影片
營業時間
今日營業
12:00 - 22:00
星期一至日
12:00 - 22:00
以上資料只供參考, 請與餐廳確認詳情
相關文章
📍醉藥雞（深水埗 福榮街）再重複多次 凍既時候飲湯真係好爽😶🌫️不嬲都知黃金商場附近有好多野食😌今日要食新野呢間就係維記對面 食飯時間出面都有人龍～呢間最出名係砂鍋雞湯 同 各式各樣既醉小食😌🩵砂鍋醉藥雞米線🩵醉鵪鶉蛋🩵砂鍋醉藥雞米線 $70一上嚟大大個砂煲滾下滾下咁 就已經好吸引 雞有6件 件件有骨但雞肉嫩滑 湯入面有雲耳 紅棗 煲到好似蓮藕既薑 同埋一啲打碎咗既藥材雖然個名有個醉字但係飲唔出好重酒味 反而偏向藥膳味多啲～我自己幾中意但未必個個都覺好飲 另外都偷飲咗朋友叫既雞湯翅同胡椒雞湯呢兩款就係有濃既雞湯 煲到奶白色 係呀婆既味道！有得揀配其他粉麵或者飯～🩵醉鵪鶉蛋 $38一份大約有10隻 咬落去係溏心feel 而且佢都係唔重酒味 好易入口 見佢啲汁係有桂花碎～ 啲蛋都會有少少桂花味 非常清新好食
繼續閱讀
我哋兩個人，點咗胡椒豬肚雞米線、沙鍋醉藥雞米粉、醉牛舌及麻辣豬肚。胡椒豬肚湯味道濃郁，香氣四溢；雞酒就較為清甜，藥材味不會太濃。充分吸收咗酒香既牛舌，輕微厚切，咬落有口感，牛舌控應該會鍾意。個麻辣豬肚最有驚喜，麻辣味平衡得好好，又夠入味，不太食得辣都應該應付到。價錢適中，又好味，絕對會再幫襯試其他嘢😄提提，點菜前留意牆上貼咗有咩promote, 我哋無留意叫麵食可加$1有鮑魚，落咗單之後就唔可以補叫㗎！
繼續閱讀
雞～全部都係雞🐥天氣涼咗想飲湯，就嚟深水埗一間湯米線舖試試佢哋招牌既醉雞🥘我哋2點嚟到都超級爆場，係外面等咗一陣先有位，似乎幾受街坊歡迎🤗最近仲做緊優惠，每叫一碗粉麵加$1就有原隻鮑魚，一款煮食/冷盤加$10就有一份小聚三仙😻🥃砂鍋醉藥雞配粉絲 $70（😸😸😸😸😺）店面主打醉藥雞當然要試下😏個鍋一上枱已經感受到佢嘅熱力🔥迎面而嚟就係微微既花雕酒香同藥材味🤤湯底主要用紅棗雲耳淮山同花雕酒熬成，飲落有種補身嘅感覺之餘帶有一陣清甜😋藥材味又唔會太濃郁，好有屋企燉雞湯既味🥰我哋仲特登叫左吸湯水既粉絲做底添😆雞件可能因為新鮮滾熱辣出爐而有少少過熟，不過依然保留到醉雞應有既水準😋🐷砂鍋胡椒豬肚雞配米線 $70（😸😸😸😸😺）身為胡椒豬肚湯狂熱，緊係要試埋餐牌寫咗補中益氣既雞米線😌嚟到既時候蔓延住絲絲胡椒香氣🔥個湯胡椒味濃郁程度適中，香濃惹味之餘又唔會太搶口🤩配埋米線食，每一啖都好入味😋份量方面完全唔孤寒，豬肚比咗偏薄既位置，清洗乾淨無異味而且咬落幾爽口🐷整體嚟講呢個家的味道既湯米食得相當滿足🤗 🌶麻辣口水雞撈涼粉 $60（😸😸😸😺）惹味首選😇口水雞既麻辣香好夠，辣味有四川風得嚟，又會顧及香港人口味調整辣度🫢變相唔太食得辣既朋友都食到😆而鍾意食口水雞既人會覺得個香口惹味程度高，配埋冰涼既粉皮係一個頗好既開胃主食🐔 🥒涼拌青瓜 $28（😸😸😸）青瓜塊非常爽口，食得出氧化程度唔高幾新鮮，配上啖啖既醋汁做調味，係一個唔錯既爽口小食😝食口水雞覺得辣再配返個青瓜，係解辣首選🤭 (*不設加一服務費) 服務：😸😸😸😸環境：😸😸😸😸回頭：😸😸😸😸打卡指數：😸😸😸整體評分：😸😸😸😸價：～$120/per person📍 醉藥雞 (福榮街) (深水埗)深水埗福榮街103號地舖
繼續閱讀
今日山長水遠出黎食個胡椒豬肚湯，係好味👍但隻雞冇味，鞋連配菜乜都冇…好失望😿價錢$70唔值👎整體好一般希望店主可以有待改善可以加d配菜，支竹，雲耳，加條菜相信生意好百倍
繼續閱讀
之前仲有荃灣店嘅時候，基本上每個禮拜都會食😂，因為個湯有紅棗等藥材，湯頭清甜無藥材怪味，感覺會養生啲，特別係秋冬🍂，飲埋個湯個人會暖咗，最近做緊$1鮑魚同$10醉海鮮優惠，所以平日夜晚都勁多人等，想食可能要等一等😂🐔 砂窩醉藥雞雞份量都幾多同厚肉，就算砂窩上都保持到滑身，入面仲有爽身雲耳，哩到湯麵份量都幾大夠晒飽🐓砂窩雞湯翅湯底好香雞湯味，好似屋企煲咁，好足料，仲有啲翅係入面，係想像到嘅味道⭐️醉牛舌私心推介，牛舌腍得黎幾入味，酒香唔搶口幾舒服，CP值高✨小醉三仙 加$10有鮑魚，花螺同蝦，食材新鮮，肉質彈牙爽口，特別係鮑魚都唔細隻同幾有酒味🤤🪿醉鮑肝醉鵝肝口感綿密入口即溶，加埋花雕酒香味，會想一啖接一咁食
繼續閱讀