醉潮館

營業中

休息中

喺呢個非常時期，估唔到有餐廳做外賣自取冇折扣唔講，仲夠膽收加一服務費！我第一次幫襯亦都應該係最後一次。如果唔係喺屋企附近，都唔會搵到呢間食店。我返到屋企一發現張收據有「服務費」，就即刻打電話去問清楚，佢哋話冇收錯因為所有外賣都會收加一。我問點解我冇用過你哋嘅服務都可以收服務費呢？個職員都啞口無言，最後只好話會反應俾老闆知道。食物質素方面只屬一般，雖然份量夠但滷水比較鹹一啲，肉質比較硬一啲。計埋加一落價錢的話就實在太貴。

第一次感受到全天候服務嘅感覺，居然外賣也要收服務費，估唔到由廚房攞到出嚟收銀處都要收錢，大家去到外賣真係要計清計楚，如果佢要收服務費，問清楚佢有乜服務。呢間店好唔老實，唔會再幫襯。

之前黎食過一次, 覺得呢度嘅膏蟹粥同蠔餅都唔錯, 所以一直想黎食多次~點知之前好幾次黎到都冇開, 今次終於有開啦!! 首先, 一坐低, 朋友就話呢度嘅胡椒豬肚湯係必點! 真係咁好味咩? 即管試下!一啖入口, 果然鮮美又重胡椒味, 啱晒落雨絲濕嘅天氣!  建議趁熱飲, 否則凍咗就唔好飲.再試下啲豬肚, 咦... ... 點解咁韌嘅? 問咗朋友, 佢話佢之前黎食冇咁韌, 可能今次有啲失準~再黎食嗰海膽炒飯, 炒飯味道清淡, 用以青菜粒, 雞蛋及少許帶子粒作配料海膽似乎鮮味一般, 不過138嘅價錢黎講, 巳是合格~  畢竟份量都頗多再黎係我最愛嘅椒鹽鮮魷~ 炸得香脆再配上炸蒜和喼汁 叫多枝啤酒, 一啖炸魷魚一啖啤酒, 人間美味不過如此! 飲勝!直頭想encore多碟! 可惜眼闊肚窄, 唯有留待下次啦~兩個人埋單380連加一, 荃灣潮州菜黎講算是中上價~ 但味道真係會令人食過返尋味~ 下次要再叫多啲朋友黎試! 畢竟多個人多份滋味 (實情係可以叫多樣菜!~~) 

之前喺荃灣見到醉潮館 呢間裝修風格古色古香嘅潮州菜餐廳🎋我哋叫咗潮式滷水，醬滷拼盤🥣呢個拼盤有好多款食物👇🏻鹵水蛋🥚豬耳🐷豬大腸、紅腸、鹵豆腐、腩肉🐖韭菜及魷魚🦑全部都鹵得好入味，豬耳同魷魚好爽口🤪椒鹽九肚魚🐟佢哋嘅炸粉好薄，外皮食落酥脆香口☺️入面嘅魚肉依然保持住細嫩軟滑，仲好鮮甜👍🏻加上椒鹽同炸蒜，再點埋喼汁，超級惹味🤤小米餃🥟晶瑩嘅外皮包住飽滿嘅肉餡，口感煙煙韌韌，味道鮮美😋飲品就揀左蘋果醋同椰子汁🥥兩款都唔錯

第一次去係年三十晚，因為臨時決定去冇bk到位，去到話要bk位先得，所以今次就乖乖地bk左位。兩個人叫左：一個燉湯, 方魚炒通菜，椒鹽九肚魚，籠中乳鴿，一支啤酒，一個白飯燉湯每人都飲到2細碗，都唔錯。不過有雞免不了多左d雞油。但整體都清潤方魚炒通菜，方魚偏硬，我個人唔太中意。椒鹽九肚魚一定要襯熱食!好好食!好鬆好香口，皮唔厚籠中乳鴿，係因為見到e個先決定黎食 😂 冇咩特別，就係想打下卡最後啤酒竟然係用碗!別俱風味雖然冇食到招牌菜/平日食開個d潮州菜,兩個人食到既又好有限，眼見隔離大檯又鐵板又一煲二煲好開心咁，下次真係要試下!

心血來潮想食中菜，醒起呢間位於二陂防的醉潮館，之前已經同朋友食過一次，今次二人嚟食怕食得唔多，見到有雞煲就叫咗個雞煲，另加湯同一碟菜~川貝海底椰湯，問左侍應係兩位份量，所以2人叫一盅剛好，燉湯好夠味，飲落好滋潤😍 睇返材料原來除左川貝海底椰仲有烏雞、龍眼肉等等。雞煲熱辣辣，真係幾辣！醬汁較得唔錯，帶小小酒香味，令雞肉嫩滑又辣得過癮，洋蔥同大葱等配料係生上既，無預先煮好，咁就可以食住雞先，食得差唔多啲配料就熟，食得！椒絲炒通菜，都係即炒的，不過好似唔記得落鹽，無乜味~

近期疫情嚴峻，真係好日都唔出街晚飯，有朋友荃灣做藥房留咗消毒用品俾我，咁點都要出去，攞完嘢行幾步就到三坡坊，呢度食店林立，真係可以慢慢揀，太座決定食呢間，門口寫住個是日燉湯有3款，咁嘅環境梗係飲川貝海底椰燉烏雞，有補肺化痰止咳功效，入口清潤，個仔都飲咗一大碗；冬菜蒸九肚，九肚魚本身冇味但勝在少骨夠滑，用冬菜蒸可以加強返成碟餸嘅味道，正!鐵板黑椒豬仔髀，豬髀唔會鞋口，夠入味，個仔自己揸住食咗一隻；仲精彩係呢個壓軸出場嘅乳鴿飯，飯上面嘅乳鴿好嫩滑，一齊蒸飯配上豉油，整整一籠都清哂；見到餐牌仲有好多特別嘅菜式，下次必定再返嚟試多幾款!

嚟到三玻坊，啲餐廳花多眼亂，見到呢間餐廳裝修幾特別，就同男朋友入嚟試下。紅燒籠中BB鴿子乳鴿炸得啱啱好，脆得嚟又唔太乾身，價錢又唔貴，抵食之選👍🏻最特別係餐廳用改裝咗嘅雀籠裝住隻乳鴿，用嚟影相打卡一流😍黑松露蟹膏蒸水蛋水蛋落咗黑松露，面層再加咗一大pat蟹膏，只可以用一個字形容，好香🤣，男朋友因為呢個水蛋食咗三碗飯🤣🤣🤣雪裏紅蝦乾芥蘭煲類似啫啫煲，入面有勁多大大隻蝦乾，剛上枱時係唔錯，但我哋食得太慢，搞到啲芥蘭煮到淋晒😭香辣魚仔炒花甲因為花格唔夠，所以餐廳比咗一半蜆一半花甲，蜆同花甲都新鮮爽口👍🏻食潮州嘢，梗係唔少得支青島啤酒😋😋😋

豪邁奔放食番餐💃🕺我在荃灣這地兒走過不少路， 🤷🏻‍♀但竟沒去過三坡坊，卻原來這麼有趣👽......從寂靜的街道轉入巷子，💡即刻感受到快樂豪邁嘅氣氛！這裏聚集了不少大排檔，而我哋選擇了醉潮館🥢，因這裡除了有大排檔的豪邁，還有我愛的潮式小菜！我哋七嘴八舌，呢樣想食嗰樣想試👉🏼👈🏼結果2個人order左5個菜.....太瘋狂了! 🙂🙃鴨蛋煎蠔餅🦪～ 蠔餅煎得鬆化脆脆的，蠔仔也多，而且鴨蛋🥚使粉味更香！鐵板一口牛🐂～ 這是大口大口的一口牛，厚肉爆汁......有排檔的鑊氣...必食！蜜桃🍑柚子骨～蜜桃甜🍑+柚子香🍊帶點澀很是配合，加上肉肉外焦脆內軟....我要俾個指公👍🏻！最後以豉油王炒麵&跳跳豆腐作結！ 在這憂愁的日子，吃了一頓快樂的晚餐🍻！願各位身體健康💪🏾，盡快除罩相見！😷👉🏼🤤

返左成日工攰到隻積咁收工要食返餐好安慰下自己😂環境企企理理幾闊落好似古代小店咁餐牌都幾趣緻食物選擇太多好難揀🙈個椒鹽九吐魚好脆 唔厚粉 椒鹽炸蒜夠哂香口鐡板跳跳豆腐玉子有上粉煎過下 所以微脆唔會一夾就散 配小小辣既肉碎 好香濃好岩送飯砂鍋粥米粒帶有米芯 水飯交融 索哂海鮮既鮮味可惜今次冇蟹 但象拔蚌、蜆、蠔仔都夠哂鮮呀！方魚炒芥蘭 好有鑊氣！方魚香脆 芥蘭翠綠鮮嫩好爽口對今餐非常滿意份量全部大大份 物有所值！食到捧住個大肚腩走😂下次會試埋小米餃見隔離枱食到lamlam脷咁🤤

這間食店衛生環境極差 食物一般 店員服務態度奇差 叫他取餐具竟然呼喝 一聲咩呀 另外看見經典場面地下非常失或滑跌了一個顧客。 令到另外一台食客的餸全部 倒地 完全沒有道歉的態度 都沒有員工及時上去慰問只顧清潔 繼續員工開餐 態度奇差。

好友相約飯聚，大家都係荃灣友，就諗住去吓食呢間店，點知食到我哋冇鞋挽屐走，首先食物一般，但店員態度極差，食物送上枱轉頭就走，叫幫忙好似想打交咁，其實我想要個湯殼姐，冇我點畢粥呢？而且店舖地面相當濕滑，我估佢哋都知，所以地上放咗紙皮，最後見到一位食客去洗手間時跌倒在地上，還被枱上嘅熱茶淋濕身，店舖老闆及員工沒有人上前問候，嚇得我地同隔離枱的食客都馬上埋單走人，這間食店，我真可以話，永遠都唔會食第二次

今晚約咗個舊同事喺荃灣食飯，佢自出娘胎就喺荃灣生活所以好熟悉呢頭～同親佢食飯大家已經有個默契會係食中菜，而佢就推介咗呢間潮州菜館👍我哋點咗半條盤龍鱔，方魚炒芥蘭同埋蜜桃咕嚕肉～盤龍鱔肉質幾厚實，半條食落都幾多，無腥味，豉汁好好送飯👍蜜桃咕嚕肉酸甜味剛好，青紅椒同洋蔥爽口，咕嚕肉外皮脆口兼熱辣辣，啲蜜桃好甜～我食呢餐飯先知道方魚即係大地魚😅 佢嘅方魚勁脆！芥蘭炒得好嫰綠，火喉控制得非常好👍👍 無菜嗰種草青味，亦都冇芥蘭嘅苦澀味，好爽脆👍唔怪得朋友會喺荃灣呢個美食集中地特別推介呢間👏

今次同朋友經過荃灣二陂坊見到呢間裝潢夠晒古色古香嘅潮州茶館，不嬲鍾意試新野嘅我就決定試試佢！入去坐低後見到個menu仲成本武林秘笈咁，幾有玩味，而食物方面亦都夠晒鑊氣🤤唔錯呀🔻椒鹽九肚魚評分：8.5/10價錢：$78必叫呀！炸粉真係做到好薄，食落口好脆同香口，而且連d骨都幼細到唔太覺有骨咁，好好食呀🤤🔻蜜桃咕嚕肉評分：7/10價錢：$78酸酸甜甜好開胃，而且佢切到容易擺入口嘅形狀，好有心思！🔻蒜蓉椒絲炒通菜評分：7/10價錢：$68好香蒜蓉味同好惹味🔻花膠螺頭炖雞湯評分：8/10價錢：$68不嬲好鍾意飲湯，特別係炖湯，呢個好足料，食到雞同好多湯渣，又係黎呢到食必叫食物之一😋📍醉潮館 (荃灣)荃灣三陂坊30號地舖

荃灣呢間潮州打冷，有幾味餸食過返尋味，今晚收工心郁郁又想去食，而且湯水選擇多又滋補，仲要無味精！花膠螺頭炖雞$68一坐底即刻叫左個湯黎潤下先，湯料好足，花膠大大塊仲有螺頭，豬骨同雞肉，個湯有少許雞油好香，全部材料都係好夾既組合，大到兩個人飲都差d飲唔曬🙊陳年果皮蒸鮑魚$158鮮美海鮮同陳皮有幾夾唔使多講，鮑魚既甜味完全突顯到，而且隻隻大而肥美🤤豬油渣炒菜心$68菜心咁炒好香，綠嫩既顏色🥰紅燒bb鴿$58上次黎都有叫🤤水準依然小米餃$42最愛既小米餃最後上，唔使點醬已經夠味，蝦米好香，糯米皮集齊煙韌嫩滑，一口一啖，真心正😋