酒泉日本料理 (已結業)

唔好信食評,千其唔好呀,我平時都係睇得食評多,噚晚去左試!嘩... 次次去食日本野我都會食三文魚頭咖呢個真係好唔掂呀,好腥呀,仲有等咁耐d野都唔熱既!諗住d冷氣咁冬,有d熱野食下啦,真係...bad!三文魚都算係食日本野必食咖,點知...d雪味仲多過d魚腥味呀!

睇食評, 講到咁好食真係好想試試! 結果失望而回, 可能自己要求高掛??好興奮o既心情, 等唔切, 一坐抵就order野食, 結果....先講d唔好o既先:小什錦刺身 (除左帶子好味之外, 其他唔掂, 三文魚直頭無味, 差過超市果d)青瓜芒果大蝦沙律 (d青瓜絲太粗啦, 好難入口, 對食日本野呢講, 絕對唔合格)壽司飯太大舊啦 (好難入口, 對食日本野呢講, 絕對唔合格)章紅魚壽司, 三文魚壽司, 立魚壽司 (無光澤, 無味, 完全唔得)最後係d table太細張, d野食又彭彭聲來晒, 位都無晒, d野又大件, 見到都有唔想食o既感覺講返d得得地o既有:南瓜蕃薯天婦羅炸蝦天婦羅帶子刺身

酒泉聽人講就講得多，今日第一次去食。味道真係幾好，2個人叫左4件鰻魚壽司(正又大條)、2件三文魚壽司(大條)、2件天婦羅蝦壽司(幾好)、1件希靈魚壽司(good)、1件玉子壽司(ok)、1件加州反卷(ok)、1件蟹籽沙律腐皮船(一般)，仲有個(細)蟹籽沙律+芒果，但原來個(細)沙律都好大個,但味道一般個底全部都係青瓜絲。總括價錢平味道又ok

元朗有間酒泉日本料理, 聽就聽o左好耐, 但我o地反而一次都未試過~因為佢差唔多o係教育路的最盡處, 好少行到咁入今晚去o左o個頭搵食, 見好多人喎, 記得 openrice 又好多好評喎,就入o左去喇!一打開 menu, GOOD, 選擇比同區的日本菜多元化,價錢屬中等, 有某 d 食物都幾抵!唔講喇, 去片你就知有幾正!$30/五件的三文魚腩, 超厚超多魚油的感覺, 好正啊!海膽壽司 ($38) 係超超超讚!!!4 大片撻o係壽司上, 入口好好好滑仲好甜,我敢講係我o係香港食過好 Top 的海膽 (其實我一向都唔太喜愛海膽, 但呢個真係掂呀, 食完想 encore 呀!)帶子好大好新鮮, 雖然仍然係板長的好食 d~三文魚遺傳了元朗風格 - 長!玻璃蝦都唔錯, 稍為乾身花之戀 - 真材實料呀, 好大堆蟹子沙律o係上面呀!吉列炸蠔 - d 蠔就真係太細隻, 唔推介吞拿魚 - 好普通...整體我o地都好滿意, waiter 好有效率, 不停加茶收碟~為o左個海膽, 我o地都一定會再幫襯呀!!!

15/9/2008 同老公去食晚飯，大概五點幾去到，因為早所以唔駛等位。我地叫左幾樣野食，食物好新鮮，天婦羅蝦卷上枱時d蝦仲係熱既，軍艦壽司D紫菜唔會"林"，而且待應既服務好好，唔會黑口黑面。如果黎元朗食野一定要試下，不過要早d到，否則等位會等好耐。

９月２入左元朗同元朗朋友e睇戲(REC... 把鬼!!!)入到元朗就梗係要食壽司啦(即係好似去九龍城就要食泰菜咁樣樣囉)記得睇過OPENRICE呢間酒泉好多好評就去試試(2年前同女友黎過... 覺得平平無奇... ~)點左3碟壽司 (三文魚, 帶子 & 拖羅)1碟玻璃蝦刺身&　蟹膏炒飯 3碟壽司...塊魚生不過不失~~~ (因為聽過女友講香港d salmon既來源都係黎黎去去個3,4個地方...)D飯好大舊... 握得好實 (實在好難好似板前咁樣一口一件... 仲要分開魚生同飯咁食添~~~)就係因為太實... 感覺好硬 (唔怕會夾散!!! )飯是暖身的... 還好~~~ 玻璃蝦刺身... AVERAGE無乜特別... 又唔會覺得難食個種不過我食唔出係味道同甜蝦有好大分別..........(佢貴d架 >.<... xd) 蟹膏炒飯認真認真麻麻... 除左D飯隻色變金黃左之外...完全唔覺得同白飯有大分別.............又... 碟飯令到朋友E同我用晒我地台面既個支豉油2個大男孩食左$177............味道還可以啦... 不能強求比起同區出左名既田中

點左三文魚、鰻魚、吞拿魚壽司, 沙律腐皮壽司等Lee 度D 壽司上既魚生真係好長, 都算新鮮但舊飯都好大, expecially d 卷物而且較硬, 食左幾舊都好飽反而熟食比較好,燒牛仔骨同金菇牛肉卷都幾好食質素普普通通, ok la未試過既可以黎試吓睇吓魚生有幾長

HEE..老公尋日專登由大圍搭車過黎屯門，再同我去元朗行街街，咁我又剛剛出左糧，於是我就決定請老公食餐勁ge日本野la其實我地之前試過 田中 架喇，但我覺得佢d壽司、刺身的質素真係一般，d三文魚刺身好厚，食落質感似食緊生豬肉所以食過一次都唔想食第二次lu=0="咁我尋日朝早就喺呢度seacrh下，睇下元朗有無邊間比較正的日本料理餐廳la，無意中就發覺呢度都有幾多好評，於是就同老公去試下la~!我地一去到就見到門口有人等緊位喇，幾驚會有排等呀><"好彩都好快有位，等左10多分鐘咋~入到去，d位有d迫...不過佢個鋪位不算太大，都預左架喇~我地坐低諗一陣，即刻落order la~1.三文魚壽司($17)味道一般，但起碼好過 田中 果d~2.鰻魚壽司d汁幾好味，雖然唔算好鮮味，但口感幾好~3.軟殼蟹手卷($28)一客兩本，大件夾抵食，d軟殼蟹炸得剛剛好~仍然保持到蟹果種鮮味，但飯就多左d^^"不過撇除飯太多呢個point，佢d軟殼蟹...我覺得好食過 板前 tim4.鐵板煎牛舌($28)呢個都幾好味，不過真係好多油5.燒三文魚楠又係好多油不過味道ok的=v=" 可一試~後追加

同至愛既BB大人去酒泉食TEA因為太抵喇...叫左咁多野埋單都只係$114已經食到我地好飽...蟹子沙津:$18+$5芒果,雖然話係細size其實同大size既分別唔大...仲要勁多蟹子3文魚壽司好長..可惜唔記得左叫慢魚軟x蟹反卷...$28有6大舊...蟹炸得岩岩好..唔錯總結..壽司大件兼抵食..蟹子沙津每次去都必食,因為真係幾正又爽又好味*坐既地方較為迫..唔太舒服

由中環轉至元朗個主角當然係和石頭談論已久的酒泉因為見到這裡笑臉對喊臉的比例較田中高所以我地捨棄田中, 辛苦找路到酒泉多人等係預料到的, 但6人檯要起碼9:30pm先入得?唔係路呀?! 開頭以為因為真係好評如潮太受歡迎所以我地轉策略6個人分3組拿位, 好快有得入去入到去見到原來入面係無6人檯, 全部都係4人檯所以9:30pm先入得的原因係因為咁之後本身3組都分開坐, 原本親愛的和米糕隔離係新入座又唔肯調位好彩我同石頭隔離2個位好快埋單, 所以call了粉尼和她表弟來坐轉坐期間d侍應不斷話唔得唔得, 不過坐低左他們奈我地唔何啦之後最離譜就係當親愛的和米糕隔離4人檯空了出來她們問調唔調得位, 個衰人經理話張檯有人book左唔調得唔係呀嗎? 唔通book位果個指明道聲要個張檯?米糕說得對:” 唔通個位望到海景咩?”好! 咁無可能要分開坐家架, 所以不如4人檯6個人坐吧這樣空了一張2人檯出來, 對餐廳有利吧!不過怕會妨礙隔離, 所以也問問隔離的食客之後講起, 原來隔離的食客本身7個人也要分成2組4人檯坐所以知道我地的情況, 他們也同聲同氣的話要聲援支持我地之後就問侍應可唔可以這樣做?點知個衰人經

今日係第二次去酒泉, 因為之前去過都好好味~ 但係今次我覺得佢退步左喇~ 兩次加埋食左以下厘幾樣野: 三文魚壽司 $6: 上一次食條三文魚好長, 好鮮~ 不過今次去d三文魚雪到硬硬地, 可能雪得耐又搞到冇左鮮味~ 又薄左短左~ 就緊要d飯係暖既...... 鰻魚壽司 $9: 真係好長, 成隻筷子咁長, 所以其實都幾OK! 但係味道上仍然有進步空間! 蟹子沙律加芒果 $27 : 真係好大個好抵食, 食左2次, 但係唔知點解今日D青瓜絲有少少苦 吞拿魚壽司 $7: 冇鮮味, 雪到勁硬~ 魷魚壽司 $5: 好大舊, 有2塊魷魚, 好好味~ 厘件5蚊係好抵~!! 吉列蝦卷 $19: 超抵食, 好有水準, 炸得好脆, 加埋沙律醬同蟹籽簡直勁MATCH! 0係九龍食厘碟起碼要40蚊~!! 必食~!!! 三點刺身 $28: 有3塊三文魚, 三隻小甜蝦同三塊北寄貝~ 三文魚仍然冰硬, 其他都好好~ 不過麻麻抵~ 大甜蝦刺身 $22: 有10條大甜蝦, 超抵, 仲要有埋頭~ 好肥好鮮, 好好味~~ 必食~~ AHHA總括黎講係好食同好抵既, 不過差左D 飯暖, 令到口感差左如果可以改善下就

酒泉都可以話係食上癮星期日既LUNCH都走來幫襯無錯, 價錢係比晚市便宜, 便SIZE無甘大以另一個角度來睇, 可以試多幾款的三文魚, 帶子, 北寄貝, 帆立貝, 鰻魚, 新鮮程度都拍得住晚市消費每位 $60, 真係讚啦不過要一樣要反映的係, 飯係暖的, 麻麻地

一班人特登入黎食ｏｒｄｅｒ左好多野食全部都麻麻地，就唔樣樣都講比較好ｇｅ有蟹子沙律，細份ｇｅ已經係好大份抵食！但係海膽ｓｕｓｈｉ十分難食！吞拿魚都係，唔新鮮最奇怪ｇｅ係佢ｄ壽司飯竟然係暖ｇｅ一入口當堂ｏ左咀但係唔可以否認佢ｇｅ下午茶真係好平．．＝　＝

見酒泉咁出名梗係要試下佢 !!!雖然門口出面有好多人等但等左半個鐘左右就有位而且個位仲好闊落添!!!所有既野食都黎得好快侍應都經常加茶 服務十分好!!!食物更加好啦當然!!!特別係鰻魚壽司燒得好好, 條魚好長個汁又好好味....最令我驚喜係蒜香牛柳粒比其他日本料理整得「野味」但亦都保留到肉汁!好味道!總括黎講佢生同熟既食物都好好!!

聽講話酒泉同田中都唔錯咁不如就食酒泉啦, 唔使排咁耐下午4點鐘開始既下午茶我地3點10左右就入左去坐地方迫迫地, 明明有木台不過都要人地搭木台蟹子壽司 - 蟹子卜卜脆! 又夠多! 正三文魚壽司 - 係新鮮ge, 同埋真係幾大條..不過瘦左d wo..食份量啦都係希靈魚壽司 - 好爽, 唔知咩叫好食, 我覺得有少少似咸魚味..大蝦天婦羅壽司 - 脆! 熱辣辣! 推介三文魚子壽司 - 紫菜唔脆珍寶帶子壽司 - 幾甜, 但唔算太好食佐賀和牛壽司 - 唔夠肥, 但o岩晒牛魔王既我鰻魚壽司 - 超級長, 比三文魚仲要長, 汁好好食, 美中不足好似有少少骨翡翠螺刺身 - 好甜, 煙un, 正呢三文魚刺身 - 唔夠肥, 好似未解凍咁..唔掂所有壽司d飯都好濕好濕..fill水fill得好快. 不過d茶梗係唔係咁好飲..侍應做野同上菜都好快! 一讚!下次試下田中又睇下點!