酒泉日本料理 (已結業)

昨晚同男友同佢媽咪黎食 8點去到 等左3個字倒啦~男友同媽咪未黎過食 我食過1次我地叫左1.刺身拼盤 $98 我唔食生野 唔知好無食 但佢地話幾好食~2.蛋壽c $15 甜左d3.炸蝦雜菜天婦羅 $58 lee個一般 炸醬好厚 南瓜 番薯 原全無味4. 炸蝦卷 有8件 熱啦啦 幾好食5.大沙津 上左table發現大同小 size 幾乎一樣 下次唔會叫大 味道普普通通食得好飽

每一天都很想來酒泉吃, 終於有機會約姐姐來了!首先是必嗌的芒果蟹子沙律超愛超愛超愛!!!!!又大又好味, 食一兜都飽!之後有一件件既SUSHI我叫左鰻魚上次食好似食膠咁今次好好食 可能要講運氣啦!不過9蚊一件真係好抵仲有其他SUSHI都唔錯 EG. 龍蝦沙律然後就係芝士焗青口我覺得冇乜芝士味 都係CREAM味多都可以啦~~~下次要試炒飯見隔離台嗌好似好好食咁WOR

星期二 同老婆7:00黎到等左5分鐘就有位la同其他食家所講既一樣侍仔好mice 會俾個位你擺野 會自覺加水叫左以下食物豬肉串燒 好味燒八抓魚普通三文魚腩湯唔得 根本係麵豉湯芒果蝦蟹籽沙律真係好大碟 d蝦好好食雜錦刺身 (25片) 幾新鮮 但佢用左好多冰放o係刺身下面食到最尾o個幾片有d雪味三文魚壽司唔知點解 好細件 唔似其他食家影島既大件鰻魚壽司真係好大件 好好食埋單261 ok好食 如果去開元朗會再食但唔會專登搭車入去食law

好少去得咁遠, 襯住男朋友借左車一於去遠d食下野~o係元朗幾間出名既日本食店中我地揀左酒泉~~果然無令我地失望呀~~前日(星期三)夜晚大概7點15分去到~等左5分鐘就有位~地方淺窄, 2個人通常都要搭檯~ 無所謂啦~點左5樣野, 估唔到份量真係咁大, 超飽呢~~!! 芒果蝦蟹籽沙律: 勁大碗!!!!!! 係真係勁大碗!!!! 料又足!! 有好多芒果、蝦、蟹籽同蟹柳!! 料足自然好味~~! 不過真係好大碗~~! 同檯搭檯既另外2位女仔叫左個細既蟹籽沙律(無芒果、蝦), 但我見個size同我地o個碗一樣!!! 好難想像大既係大成點...!! 雜錦刺身 ($98 25片): 有三文魚、吞拿魚、劍魚、帶子、魷魚、北寄貝, 有d3片, 有d4片, 全部都好新鮮!! 正~~! 三文魚好厚~~!! 燒三文魚腩: 有2大條~ 好香, 好肥美!!! 芝士焗蠔: 2個焗蠔殼入面分別有2隻蠔, 都算細隻, 味道一般~ 味附螢光魷魚: 一般既辣味前菜, 不過d魷魚都好大隻~~!!食到飽飽都係$217, 好抵~!!有機會會再黎食~~!!

元朗好多壽司鋪我都食過次次去田中都無咩好感覺見尼度都好多笑臉就同朋友黎試下的確唔錯!!! 好多野都好食~之後重同女友去食多次~我食過既野如下金姑牛肉卷其實我都唔想叫, 不過朋友想食無辦法果然係唔好食既(唯一失望)燒三文魚魚腩(推介)尼個我真係推介, 不過兩個人未必食得曬,因為佢有兩條(我第一次同朋友食就係食唔曬)三文魚刺身唔錯,夠凍,都ok好食 天婦羅炸蝦(推介)好正, 好夠熱又夠脆 (不過小心太熱)不同壽司三文魚壽司(尼個唔推介食, 因為我覺得食燒魚腩,刺身比較好,再食就會感覺食太多)鰻魚壽司(第一次食就真係幾好食, 第二次食明顯係多人叫得制所以唔好食,半推介 XD)吞拿魚壽司(我覺得唔好食)蟹籽壽司(好食)珍寶帶子壽司(好大舊,好貴 不過我覺得值得試一次,特別係鐘意食帶子既人)甜蝦壽司(都好食)服務方面都好好, 成日上荼我以後都會食多D尼間

個朋友住9龍.....好少食倒抵食既日本菜....所以我就身附元朗人既重任.....bring左佢地兩個來酒泉試下因為下午茶4:00-6:00 既關係....更平....我地叫左14件壽司...重有6件軟x蟹反卷+個一定要叫既芒果蟹子沙律老闆好好人...同我地講反卷要耐少少先來....知佢好快就話俾左我地先..之後佢再整....朋友們食完都好滿意....埋單都係17x.....其實我自己同屋企人...男朋友都食過幾次...不過次次都係食夜晚今次食下午茶....雖然平左....但quality 依然keep 住......抵讚

簡單一句, 佢d 壽司, 真係食吾得幾多件.. 好快會好飽...我和其他三個人一起走到這店吃特惠時段, 食物如下:- 赤貝壽司 (普通)- 北寄貝壽司 (普通)- 天婦羅炸蝦壽司 (炸蝦好新鮮... 正)- 三文魚壽司 (三文魚好長, ... 正)- 鰻魚壽司 (鰻魚 好長..... 正)- 吞拿魚壽司 (我冇食到, 吾知)- 腐皮壽司 (普通)- 帶子 (日本)壽司 (waitress 話 日本的大粒 d, 吾錯, 幾好味)- 帶子 (澳洲)壽司 (waitress 話 澳洲的甜 d, 吾錯, 幾好味)- 甜蝦刺身 (激抵, $22 元 10 條.., 而且 都係好肥美)- 蟹籽沙律 (並不是如傳聞中好食, 但好抵)- 三文魚刺身 (係厚切, 長度不及 壽司, 友人比較愛吃壽司多些...)每件壽司, 飯真係好多... 好快飽

琴日同朋友行完街,特登走去食~２個人叫左好好多野~＊三文魚壽司：三文魚幾新鮮，好味（本身好鍾意食三文魚）＊鰻魚壽司：鰻魚好長～好好味！＊帶子壽司：好味～＊希靈魚壽司：之前無食過希靈魚，想叫下試下～一黎到，見到個樣幾特別～但係，一　食落口．．完全唔岩我口味．．．．．我不喜歡～＊蒜香象拔蚌膽炒飯：太乾，好辛苦先搵到幾舊小小的象拔蚌片，仲要係乾曬，好ｕ　　ｎ，同普通炒飯無分別～～＊三文魚腩：上次食就覺得好好味，但係．．．可能今之叫得太多野食，太飽，食唔　　落，所以覺得麻麻地，太太油（係多油得滯）～＊炒牛舌：好味！！牛舌林林地，好鮮～ｇｄ！！

兩個星期內, 幫襯了酒泉兩次, 都係一個字 - 掂首先, 環境唔錯, 雖然張台唔大 但有多一張櫈俾人客放野, good招呼方面, 阿姐都幾有笑容, 仲講得下笑添食物 : 都係掂喎鰻魚壽司 : 超長蟹子沙律腐皮船壽司 : 除了腐皮之外, 上面仲有蟹子沙律, good北寄貝壽司, 一客兩件, 每件有兩片北寄貝, 讚啦帶子壽司 : 不論澳州還是日本, 都一樣甘鮮甜大蝦芒果蟹子沙律 : $48 大蝦爽口, 芒果夠甜, 可惜芒果既份量唔夠多, 但2-4人share一定夠分什錦刺身 $98 有25片刺身, 超值燒三文魚腩 : $25有兩大件, 超好味而且無限時要45分鐘埋單, 食完坐下又無人趕, 甘既服務態度真係要讚啦

話說上黎睇完食評之後...好似幾得...所以心郁郁想試下...食飽之後有 d 失望...星期日晚八點左右到...等左四個字到入...唔算太耐...但佢門口個大光燈好熱...入到去...例必迫...但預左...所以都算ok...當晚點了 青介辣生八爪魚 $19 ( 又話生既八爪魚...都熟哂啦...呃人既...料不算太多...普通...19 有點太貴)魚生什果沙律- 小 $38 (d 魚生粒同沙律一齊食其實幾奇怪...青瓜絲超多...但撈完沙律醬之後最好放一陣等青 瓜絲無咁硬...算新鮮...)炸生豪 $ 唔記得...大約廿幾 (四粒...熱辣辣...好好味...)天婦羅反卷 $ 唔記得 (除了兩隻小蝦在飯中央沒...沒什麼特別...料不算多...有點唔抵...但味道ok)魚生拼盤- 小 $ 98 (最差都莫過於此了...吞拿魚d 肉鬆既...又腥...出血水...咬左都吐返哂出黎... 又話有25片...計落得24片...千萬唔好要呢個...)to

原本打算去另一間食...但...實在太多人排隊...超恐怖,行行下見到E 間無乜人於是膽粗粗入去試下~~~~叫左蟹子沙律,長鰻魚壽司,三文魚壽司,XX三文魚壽司,同一客定食(海鮮天使麵)蟹子沙律蟹子por por 聲,而且好多!!!!青瓜絲新鮮,我地超喜...有人連底D沙律汁都飲...長鰻魚壽司: 珍寶寶話係佢食過甘多間,做得最好食的一間三文魚壽司: okXX三文魚壽司: wasabi味都幾重海鮮天使麵定食: 很奇怪日本野會做西式定食...想不到是ok好食的!之前都試過幾間係元朗的日本野...覺得以這個價錢...這間的水準最高!!!雖然無人fill水,要我自己拿熱水壺fill...但...我fill 得心甘情願!~~一家會再去~

大嶼山之行後，原本晚飯打算到青衣「阿拉廚房」去，但忽然日本料理心癮發作，便改變初衷，最後便決定吃日本料理了。一直很想試「酒泉」，好評甚多，下午茶時段更有優惠，真的好吸引呀～幸好時間尚早，便乘西鐵入元朗五時半到達，不用等位，果然有優惠時段呢～哈哈!!(暑期時段：星期一至五：11:30A.M.-6:30P.M./星期六日好像是11:30-6:00--->這個不太肯定)每件壽司五元起我們點了拉面和壽司。其實不是所有壽司都好吃的，要懂得選擇，其中魚生類比較不錯，相反軍艦壽司則失色，材料不太新鮮紫菜又不脆。必選壽司：三文魚、饅魚、玉子、炸蝦、天婦羅炸蝦～魚生新鮮，炸物香口，值得推介不推介壽司：帶子裙邊軍艦～帶子裙邊毫不新鮮，吃下有變壞的味道，一點也不爽口。餃子拉面($38)：扣分之作。主角拉面口感不彈牙，反而有點腍，湯底亦過咸和油。相反配角餃子很搶，好脆口，豬肉沒偷工減料，配上醬汁味道很好。壽司份量甚巨大的，ORDER前一定要考慮是否吃得哂，切忌眼闊肚窄喔，以免浪費食物呢～這裡是逐件計的，可以試多些款式。整體食物質素不錯，價錢合理，抵食！SERVERS態度亦很好，定時加茶和清理

晚上同朋友聚會，好彩有人一早到，唔係平日都要等位~~4個人，叫左芒果蝦沙律，幾種壽司，炸南瓜+蕃薯，芝士帶子同埋墨魚餅。芒果蝦沙律賣相唔錯，不過都係嫌蟹柳少...谷川又係咁...不過呢度已經比較多~壽司各種都幾好，大大件，材料都新鮮~~值得推介~炸南瓜+蕃薯都係大大舊，不過略嫌本身冇咩味道，好淡，可能唔係時節~帶子既味道竟然同忌廉湯相似...至於墨魚餅就唔掂~好油同埋大過5蚊銀少少~一碟$38得4件~不過會再去食壽司~

屋企冇飯開，只好同家姐出去食，行吓行吓入咗來！見到張枱仲有特價紙，我地冇睇price就亂咁click，結果叫咗40~50件壽司，好飽。但好經濟，每人100左右。honestly, 舊飯完全唔得，好硬(因為機做)，only上面過塊魚生食得吓。反而配菜OK....分別有焗蠔、串燒(魷魚最好食)！May be 特價，我見晚餐的壽司大件D，不過我見上面過塊魚生同我地差唔多，所以如果要食，6點前叫會平好多。

好耐之前就想黎呢度食野~因為朋友係地頭蟲,食過元朗咁多既壽司,話酒泉始終係最好~!!所以我就遠道入去搵佢食餐啦~去到見到門口好多人~好彩有得坐住等,兩個人於是把握時間去諗下食咩野~本來想叫壽司食,但係朋友話食過好多次想試下刺身, 我毫不猶豫就緊係話好la~~!!等左一陣就有得入去食la~真係好多人, 但係又唔係話好迫ja bor~之後我地就快快手落單la~~!!叫左98蚊既刺身拼盤, 芒果天婦羅蝦卷, 珍寶帶子,長鰻壽司,加埋朋友有coupon, 有多個三文魚刺身~好快就黎到la~~!!救命AR 個刺身~好味~好鮮~仲有係好大件~especially 係個吞拿魚刺身,同一舊牛肉係冇分別~!!真係好好食~最感動係食珍寶帶子,因為厚到冇朋友~~真係好好食~要佢比埋檸檬一齊食~真係好好食~!! 我除左用好好食都用唔到其他字去形容~~!!仲有要讚下既就係佢既service la!~~真係好好~成日幫你加茶~又好禮貌~!!有機會下次一定再黎食~~!!