醉上海 (已結業)

女友小熊開始埋怨，係，無錯，因為我又又又帶佢去星際城巿睇相機鏡頭!小熊話支支鏡頭都係咁款，支支都黑色唔知有咩好睇，我話支支唇膏都係紅色，隻隻 winner the pooh 都係咁款，同樣唔知有咩好睇.我D鏡頭加埋都唔夠屋企D維尼熊多囉!唉.... 於是快快睇完即刻同佢去食好西，行遠D落深水埗，上次經過石硤尾街見到有間上海店，店名叫醉上海，好似唔錯，於是入去幫襯，希望質素好過深水埗另一間上海菜餐廳福榮街萬家村.係相學裡面，有一門學科叫"聲相"，有D人把聲好有說服力，有D人把聲好溫柔，亦有人聽佢把聲好似唱歌! 聽得好舒服，我好怕D人把聲懶音多同響，今次不幸遇上!一入門，有件大叔麻煩客，同佢D伙記坐一圍枱嚟幫襯，已經坐最入位置，但把X聲響到成間餐廳都聽到! 煩到核爆!難為醉上海老板娘，一見到有好位就即刻幫我地轉枱，遠離哩件麻煩大叔客!小籠包，清炒蝦仁，碎雞要一份，生煎包同鍋貼要求底部煎燶D，排骨擔擔麵走辣.頭盤冷盤醉雞份量比其他上海店多，肉嫩雞皮滑又重酒香，推薦.睇錯咗以為係清炒河蝦仁，所以奇怪上枱嘅蝦特別大隻，論蝦隻，新鮮，彈牙，鮮甜.排骨擔擔麵味濃麵條彈牙，可惜排骨鹹咗D，味道過重.小

此店和佐敦的上海點匠滬點小厨，在揾食肥華食評榜上，都係食上海食品前列之選，為求要將此兩店分個高底，11月21日揾食肥華接完靚媽收工，就齊到此店用饍，並刻意柯打10月2O日在上海點匠所食嘅同樣食品，包括酸辣雲吞，上海薰魚，回鍋肉客飯及上海粗炒和荳漿，最先上枱嘅薰魚論味道及魚嘅口感此店都比上海點匠差，而個酸辣雲吞更是天與地嘅分別，呢兩款食物而言，上海點匠可以講係完勝醉上海，至於個回鍋肉客飯，上海粗炒及杯荳漿都各有千秋，誰也赢不到誰，至於價錢方面，食同一類食物整體來計，醉上海較上海點匠平一成左右，但若肥華再食上海菜就寧願俾多少少錢到上海小匠食嘞

在深水埗只有很少上海店，如果喜歡吃上海菜，通常要跨區去食，這間上海店是位於石硤尾的小店，地點不是在大街，但也不難找到，店舖面積不大，似一般茶餐廳的大小。進入食店，兩邊是卡位，中間放了幾張4人枱，店內兩邊牆貼滿昔日和現在的上海照片。之前我曾光顧幾次，試過它的小籠包，上海粗炒，口水雞，擔擔麵和酸辣湯等，我覺得酸辣湯最抵飲，多料味足，其他都保持上海菜的特色。今天我叫了一個特價午餐蔥油排骨麵，附送豆漿，我滿心期待試這一餐的排骨麵，因為已經很多年未食過，但希望愈大，失望就愈大，當這碗麵奉上來時，排骨沒有另碟上，而是放在湯麵上，你可以想像，炸好的排骨會變成怎樣，那層脆的皮化成軟稔的皮，一咬下去便不想再吃，而排骨的肉也不滑，不是太瘦便是有肥膏，或是只是一層皮包骨，湯麵上有幾條蔥和細片的冬菇，麵的份量是足夠的，湯味也濃，只可惜排骨不成事，至少我下次一定不會叫。今天還有一件有趣的事，就是和我同枱的一位食客，他叫了一客津白獅子頭配飯，當菜送到他面前時，他問了伙記，這是廣東式的獅子頭嗎？因為你只會見到津白清湯，但看不見大大件的獅子頭，伙記只回應這食客，我們店是這樣弄這菜式的，那位食客唯有很無奈地吃他的午餐。

路經此地 見新開又環境唔錯， 就入去試下佢個酸辣湯, 佢個麵質幾好，但個湯都就淡，但食咁多間好小酸辣湯會加三色豆 。我見佢小籠包都止係28蚊就試試佢啦 28蚊4粒可以係邊到搵 ，個小籠包一上枱當然食咗先。一咬d湯就流出黎，湯都甜，28蚊冇要求啦。 總結黎講，價錢可以 較為平民。 如果未來水準冇變會有好多常客。不過個地段可能比附近既大排檔掩蓋咗 同埋又唔算近交通， 所以都好難會發現到 。我諗佢都係for返周邊鄰居為主😄😄😄

因看到open rice在深水埗又有ㄧ所新開的上海麵店,下午茶的價很低吃,所以就專成去試試及告知大家。因新開不久環境都不錯,又乾浄。人手都足夠。叫了兩份麵食,担担麵,煨雞麺及ㄧ客小籠包。味道都可以。小籠包都滿有湯汁4隻售$25。下次會再去的

我揾食肥華有幸，為此店在openrice發報第一個食評，當然要偏不倚，忠實報導8月13日在此店試食了回煱肉粗炒，五香牛肉湯麵，小籠飽，煎窩貼合共4樣食物，先評個回煱肉粗炒，真係吾係得，而係超得，無論色香味都有濃油赤醬的正宗上海菜風味，若要鷄旦内挑骨頭，就係D回煱肉吾夠肥，所以我衹能俾個A佢，而小籠飽及煎窩貼亦無令我和靚媽失望，有B级評分，反之個五香牛肉湯麵，D牛肉淡而無味我就一香都食吾到，個湯麵仲神奇，靚媽話D麵質好似食梗日本拉麵，而我就覺得碗麵個湯底，竟然有廣東雲吞麵湯底味，加埋個完全吾似上海麵嘅麵條，呢碗嘢我就不敢公維，衹能俾個D分佢，再講此店座位以四人枱為主，想吹鷄帶多D同事來光顧亦有難度，總結此店食物選擇多，有上海烹調手法，侍應招呼態度良好，價錢貼地，是值得一試的好店