醉金渦 (已結業)

一入門口有知客，上到樓接手帶位既過程係超順暢，唔會有入到大廳茫然嗰種feel。啲位同枱都放得唔算逼，服務員態度十分好，而且講一句就知你想要乜。 叫左醉雞鍋會幫我地睇住幾時熟，幫我地熄爐。 雞係嘉美雞，好好食，好厚肉。 上菜節奏較得好好，唔會成堆拎晒黎。 叫左小象拔蚌，好新鮮，係薄切，wasabi 都係成支比，亦有一舊嗰種。肥牛既款式都好夠，亦唔會一黎就放低晒係枱慘血。 你感受到你食緊既係好既食材，服務員唔會嘥左你既食物。 感覺幾個服務員都係識食既人。總體全部都係好嘢，連竹庶茅根都好味過人，有90年代嗰啲貴火鍋既水準。唯一係⋯⋯ 香港人唔deserve 呢啲咁高水準既打邊爐。 我之前食過幾間呢個水準，最後都結業。 比心機做高水準既火鍋店，可能客戶群體唔夠大。 反而放題食垃圾生意重好。

朋友介意嚟食中午，鹹水角 - 紅蘿蔔造型！豬仔奶凍Q彈！今日食咗 ：蝦餃燒賣鹹水角安格斯牛肉腸 👍🏼鮮蝦春卷 👍🏼生煎包叉燒包欖菜肉鬆炒飯甜品：豬仔奶凍紅豆椰汁糕👍🏼我最鍾意 ”安格斯牛肉腸” 腸粉皮夠滑，一口牛肉獨立包係腸粉度！太好食，無影到相 😂“欖菜肉鬆炒飯” 亦係個人喜愛，個飯炒得好好，一粒粒，咬口軟硬適中！完成唔覺油！小朋友就最鍾意造型有趣的點心之前無食過 ”鹹水角”今次因為「紅蘿蔔造型」所以點咗佢話係甜甜的皮+糯米雞的餡料

呢兩日香港又凍咗，想打邊爐 了🌬舊年醉金渦試業嘅時候拜訪過。裝修格局行低調平實路線，有VIP房，私隱度高，性價比更高。老細之一嘅A哥好好客，介紹咗好多靚嘢俾我哋食。據聞餐廳主廚出身於廣州老牌酒家——陶陶居，對餐廳出品水準自然高要求。呢一點由佢哋嘅火鍋湯底同邊爐料都可見一斑。當日試咗❝牛蹄湯底❞，市面上較少見到有。或者係因為處理步驟太複雜太耗時，齋係要將牛蹄熬至軟身，就起碼要用上七八個鐘。香港多數嘅邊爐以量取勝，對於呢啲功夫位、細節位，有忽視都係無可厚非。牛蹄湯底香氣十足，膠原蛋白好豐富，食完個口會有漿住嘅感覺，呢個價錢齋飲個湯都抵。🤤有靚湯底自然需要靚邊爐料，A哥誠意推介我哋試吓佢哋嘅❝本地頂級手切牛肉❞，原來係騸牯牛！每日全港供應得30隻，食到就是賺到了🤤騸牯牛即係細細個就被閹咗嘅牛，油脂分佈極佳，比起一般牛肉嘅味道更濃更香，烚幾秒至medium就食得，入口即溶，油脂香四溢，美味至極。值得一提嘅仲有佢哋嘅響鈴，係廚房新鮮即炸🤩A哥教我哋，其實熱辣辣嘅即炸響鈴，直接沾砂糖食更為美味，味道似沙翁，但係十分香脆，我估香港冇幾個地方可以食到！🤫另外佢哋嘅其他邊爐料，如手打肉丸、魚滑、即炸魚片

出面凍冰冰，圍住個爐暖笠笠嘅感覺好爽！當天打邊爐特別正，趁着呢幾日搵到急趕，立即搵間覺得舒服，食物又有油質素地方嘆下！最後我哋揀咗尖沙咀醉金渦，呢度裝修好有心思，有門口上2樓，要經過一層下花牆，仲有啲古董花樽，佈置得高貴有格調。呢度有圓枱、卡位、仲有貴賓房，私隱度極高。貴賓房仲有得唱卡拉OK，所以我已經密謀下一次成班friend🤣玩。我哋二話不說叫咗美國安格斯牛頸脊套餐價，可以揀兩個湯底，我哋揀咗老火湯底、麻辣鍋。老火湯底入邊有：娃娃菜、豆腐。麻辣鍋入邊有：辣椒、大蔥 等。嘢食方面，呢個餐包括：🍶清酒鮑魚配肝醬鮑魚口感爽彈，入口煙韌有咬口、配上肝醬非常入味。🐠黃金炸魚皮香口好味嘅炸魚皮，外層鹹蛋醬黃金色澤、鹹香味鮮，炸魚皮脆卜卜，特別惹味。🐄極品四色手工丸包括：蝦丸，墨魚丸，豬肉丸，牛丸手打特別鬆化，肉味深濃，食過番尋味。🥩美國安格斯牛頸脊（超級推介）肉味濃郁，肉質好有口感，油花相對較少，入口鮮嫩、有彈性。超推介！🦞海鮮拼盤（至愛）餐廳落足本錢，海鮮大大份，有蟹、帶子、生蠔、象拔蚌帶子Size大粒、厚肉；蟹、象拔蚌肉質超級鮮嫩，生好肥美而且鮮味濃郁，令人欲罷不能！不得不提，呢度嘅 #自

高質素火鍋餐廳除左湯底夠料夠濃外仲要有好新鮮火鍋配料醉金渦（尖沙咀）整個場地設計都好華麗地方寬闊 而且有水缸 水吧美國安格斯牛頸脊套餐：係澳洲M9和牛脊胛湯底雙拼必點御膳麻辣鍋+懷舊沙茶熔岩鍋沙茶醬夠晒濃郁 麻辣香味撲鼻無論咩配料放落去都夠晒味首先有 美國安格斯牛頸脊花紋油脂分布平均 睇落去好吸引仲要係薄切 放落去濃味湯底幾秒就可入口即溶 牛香味 亦都唔會被湯底掩蓋海鮮拼盤，野菌拼盤整個賣相都好靚 海鮮夠晒新鮮配上麻辣更加有另外一番風味聖子 螃蟹 帶子 生蠔 每樣都係我最愛蔬菜梗係唔少得啦 仲會有野菌響鈴卜卜脆 仲可以自選兩款配料時令蔬菜同埋午餐肉 更加好味附送茅根竹蔗水一酌、合時水果食完豐盛嘅邊爐火鍋之後可以清一清熱氣 真係好貼心

香港人對打邊爐的鍾愛可謂是世界級的，無論冬夏冷暖均喜歡烚下烚下，而由於港人向來都識飲識食，市面上的火鍋店亦逐漸趨向精品化，以提供特色湯底和新鮮矜貴食材為主打，令本地的火鍋文化由以前的街頭平民漸漸地變得高檔次起來，選擇多樣又健怡滋補。 早前和朋友來到尖沙咀綿登徑一間新開的火鍋店，據網上資料顯示一致地大讚用料上乘，所以為食肥仔心思思都想試一下。餐廳位於一樓，地舖處有樓梯直達，梯間一盞搶眼的水晶吊燈，配上兩面特色牆身，七彩的花花牆和以瓦片青磚砌成的仿古中國風牆身，加上放了一些古酒瓶作裝飾，新舊意念穿梭對比頗有玩味感。店內以灰米黑作主調，時尚雅緻；雲石枱與枱之間距離寬闊，私隱度和空間感十足，環境氣派中見舒適；還有一整列藍色魚缸放滿了不同的時令海鮮，食材新鮮度相信有著一定的保證。 先看看餐牌內選擇頗多，此店以養身湯底為其中主打，單是湯底選擇已有近13款之多，好像是八仙湯底中的花膠桃膠白鳳鮮雞鍋、原盅老火竹絲雞燉螺頭和老式杏汁白肺等等，而火鍋配料亦不馬虎，日本和牛、黑豚肉，時令海鮮和各式手打丸子手包餃子，更有不少特色佐酒小食像是甘香墨魚餅和炸鴨血，每款也很吸引，讓為食肥仔食指大動！如不想動腦筋的話

爆發第五波疫情前，相約了朋友一行四人去吃火鍋。尖沙咀棉登徑的醉金渦餐廳環境寬敞，有多款火鍋套餐選擇，火鍋配料高質又豐富。四位用的火鍋海鮮餐包括了足料湯底配多款火鍋配料還有刺身、涼茶/紅酒和水果。我們選了土茯苓，滋潤的涼茶和火鍋是絕配。鍋底可以選鴛鴦湯鍋，不過我們就選了店員推薦的香草蹄花鍋。湯底鮮味十足，而且很足料，入面很多牛蹄花，煙韌又軟滑，滿滿的骨膠原。未開始打邊爐之前已經喝了好幾碗。打邊爐之前先吃刺身。海立魚刺身原條。每片魚刺身都是薄切，肉質爽口，充滿魚鮮，很高質。火鍋配料方面，打頭炮有海鮮拼盤。拼盤有4款海鮮，包括大元貝、蟶子、鮮蠔和肉蟹。每款海鮮都好新鮮又肥美。尤其是元貝和蟶子鮮甜無比，而且處理得很乾淨。蠔隻隻飽滿，鮮美不會腥。頂級安格斯牛小排。牛肉油脂分佈尚算平均，牛肉味濃，肉質鮮嫩。極品四色手工丸子。賣相吸引，擺盤有心思。有金箔鮮蝦丸、黑松露花枝丸、櫻花蝦豚肉丸和麻辣牛肉丸。每款手工丸口味都很獨特，味道亦不錯，特別喜歡蝦丸和花枝丸，爽口又彈牙。其餘火鍋配款有現炸響鈴和可自選4款。我就選了黑柏葉、日本雪場蟹柳、沖繩墨汁餃和皇帝菜。 最後還有新鮮水果。整體來説質素不俗，火鍋套餐

12月尾做冬去咗醉金渦打邊爐，估唔到變咗禁堂食前嘅最後一餐火鍋dinner！只係一個月前，感覺好似過咗好耐咁！呢間醉金渦餐廳環境好靚，地方寬敞，坐得好舒服，爸媽好滿意，推薦！我哋點咗四人火鍋海鮮餐（$2280），包足料湯底、多款火鍋配料（牛肉、海鮮拼盤、四色手工丸子、自家現炸響鈴）、海立魚刺身一條、水果、涼茶或紅酒。鍋底選擇好多，有d 可以mix & match做鴛鴦湯鍋，我就揀左店員推薦嘅香草蹄花鍋。湯底真材實料，好鮮甜，入面超多蹄花，充滿骨膠原！ 一上湯底，店員就幫我地舀咗幾碗湯，冬天飲非常滋補！打邊爐之前先食刺身，一上枱見到原條海立魚刺身，大家都立即相機食先！海立魚非常新鮮，薄切後口感略有咬口，越嚼越甘甜，蘸酸汁更帶岀魚鮮！火鍋配料方面，打頭炮有海鮮拼盤，包括大元貝、蟶子皇、鮮蠔同埋肉蟹。 海鮮全部都好新鮮，蠔好肥美，元貝好大隻厚身，蟶子處理得好乾淨，肉蟹啖啖肉，好正！牛肉可以揀頂級安格斯牛小排或手切牛肉，我哋揀咗牛小排。牛小排油脂分佈均勻，色澤漂亮，肉味香濃。極品四色手工丸子有金箔鮮蝦丸、黑松露花枝丸、櫻花蝦豚肉丸同埋麻辣牛肉丸，每款都好有特色，不過如果四人餐可以每款丸都有4粒

今年淨係dining 令到好多有心做嘅餐廳都好難做 所以我約朋友都會儘量出街食 支持下飲食業💪🏻 前排黎左試呢間叫醉金渦嘅火鍋店打邊爐🍲，又幾食得過咼！我地跟店員推介 叫左佢地嘅「美國安格斯牛頸脊套餐 $1,180」。呢個餐嘅重點好明顯係超高質嘅美國牛頸脊，用左angus beef所以好有肉味，肉質亦夠正，我地食到停唔到口😍 呢個餐亦有一個海鮮拼盤，啱哂我呢個極好海鮮嘅朋友！不論係蟹、蟶子定扇貝都夠大夠新鮮！咁新鮮嘅海鮮同養生老火湯簡直絕配！但記得唔好唔覺意淥得太耐，會浪費啲靚料😂唔少得嘅當然仲有我最愛嘅響鈴啦！佢地啲響鈴係自家製嘅，就咁食或淥熟都ok! 個人就更中意後者，但淥兩、三秒就夠！淥完半脆不淋嘅口感係最好😍另外我見佢地都有啲唔同嘅包廂 同一大班親友黎慶祝都幾有私隱度👍

禁堂食前食咗間尖沙咀火鍋單點店，環境舒適乾淨，而且仲有獨立房間私隱度好高，希望疫情快啲過可以開返晚市繼續有得再去！張果老：原盅老火竹絲雞燉螺頭$488韓湘子：一品酸菜金湯魚鍋（鱸魚片）$328嗰陣比較多人食，就揀咗兩份唔同嘅湯底，第一款湯底可以飲咗湯再打邊爐，好足料而且好補身！另外一品酸菜金湯魚鍋裏面酸菜好多，而且好多好滑冇骨嘅魚。牛魔王拼盤：Angus Diced Beef/Australian M9 Beef/Hand-Sliced Fatty Beef/Beef Shank $668好多款唔同嘅牛，唔同嘅切法，唔同嘅肥瘦，我就最鍾意食本地手切牛肉，牛香十足；但係就算牛粒都同樣鬆軟同好香，脂肪分布平均！牛骨髓$128 質感特別，琳琳地但係又有啲彈性，配搭埋養生湯幾好味。西班牙黑毛豬鞍架$328 比想像中更加香，亦都唔會韌。極品鵝肝黑松露餃子$128配搭特色而且兩款口味都突出。竹筒飛魚子墨魚滑$98口感彈牙爽滑，自由控制大細。自家即炸響鈴$68 建議點砂糖，即食係更加好食！好香脆金黃！熱辣辣，絕對要叫。紐西蘭羊肉卷$118 so味適中。爽脆黃喉$88不過比較爽口，有啲似軟骨。精選刺身

呢排又凍返啲 即刻好想打邊爐🙋🏻‍♀️🙋🏻‍♀️醉金渦是個不二的選擇 油尖旺區交通夠曬方便 張果老：原盅老火竹絲雞燉螺頭🐥比較特別嘅係佢用竹絲雞去煲 口味清新上有螺頭 所以飲落去好清甜🌟令人會有一任想再飲嘅感覺韓湘子：一品酸菜金湯魚鍋（鱸魚片）🐟被其份量眼前一亮 初嚐一啖頭湯 湯非常鮮甜惹味好香酸菜味 鮮味十足😍😍鱸魚片份量十足 魚鮮味濃郁 冇太大腥味呢兩款湯都好值得一試！精選刺身盛合💟三文魚 帶子 赤貝 油甘魚 日本牡丹蝦油甘魚同三文魚呢啲都幾有魚香味～口感頗爽口的赤貝 日本牡丹蝦大大隻好夠甜整碟刺身拼盤有很滿意的🥰自家即炸響鈴 呢間嘅響鈴都好特別係即食嘅 點砂糖味道提升不少🙈🙈落單之後一路好期待呢個牛魔王拼盤有安格斯牛粒、澳洲M9牛、本地手切牛肉、牛腱澳洲M9肉質軟林 有種入口即化嘅感覺😋😋本地手切牛肉油花分佈均勻 口感軟嫩 安格斯牛粒脂肪與肉比例剛好 味道同口感豐有層次牛腱油脂偏多 牛味十足 🤤西班牙黑毛豬鞍架黑豬鞍爽口彈牙 肉質好軟身 味道都唔錯👍🏻👍🏻竹筒飛魚子墨魚滑面頭有大量爽口嘅蟹籽 墨魚滑爽口彈牙🥢極品鵝肝黑松露餃子餃子粉皮都幾薄吓 但內裡好足料😬肉質厚實 啖啖鵝肝同黑松露

趁住天氣凍凍地，約埋幾個朋友仔一齊去打邊爐。呢間高質火鍋店係同事介紹，店內環境舒適，地方寬敞，食物質素一致讚好。====—====—====—====—同朋友點了個 ▪️◾火鍋海鮮餐◾▪️ （$2280 /4位用），套餐包括鍋底、海立魚刺身一條、海鮮拼盤、本地手切牛肉、極品四色手工丸子、自家現炸響鈴、自選火鍋配料4份、水果及飲品。🐟海立魚刺身一條海立魚刺身擺碟精緻美觀，刺身呈淡紅色，白身魚肉，肉質爽口，煙韌有咬口，配酸汁吃一流！🍲鍋底：🌶御膳麻辣鍋 拼 🍄味醂野菌鍋鍋底可以選擇御膳麻辣鍋 、味醂野菌鍋、茶瓜皮蛋芫荽湯、香草蹄花牛鍋、藥膳醉雞鍋。🌶御膳麻辣鍋香辣惹味，非常濃郁🍄味醂野菌鍋有多款菇菌，湯底鮮甜美味🐄本地手切牛肉本地手切牛肉份量夠大又新鮮，色澤通紅，條紋清晰，油花紋理均勻，入口即化感覺，肉味香濃，高質👍🏻🦀海鮮拼盤海鮮拼盤內有蟹、大蠔、蟶子、大蝦。海鮮非常新鮮，厚肉、鮮甜多汁，朋友都食到停唔到口。🍢極品四色手工丸子一份有齊店內4款搭牌手工丸子，包括金箔鮮蝦丸子、櫻花蝦豚肉丸子、黑松露花枝丸子和川味麻辣牛丸子，手工制作果然好吃，每一粒丸子都非常足料。🫔自家現炸響鈴響鈴即叫即炸，上桌

唔知幾時再可以夜晚堂食打邊爐啦🙈好彩禁堂食前食咗間靚料火鍋打咗個底！(大家可以bookmark定之後去啦❤️). 我哋一行兩條友叫咗個「 美國安格斯牛頸脊套餐」(兩位用$1180)😎😎雙併湯底揀咗✨懷舊老式湯底 & ✨懷舊沙茶熔岩鍋！(大推薦呢個沙茶湯底！極香濃惹味！令後續所有火鍋料美味倍增👍👍)先上咗一盤豐盛嘅✨海鮮拼盤！有肥嘟嘟嘅生蠔肉🦪鮮美蟹蟹🦀大大隻元貝同長長嘅蟶子！落哂咁多款海鮮著實令整鍋鮮味加乘！之後等水滾時上咗個✨自家燕炸響鈴！真係未食過咁脆嘅響鈴囉！可沾糖即場食！未等到湯滾已秒ko👏👏然後到主角✨美國安格斯牛頸脊 登場！齋睇啲紋理就知肉質靚啦！🐂牛味重且嫩口！焯一焯已經好正！再落✨野菌拼盤 ！好幾款唔同🍄🍄好鮮味！吸收哂牛脂油花！好食！再嚟埋兩樣自選火鍋料✨黑牛栢葉 (無人工漂過又爽口👌)同✨扭紋同薯粉 (煙韌彈牙！吸滿沙茶滋味無得頂！). 跟套餐嘅一大酌✨茅根竹蔗水 (清熱清油膩🙌🏼) ＆✨時令水果 (係超甜嘅🍍菠蘿同🍊橙)我哋仲另外點多咗個店員介紹小食✨脆皮炸豆腐 ！一啖一件熱辣辣外脆內軟！入口嘅口感好有衝突感！Nice！額外想讚服務我哋用餐嘅店務員好殷勤！係酒店級服

之前喺尖沙咀食打邊爐，呢間真係唔錯！單點火鍋有質素保證！希望晚市快啲開返可以夜晚嘆～環境裝修都幾靚，夠高級；仲設有獨立房間就更加有私隱度。張果老：原盅老火竹絲雞燉螺頭$488韓湘子：一品酸菜金湯魚鍋（鱸魚片）$328啲湯仔名好得意，而且真係可以飲咗湯先，味道鮮甜，打邊爐同樣滋補；酸菜魚裏面啲魚肉好滑，兩款湯底都夠吸引。而且食落都唔覺得有味精嘅味道牛魔王拼盤：Angus Diced Beef/Australian M9 Beef/Hand-Sliced Fatty Beef/Beef Shank $668內有安格斯牛粒、澳洲M9牛、本地手切牛肉、牛腱裏面啲牛真係好多款式，款款各有不同，有啲就牛香比較重，有啲就比較鬆軟，一次過可以試晒唔同款。牛骨髓$128 質感特別，又有少少彈性。西班牙黑毛豬鞍架$328 原來都可以打邊爐，豬味突出。極品鵝肝黑松露餃子$128比想像中更加夾，好重嘅鵝肝同黑松露香味！竹筒飛魚子墨魚滑$98口感彈牙新鮮有鹹香自家即炸響鈴$68 建議點砂糖，即食，非常特別酥脆紐西蘭羊肉卷$118鍾意食羊就唔好錯過，薄切味道更突出爽脆黃喉$88 質感特別爽口，平時好少食到。精選刺

每天都想食好一點✌🏻🍲邊爐的日子超級正醉金渦，新開，乾淨舒適😌感覺高級，而且VIP房可以唱歌慢慢享受😎都一路食一路唱歌🎤四人火鍋海鮮套餐，更加抵食香草蹄花鍋完全無味精😋啲湯仲可以飲埋同埋裏面好足料仲可以當埋一個餸～飲幾多都可以！👍🏻套餐包海立魚刺身一條真係有原條海立魚刺身，超級鮮甜又新鮮，上到嚟條魚⋯⋯仲超級生猛呢個前菜一定無得輸🤣其他地方都食唔到美國安格斯牛頸脊大大盤唔洗爭，見得到的油花💕超級濃郁的牛肉味海鮮拼盤一樣選擇夠多新鮮的蟹、蜆、聖子、生蠔樣樣都好滿足✌🏻新鮮好味😋自家現炸響鈴 絕不能錯過極品四色手工丸子🍡一定要食手工製作，絕對用心，金箔鮮蝦丸子、櫻花蝦豚肉丸子、黑松露花枝丸子，仲有川味麻辣牛丸子，唔會好誇張地辣，反而好惹味合時水果🥭食飽飽就啱晒可以食返水果解膩飲品仲可以揀紅酒慢慢嘆吓！