醉潮館

營業中

休息中

同屋企人黎到荃灣，咁岩比我地行到黎三坡坊呢邊， 原來一排都係打冷既舖頭， 我哋揀咗間最入面嘅， 呢d舖頭先係深藏不露。首先我好鍾意個裝修，木枱木椅 今次個價錢唔係好記得mark低，所以用自己記憶，希望無記錯~卜卜蜆煲（$168）- 蜆肉超鮮甜推介 食過咁多次蜆煲最鐘意呢一個。 蜆肉好大粒同飽滿，睇得出係新鮮，有少少辣椒好惹味但又唔會搶走蜆嘅鮮味。個湯底仲有粟米蘿蔔粉絲， 好豐富，如果兩個人我諗淨係叫呢煲嘢就會飽。炒通菜（$68）- 有少少油， 不過整體上都好食既，我諗我屋企平時炒菜落好少油，所以覺得少油d會好d。 鹵水鵝（$88）- 個人不是太喜愛，不過屋企人點，我覺得夠味既，但可以試其他招牌菜式

今日與同事因公事來到荃灣三陂坊附近，收工后決定食完飯才回家。見附近都有很多中式菜館，最後揀了食醉潮館。餐廳裝修木板櫈木枱，簡潔優雅。醤鹵鵝醤鹵鵝份量都很多，部分鵝肉切片，鵝肉稍為有少少軔，但很有鵝肉味。蜜桃咕嚕肉蜜桃咕嚕肉，剛剛炸好，肉質帶爽口，酸酸甜甜很惹味。蜜桃大大件又淋滑，很香蜜桃味。豬油渣炒菜心簡單的一個炒菜心，菜心很嫩，炒得特別爽口。豬油渣炸得很脆及香口，沾了菜汁，食落都不會覺得肥膩。蟲草鮑魚燉雞湯蟲草花鮑魚燉雞湯，足夠2人份量，很足料，老火湯的味道，飲落很美味，湯底很滋潤清甜。

最近有個project在荃灣進行，所以突然經常出入這區。今次打算找些地道食物醫肚，便走進三陂坊覓食。只是一個平日的晚上，三陂坊都熱鬧非常！我們走到街尾，決定試試醉潮館。餐牌做得超有心思，忍不住要影一影封面。名叫《本草湯目》的那一本顧名思義是介紹不同的湯水。還有詳細介紹各種食材的用途，甚是認真。眼見湯水是主打，我們都叫了一份白果胡椒豬肚湯供二人分享。很足料，喝完胡椒整個身體都充滿暖意，好適合冬天進補。另外點了醬鹵拼盤和蝦干芥蘭煲。鹵水非常入味，好吃。而且這裡的食物每碟都很大份，非常滿足。芥蘭在煲內暖住，就算放了半小時慢慢吃仍然是熱騰騰，是加分位。最後就是來到潮州餐廳不能不點的海鮮，砂鍋卜卜蜆煲。我們已經是叫小份，都有十分之多的蜆！蜆煲在枱上用慢火滖住，等待蜆熟了就可以進食。煲底還有粟米，吃完肚子都很滿足。

哥哥一家都唔喺香港，趁住週末陪下兩老，晚餐帶佢哋嚟荃灣食呢間口碑唔錯嘅潮州菜，我哋差唔多八點到，門口依然有幾枱人等緊，生意超旺。我自己之前食過一次，對佢嘅燉湯印象良好，今次嗌咗核桃蟲草鮑魚炖雞，湯味香純，濃郁清甜，仲真係有鮑魚，而且唔細隻，真材實料。一盅可以分到三碗仔多少少，我哋三個人分剛剛好，性價比高！九肚魚炸得又香又酥，口感外脆內嫩，味道鮮甜，沾上喼汁，令鮮味更濃。好有趣嘅名字，原來係四季豆炒豬頸肉，好夠鑊氣，醬汁香濃入味，豬頸肉咬起嚟好有口感，餸飯必備。BB乳鴿用鳥籠裝住，賣相相當別致。乳鴿雖然奀咗少少，但皮脆肉嫩，肉汁豐富，即使唔洗點五香淮鹽同喼汁都已經好滋味！黑松露蟹膏蒸水蛋係屈機之作，令我一直念念不忘，松露嘅香氣配上嫩滑嘅蒸蛋本來都已經係天作之合，加上大量嘅蟹膏，邪惡程度爆曬燈！每一啖都係享受！荃灣有得食潮州菜或者中式小菜嘅地方其實唔少，但能夠令人留低咁深刻印象嘅真係只此一家，難怪能夠喺短短幾個月賺到咁多口碑。

約左朋友在荃灣打冷，三坡坊大排檔一間連一間，朋友揀左最入面果間醉潮館，去到要等位，氣氛十分熱鬧。坐低寫野，隔離幾枱都在慶祝生日，嗌左好多野食，仲有自備生日蛋糕，氣氛高漲。野食選擇豐富，有新派潮汕特色，也有鑊氣小炒。鐵板黑椒豬仔髀，熱騰騰出晒煙上台，香味撲鼻，黑椒非常惹味，豬仔髀肉質嫩，好火候，好冧，輕輕一扯就成舊起，正吖！炸蠔餅，潮州特色，外脆內軟，蠔仔的海水味好出，點上醬汁，香口不油膩。椒鹽九肚魚，又系潮州特色，九肚魚滑滑地，同外層炸粉鮮明對比，點上魚露，外層香酥，內外軟滑，好味。主食系欖菜炒飯，大大碟抵食，飯粒夠乾身，不算太油。

最近很喜歡吃潮州菜，特登再來這間荃灣的醉潮館潮一潮😂點了個原板海膽炒飯，海膽味道好鮮甜幾新鮮😋仲有一啲瑤柱同埋蝦肉雞蛋菜炒既飯，這個炒飯相當夠鑊氣👍🏻醉潮口水雞讓人驚喜，好入味，辣得來又好滋味，真的讓人邊吃邊流口水，而且份量頗多，凍冰冰的雞肉非常鮮嫩，還有炒得好香脆的腰果花生，辣得來還有點甜甜的感覺👍🏻還是喜歡吃這個醬滷拼盤一個拼盤入面齊有糖心蛋、豆腐、韭菜、紅腸、豬腸、口感爽脆的豬耳、吃這個的時候感覺就是一道菜可以吃到很多不同的味道😋

今日行過荃灣見到依間幾多人食就入左去試下，好有住家飯既味道，好適合一家大細去食。個百果豬肚湯好白好鮮味，好重胡椒既香味。除左豬肚之外仲有醃咸左既豬肉，吾會太寡。仲叫左半份霸王雞，有大量既蔥同辣椒，但完全吾會辣。啲蔥油勁香，夾啲蒽連埋雞一啖食，令成個雞昇華左。而且半份既份量都幾多，啲肉吾會太淋，而且好滑，就算系雞胸肉都吾會柴。個黑椒豬仔脾件件都啖啖肉，一啲肉膻味都冇，仲充滿住黑椒既香味。啲肉又嫩滑，又juicy,果然系招牌。一份仲有六件，share食就吾怕膩。啲白飯都好有飯香 粒粒分明👍🏻

早已聽聞有很多潮洲的美食在二陂坊嘗到，這街佈局四四方方，較有特式的街道設計，而醉潮館就在街道的最尾處，好容易搵到的。是日平日無咁多客人，點菜同上菜都好快手！值得一讚！餸菜一上台都係熱辣辣，香噴噴，保持住鑊氣，賣相靚靚，份量仲好有驚喜！都係大大碟！！ 椒鹽鮮魷魚🦑大排檔必點！ 十分彈牙，香脆，送酒一流，有埋魷魚鬚的部份就正！雪裡紅蝦乾芥蘭煲$88招牌菜！大大煲～ 由好多配料炒成！有蝦乾，豬肉碎，紅椒等等原板海膽炒飯 $138抵食之選，大啖大啖食海膽唔怕唔夠分！配料仲有帶子同蝦🦐 白果胡椒豬肚湯$88湯料無餐牌中見到咁足料，不過我都唔食湯料，開始飲的時候已經Feel到胡椒的作用，就係好驅寒！飲到慶烚烚！涼的天氣飲幾好！天地壹號的蘋果醋🧃🧃 食太多了～幫忙消化一下！室內環境乾淨，位置坐得舒服室外就好岩一大班人聚腳食吹水的地方

聖誕食得太多邊爐放題唔知食咩好。就咁求其openrice打荃灣。睇到0負評我地由沙樂美果邊行入去搵。要行到最入。感覺好乾淨睇d圖以為好細碟。總數叫左4個餸。平時唔食飯既我地。仲要叫多個飯本身唔諗住寫食評。心諗食飯姐。但真係好味。所以食到中途先影相d螺新鮮。但個底好油腸熱食係外脆的一餐點都要叫下菜d肉好快清晒呢個好味。呢個送飯一流。口水雞麻辣味好正食過出面幾間。試過坐厠所門口位對住人排隊試過食食下隔黎台有人飲大左掉野掉中我地d餸。所以有女仔。唔食煙既。想舒舒服服。可以諗呢間位置入左小小。但環境比出面幾間乾淨。聞唔到煙味。同冇咁嘈。香港人都想靜靜地食一餐好既有位年輕男職員服務值得一讚男友都話佢靚仔。有人生日。店內仲播生日歌下次一定要試9肚魚廚師要keep住水準

賴尿牛丸唔知大家有冇食過，呢間位於荃灣三坡坊嘅醉潮館，佢哋做嘅潮州牛丸湯非常出色，成碗湯比三個人飲，可以每人飲到兩碗，而且牛丸非常彈牙，連埋啲生菜食，好似食緊生菜魚肉湯，熱辣辣好暖。仲有要讚下呢度嘅口水雞，從來未食過咁樣味道嘅口水雞，辣得嚟好過癮，裏面仲有啲花生，香口非常，好想食多幾舊雞，順便打包幾舊比屋企人試吓，因為佢呢隻味道出邊真係食唔到。仲係覺得唔夠飽，叫咗一隻乳鴿，隻乳鴿嘅擺盤好靚，好似一個鳥籠，乳鴿夠兩個人食，份量都啱啱好。同朋友唔可以掛住吹水，一定要加多枝藍妹啤酒慢慢啤啦。

鍾意食潮州打冷，可以去到呢間潮菜館，佢一直都好多人排隊，就算係平日會爆到水洩不通，大概要等一陣先會安排到坐位，而且因為太多人嘅關係，出菜嘅速度亦都非常慢。餐牌裏面有好多餸菜可以挑選，全部都係潮州嘅特色野。我哋叫咗個滷水掌翼，大概20分鐘之後先上菜，勝在份量夠多，下面有好多豆腐做襯托，附送一碟白醋，送下白飯都不錯。另外叫左碟芥蘭炒牛肉，芥蘭同牛肉經過醬汁炒過之後，味道變得好濃烈，芥蘭食落去好爽口同脆生。

今天不想吃太多，到樓下附近找了一間吃潮州菜式的地方，這間館位於三坡坊，三坡坊是美食聚集地，而且每一間鋪頭都很有特色，而且門口可以放置多張枱，適合一些喜愛坐在露天的客人。我們進店後，所有擺設及裝修都非常有格局， 有古色古香的味道，都是木造的，而且有圓枱兩人枱及方枱，合適不同人數的配搭。前菜我們點了：涼拌蔥配魚皮$78*****魚皮很香口、很爽脆，口味無窮豬油渣蒸水蛋$68****兩者配合十分夾，不油膩蒜蓉椒絲炒通菜$68*****白灼到剛剛好，不會太過火

今日朋友同我都放假約左食晚飯，佢推介咗佢熱愛既呢間潮州菜，唔駛我諗食咩我當然話好啦😂我哋六點半去到，店員同我哋講定今晚booking比較full所以可能得個半鐘食，我覺得幾好，好過某啲餐廳等人坐低食到一半跟住催人埋單🙈兩個人叫咗一碟醬鹵鵝，蝦乾通菜煲同埋陳皮蒸鮑魚🤣碟醬鹵鵝都幾大碟，好多餐廳呢類齋肉既餸都會舖厚厚嘅配料係底，因為慳皮，但呢間淨係post咗一層薄薄嘅豆腐👍👍 佢嘅鵝鹵得好入味但唔會過咸，唔“鞋”， 點埋啲汁更加清新開胃😁 連豆腐都好滑好入味～蝦乾通菜煲好有鑊氣熱辣辣，鹹香味好重，蝦乾大大粒，通菜爽脆😋鮮鮑魚唔駛百六蚊有六隻😯 好似同街市買嘅價錢差唔多，用成本價食仲唔使自己處理咁麻煩🤣 佢都刷得幾乾淨，鮑魚有好重嘅果皮味，好香，火喉控制得啱啱好唔會咬唔開，性價比高！佢嘅份量比較多，下次叫多幾個朋友試多啲唔同菜色先😁😁😁

一向對潮州食物都好鐘意，奈何身邊人比較喜歡日本、韓國等大熱食品，今次好難得地有朋友邀請食潮州食物，原本對食物也期望不大，最後竟然有驚喜訂了18:30，由於時間尚早，入座時店內未有其他客人。店內裝修以原木色為主，簡單而大方。枱與枱之間空間不算大，當然坐最入面角落位置，牆上有一截水管外露，間中比較嘈吵。2個人共叫了3餸1湯，份量適中，建議要叫白飯食物凍得快，要食快少少。上菜速度幾快，服務幾好。滿意的一餐

同事推介去食醉潮館，咁近近地公司就去會一下啦。首先來個花膠螺頭炖雞湯、我最愛既湯款，夠熱，材料亦很足，很香螺味，花膠食完感到很有骨膠原呀😝呢度出名既係卜卜蜆，內裡有粉絲同粟米，湯底亦不會太濃，幾岩我口味，蜆的數量亦很多，2人份量都夠有特，我連湯都飲埋，呢個重要呀，即是不會過份濃味👍🏻我們胃口細細，只點三道菜，最後要了古法陳皮蒸鮑魚，一共有六隻，鮑魚鮮味出及有彈性，我極少食果皮但呢度剪開細條我可連鮑魚一齊食、原來味道都很好的呀。入到呢個巷街才發現呢度有美食，真的卧虎藏龍呢