵飯樣樣都有 有碟頭飯 撈麵 小食有碗仔翅 炸燒賣 魚旦 腸粉等～都係常見港式本地特色小食～見大部分人都會點兩到三餸車仔麵所以都叫左碗車仔麵 腸粉同唦嗲尤魚 牛柏葉呢度碗麵真係好大碗餸都好足料 重點一提唦嗲汁係老闆秘製Tim!特別濃濃又惹味!餸方面 白魚旦好似手打出來咁 ><好彈口唔痴牙 豬軟骨汶得夠淋配上特製唦嗲汁一絕小食方面 牛柏葉好新鮮又爽口尤魚夠厚切又唔打渣 好有口感當然都係選了配特製唦嗲汁啦！腸粉入口好滑溜溜 配埋混醬就最正好少會尊程去食港式餐廳不過呢間唔錯 大埔代表既車仔麵另外一讚係 餐具好乾淨枱面透明玻璃見到晒櫃桶裹面放既餐具真係好乾淨～一塵不染！

聽聞大埔有一間湯底唔落味精既車仔麵店，湯底係由自己親自新鮮熬制，而家食物選擇多港味濃，有碗仔翅、腸粉燒賣、沙嗲牛柏葉，魷魚、粥、芝士撈麵，真係搞到頭都大埋唔知食邊款好，最緊要既係就連車仔麵既配料都有排你揀!我叫左一碗辣咖哩魚蛋豬軟骨鮑汁鳳爪米粉，哩3款餸都好入味而且份量都唔少,魚蛋係我最愛既陳皮魚蛋再加個秘製辣汁，好HK style,豬軟骨啖啖肉，鮑汁鳳爪就算浸左湯都唔會分薄左佢嘅味道，好入味一啜d骨就甩哂！而且佢嘅米粉係爽口唔係平時鞋颯颯個隻，唔錯喔！另一碗係蘿白鮑片貢丸米線比較清淡先試到佢個湯底，湯底帶d甜味，蘿白係好好味，超甜的！本土小店當然要支持下，由其是由細食到大既風味～

又到午餐時間，大埔墟平民餐廳多的是，小小一個公園，茶餐廳已開滿四周。平日茶記吃得多都會有點嫌卷，今天一於吃'車仔麵'今天的午餐是這三餸一麵的車仔面，有魚皮，墨魚丸和豬頸肉+一丁麵於郭仔記吃車仔麵最低消費是兩餸一麵先說墨丸，味道不錯，不會只吃得出粉味。再說豬頸肉，最最最值得推介的食品就是這款，豬頸肉是三款餸內最好吃的一款，肉質爽口不會乾巴巴。而魚皮味道本身不差，但可惜上菜時已浸在湯中，如果可以用碟子另外裝起魚皮，保證上菜時仍保持脆口就更好。整體來說，味道不錯而且份量十足，吃一碗可以撐一整個下午了！

大埔一向多美食朋友推介一間熟食車仔麵檔假期啱啱起身就落去食第一餐門口擺放車仔檔口見到餐廳職員都好忙碌咁買賣小食喺遠處已經聞到好香嘅咖喱味道行埋去仲有好多唔同款式嘅小食當中當然有我最鍾意嘅燒賣不過今次唔係外賣攞走反而我哋想坐入去餐廳食旁邊已經有一疊車仔麵配菜餐紙我同朋友都揀咗唔同款式嘅餸菜我就揀選左粗麵麵底牛腩汁湯底非常濃郁粗麵質感剛剛好軟硬度適中而且粗麵非常入味至於車仔麵配料方面我就叫咗蘿蔔、豬紅、蟹柳、滷水豆腐仲有通菜 非常豐富如果食得辣嘅朋友旁邊仲有一盆辣菜粒同埋辣椒醬可以配襯車仔麵一齊食 更滋味我最欣賞就係蘿蔔炆得好林而且滷水豆腐好入味飲品方面車仔麵套餐加＄6就有而且飲品款式多我就選擇咗雪碧食完再飲罐雪碧即刻清爽晒

很多人都知道大埔美食多，吃得多西式、日式菜色也會懷念港式食品。今天午餐就吃了車仔麵，滿足一下肚子的欲望。走進郭仔記，客人坐滿了8成的位子，先來看一看餐單大眾化的價錢，車仔麵最大特色就是可以自由配搭麵款和菜色。郭仔記的菜色選擇有很多，而麵款也有不少。我的選擇是出前一丁公仔麵+豬皮+豬腸+牛腩+腩汁同其他店鋪相較，郭仔記菜色份量算多，以豬腸來說，其他店鋪可能得三至四件，但現在肉眼看上去都佔了三分一碗。豬皮用咖哩汁煮過，最值得一讚是牛腩，煮得很入味，一咬即化，非常推廌各位選牛腩啊！