酸辣姐

營業中

休息中

一間隱藏喺觀塘工廈，而且只做外賣嘅川味小店。雖然淨係做外貿，但個場超大好闊落，一眼就望到曬廚房入面有咩，成個場地都好乾淨整潔👍🏻1. 酸辣粉（$22）加咗豬皮、陳皮魚蛋、牛百葉，全部都好彈牙，豬皮冇怪味，魚蛋陳皮味都幾重😻薯粉口感好滑，煙韌得黎又唔會好難咬斷🫶🏻湯底酸酸辣辣，食到唔停口🙈如果湯底再濃啲應該更好味！評分🌕🌕🌕🌕🌗2. 手工涼皮（$22）加咗雞絲、牛脷，雞絲涼拌真係好正😋牛脷爽口冇怪味，仲要好大舊添，超滿足！涼皮似係薄咗扁咗嘅薯粉，應該都係紅薯粉製成～晶瑩剔透好有口感😆涼拌汁同涼皮結合得好好，啲餸都入曬味👍🏻評分🌕🌕🌕🌕🌕3. 手工涼麵（$22）加咗腩肉、豬大腸，腩肉肥瘦均勻，本身鹵過再加埋涼拌汁更加惹味～豬大腸洗得好乾淨，店主特登冇煮到好軟爛，咁就可以keep到彈牙爽口嘅口感，但又唔會好難咬，唔錯👏🏻不過涼麵嘅麵質入口比較粉，唔知係咪煮耐咗定本身麵質係咁🙉唔似食緊麵😂個人比較偏好硬身少少嘅口感～評分🌕🌕🌕🌕🌑4. 麻辣燙風琴豆腐係店家強烈推薦🙊豆腐索曬湯汁之後又真係好正！好入味！娃娃菜同萵筍都好新鮮，同埋都算容易入味嘅配料～豬耳好爽脆，不過都係覺得涼拌正啲😂個湯底好惹味，

鍾意食酸辣野，係網上見到有人介紹，新開係九龍灣工廠區，就即管上去望下格局~都幾四四正正，員工態度都好好，不妨一試！店舖menu已經有推介小食，岩晒我呢D有選擇困難症的人！今次試左湯酸辣粉，配料加配牛脷+腩肉+麵筋+豬大腸揀左BB辣同正常酸度~都已經好辣，可能因為餸料索到D湯，所以特別入味！我仲配左個椰汁解辣，好唔錯好FRESH！份量超大份，呢碗麵夠兩個細食女仔食添！麵質幾彈牙，都唔錯~因為佢係外賣，湯會分開上咁就唔怕淋晒~配料：牛脷 厚切，好入味，食完一舊我停唔到口，店員推介，無介紹錯！佢地係自家切製啊！超正！呢個係必點！豬大腸唔係個個食豬大腸，不過佢好肥美口感唔錯，啖啖juicy爽口唔痴牙！一試難忘啊喂！必點！麵筋 食每啖都原汁原味，食呢D索湯料就是常識吧，唔會好滯肚~腩肉薄切，寶物沉最底，一拎上黎有D surprise，份量都大塊~

「今日想食酸辣嘢」或者九龍灣附近返工嘅上班族，今次可以慳住荷包又有口福喇！呢間喺工廈入面嘅真「隱世」酸辣粉平靚正，款款麵底都只需HK$22，而多款配菜就分別係HK$5、HK$8、HK$10及HK$15，豐儉由人。就算加配一個配菜，埋單HK$27就已經可以試到一大碗超惹味嘅重慶手工麵食。等外賣期間無聊冇野做，同個招牌影返張相，如果大家唔想行過去嘅話，仲可以用APP落單😍✨今次我就拎外賣去朋友屋企食，配埋店鋪有售嘅椰子汁，好飲又解辣！而當外賣份量多到食唔曬時，朋友仲拎埋屋企啲私伙啤酒出嚟配，變成下酒菜，慢慢食，好正🍻✨✍🏻 / 招牌酸辣粉（湯）▪️價錢：HK$22▫️風琴豆腐+HK$8▫️枝竹+HK$8▫️牛柏葉+HK$10▪️美味指數：♥♥♥♥♥店長推薦必點招牌菜！入面個薯粉用咗粗木薯粉，真係比平時薯粉粗咗有2、3倍，咬落好彈牙又唔會太韌。而且平時我比較少食薯粉，因為覺得薯粉難消化，但今次同朋友share食又意外地OK喎～但呢碗重點係，佢個麵底嘅原有配料超豐富，有我好鐘意食嘅脆黃豆、大大粒脆花生、切粒酸菜、碗豆苗、芫荽 ⋯而且老闆幫我加麻又加辣，成碗配合自選配菜，包括超吸汁嘅風琴豆腐、枝竹同牛栢葉

九龍灣隱藏唔少美食，最近發現鴻力工業中心有間 #酸辣姐，專食重慶酸辣/麻辣粉，仲有好多涼拌小食，啱晒天陰陰嘅日子食！呢度淨係做外賣/自取，第一次食，嗌咗碗小辣嘅 #招牌酸辣粉，再配 4個餸豪一豪😂！湯係分開上，夠細心，拎到返公司唔怕啲粉太淋。小辣🌶️加酸湯底好惹味，煙煙韌韌木薯粉索咗啲湯之後，食得更過癮。如果平時食得辣嘅，建議直接試大辣🔥！有成20＋款配菜可以選擇😍，今次試咗 #風琴豆腐，因為唔係好多地方有得食，外表似豆卜，但密度高好多，可以吸多啲湯，咬落去海綿咁，真係好好食！ #萵筍片 口感爽嫩，味道清甜，配搭酸辣湯可以中和一下😌，又可以補充纖維🥬。 #豬紅 夠滑， #牛柏葉 爽口，下次一於上多幾款配菜😋！原本擔心唔夠飽，嗌咗個 #涼拌雞絲🐔，點知好足料，勁多手撕雞😂，$25 係抵食！下次夾同事食多幾款涼拌🤤！

1) 舖頭只支持電子下單，拒絕為顧客人手下單；2) 第一次幫襯，傳單上話掃完code,約15分鐘拎得，點知由落單到拎嘢食要等成1 個鐘頭，搞到lunch time幾乎冇時間食，好心明知做唔切就唔好話比人聽15分鐘喇，不良營銷；3)落完單先知要等1個鐘，想取消單，打傳單上電話57401128同埋34210538,打極冇人聽，個落單網又冇訂單記錄取消唔到,得訊息通知我單號，感覺求救冇門；4) 唯有去返實體鋪，睇下會唔會早啲有得攞，點知米線又有，木耳又冇，雞絲又冇，又唔update online 落單system通知客人；5) 趕時間拎外賣走咗，返到去先知比漏咗一樣$10 嘅餸，等得又耐，啲嘢又唔齊，啲筍又有渣，重冇啦啦有舊疑似肉嘅物體，都唔知係咩嚟，好核突！6) 分湯係好，但重點薯粉完全冇用湯煮，明顯只用清水烚，到放返落湯已經完全唔入味，好難食；7) 雖然價錢唔貴，但係一次非常差嘅經驗，好失望！

好耐冇係香港食到價錢實惠但係份量又夠足同食物都好好味既餐廳啦！！呢排係屋企成日叫外賣 發現呢間鋪頭 有咩問題打比老闆 老闆超級熱情好人態度都好好！！我從來都冇留言寫過好評比任何餐廳 呢間餐廳實在太有溫暖啦 叫左超多野食都得一百幾蚊！！每份料都好足 希望大家香港互相支持 好正宗既辣食！好似我咁鍾意食麻食辣既人千萬不要錯過呀！好好味好足料！店家都好好人好負責任！十分支持酸辣姐～希望生意興隆！大家多d幫襯！絕對不會失望！