酒泉日本料理 (已結業)

聖誕節食日本放題特別貴，兩個人起碼過$600。為左有放題既感覺又想滿足寶寶同小小萬倆隻小企鵝食三文魚刺身，故選擇咗食呢間又平又抵食的～酒泉。酒泉啲三文魚刺身很新鮮，很美味，必食。芒果蟹籽沙律又是值得推介，尤其是食完炸嘢之後，更覺得很清新感覺，不過唔想食咁多沙律醬的話，最好落單前同侍應講聲要分醬，食時要幾多落幾多醬。除此之外，鰻魚壽司都很好味，長度足以包住整舊壽司飯，很滿足，又是必食的。另外，仲叫左多款壽司、炸雞翼、雞軟骨、雞腎、三文魚骨、軟殼蟹手卷…叫埋清酒都係$400幾，呢啲節日二人價錢差不多啦。

好耐無去過元朗食壽司，今日適逢路經此地，一於去酒泉回憶下昔日之味道。17:55奪門而入，原來18:00前落單有特別優惠，壽司平左，仲有好多款精選既特價食品。最驚喜食左個特價既酥脆炸雞中翼，熱力十足，脆醬夠脆之餘，雞肉難得仲係滑同多汁極好味（$22）仲有4隻大大隻呀叫左個無特價既大蟹子沙律，超多蟹子同沙律醬，青瓜絲新鮮，蟹柳鮮甜（$45）叫左4串串燒，雞腎、雞軟骨、炭燒雞肉、一口豚肉串，除左豚肉串$11，其餘只賣$5。不過味道好一般，雞腎燒到乾晒，雞軟骨唔夠味，雞同豚還可以，但沒有雞翼的驚喜壽司叫左全部都係巨大壽司，感覺上比幾年前食既時候細舊左。甜蝦同熟帶子只係4蚊舊，一分錢一分貨，甜蝦雖則唔算甜，但還可以接受，熟帶子無任何味，4蚊只係買左舊飯海膽（$16）同龍蝦帶子沙律（$11）都新鮮同甜三文魚（$9）雖長但唔厚，無期望就無需失望，唔會特別有三文魚鮮味大赤蝦（$7）堅抵玻璃蝦（$7）唔算新鮮，好乾身下最唔好食蟹子柱貝（$7）d柱貝乾身無汁之餘仲有少少唔新鮮既苦味久別重逢，覺得壽司類食物比以前跌唔少watt, 不過價錢真係堅抵

呢間餐廳有做優惠晚市，七點之前有啲食物會有優惠，包括一啲壽司、燒物、同某 d 精選菜式。我哋叫咗 d 燒物。啲燒菇勁正，頗有燒烤嘅味道。＄7 一串我以為得兩粒，原來每串都有三粒，覺得物有所值。滑蛋吉列豬扒飯，鐵鍋上，新鮮整出嚟，份量好足，除咗滑蛋、豬扒同飯之外，仲有洋蔥絲、蘿蔔絲、同金菇，材料豐富！叫咗幾件壽司。特別推介帶子壽司，帶子幾新鮮。兩人自問唔細食，雖然叫得唔多嘢食，因為食物份量都大，都食到飽飽，埋單總共＄105，平均每人50幾蚊。如果水準 keep 到，我地會在返嚟再食架。

元朗的壽司店出名大大份，勁抵食。其中一間大路壽司店係酒泉。之前請朋友去元朗食飯，諗唔到食乜，都係揀酒泉。如果要認真食日本嘢，高級日本嘢嗰種，會話佢唔夠好食(真係有人係咁)。喂大佬呀，人哋收你幾錢啫，一分錢一分貨，就係咁解。但一家人或者一班人去食，食到十三成飽，啲嘢又唔差，每人平均二百幾蚊，係勁開心嘅。今次叫外賣。對唔住呀，我唔環保，我對唔住地球。但因為屋企有人行動唔方便，所以就咁囉。我哋外賣自取，元朗送去屯門都得，要加多40蚊喇。食物賣相好睇，沒有 PS 直出，最接近真相我屋企人好鍾意叫蟹柳蟹籽沙律，因為夠大盤。如果得兩三個人，千祈唔好叫，因為真係會食得飽，無胃口食其他嘢芒果軟殼蟹卷- 芒果唔酸花之戀同樣係屋企人最愛，有拳頭咁大，一舊已經夠飽肚，三文魚色水唔錯

中午時段走入店內叫左個set Lunch(原條鰻魚飯)很低食,只需$38,原本抱住不大期望的態度,點知,上枱後見到,大大碗,仲要包埋個湯(可選麵豉湯或西湯)。俾左原條鰻魚,而且鰻魚香甜多汁,加埋D飯一齊食,完全吾會覺得係平价食品。👍

食過甜蝦壽司不但蝦無甜味，連味都冇，加埋芥末醬油都覺乏味！三文魚魚腩壽司又薄又唔夠鮮澤！唯一不變的是蟹籽沙律，青瓜絲夠爽夠清香，蟹籽都算多！不過記住要叫個大喎，至夠食！

今日行完山返元朗揾食，因為好想食三文魚，所以提議去食日本野。因為唔想排太耐，所以揀左內街的酒泉。雖然係內街，但因為星期六，所以人好多，等左成8個字先有5人枱。入到去，其實都好迫，張枱好細，叫多幾樣餸，會迫爆。朋友們好似餓鬼咁，係咁點壽司，又要點烏冬又點沙律，好瘋狂。元朗壽司出名大件，佢地真係無得救。啲野等左大概10分鐘，陸續有黎。啲三文魚壽司，件三文魚好長，三文魚唔算特別肥，但過口癮都不錯。鰻魚好大件，見到都開心，啲鰻魚肉好好食，加埋啲醬汁，一流。至於烏冬係好滑，但因為味道太淡，我唔特別鍾意。帶子壽司啖啖肉，好鮮甜，啲壽司其實好食得過，因為上面件料，不欺場，份量十足。三文魚子沙律好大碗，沙律醬超多，不過可能青瓜絲未乾水，所以撈左之後其實好水，而且三文魚子唔夠多，食到最後，剩返好多青瓜絲。食到最後，壽司剩返好多飯，因為啲飯實在太大嚿，好浪費，唉。整體黎講，呢度食物份量十足，味道不錯，雖未至於高水準，但行完山，踩完單車黎食返餐，係不錯，但就唔好瘋狂咁點，因為最後眼大肚窄就好浪費。

黎左幾次，佢都keep到水準今次介紹下以下呢幾樣俾大家三文魚軍艦^^粒粒三文魚都好大粒正！焗生蠔好新鮮，而且新鮮燒出黎，多汁好味推介燒三文魚骨。因為佢係係魚腩附近，所以燒完都完全唔乾，十分juicy 炒三文魚飯，我覺得有少少油，但幾好味串燒一般餃子一般

2個人趁假期山長水遠入元朗行下同埋搵野食首選那間日本餐廳竟然執左😳，於是睇openrice係附近搵左呢間--酒泉因為要留肚繼續搵食，所以叫得唔多長三文魚壽司：原來呢度既迷你壽司等於出面既正常size,所以長三文魚有正常既2-3倍長，但唔係厚切，而飯就正常大小長鰻魚壽司: 大大件，但鹹左少少味付螺肉:天氣熱，很適合吃冷盤，夠味蝦: 不夠鮮味和不夠厚帶子: 厚肉但不夠鮮味火炙三文魚帶子卷: 呢個幾好，味道唔錯燒魷魚: 店員早講要等15分鐘，服務唔錯。驚喜係有埋魷魚鬚，食過其他食店大部分都只係得個魷魚身

入元朗搵朋友食飯 朋友介紹酒泉日本野對於無idea嘅我當然無意見啦😁😁坐底望下餐單 原來真係好多野食沙律 壽司 手卷 炸物 烏冬等等 多到唔知食咩好😂蟹子沙律 成個小山丘咁 蟹子重要佔據山頂 正 壽司大大件 餡料塞爆晒壽司面😂推介海膽壽司 入口鮮味十足 帶子裙邊亦唔錯 彈牙之餘又辣辣地 👍🏼不過燒鰻魚就有啲失望啦⋯雖然燒汁沾滿成條鰻魚 不過肉質太林 唔似鰻魚😔 總括黎講都係平靚正 值得推介一下😋

好耐無食，諗住以前食開，無死啦！點知今次中曬伏…我仲要外賣自取，全部正價，唔係特價時段。三文魚一打開就知唔新鮮。希靈魚竟然比黑蚊蚊個條邊。油甘魚，劍魚腩都係唔新鮮，蟹子沙律變壞“臭”咗。真係好差！我講嘅都係事實，唔明openrice點解唔批？

男朋友有事入了元朗，所以晚上我亦入元朗找他吃飯。完全是誤打誤撞找上這間日本料理，這餐廳是用紙點食物，很多款食物：刺身、壽司、手卷、鍋物、串燒、炸物，什麼都有，所有壽司都可換成手卷，跟現在的迴轉餐廳差太遠了。壽司大大件，壽司飯上餸是滿滿的，很開心呢。帶子裙邊壽司、螺肉壽司才是我至愛，現在的連鎖日本餐廳已沒有了，還有三文魚壽司是很長的三文魚。但鰻魚壽司則很失望，完全唔似鰻魚。其他食物都很好味，絕不欺場。推介

平丶靚丶正!!!今次比上次更好食，$48超出水準，講真去supermarket淨買魚子都唔得啦，下次真係要叫多幾位朋友一齊去試下其他嘢食，心好想試其他，但此終比你哋個三文魚子飯吸實咗，真心新鮮好味，珍珠米軟硬適中今次仲食到有啖啖醋香味～抵讚！加油～希望你哋越來越好👏👏👏 

又來到幾個月一次的晚餐聚。從不過問吃甚麼，因為我知道你一定會選好餐廳，只要放心讓你決定就好了。安心地期待著。連泊車的地方都計劃好，實在細心。跟著你走，來到酒泉日本料理。算一算，很久沒有吃過畫紙點菜的日本菜。曾幾何時，我是元氣壽司、一壽司、放題的常客。跟你一起，總讓我感覺回到從前。看著紙上大量的選擇，越畫越興奮，樣樣都想吃，像個失控的小孩。被你制止，只好欣賞一下墊枱紙，耐心地等食物送上。芝麻八爪魚久遺的芝麻八爪魚，急不及待夾一隻。不禁"嘩"了出來，怎麼這隻八爪魚如此巨型？！很重手。一人一隻，我不客氣了。不介意食相的話，勉強可以整隻放入口。十分爽口。沾滿稠稠的醬，熟識的感覺，芝麻八爪魚永遠都是同一個味道。不只八爪魚，原來壽司都巨型。看著我滿臉驚訝，友人冷靜地說了句"係呀，依度出名大件壽司。"你沒告訴我，我點了很多⋯⋯ 幸好友人有先見之明，每人點了5件。壓得頗實的飯很大，幸好刺身也不算小。壽司飯的醋味還好，很典型的味道。始終喜歡鬆而不散的飯，放入口中，一粒粒完整濕潤帶醋香的飯散落口中，才是完美的感覺。軍艦的紫菜不夠新鮮不夠脆。明太子沙律爽口，辣味三文魚再辣一點會更惹味。左口魚裙邊有薄薄的兩片

晨早放毒！尋日一早起身諗住去數字屋買嘢！點知去到都勁多人排隊，唔着是但問個人問佢究竟排幾耐先入到門口跟住佢就話我知排咗半個鐘跟住我即刻諗都唔使諗走人，天氣到爆我又冇咩胃口經過呢間餐廳見到個三文魚子飯有少少吸引跟住但係有見到佢無咩人都走入去試試，入到去見到個餐牌推介都係呢個三文魚子飯就叫咗一個午餐一人前，果然有驚喜，我都放啲魚子多到呢，淨係放喺度見到都已經好滿足，食落仲超正好新鮮，不過記得要你買Wasabi撈均嚟食，如果唔係就會好鹹架啦，真係恐怖＄48仲要冇加一買魚子都唔得～元朗酒泉😋😋😋