醉瓊樓

營業中

休息中

想食中菜…搵啲道地啲嘅街坊菜館，同家人都常常黎呢間！ 因為門口可泊車🤭有位家人一想起食「蒜蓉蒸開邊蝦」就會嚟呢一間是日晚餐：梅菜扣肉🍖薑汁芥蘭🥗薑蔥霸王雞🐔蒜蓉蒸開邊蝦🦐魚腸焗蛋🐟🍴梅菜扣肉 - 非常有懷舊嘅味道, 梅菜係食落去係甜梅菜，唔係鹹死嗰啲，梅菜好夠腍、五花腩都好入味，入口即溶、不油不膩、肉嘅油香用嚟配白飯真係一流！🍴薑汁炒芥蘭 - 出面有時啲菜炒完都會有一浸草青味，但呢度ok,少油，ok 呀！🍴金銀蒜蒸開邊蝦 - 呢個菜式非常好送飯，蝦鮮甜，雖然蝦唔大隻，但啲肉好結實，so far食咗咁多間都鍾意食呢間多嘅味道，好啱胃口！喺屋企蒸，點都係係蒸唔到菜館嘅味道👅可能係要讚油嘅原因😆🍴雞蛋焗魚腸 - 呢個就失去咗原本以前嘅古早味，因為佢最肥嘅部份拎走咗，冇晒啲魚肝嘅油香味，蛋應該係蒸完再焗，唔夠以前懷舊嗰種乾身，下次可以改為試吓魚腸煎蛋.🍴薑蔥霸王雞 - 因為經常食，所以知道佢唔係次次都保持到水準，欣賞佢多蔥多薑，但今次啲雞蒸得熟過頭，要嚼好耐🤣🤣🤣菜館！請加油！一行六人五大一小，埋單五百幾，其實都係合理😎😎其實已回頭多次，因為蒜蓉開邊蝦真係唔錯！🤪🤪🤪樓面啲阿姐都講嘢幾大聲，要

去同家人去晚膳，去到呢間開了很久位於長沙湾老子號【醉瓊樓】酒家，滿懷喜悦心情去吃一頓美味晚餐，當然佢地最馳名之一道菜式當然是叫【雞】誰知食物質素強差人意，如非以前一般好吃。茶位$4蚊一人，無加一小費，其實，呢間酒家以往未來過很多次，但今次係最後一次，沒有下次，相比，佐敦那一間實在有過之而無不及。盐局雞一只$270 ＜煮得太老，肉好嚡＞支竹豆付火腩煲 ＜用豆付乾當作豆腐＞菜遠炒肉片 ＜肉片薄如雲吞皮＞什菜煲 ＜海鮮渺渺可數，菜幾條＞

出席家庭飯局😆呢間門面有啲舊既飯店係長沙灣一個唔太顯眼嘅位置！茄子魚腩煲$85味道不錯，油左啲啲啦～鹽焗雞半隻$125算係王牌之一，味道OK，雞都滑～蒜香豬扒$85兩隻字形容：惹味😅梅菜扣肉$90聽講係呢度必試既小菜！都真係幾好味道，撈飯食一流！(諗清楚先好撈呀…好肥架….)椒鹽九肚魚食左少少，幾好食香煎琵琶豆腐$78呢個好食，咁多樣菜之中最鍾意呢個！小炒王$90呢個淨係睇個樣都唔係太得喎….味道都係麻麻啫啫通菜煲$90又係好惹味既一道菜！呢度嘅食物中規中矩～係呢區，不能要求咁高！

本身自己係客家人，所以特別鐘意食客家菜，同埋經常會去長沙灣元州街呢間家庭式經營既客家小菜館，佢既小炒小菜一流，味道有返咁上下水準，平時好多街坊幫襯，有時仲要喺門口等位添。每次黎都必點客家鹽焗雞、雞肉咸咸地夠哂入味，點埋沙薑醬味道更豐富。呢度既梅菜扣肉，每舊肉都有肥瘦位，最鐘意食扣肉既肥膏位，好邪惡，加埋梅菜用黎送飯好開胃。小炒王又係每次黎必點既，佢既材料好足料豐富，比其他小店既小炒王足料，而蝦乾炒得好入味好有火喉。客家釀豆腐，豆腐幾嫩滑，豬肉亦好味，如果豬肉大舊啲就完美。白鱔 好有咬口，脆脆地幾特別既口感肥牛煲入味，牛肉夠嫩，送飯亦very good 豬扒 酸酸甜甜好開胃。西芹牛肉炒得有火喉炸物亦炸得不錯，係即叫即炸

今日大年初四，我又未正式開市返工，諗下約邊個朋友食飯好，終於想起每年大年初一，都例牌請我去佢屋企食開年飯好友，佢每年整大量昂貴海味招呼我，真係請番佢食多幾餐，都報答唔到佢 ! 下午問佢要唔要返工，佢話唔須要，我就諗起長沙灣醉瓊樓，鹽焗雞係我覺得全港最好食，加上我朋友廚藝了得成日整雞，我就特登約佢晚上、19:30 大家直接去呢間食，但事前戴定頭盔先，講明堂食環境一般，千祈唔好介意 ! 到 19:30 前我朋友兩公婆先到達，幾分鐘後我由元朗，乘坐 68X 剛落車，我到達時鋪內都爆滿，但剛好有一張卡位客人埋單，朋友正等店員執清卡位，我就剛好準時 19:30 到達。先落單半隻鹽焗雞、其他由我老友發辦落單，計有雞油炒豆苗、豉汁蒸鱔、及梅菜扣肉。期間店員先送上一大窩例湯，係雞腳、豬肉及其他材料煲成，比平時下午套餐送嘅例湯濃郁、亦都偏鹹，所以大家都只係飲咗約一碗。期間我俾咗一封利是俾阿姐，大家開心之餘亦希望招呼好少少 ! 🔺 我本人係客家人，所以好中意食鹹雞或鹽焗雞，自己亦略懂廚藝，有自己用粗鹽炒熱，再用沙紙包裹雞殼，用熱燙粗鹽覆蓋雞殼焗熟，非常有鹽香味! 但香港所謂鹽焗雞，一般都係用鹽水浸熟而已，

以前番工成日同班同事黎食lunch~果陣一星期都黎兩次～大大碟碟頭飯～月頭豪氣d既仲可以叫餸食飯～自從生左b就冇出街食lunch!咁岩今日要出街食～就黎番食～一路行去～仲驚執左～點知見到佢貼左告示話開分店！我成3年冇去～d姐姐仲認得我～好勁！鋪頭一d都冇變～勁舊式裝修～我地上上層坐～阿姐開左房俾我～不過可能焗住間房太耐冇開有陣味～所以我地都係坐番出面～叫左5樣野食鹽焗雞西蘭花斑球梅菜扣肉椒鹽鮮魷枝竹火腩煲好食～同以前一樣味道～正5個人食5樣野有飯有野飲～埋單$480值得一提係佢水吧d茶底係好香～值得一試！

今日因為一個老人家🧓🏽生日，所以有幸試到依間懷舊餐廳原來聽大家講，依間餐廳好耐歷史架啦佢地因為成日幫襯，所以都叫左好多熟悉既野食，而我就幫手叫個砵仔焗魚腸啦，今餐真係好豐富分別有白果豬肚湯、炸芋泥、梅菜扣肉、琵琶豆腐、霸王雞、生魚片兩食同砵仔焗魚腸先講個湯，見到奶白色已經好吸引飲落當然係無得頂啦到炸芋泥啦，其實我唔太鍾意炸野，所以都係試左一小「舊」，食落都唔錯架梅菜扣肉呢，就因為怕肥，所以都係食左少少，但反而味道上同我之前食ge唔算入味琵琶豆腐都唔錯架，豆腐算嫩滑，唔會太多粉同炸得亦唔會太硬霸王雞食落都還可以啦😋一定要連蔥薑食而生魚片兩食呢，我就最欣賞啦因為做得好出色，唔係炸果款，魚肉真係好滑同入味，好想食好多好多不過，我叫果個砵仔焗魚腸，就無想像中整得咁好食啦，但我地整體都食灑所有野架好厲害加上有得坐房舒服

今星期公主放假，我這家丁也罷工，出街食家附近大大細細茶餐廳，都食過哂，唸唸下，呢間醉瓊樓，主打客家菜。N年無來過，我家老爺都贊成來，懷舊一番。炸豬大腸，霸王雞，系我跟家老爺首選，再叫雞蛋焗魚腸同金銀蛋莧菜。豬大腸，絕對系今非昔比，同小時候，真的唔同味道，不過同現今其他菜館食的，佢水準系之上，夠乾身，脆口。霸王雞，一流雞滑流，有雞味。賣相唔差嫁.金銀蛋莧菜，大大碟，分量足！最後上場系雞蛋焗魚腸。嘩，香噴噴，熱辣辣，我家老爺洒下胡椒粉後馬上享用，我來不及拍照！正，好鬼正，又香又滑又熱辣辣。我家老爺滔滔不絕講童年住事，佢嫲嫲當他小時候，常煮這道菜……回味無窮！此店人流也不錯，星期一，也坐滿7成客。大部分老街坊，一個人有，老夫妻有，三人行也有，三代同堂也有，很有溫暖家的感覺，店內，顧客都不用看餐牌，隨心想食什麽就叫什麽。除魚蟹系海鮮價，其他大部份由50-75/小菜，包例湯及白飯大大碗，另加茶$6/位，我覺得，是平宜的食店。

去開元洲街，食左霸王雞餐，不錯 呢度霸王雞好入味，份量足算正常，雞好鮮，冇雪味，香蔥一爆，d香蔥油入埋隻雞度，雞肉鮮嫩幼滑，一點也沒過火,撈白飯可以食多多飯，有碗例湯送，一餐大滿足

之前食過兩次都想俾好評架!可惜今次紅假師傅唔知係咪無番工...啲餸做得比較咸...令到我同男朋友都好失望 希望下次黎師傅煮番好食啲啦!因為對上兩次既羅漢齋同瑤柱雙菇扒時菜都好食，小小一店就有酒樓水準啊! 沙拉醬同排骨竟然係分開...雖然係有啲奇怪但炸排骨好香口!正!應該改名沙拉醬伴酥炸排骨! 會更合理! 兩個餸都做得又咸又唔好食。雙菇得金菇，豆腐又無啦啦拎去炸過...白菜又唔甜，個汁又咸!真係好差啊今次! 希望下次會更好:@ 街坊小店仍然值得支持!

成日都聽老公講醉瓊樓啲野好好食，真係唔試唔知味道好喔！一行八人叫左八道菜~~~1. 鹽焗雞，店員推介，味道也不錯，不過肉質唔夠滑！2. 豉椒炒蜆，又平又好味！讚喔！3. 豆豉鯪魚油麥菜，好味！4. 梅菜扣肉，由於我唔太好扣肉關於，所以我無食到！不過朋友多說扣肉入口即溶！值得一試！5. 金銀蛋莧菜，味道適中，不太咸！6. 瑤柱肉鬆蒸水蛋，老公說這個水蛋蒸得好滑，原來係真架！真係好滑，好好味！送飯一流！7. 炸大腸，好食！8. 椒鹽鮮魷，好好味！ 總括唻睇，唔好睇佢門面殘舊，不過啲餸菜唔會比酒樓差，加上價錢便宜，不妨下試！

8:30PM左右去到已經無位，2人要等15 mims，舊色菜館分上下兩層，地方較細，大部份食客係街坊！每次光顧係為咗鹽焗雞，今次係為咗梅菜扣肉每款小菜均送例湯，白飯各一 叫咗兩個小菜～ 梅菜味道適中唔會太濃，五花腩嘅半肥瘦分佈平均，食後唔覺油膩，加埋個白飯good 西蘭花+草菇，有瑤柱嘅獻汁味道好 老公仲加多個白飯

之前寫過一篇灣仔醉瓊樓既食評，去灣仔店都係因為之前食過呢間醉瓊樓，丫原來呢邊冇人寫，可能係太街坊了，就等我黎開個齋。呢家醉瓊樓同其他舖冇關係，裝修普通，冇檯布冇靚凳，幾張大少圓檯幾台卡位，算乾淨，都係街坊幫襯多，D 阿姐同D 食客都有傾有講，見你大件頭連飯都裝大碗D，你要多碟醬點雞都冇話依依哦哦 一般小菜你翕得出既都會有，當然，你叫咩菜咩魚都要視乎當日有冇貨啦! 但有時有D 心水菜式，即使菜譜冇，你翕得出佢有料既都會幫你做，咁當然傾清楚價錢啦! 小菜款四十零蚊有一款，算抵呀!推介既招牌菜係雞! 有鹽焗雞，菜膽雞，霸王雞，個人認為當中以鹽焗雞最好味，另外食過以下小菜，記得既都簡評一下:1. 鮑片生菜- 街坊小店，你唔好諗住有澳洲鮑魚俾你食就得勒! 鮑片彈口，茨汁個味較得幾好，不過間中略嫌太多汁。2. 清蒸桂花- 蒸得岩岩好，唔會老，肉質幾好，可見D 魚都算新鮮。3. 豉汁蒸鱔- 好惹味! 不過份量較少... 碟大鱔少個隻@@4. 椒鹽九肚魚- 應該唔係用萬年油炸架! 所以冇油益味，不過都係碟大魚少，同埋唔知係咪個次遲左上檯，唔夠熱喎...5. 中式牛柳- 汁幾濃，肉滑，不過似乎俺得太耐，