醬缸韓國料理 (已搬遷) 新店位置

哩間餐廳一直放左係我個list到好耐，一直都好想試，今次終於試到啦。我之前去韓國旅行都只係食過一次醬油蟹，但已經印象深刻，即管就睇下哩間點啦。🤤🤤🤤溫馨提示：哩間只有一至四先有得book位，食蟹都要book位個時講定聲👍🏻環境黎講，哩到就唔算好大間架，唔會預坐到好耐，我今次星期一晚7點半食，都差唔多坐滿哂呀！😛一坐低無耐就即刻食個前菜先，我覺得泡菜好岩我口味，唔算太辣。之後醬油蟹就上左黎啦，佢仲跟埋個紫菜飯一齊上，一份有兩隻蟹，仲要幾大隻，食落都多膏，同埋好鮮甜，拎佢啲汁同埋蟹膏撈飯食簡直不得了。見到有咁多野食，我地兩個女仔都唔敢叫咁多，只係叫左個我最鐘意食嘅炒年糕，一黎到個樣好似好吸引好入味咁，但一食就出事啦，係超級辣😱😱，格離枱好似都叫左一個韓式年糕炒拉麵，都係食左兩淡就無食啦，因為實在係太辣......其實佢料都好多架，而且所有材料都好入味，年糕都好有咬口，唯有怪我地唔食得辣啦，可能鐘意食辣嘅人會覺得可以，不過我下次黎應該唔會叫😂😂😂Overall都算可以，但我地叫得唔多野食，未係好知其他野食係點樣，下次會再試下其他唔辣嘅野食😂😂😂

韓国料理 其實想試這間餐廳好耐但又成日醒唔起！每次想食韓國野都去了尖咀韓國街，今晚終於記得去食啦🙆🙆 不用排隊，店內有近8成食客，其中一枱是韓國大叔加阿朱媽😌 前菜都係果幾味，泡菜，薯仔絲，凍菜！我就專程來試醬油蟹，聽說這家特別好味 其實我是第一次食醬油蟹，覺得好鮮甜，真心唔錯😋😋🔹醬油蟹 $348 再額外加多一個紫菜飯 $22 嘩！好好味，蟹膏特別多，伴入紫菜飯和鮮香醬油一口吃下去，回味無窮👍👍👍👍鮮甜蟹肉加大量蟹膏 ，很快便食完一大碗飯😂😂 推界！

其實依間我食過好多次最少有十幾次係韓國食店黎計佢算係唔錯嫁啦點解我一開頭會食佢皆因我同事介紹我 話依間好好食我就抱住試下啦 唔好食咪唔去囉點知出奇地令我食完又食午市同晚市我都食過唯一唔同嘅就係價錢同埋餐牌有啲唔同就係有燒烤嘅野食但大致上餐牌上嘅嘢食都大同小異個人認為午市比較抵食但午市比較繁忙 淨係收現金落單之後上菜嘅速度都快可能比較多人食所以好多都預先整定相反晚市就會月夜越多人食但早啲入去食嘅話就會冇咁急鋪面比較細啲位置比較迫食完走嗰陣需要小心啲同人有好大碰撞食咗咁多次唯一比我嘅感覺唔同咗好多嘅係某啲員工嘅態度系好一半因為我開頭食嗰陣時候啲員工好好人會等你決定好舉手先落單但依家係埋到位就問你食咩同埋會黑面好啦講咗咁多店舖嘅野就講下野食前菜係無限添加但佢每日嘅前菜 都有機會唔同但每一日一定會有泡菜佢個泡菜冇市面上現成買嘅咁咸唔知佢個泡菜係唔係自己㤿制而其他嘅分別會有薯仔絲 冬菇 中華沙律 白菜仔如果當日食到薯仔絲做前菜嘅話值得一試或者再次添因為佢嘅薯仔絲幻身得黎 好爽口整得好好食石頭鍋飯分必有雞肉 豬肉 牛肉 海鮮佢同其他鋪頭嘅石頭鍋飯係好唔同因為佢啲肉類全部都粒狀可以自行調校韓式辣醬嘅

好耐之前一直講想試哩間韓國餐廳既醬油蟹，但本身係香港島個邊返工，成日收唔切工過去九龍哩邊、而醬油蟹又要預早兩日訂、亦或星期五至日就訂唔到位，只可以walk-in，所以次次都食唔到。今次終於收到工，過到佐敦黎食啦!!! 朋友預先訂左一份蟹（一份有兩隻，兩個人啱啱好一人一隻），去到坐底無耐就有得食，另外叫左個傳統炒年糕，仲有紫菜飯二話不說 第一啖梗係”筆” d紫菜飯撈埋蟹蓋d蟹膏食先😋蟹膏味道不錯，唔會太重味，㚒埋紫菜飯食好Okay。跟著當然要品嚐隻蟹啦，shu下shu下就食到d肉，幾夠鮮味，而且個汁唔會好咸。之前試過係韓國廣藏市場食過醬油蟹，個汁太過咸，食唔到d蟹既味道，但今次就無咁既情況，而且d汁可以撈埋紫菜飯食😉 下次想食醬油蟹都會黎哩間👍🏻由於今次主要想黎試蟹，所以另外再叫左個炒年糕je。本身整體味道偏辣，我地又無特別提要小d辣，所以唔係好食辣既朋友要留意。但個辣味係幾okay既~

媽媽早前由韓國旅行回港話無食到醬油蟹 ，難得今日平日放假就帶屋企人黎食。對上一次黎已經係年幾前，味道無變但價錢就加左唔少🙈🙈我地18:30到達 唔使等位👏🏻👏🏻今晚主角 醬油蟹雖然蟹膏唔算多 但蟹肉鮮甜 ，配埋紫菜飯食一流細佬好愛個醬油海鮮豆腐湯味道中規中矩 ，我覺得可以再辣少少🙈🙈芝士年糕鍋(牛肉)今次揀左唔辣，比想像中好味，甜甜的滋味。份量好多 有十幾件牛排🥩捲着芝士食一流。餐廳食物質素唔錯，環境比較逼夾，同由於多人等位食完要即閃。今次埋單7百幾蚊。

次次經過庇利金街都很想試一試這間間韓式料理，因為太多人排隊而放棄。今次決定一到放lunch 時間便衝過去，終於成功入座可以試他們的美食！午飯時間十分多人！門口較為底調，要細心看才找到。不要少看前菜！中間那碟薯仔條超級好味！原本食完想要再fill的，可是看見老闆娘忙碌得很也就作罷了 哈哈。同事點了個牛肉石鍋拌飯，我也嚐了幾口，味道不錯。最欣賞是他選用了牛肉碎，令攪拌後每一口都可以食到牛肉，細心位很讚👍🏻而我則點了大醬湯，配有一配飯。看韓劇常看到韓國人會自家製大醬湯飯便想試很久。味道不咸，而且用料健康，有翠肉瓜、金菇、蜆、豆腐等，最適合怕肥的上班族們。

終於揀左呢間人地話專門食醬油蟹既店泥試下，我提早幾日book左3位留兩隻蟹。當日改4位，早左到要企系門口等到夠鐘先入得。一坐低就有幾款前菜同埋茶上，有泡菜，薯仔絲同海帶絲比你開開胃之後好快就上醬油蟹一隻要三百幾但都幾大隻啖啖肉仲有配紫菜白飯，我地預左4個人每人半隻，因為想試埋其他野。如果飯可以refill就更好，撈完蟹蓋已經無飯撈嚕同埋佢有即棄手套提供，不過要問先比。我地仲點左個部隊鍋，海鮮湯。因為太肚餓忘記拍照海鮮湯有配白飯，但味道一般仲要偏咸⋯而部隊鍋都系水準一般，個人認為五夠酸。食緊既過程中有位疑似有潔癖既員工，見到我五小心滴左一滴汁系紙巾盒側邊，即刻9秒9黑面拎走紙巾盒抺完仲要勁大力擺系隔離台可見果位員工嫌棄我既程度有幾甘深系得佢一個甘，其他員工態度都幾好。後來我地加左石鍋海鮮拌飯，好夠熱！但系太多芽菜太少飯，自己另外加啲辣醬同埋泡菜先有味整體泥講，唯一吸引到我會再泥食既只有醬油蟹，其他野食都一般般。連埋飲品埋單八百幾。

是日難得與幾位同事一起吃午飯，於是選了一家他們都蠻喜歡的餐廳。這裡的環境比較細小，而且中午人潮湧湧，有上班族及學生，因此要有排少少隊的心理準備。這裡的泡菜不辣，容易入口，挺美味。薯仔很爽口，菜也不錯。我點了牛肉石鍋飯，味道偏淡（同事說這是正宗）。

我同朋友共三人行，早幾天已經book左枱，到達後阿豬媽比左4人枱我地。我本諗都係一件好正常嘅事，因為食韓國菜有前菜，加上食物應該大份。但竟然要加多1個人要搭枱。真心o曬咀，食韓國菜都要搭枱，最後當然非常迫，搭枱人士的食物已經估了一張枱，我與同行朋友只上了一份醬油蟹，已經上不了我地仲有嘅4樣餸。係呢一方面我地已經覺得呢間餐廳好不濟。再講野食。我地叫左一份醬油蟹，炒年糕，泡菜豬肉湯，海鮮煎餅，同炒牛肉。由於太肚餓，所以無影相。先講醬油蟹，一份係2隻，一食落去感覺好唔新鮮，仲有一隻係無膏= =而且膏唔係我地平時食嘅橙黃色，而係顏色好淡嘅綠黃色，但尚算唔係腥。跟左個紫菜飯，但完全無麻油味，可以講係啲白飯加嘅無味嘅紫菜，普通no comments 。炒年糕，味道幾好，但份量少，好多菜，我諗成份年糕先得7-8條。泡菜豬肉湯，完全羅宋湯嘅味道，係濃味版嘅羅宋湯，如果唔諗佢本身係泡菜豬肉湯嘅話都幾好飲嘅。海鮮煎餅，呢個係成餐飯最好食嘅野，唔會話好多粉，多海鮮，有脆口感。炒牛肉又係no comments ，唔會話難食到放唔落口，但你又唔會覺得好味咁。忍唔住係到打評論，因為佢地啲服務態度係奇差，一開始要人

是咁的，個日與一班好友gathering,訂左枱7:30pm, 因為我地朋友未到齊，咁我地就睇住餐牌先，呀豬媽狂叫我地落單，要d咩😑，心諗駛唔駛咁急? 到朋友到齊後，落完order,食到一半又叫我地轉枱， 都唔緊要，佢搬我地d野食去另一張枱，但前菜唔搬番比我地，跟住問佢拎番，佢話佢地唔會再比，但重點係，我地未食完，搬枱應該搬埋過去咯而唔係收左當我地前菜食完，仲要想唔比番我地。。無言 講番野食，佢d醬油蟹好多膏,好好食(如想吃記得前一日訂定)，部隊鍋都很入味，好吃，炒粉絲也不錯，不會太油，其實食物水準是幾好的，但呀豬媽服務較急速，催人埋單，都未話埋單，轉頭成張單已在枱前，此埋單方式真的一絕

這不易揾位，不比訂位，只可預定醬油蟹。亦要人齊先可以入坐。前菜味道唔錯唔一定食醬蟹， 醬油蝦亦不錯，蝦糕好好味。最緊要係用醬油拌紫菜飯，味道出色仲嫌飯唔夠。叫了蔘雞湯，味道跟在韓國時食的好似。海鮮煎餅亦好正。但食完就要快快結帳，太多人等位。

朋友話未食過醬油蟹，想試。下午即刻book位，重留左碟醬油蟹。晚上去到餐廳，一就坐，3小碟剛上，仲睇緊餐牌嘅時候，侍應就已經拎左碟蟹上枱。個蟹蓋的蟹膏真係好好食，生鮮無苦味，啲肉亦都充滿醬汁的味道，真係一食不能停。再將啲醬汁倒落個紫菜飯都撈埋一齊食，真係開心又滿充。就黎食完的時候，朋友已經舉手要多碟。我就食多一個蟹蓋，其他就朋友全清。係佢就黎食完的時候，好細聲咁問我，如果我叫多碟，會吾會好誇張。我笑一笑，同佢講，蟹始終係比較毒的食物，3隻已經好多，下次再食過啦。

表姐一直想試醬油蟹，呢間新開張時黎過，覺得唔錯，今日就帶佢黎試下。7點鐘到達剛好有位，限時個半鐘。要人齊先俾入座點左醬油蟹 配紫菜飯$348，好大隻好肥味，不過唔鮮甜海鮮蔥餅 $108 上枱熱辣辣好香脆，好味其實落左單後，因張枱好細，放完碟蟹，加個紫菜飯，再加前菜已經無晒位，所以我地諗住食完先點。但阿豬媽見到無晒位放野都仲問我地落唔落Order, 好似催我地快D落單咁，不過我地無理會。到我地差唔多食剩2隻蟹鉗，又催。咁我地唯有落單，點左份海鮮蔥餅，上枱無耐，個口仲食緊，枱面仲有半份海鮮蔥餅，今次就催我地埋單，個時剛好一個鐘。幾好食都無用，催三催四，咁既服務真係唔開胃，感覺不太好，唔會再去😑

原先諗住星期五, 所以打電話去訂位同留醬油蟹, 點知原來星期五六日只可以walk in.醬油蟹到時叫都得, 唔洗留都有~到左星期五晚上, 去到餐廳等位, 已經無左咁多人等位不過就要人齊先入得去同埋要叫定野食先我地叫左期待左好多既醬油蟹, 燒五花肉, 海鮮煎餅 同泡菜豬肉湯最快上台就係我地最想食既醬油蟹, 連埋紫菜飯一齊紫菜飯加上蟹膏一齊食, 完全唔腥入口勁鮮甜, 一個字正!其他食物水準都好好, 泡菜豬肉湯同醬油蟹真心推介!

呢排煲緊韓劇金秘書,搞到我好恨食韓國野,放工立即拉住朋友去我之前放工成日經過既韓國餐廳食,因為時間比較早,所以唔算多人,店內比較細,位同位中間得條好細既行,真係肥d都入唔到去,不過唔緊要,重點係食物!! 坐低一陣就立即比咗三碟前菜畀我哋, 我哋一邊食前菜一邊打開menu,都有幾多選擇waiter好想我地一坐低就落單,但我地簡耐左dd,佢地行過來好幾次,我有d唔自在,不過我地最後簡左泡菜炒飯,牛肉炒粉絲同埋年糕餃子湯因為我唔太食得辣野,所以我只係食左小小泡菜炒飯,食落去唔太辣,唔算太濃味,味道適中,幾好味!!牛肉炒粉絲開頭都驚炒得好油,但事實又唔係,完全無食到成口油林林既感覺, 有飯又有粉絲食,唔錯! 年糕餃子湯嘅餃子係泡菜餃子,唔算好大隻,年糕都唔算好多,不過個湯幾好飲,間唔中想食韓國嘢嚟,呢度都係一個幾好嘅選擇