醉瓊樓飯店

營業中

休息中

又話15分鐘，結果等足40分鐘先有齊3個外賣飯，頭一個飯同尾嗰個相差廿幾分鐘，飯同湯又裝定，番到上樓有一半嘢已經唔熱，叫你擺酒咩，每樣嘢隔成10分鐘先出，外賣唔係咁樣做㗎

垃圾飯店 野食水準 越嚟越差 叫個外賣 自取 係門口企足45分鐘 小弟只係叫左個生炒骨 椒鹽先油呢2個餸 居然要係佢地門口企足45分鐘 小弟做左十幾年飲食都未見過要個客係門口等外賣 等足45分鐘 真係想唔要走人 問個收銀阿姐 個阿姐d太度好到加靈一 小弟都做過 廚房 都知忙起上來會儲多幾個餸一齊煮 但係儲到咁上下時間都要煮左佢比客 同埋做飲食最基本既野都唔識 就係做左比外賣客先 肺時要個客企咁耐 原本諗住今日中左馬 開開心心加下餸 點知搞到火到來 仲要搞到我係酒樓買左隻炸雞凍晒 真係勁唔開心係我等既途中 仲有3個客係到等 有一個女仔仲要係打左電話叫左先落來拎都要等左40幾分鐘 另外一個係咁同個收銀講 等左50分鐘了 仲有一個 我估係熟客仔 好好笑容咁 問係咪 漏咗單？真係經過今次 小弟真係 不敢恭維 以後都唔會再幫親

係油塘住了幾年都食過好多大商場的美食，食來選食地到有鑊氣的小炒美食，連續幾星期六都走了去油塘醉瓊樓食晚飯。地方都好大有分有冷氣同無冷氣坐位，環境就大排檔的格局。經幾次晚餐留意到好多食客會點金牌鹽焗雞，梅菜蒸鯇魚，東江小炒王等。所以都分別我都試過了真係好好味，其餘的美食推介如：北菇炆海參，冬菇好大隻海參爽口豉汁蒸倉魚，肥大肉厚豉汁蒸大膳，骨多了點有進步空間西檸煎軟雞，記得叫醬汁要多一點因太多選擇，暫時介紹咁多先～整體服務滿意，會再來

呢間飯店由細食到大，位於油塘中心的醉瓊樓，雖然環境及衛生一般，但非常令人懷念小時候的味道，就算已經搬出這區，但一家人也會再次入黎回味一番，大眾化價錢，舊日老飯店的風味！生炒骨

食中式小炒，油塘區比較少選擇。醉瓊樓算係價錢質素最平衡嘅店舖。西蘭花斑塊：個餸真係夠鑊氣，炒得爽身，薄薄玻璃茨，食落唔覺有落味精，有6大舊斑片；咸魚雞粒豆腐煲：味道濃淡適中，但咸魚同雞粒好少，天氣凍熱辣辣食落去還不錯後記：第二日自取外賣試埋佢啲碟頭飯，叫咗個西檸猪扒同埋乾炒牛河。炒牛河炒得唔油；打開盒西檸猪扒，以為師父剩係俾咗猪扒冇落西檸汁，原來係有落，超薄西檸汁包住晒每舊猪扒，令到檸味唔會蓋過晒猪扒味，本身唔好酸味，女友叫哩個飯就食佢一舊試下，讚嘆不已。以前見人食啲西檸乜乜都係一大"劈"西檸汁，佢哩度真係大驚喜。最可惜係 ... 唔記得影相

這裏的沙薑鹽焗雞飯最出名, 尤其沙薑醬極之香濃, 加上一點油水, 配合焗熟的雞就剛好.雞不會太生, 有時其他餐廳食的會太生.美中不足的是啖飯, 只是普通絲苗米, 而無鹽焗的香味.涼瓜斑腩飯也夠水準, 斑腩的粉皮不會太厚, 而且非常熱, 必定是即叫即煮的. 涼瓜也不會太多水份.京都排骨飯就普通了一點, 不過佢個汁好似有一點醋的味道, 酸酸地, 也可一試.這裏每位都送例湯一碗, 今日是青紅蘿蔔雞腳湯, 無味精的, 日日斬咁多雞, 當然用雞腳煲啦

2010-3-18(星期四)沙薑鹽焗雞、椒鹽豬扒、西蘭花炒枝片、沙爹牛肉粉絲煲總計盛惠$178(四款餸)『四款餸包四碗白飯』。我覺得西蘭花炒枝片–花枝片嫩口。沙薑鹽焗雞–雞滑好味道。椒鹽豬扒–豬扒夠嫩口。沙爹牛肉粉絲煲–牛肉嫩口，沙爹醬夠入味。另$26是雞柳炒飯–雞柳新鮮，炒飯夠口感。

相對在鯉魚門的市政大樓, 這間店鋪真係要行山才可以到...(由於油塘的店鋪 食評較少, 所以.....)真的苦了我們一行八人沙薑鹽焗雞 ~ 真係招牌菜, 絕對係水準之作, 全雞食晒....西蘭花炒花枝 ~ 好味豉汁蒸鱔 ~ 普通, 汁太少, 送吾倒飯生炒骨 ~ 友人話不是太好...椒絲通菜 ~ 普通紅燒豆腐 ~~ 這個反而喜出望外, 好味...友人話: such price already outstanding for quality

記得小時候我家樓下都有一間醉瓊樓, 不知是否同一間呢?二個人, 點了三個菜:1.沙薑雞: 不錯, 雞很滑, 有雞味, 沒多餘的脂肪, 也沒有不熟的問題. 佐以沙薑粉醬汁, 美味.2.西蘭花炒花枝: 平日較少點的菜, 因怕花枝很un, 這次是薄薄的, 口味很好.3.豉汁蒸白鱔: 家常送, 很下飯的一味, 令我差不多幹掉大大的一碗白飯. 只收$108, 簡直係價廉物美, 無話可說.

呢間較出名食鹽焗雞同扣肉,有時午餐會食扣肉飯,肉香口唔覺'漏',但嫌少汁,今次晚餐叫外賣,例牌鹽焗雞,生炒骨,椒絲通菜,大約8個字到,阿姐好好禮貌(比同區其他天壤之別),共$128,每樣都好好,仲熱,呢間都算食得下,晌無乜選擇的油塘區佢算數一數二了~!(午餐時間例牌多人)