醉潮館

營業中

休息中

小編去左好食好多次既荃灣推介餐廳，最主要佢個潮汕砂鍋粥真係好正，再自選配料，加埋其他另點既餸，真係啱一班朋友去聚會，低可能要提早訂位，建議大家打左去問先。小編今次推介餐廳食物☝🏻◾️潮汕砂鍋粥 $200起 (點(細)膏蟹$220)另外可以配鮑魚、象拔蚌、花甲、蜆⋯⋯等等◾️牙籤雞 $58小編建議大家第一舊唔好點泰式辣醬試左先，你會有意想唔到既感覺「嘩～原來都幾好食。」，值得食既。◾️醬滷鵝 $138醬滷鵝片都幾入味，但份量比較少。◾️香辣魚仔炒花甲 $108如果鍾意食花甲既人，都會覺得辣辣地幾野味，好似去左大排檔果種感覺，炒得幾香。◾️椒鹽鮮魷 $88超級超級推薦，真係勁好味的椒鹽鮮魷，一分錢一分貨，炸到外脆內軟，椒鹽味啱啱好，唔會覺得好油膩感，太好味啦～～另外小編仲有推介砂鍋卜卜蜆煲☝🏻都超級值得食，去開荃灣就去試下啦。

母親節請大人食飯，大人肯滿意一頓豐富美味飯局，初初話帶她去三坡坊食飯，她反應麻麻，因為驚污糟又邋遢，但係我話之前來過，里度食物好味及OK乾淨，同埋有佢至愛椒鹽九肚魚，食完頓飯，大人好滿意，滿五🌟🌟。加油💪🏻醉潮館，🤚🏻☝🏻，飯聚。相信大人下次再約她，她也肯嚟，今晚叫了，五道菜，胡椒蝦＋一口方塊＋蠔餅＋炒面＋椒鹽九肚魚。＄565，今晚5點半到場尚早不滿座，但始終大人日子要book位好D，到6點半全店滿晒。

想食潮州菜，見呢間睇食評好評如潮，就兩個人去試吓啦，點知原來名過其實。餐牌上面有好幾道推介菜式，但係不太吸引，所以就沒有試。我哋根據其他客人所叫的食物點菜，一共叫咗四個菜。蠔餅食落去啖啖都係油，蠔唔夠新鮮，非常之淡口。卜卜蜆和乳鴿一般，味道正常，冇咩特別。椒鹽九肚魚都算ok香口，但唔好期望太高。兩個人total食左四個餸，兩罐可樂，大概$450左右。環境狹窄，價錢正常，食物十分普通。總結: 不值一試

星期六晚5點半到，因為冇book位，但時間尚早，所以都有位坐低，樓面好後生年青人，食物以潮食為主，有特色得末味道也不錯，值得推介，兩個人叫了5道菜，埋單＄691。

食肆半閉關二個多月，疫情稍為緩和，晚市重開後，立即上街吃吃吃。很久沒有到三陂坊，店舖都面目全非。看到潮醉館食評不錯，就試試它。吃了幾道菜，感覺他的味道稍為濃郁，起初以為有落味精，但回家後一整晚都沒有口渴，感覺還不錯。合桃蟲草鮑魚燉雞 - 料足味濃清甜 (8分)椒鹽鮮魷 - 粉漿薄香脆，熱辣辣鮮魷夠Juicy (9分)沙嗲牛肉鐵板炒麵 - 夠鑊氣，牛肉份量足，但稍為多油 (7分)豬油渣炒菜心 - 油香菜嫩 (8分)

I wonder if I'm the only English comment here. No matter, here goes nothing. For non Tsuen Wan locals, this restaurant is tucked away in a hidden back street glittered with at least a dozen other restaurants, loud rattles of beer bottles, cheers and laughers from customers seated on tables along the streets; it certainly brings back memories to the good old days of Hong Kong. Yet this restaurant was different. It was located at one of the corners, a little quieter, cleaner, unsuspecting, and wel

星期六到荃灣開餐，估唔到咁人山人海，6點鐘無訂枱既情況下，食左兩間餐廳既檸檬。好彩黎到醉潮館岩岩有位。蜜桃咕嚕肉$78粉漿好脆，豬肉爽口，每粒肉都掛到甜酸汁，好味。肉既份量好多，反而想有多d 蜜桃同配菜。椒鹽鮮魷$88鮮魷新鮮厚肉，粉漿脆口，椒鹽味重，份量都好多，配汽水一流。小炒皇$88有鑊氣，花生同腰果都好大粒，脆卜卜。有菜脯，蝦乾，魷魚，豬頭肉，九菜花。岩曬想食多款野既人。想食香口野，啤啤佢既話，呢度真係一個好地方。

尼到荃灣 想食中菜 一定唸起呢間乳鴿表面係真係香脆 肉質嫩滑 每次食完都一定外賣幾隻番屋企蠔餅食到停唔到口炒面都係必食 好有獲氣 爽滑q彈 同朋友次次尼親都叫好多款式 價錢大眾化 份量頗多

之前試過Book位，因疫情沒有開門未能一嚐。今日碰巧過來三坡坊找嘢食，見walk-in有位，當然唔會錯過。非常有特色的《傳統鴨蛋煎蠔烙》 底煎得香脆脆，面滾油炸得香香蘇蘇，蠔夠size夠大隻鮮鮮，配魚露及豆瓣醬加芫茜，配上仿藤製的瓷碟，蠔餅控者值得一試。第一既簡單而可以將食材鮮味表露無謂嘅《砂鍋卜卜蜆煲》 蘿蔔粟米清湯底，加上新鮮蜆，明爐上。一路煲，煲滾咗蜆打開就食得，開邊隻食邊隻，鮮味十足。跟傳統潮洲嘅鹵水拼盤不一樣嘅《醬鹵拼盤》可惜鹵水鵝欠奉，有溏心蛋、紅腸、滷豬肉五花腩、底還有 芽菜、豬頭肉、豬耳及豬大腸，韭菜配色。PS. 現今有很多菜式都有改良版本，終於潮州打冷都有，下次再試多一點其他菜色。～～～～～～～～～～～～～～～～～～～～～～～食物賣相＝(滿分20) 18食物味道＝(滿分20) 18服務質素＝(滿分20) 16裝修整潔＝(滿分20) 18性價比率＝(滿分10) 6回頭指數＝(滿分10) 8總評分 ＝(滿分100) 84分

真相是似乎沒有訂位服務的。早兩日訂了位晚飯，已為醉潮館著想，告訴他們「我當晚來與不來，都會致電你們confirm」，在約定時間三小時前，我再致電醉潮館「我哋會來」，接聽生稱「見到(訂位資料)，沒問題」結果，我們準時到達，然後等，等等等了半小時，樓面第3次告訴我「就得等多陣」「嗰枱就走」「等多陣就有位」，結果還是等。由於現場有癌症朋友(訂位時講明會坐多半小時，因為要交帶手術前事項，接聽生話OK)，結果我們不信樓面「拖字訣」，去了潮興館。Anyway，呢間嘢生意唔休做，因為食客唔願走，應該D 嘢幾好食，樓面唔會趕客走 (好可能)。祝生意興隆。PS 訂位係服務形式，本質係等

今晚同大人傾開好耐無食潮州菜，好想食。於是上網找一下，搵到呢間二坡坊潮菜，於是搵多幾個 friend 一行五人 gogogo，去到六點半，已經差唔多坐爆，坐低叫兩個燉湯試試，當然有我想食嘅蠔餅、 椒鹽九肚魚同酸菜魚啦，再加碟菜！個燉湯幾好味， 略嫌佢淡咗少少，但都可以接受，酸菜魚啲魚好鮮好滑，酸菜芽菜好好味，湯底好好味。九肚魚同個蠔餅啲用料都好新鮮唔錯！廚房水準唔錯。可惜今日三點幾先食晏，食唔落，如果唔係食多個蟹同蜆煲。臨走先見到原來仲有時令羊腩煲食，係 menu見唔到，唯有下次再試。

香辣魚仔炒花甲，魚仔口感厚實，味道咸鮮、獨特；花甲好新鮮，味道鮮甜，口感厚肉、爽彈；整體花甲好入味，辣度3分，食落好惹味，配以紅椒、青椒、洋蔥食用，味道更佳。欖菜肉碎炒飯，欖菜份量多，味道香口；肉碎肥瘦均勻，味道咸香；豆角食落好爽脆、清甜；加入雞蛋炒製，口感更豐富；飯粒口感軟硬適中、粒粒分明。花膠螺頭炖雞2盅，好足料，花膠口感厚身、滑溜；螺頭食落鮮味十足；雞肉皮滑肉嫩；加入大量杞子、豬骨炖製，整體味道清甜帶鮮。

嚟呢間<醉潮館>食個晚飯，順便慶祝朋友生日。我哋叫咗好多個小菜，味道都唔錯！首先我哋叫咗兩個燉湯，分別有花膠螺頭燉雞同核桃蟲草鮑魚燉雞。兩個湯都好清甜，湯亦都無乜油，用料十足。我個人較為喜歡核桃蟲草鮑魚燉雞多啲，味道較香濃！椒鹽九肚魚~炸得好香脆，一咬入口啲九肚魚無滑潺潺嘅口感，亦都咬唔到魚骨，正呀👍🏻籠仔荷葉膏蟹蒸飯～一大隻蟹放喺啲飯上面，勁多膏，膏蟹亦都好新鮮，蒸飯吸哂荷葉香味之餘亦都粒粒分明，越食越想食。金湯酸菜魚～湯飲落酸酸帶啲辣，不過不失。但可惜啲魚帶泥味，影響整體嘅味道。雪裹紅蝦干芥蘭煲～翠綠嘅芥蘭，炒得啱啱好，又唔會炒得過老，好香口！加上蝦米咸香味，不錯。醉潮口水雞～微辣口水雞，食落啲雞無雪味，肉質都唔錯。辣酒煮醉螺～呢個醉螺一啲都唔辣，螺肉煮得好入味，每粒都好大粒。黃金秋葵～每一條秋葵都被啲咸蛋黃均勻地包住，咬落唔油膩，秋葵亦都炸得好乾身。真係比起平時食烚秋葵完全唔同口感，好有新鮮感🤤椒鹽鮮魷~鮮魷炸得好香脆，而且咬落都好彈牙，可惜炸粉過多，如果少返啲炸粉口感更脆！椒鹽孖寶一口方塊~裏面分別有炸豆腐同炸饅頭，夾起舊豆腐無鬆散，外脆內滑，勁好食。炸饅頭亦都

裝修走中國風 風格一貫每碟都係二人份量價錢稍為偏貴但味道唔錯 可以回頭👍🏻🍲香辣魚仔炒花甲花甲好鮮甜 冇沙好乾淨隻隻都有肉大大隻唔算太辣雖然食唔出有魚仔味只係同平時嘅彩椒炒花甲差不多冇乜特別🍲黑松露蟹蓋蒸水蛋大推呢碟！👍🏻👍🏻👍🏻黑松露已經好香加邪惡嘅蟹膏真係不得了估唔到中菜都可以加入黑松露2個咁濃香嘅味道原來可以咁夾蛋仲好滑唔覺意就食晒成碗飯🍲金湯酸菜魚魚肉好滑唔腥 冇雪味湯底偏酸 唔算太咸並選用芽菜做底又係必試之選👍🏻

最近疫情下都好少約朋友食飯。同男朋友係荃灣買野果陣咁啱遇到朋友，不如就三人行去食個飯啦。咁啱睇到open rice 呢間野又係附近就去試下啦，係三波坊呢間餐廳同附近其他餐廳格格不入，由裝修到餐牌碗碟都有顯心思，食物都幾好食。佢樓面放左屏風呀，燈籠，啲碗都有花裝飾。幾個餸入面最特別就係乳鴿啦，用個鳥籠上。份量我覺得3-4個人食係就啱啱好。餐廳有得室內食同室外，熱辣辣就梗係入去涼下冷氣啦，如果要食煙坐出面都ok架，飲番罐啤酒，都唔錯。