酒泉日本料理 (已結業)

今日朋友帶我呢個元朗路痴去搵食，揀左壽司為今晚晚餐，元朗有好多間壽司鋪5花8門都唔知邊間好，朋友話呢間食過幾好就帶我去排隊，我地3大1小要等一等位，一陣就可以入座，朋友已經話比我知，呢間啲野食好大件正呀！好肚餓呀！揀左三文魚，赤貝，馬刀貝，玉子，三文魚子，腐皮，鰻魚，立魚同拖羅，以上都係巨大壽司，仲有芝麻八爪魚，野食好快就上枱啦。好大件呀！又好大片魚生呀！係即整既因為啲飯係暖暖地魚生好新鮮，唔會凍冰冰，食到中途已經好飽但最後都食晒無浪費。

今晚肥雞同屋企人去元朗教育路 見到一間日式餐廳啲嘢食睇落去好似好平所以入去決定 嘗試下 首先嗌咗好多巨型嘅壽司例如火焰三文魚壽司原條鰻魚壽司蟹膏軍艦 我想講條壽司唔係普通嗰啲 星鰻 係真係一條鰻魚 淨係呢點肥雞都畀100分 火焰三文魚壽司燒得幾熟肥雞都唔係好鍾意生野所以好欣賞 蟹膏軍艦蟹膏就少咗啲普普通通啦 至於嗌咗個軟殼蟹蟹子軍艦 呢個真係可以唔使使 軟殼蟹得啲炸分啲飯又大嚿都唔知食乜嘢味道又唔係話好味 至於 炸物 方便買咗個炸蝦天婦羅拼野菜 我只可以講係好大碟相對先係買79蚊 可能啲嘢新鮮炸出嚟啦所以好好味 再整多個炸雞軟骨反而呢個肥雞就覺得啲炸粉有啲失敗 傳銷方面買咗個燒雞腎同埋牛舌 牛舌只可以用失敗來形容 燒雞腎就冇咩味但係都算香口 呢餐食咗咁多嘢先係食咗四百蚊肥雞覺得如果以價錢嚟講其實都算唔錯嘅

星期日同女朋友遊玩完元朗後，係元朗行左好耐揀餐廳。行間酒泉日本料理，望一望餐牌，發現價錢非常超值，而且食物種類也很多，就選擇依一間餐廳！一坐低，急不及待拎起點餐紙。壽司種類很多，每一款也想試，奈何只有兩個人，不能將每一款壽司都試，就隨心點了幾款來試。付上幾張壽司圖片，每一件都非常有霸氣，大件夾抵食。食落口，口感非常豐富，一種滿足感由胃傳來。除了壽司外，餐廳的熱食也不錯，我們另外點了一個燒三文魚配烏冬。最衰係忘記了拍照有機會入元朗一定會再試！

話說今日同2個朋友去食野 畫好紙諗住叫店員黎幫我落單 佢過到黎 我就一邊叫嘢飲 一邊比張紙佢 點知店員放低張紙 行走左幫我落嘢飲 咁我都算啦！啲嘢食上得好快既 我朋友叫咗兩隻芝士焗蠔 咁諗住食既時候見到其中一隻有蚊滋 咁我就叫咗店員過黎 指比佢睇 問可唔可以換！佢見到就話唔好意思 拎走左！唔洗20秒佢返黎同我講話 「個到係焗得比較燶，你睇錯，不過我會照樣換俾你」請問呢個係一個咩服務態度？有錯唔認？嘢食係唔錯 不過我以後都唔會去食。

記得酒泉既壽司係大件又扺食，突然心血來朝就想懷舊下，好彩趕得切下午茶時段。吞拿魚沙律壽司($5)同芥辣八爪魚壽司($6)正常。螺肉壽司($5)睇落比較沉色，都係正常質素。海膽壽司($10)都有海膽味，略嫌太少海膽，賣相有d寒酸，不過$10都算扺食，可一過海膽癮。中華海哲壽司($6)比較少見到尼款壽司，就係將海哲放係壽司上，海哲幾好味，幾開胃，不過同壽司唔太夾。辛辣蜆肉壽司($7)無醬汁，比較乾身，的確好有辛辣味，都幾過癮。澳洲帶子壽司($8)同日本帶子壽司($8)兩款帶子壽司都鮮甜美味，$8抵食。三文魚壽司($8)同三文魚腩壽司($10)雖然好長，但只係超薄切，壽司飯都夠大件，整體ok，三文魚腩比三文魚好食。廣島蠔壽司($8)太多䓤，唔太食到蠔味。大赤貝壽司($7)同火焰蟹棒壽司($8)正常。玻璃蝦壽司($6)只係將玻璃蝦薄片切左，普通。油甘魚壽司($12)充滿油甘魚味，好食。鰻魚壽司($16)夠長，肥美，正。松葉蟹膏壽司($16)蟹膏幾有蟹膏味，但只有一小撮蟹膏配大粒蟹柳，就有d小家，同價錢唔成正。比蟹膏應該先係主角，或者應叫改做蟹膏蟹柳壽司。活赤貝壽司($25)鮮甜，比大赤貝好味，

同朋友去開元朗試咗呢間日本嘢 之前有聽講朋友話呢間啲壽司非常之大件同連鎖式嘅差得非常之遠今次難得入開元朗 所以就決定一試三十幾蚊就有個午餐包麵豉湯真係幾抵蒲燒原條鰻魚飯$40真心覺得幾好食 好足料👍👍👍自己本身唔係太鍾意食鰻魚嘅人 但係呢條鰻魚都幾入味 個燒汁送飯一流仲可以加幾個小食試下推薦七味三文魚腩唐揚 雖然睇落去好多骨但係食落去幾香口之餘亦都啖啖肉㗎另外佢仲有啲迷你壽司可以揀 質量都唔錯 即叫即整 下次有機會再嚟試吓

地方好大行路就寬闊，枱就比較細😭叫多啲野枱面都唔夠擺。仲要每台一樽茶同埋一瓶豉油，雖然可以自己加水好方便，已經佔咗半張枱🙈🙈🙈件件壽司都好大件帶子好大粒好鮮甜軟殼蟹手卷軟殼蟹唔會話林晒，好香脆仲有好多蟹子👍飯重要暖暖地蟹子沙律唔係好夠凍，蟹柳仲要冇一絲絲分開咗沙律放，但隻碗太細撈起黎有啲論盡🤦🏻‍♀️🤦🏻‍♀️🤦🏻‍♀️鰻魚壽司好長好大條，個汁又好味甜甜地👍燒三文魚頭燒得有點耐。食落口有點燒焦味👎芒果歐洲天婦羅蝦反卷芒果好酸，同天婦羅完全都唔夾👎照燒鮮魷魚筒魷魚有鬍鬚。食落口好彈口好爽。個汁都好味👍唔想出行食，重有外賣送到服務員就麻麻。叫左服務員拎叉服務員就話轉頭有食物黎再拎俾我哋最後都係忘記咗👎枱細放多幾個食物已經放唔到，唯有一隻碟搭着一隻碟眼見都有五個服務員又唔會主動執枱👎食物好味，服務員態度欠佳

工作中午餐，本來想試台灣菜，點知無開，元朗同事介紹在附近呢間日本菜，1415到，門口有店員剛收去宣傳牌，我哋同嗰個店員一齊入店，佢問我哋幾多位，同埋係唔係食壽司？心唸都未睇到餐牌，點知食乜？只答佢我哋6位！當時有啲2人客人坐6人枱，店員叫我哋出大廳等，等5分鐘坐低，佢哋上茶就唔理我哋，咁我哋睇晒枱面嘅點餐紙，都無門外貼嘅丼飯！咪問女店員，佢話：2點幾賣晒喇！（咁入座前又唔講！咁都算喇，咪點餐，同一個店員埋來幫我哋，點知佢突然無預兆無講野地走開咗，去同其他店員傾店內事務，我哋全部人呆咗（兩個人已講緊食乜）嗰下被無視真係覺得好不被尊重，之後佢若無其事咁返來落單！食物好快到咗！麵豉湯（跟餐）夠熱，油豆腐索湯，豆腐海帶都多，麵豉味唔味精！好味！甜蝦魚生碎飯（$69）賣相色彩繽紛幾靚，刺身比咗好多，三隻紅蝦爽嫩幾鮮，角切刺身有三文魚、白身魚、八爪魚🐙，三樣比得多，三文魚有油脂，八爪魚彈牙，仲有青瓜同甜蛋，好豐富！醋飯係珍珠米，彈牙好味！蟹籽沙律（$29/大）好大一碗（本來叫一人前，店員話叫大都係$29，賣相靚，蟹籽比得多，沙律醬更多，青瓜絲又長又爽脆，蟹柳正常，撈埋食，蟹籽卜卜脆，好味，不過沙律

尚記得那些年小妹仍是青春少艾之學生時，此日本餐廳幾乎是每天放學後和三五同學必到的聚腳點之一，皆因其時食物不錯之餘而且價錢超值，絕對是元朗區日本菜的不二之選。可嘆如今........從多方面來看，此餐廳現今已淪為一間不折不扣之地道茶餐廳，粗製濫造，港式風味濃厚，它的食物相信對日本菜這三個字來說，已是一種侮辱。刺身類不新鮮，色澤欠佳。壽司配料少而飯多，壽司飯跟白飯沒什麼兩樣。熟食類口味重賣相差。服務不敢恭維⋯⋯總括來說，沒有最衰，只有更衰......

元朗酒泉，由中學時期食到出黎社會大學做野都繼續食緊，全因為佢好味大件夾抵食！細個食壽司係為咗大件，大個咗食壽司就追求味道。而酒泉營運至今都未令我失望，每次食完都會抱住個肚走打頭陣既係蟹子沙律，呢個就冇乜特別，但係佢勝在蟹子多！撈完之後每一啖都食到有蟹子！好滿足第二樣上場既，係三文魚壽司。三文魚壽司要好食就一定要同鋪頭煮既豉油夾！因為煮得好既豉油可以令到三文魚脂肪既香味谷出黎酒泉係哩方面都好出色！第三樣係鰻魚壽司，好耐冇食鰻魚壽司，因為鰻魚壽司比較貴，但係今次特登黎試吓，係鰻魚壽司黎到時候有d意外，因為條鰻魚都幾大條下，一啖係放唔哂入口另外嘅芒果三文魚反卷同埋和風鰻魚反卷，就冇乜驚喜，個人認為芒果同埋三文魚唔係咁夾。而鰻魚反卷既飯同埋鰻魚嘅比例差別太大，飯太多鰻魚太少，令到好似食緊白飯咁。最後黎既係海蜇壽司、蟹子壽司、辣三文魚壽司。海蜇壽司爽口彈牙，加埋芝麻非常香，蟹子壽司d蟹子蟹子多到食到成口蟹子；辣三文魚壽司，小小辣，但係非常有驚喜，因為佢係將三文魚切粒，令到佢好有咬口好彈牙，小小辣令到三文魚嘅味道更加可以浮出嚟，必試推介！而環境方面，地方夠大，雖然人客多但係環境清靜。職員亦好hel

行過見到lunch menu，少可地見到一間日本餐廳有4、50蚊既set，見裡面人都多多地，即刻入執試下！ 入到去見到仲有優惠小食仲有好多飯麵同壽司款式。 三個人叫左午餐1同5 仲加左個X2同X5。 鹽燒鯖魚大大條起哂骨，咸到岩岩好又唔會煎得太老，連拌碟既菜都有調味炒過，一d都唔馬虎，係個麵質差左d，唔夠彈牙。芝麻冷麵唔夠麻醬又唔夠凍，蟹柳都好少，即刻比下去。好彩仲有兩個小食，29蚊軟殼蟹反卷有六件，心裡打定底都唔會大件得去邊，點知一上台，六粒都大大件好足料，件件都有一大件軟殼蟹，食落juicy仲要係熱嫁！非常新鮮抵食之選個紫芋甘栗薯餅都好有驚喜！ 有粒粒甘栗係紫薯蓉入面，豐富左口感唔會一patpat。啖啖栗子味，同紫薯配合得好好，食落似係即叫即炸，唔會有番炸油味仲要食落熱辣辣，正！

炎炎夏日，一個人喺街突然好想食壽司消下暑行下行下就去咗酒泉首先嚟我最愛嘅生蠔先生蠔，新鮮係新鮮既，不過略淡雞軟骨， 雞腎雞軟骨唔錯雞腎醬汁好甜，太濃味啦海膽壽司夠新鮮明太子沙律壽司，有少少腥味甜蝦壽司，直情乾身

入去這間店食，價錢十分抵食，壽司都大大舊外形係幾特別，但係食落都叫ok.舊隻實在太大舊.同平時某壽司店相比真係唔同feel 本人覺得依個叫入得口炒飯就反而炒得幾好，幾香口！都算大碟如得一位唔建議叫蟹籽沙律，由於太大碗，只叫依碗野食就已經唔使再叫其他野食都飽晒炸餃子其實都整得好味呀⋯⋯拉麵就同平常既店冇分別，因唔似正宗嗰d拉麵，個豬骨湯底同普通日底餐廳一樣既麵底一樣湯底既味道！價錢都唔算太貴，都叫做抵食！但味道唔可同真正日式餐廳相題並論

今日同朋友去元朗行山 見到有間日本菜叫酒泉 價錢好大眾化 所以去試下首先點左個芝士忌廉三文魚反卷 顧名思義反卷即係飯包住紫菜 三文魚搭配忌廉嘅配搭好新鮮 而且忌廉嘅味道同芝士幾襯 三文魚粒亦都好肥美可口加州反卷 比三文魚反卷清淡 因為配料以蔬菜為主 例如青瓜 飯上面落左蟹子令到口感好脆口脆炸三文魚鰭 魚既胸鰭位置一向都係成條魚最正嘅部位 炸起上嚟亦都好肥美 非常酥脆可口咖哩雞扒飯 相對上比較普通 但勝在分量好多 睇得出用咗成塊雞扒去做一碟飯 而且咖哩汁亦都有椰奶嘅香味

星期六晚由天水圍散步來到元朗。男友話刺身必食。所以叫咗：蟹子沙律爽趣三文魚雪花腩 新鮮肥美，性價比高帶子 9粒 油甘魚刺身 牡丹蝦 幾甜廣島蠔鍋稻庭烏冬 可以熱D 牛舌串 大件好滑 手卷我覺得一般隔離枱叫的天婦羅都好多好大件