酒泉日本料理 (已結業)

睇戲地點為屯門，時間為11:20pm，由於時間多，故 H 決定帶 K 由屯門出發去元朗行個圈及試食日本菜，行了好幾條街，最後決定試下"酒泉"，因見地方較闊，可讓 H&K 慢慢食嘛邊食邊叫蝦子沙律 ==> 味道一般，材料有少許蟹子，少許蟹柳及勁多青瓜絲炸軟殼蟹手卷 ==> 好大個喎，應是即叫即製的，軟殼蟹是熱的，味道尚可三文魚及帶子刺生 ==> 都幾大片，夠新鮮鵝肝卷 ==> 味道只是一般，鵝肝不太有鵝肝味鐵板牛舌 ==> 一般，都沒有鐵板，只是炒妙罷!!總括食物質素及服務都可以，價錢合理，還沒有加一服務費!!

星期日晚(14 / 12 / 2008), 從內地經落馬洲回港, 於是便想在元朗區找尋有甚麼好食店, 用手機即時上openrice搜尋到這間料理, 驚見有80個笑臉, 便即時塔的士來酒泉食晚飯.進入店內, 見黑板上推介 : 原隻赤貝 ($28), 美國生蠔 ($48 - 3隻) , 便先點了這兩款食物, 赤貝及生蠔, 質素只屬一般. 跟著, 再叫了一客加拿大海膽壽司 ($48), 坦白說 $48 在元朗區是昂貴了一點, 但由於Menu 寫著是加拿大海膽 我才叫, 怎料, 端上來的卻是細小得可憐的平價貨色. 位於銅鑼灣的<峰壽司> 也只是賣$38, 而且質素及份量均要比這裡高出幾倍. 而位於尖沙咀相當出名的<壽司廣> 也只是賣$68, 是日本空運到港的新鮮貨, 究竟你憑甚麼賣$48? City Super 亦有出售<加拿大海膽>, 大慨賣$250一盒, 一盒有5隻. 每隻大慨有 5cm高x 2cm濶.差不多有一隻手指公咁大. 而你們竟以這種內地的劣質貨來充當加拿大海膽, 還索價$48. 簡直離譜. Topping 都已經咁差, 下層的壽司

D SUSHI 好大件好抵食呀!一去到就一定要叫個蟹籽沙律先我同FD食就會加5蚊加芒果好大個好正! 平日$28一客 但係特價時段19蚊咋D 壽司好長好大舊 D飯唔算太多 我自己就鐘意叫好多舊鰻魚壽司特價$9仲有我會叫玉子壽司 $5!不過D芝士焗蠔就馬馬地.. 冇乜芝士味 有D似白汁既TEXTURE但係都係$9隻 所以都可以試下OVERALL黎講真係幾抵食! 極力推介平日(1至4)7點之前去拎位 就可以有特價優惠 仲可以當埋DINNER!

這次跟同學到這裡吃下午茶下午茶真的好抵!!!!24蚊的蟹子沙律加芒果真係好好食!!!仲有食了鰻魚壽司, d汁好美味!!!加埋都係食了三十蚊咋!!!仲有一次食左鰻魚炒飯又係好好食, d飯每粒都好香, 粒粒分明不過d芝士焗生蠔/青口我就唔係幾識欣賞...

前幾日同男朋友仔去食酒泉見到佢話星期1-5 特價係1-7點 星期6日就2-6點咪去試下囉哇 真係好平好大件5蚊一件三文魚個d 5-7吋長啦叫左好多件呀 不過味道就一般啦仲有三文魚刺身特價48蚊8件 好大件 不過都係一般仲有朋友介紹食蟹籽沙律 好平呀 要加mango先好食個menu話係細ge 但係黎到就好大啦 係湯碗咁大蝦天婦羅最好食 d味好鮮 新鮮炸出黎咁好後悔冇叫多2件 啊 仲有饅魚sushi 呢個真係好好食 燒得岩岩好 熱lala咁黎到真係好正架!不過唔好叫9蚊一隻ge 黃金焗生蠔 好膩 而且太咸服務唔錯 不過特價時段太快cut單

經落馬州從深圳回到香港。身在元朗區既我想食日本菜，很自然想起呢度，始終上次食過都幾滿意。加州反卷上次吃過一款又橙又綠既反卷，今次想番兜，可惜記錯了，以為是呢款。食物來到既時候，見到外面全是蟹子，而內裡全是蟹柳青瓜蛋絲這些不太吸引既料，真後悔...當然，難食極有限之餘，亦不會好味。炸軟殼蟹卷又是上次試過既菜式，是最喜歡最滿意的。不過今次不行了。等了將近廿分鐘才來，以為是即叫即製啦，點知軟殼蟹是溫溫吞吞，份量又極少，完全失望。雪場蟹壽司看勻整個餐牌，似乎只有這款蟹壽司。蟹肉拆得碎濕濕，兼且無味，加上外圍既紫菜已經稔左，心，真的沉了下來。三文魚沒有吃，不過朋友仔話份量少了之餘，亦無咁新鮮。蟹子沙律份量雖然同上次差唔多，不過青瓜已經不再食落索索聲，都唔知擺左幾耐。由於個沙律有五分四是青瓜，所以整體也不太滿意。今次食物既價錢同上次黎既時候好似無變，但質素真的差了很多。我明白出街食飯很多時都要睇timing，但今次黎既時間正值晚飯時間七點多，無理由樣樣食物都不滿意。若然呢個情況持續的話，應該不會再來了。唯一可讚的是，侍應添水添得很密。

原來食lunch set, 但係d lunch set 竟然全部係西餐 .唔係日式, 好奇怪, 於是我地無叫set,散叫, 叫左以下1)三文魚sushi , 普通2)Wasabi八爪魚sushi, 好味3)滑旦雞鍋飯, d飯太濕4)三文魚骨烏冬, 烏冬好好味5)蛟子烏冬鍋,,呢個好掂, 好好味6)牛肉鍋飯,我地食到好飽, 都係每人50 有找, 都ok wor

每逢星期五晚當然係同男朋友撐檯腳的日子....自己又鐘意係openrice搵好野食...之後就揀左元朗呢間酒泉...之前同過班朋友食過一次都覺得抵食又好味!加上見佢ge食評唔錯.....(元朗區黎講叫最多"笑哈哈"嫁喇~)本人比較鐘意周圍食....而今次係我第一次係openrice寫食評~!!對食方面都比較講究....以下寫ge一定唔會做馬!!xdd我同男朋友叫左以下ge野食:1) 三文魚壽司($17/2件): 切得比較薄, 同7吋長壽司的standard有d差距!2) 鰻魚壽司($22/2件): 夠厚夠長+好味道!!!!!抵食~3) 芝士餃子($32/6件): 鐘意食芝士ge我好鐘意呢道菜, 餃子脆卜卜, 加埋濃郁芝士都係一個perfect match黎o既.....愛芝士人值得一試!!!!!4) 芝麻八爪魚($18): 以為同出面果d八爪魚好似五蚊銀咁細粒, 普普通通咁...原來唔係lor.....一上檯就嚇親我.....是巨型的麼??每隻超大粒....好抵食!!!5) 味附螺肉($18): 黎個就真係一般啦~6) 肥牛烏冬鍋物($45): 同男朋友仔唔夠飽, 加碼叫多個烏冬...

11月1號, 跟朋友約了在這餐廳聚聚,第3次來酒泉, 不多說什麼, 立即說說吃了什麼吧!芒果天婦羅蝦反卷: 有2隻芒果(因為芒果片顏色不同), 所以有些較酸, 有些較甜,不過還ok的天婦羅:有蕃薯、南瓜、大蝦、茄子... 味道不錯, 好吃!帶子刺身:超大粒!!!!!!! 會"震"的!! 好鮮甜, 好好味......(回味中)三文魚刺身:新鮮味美, 品質不差 ^^吞拿魚、甜蝦壽司:質素屬中上, 不錯蟹籽+蟹肉沙律:之前也有吃過, 這次再吃令我確定 有蟹肉的確令這沙律變得較好吃炸生蠔:剛剛炸起, 熱哄哄的, 不過我不太愛吃生蠔, 所以沒什麼感覺, 但也覺得是挺ok的。大致上吃了這些(好像有些忘記了..), 2個人食那麼多, 真的很驚人...點菜時還覺得很少呢^^" $3xx, 吃那麼多款算是ok的價錢, 酒泉仍是我覺得最好的元朗日本料理店! ;)

之前去過元朗另一間日本, 琴日終於找到借口去酒泉試下d大大件sushi難得外甥係美國返黎, 佢又話好食得, 好野終於可以去吃.可能琴日突然凍左唔係好多人, 所以7點幾去到只係等左4張台就有位 good4個人點左幾樣野, 諗住食左先唔夠再叫, 點知...... 廢話小講, 去片蟹子沙律(細), 蟹子ok多, 青爪好爽不過粗左d (ok好味)甜蝦半客, 好細隻食左一隻我覺得無咩味, 不過外甥勁中意 (我覺得><)大件三文魚sushi(2件), 三文魚雖然長不過好薄下, 格離台果2件比我地大件好多 (><)三文魚無咩味, 舊飯就ok唔太硬唔太鬆大件鰻魚(2件), 條鰻魚好長......比左外甥同佢老婆食細件sushi(16件), 蟹子好得(蟹子同飯比例一比一 ^^), 帶子(好新鮮),吞拿魚(老公食左, 佢話無味同好淋, 唔好食), 八爪魚(好薄同唔新鮮, 好鞋口)墨魚(外甥話好味好新鮮), 日本墨魚(好似叫甲文, 不過黎到唔知邊舊係 ><)仲有d sushi唔記得.軟殼蟹手卷, d飯好濕所以紫菜好un咬唔斷, 不過蟹幾大隻而且面頭有好多蟹子,

無無聊聊不知做什麼好 , 就約了個朋友入元朗行下 , 之前去過酒泉吃 lunch , 好平又大碟 , 今天好想再吃多次 . 大約 6 時半到達 , 已經有人在等 , 我們只得兩人 , 好快就有檯 . 坐下先覺得不是太餓 , 點算好 , 為有叫少少 . 也忘記了朋友不吃魚生 , 可憐 , 選擇真是極之少 . 叫了三文魚壽司 (自己吃的) , 蟹子沙律壽司 , 加州反卷 , 天婦羅南瓜拼番薯 , 三文魚蟹粥 . 壽司 ok 又大件 , 也算新鮮 . 加州反卷 , 完全不合格 , 一拿起就已經散開 , 以為自己在吃飯 . 天婦羅也好 , 不會太多油 , 可以試下. 三文魚蟹粥 , 賣相好吸引 , 不過 , 完全沒有味道 , 好淡 , $18 算吧 . 和上一次比較 , 今次差了好多 , 下次也會試下其他的日本餐廳 .

突然好想食壽司! 知道元朗有平靚正 壽司~咪入黎試下~ 開始時真係唔知搵邊間好~又唔想去田中~ (食得好似好趕咁...)所以亂打亂撞記得好似見過黎間就去試下啦~果日下午唔係好多人~ 大把位~ 咁岩見到有特價~ 心諗好低啦~不過其實唔算抵~ 個外表係好大件~ 不過其實唔算太大件~因為飯唔算多 ...不過真係好新鮮~唯一最失望係... 唔知點解果日無海膽...而且餐牌...又無吞拿魚刺身 ... 食物種類好似好小咁...不過都值得一試!!

呀爸呀媽話元朗有間日本野幾好,大件+抵食。上星期六, 一家大細就諗住果度試下。一去到,大約5點50到, 佢話冇咁快有位,咁咪等law..等左大半個鐘, 2-4人桌既叫晒入去咁滯(遲黎既都入左了) ,而我地只不過係5人, 跟住我就問佢,4人桌加多張椅,點解唔入得? 果個人話咁樣要等多4-5張4人桌先得...姐係由頭輪起-.-. 佢應該一早話比我地知, 搞到我地等左半個鐘,我同佢講完之後,佢都應該叫我地等,下一張到我地 ...但佢居然叫我地再輪過 !!!!! d服務真係好差嬲嬲地走左去附近既 "木村"度食, 服務完全不同!!!

聼老公講酒泉D壽司幾抵食,一直都好想試,終於上兩星期試咗啦!可能係平日,下午茶時段並不多人,一去到就有位,由於太多選擇,要諗一陣先落到ORDER鰻魚壽司($9/PC)真係好長,其實幾好味,不過一件就夠,再食會好漏三文魚壽司($6/PC)係長,不過普通D帶子壽司($9/PC)尼個幾好,帶子鮮味夠大隻炸蝦天婦羅壽司($9/PC)一定要趁熱食,凉咗唔好食蟹籽沙律腐皮船($7/PC)大件但一般啦甜蝦壽司($7/PC)一塊壽司有三隻甜蝦咁多, OK好味道什錦魚生壽司($5/PC)個人認為尼個最好味,因為什錦魚生組合每次不同,有口感亦有新鮮感肉鬆壽司($5/PC)由於老公唔食生的食物,亦只好食這個囉,佢話都OK焗薯皮我無食到,老公話無咩特別另外再ORDER咗鵝肝肥牛炒飯,好淡唔多好食,鵝肝肥牛好少,D鵝肝煎到有D苦,最後要加D豉油先清得晒整體食物質素唔錯，價錢合理，下午茶抵食！SERVICE亦很好，定時加茶和清理,印象分唔錯

十一國慶,本想繼續自閉在家,但友人難得找我,還是出去應約.友人考慮到「無咁迫」的問題,提議不如入元朗,但其實我想話,元朗一樣都多人.....睇完新上的鷹眼追蹤,也是一套美國人自嘲的故事,電腦造反的橋段,還是賣完再賣,不過今次也頗有新意吧.從yoho town 一直行過去市中心,沿途看到街邊的打邊爐開胎出動,雖吸引,但温度未到可以在街邊吃火鍋吧!最後行到食評不錯的酒泉,友人看見竟有不少於十個人排隊,也激起了「唔執輸」的香港人心態(其實自己亦然),排了比想像中短的時間,就得席而食.因在門口等時,友人已填了「表」,所以立時交了給侍應.但交了後卻發現原以為只得外面拿的食物紙上的巨大壽司,入店後才發現竟有迷你壽司....巨大壽司的確巨大,但點了的幾樣都毫無魚味,包括三文魚,帶子,章紅魚.倒反日本墨魚幾爽口.不過壽司飯就真的讓我想起若干年前年少無知時去X將食48元任食的記憶,那舊飯一樣是集「酸、硬、實、大」於一身.公平些,再叫些要煮的會否好些,就叫了銀雪魚西京燒和炸蝦野菜天婦羅.銀雪魚48元,有少少的兩塊,鹹味過重,但銀雪魚始終都難煮得難食,這裡的算普通吧.天婦羅的蝦,食完轉頭已忘記了是什麼味道,