野姜 (已結業)

圓方食肆雲集，不過平價的卻甚少，野姜就算是其中之一了。裝修摩登卻舒適寬敞，服務更是十分殷勤，講真個人不太適應如此必恭畢敬的服務，但依然要讚一下。雞扒石頭飯, $6?，很普通的韓國住家菜，該店水準亦然，配搭了不少青菜，飯不算少，雞扒要是煎得再焦化些就見水準了。侍應還很貼心的提供了辣醬與甜醬兩種醬料，拌飯食都不錯。帶子，5件, $45，帶子肥美新鮮，可是$45值得細細5件，就不及一眾迴轉壽司店抵食了。車厘子朱古力吉士脆餅，$40，算是抵讚的一款甜品，脆餅酥脆充滿蛋香，配custard很搭，個人則更喜愛車厘子的酸甜，只是略嫌車厘子醬不夠呢。整體上講算是過關，包羅韓日風味，不嫌種類不夠，但質素也談不上太好。

一個人在grand cinema看戲，舒展心情，看完又餓就來吃麵這裡的招牌是手打烏冬，當然就點這個啦，我一向不要湯鳥冬，一直都只要炒的，於是點了明太子海鮮炒烏冬明太子是salty的，有些海鮮例如蜆肉，全都鮮甜，跟鳥冬一起很好吃呢！地方環境服務都不錯，值得番炒

位置在戲院旁，看完了不太懂欣賞的「電光滾石」後馬上過來醫肚。明太子海鮮炒烏冬，烏冬爽滑彈牙，著實是主打，明太子令烏冬咬感特別，所謂海鮮配料的蜆有沙，而且是凍而無味。蒜片牛柳石頭飯，上檯時熱辣辣，賣相不錯，加入辣醬拌勻後味道剛剛好，而且牛肉也不會太硬。五色創作刺生的三文魚﹑吞拿魚﹑魷魚﹑甜蝦﹑帶子也不錯，新鮮可口。環境有海景相送所以很好，而服務除了來收銀的服務員多謝都無句外整體水準亦頗高。

獨個兒到這裡享用下午茶, order了一個下午茶餐的牛肉烏冬(那個牛肉烏冬全名忘記了^^"), 另外再點了一客廣島炸生蠔~order時我沒有留意那個牛肉烏冬是辣的, 多得侍應的細心提醒~還應我的要求減了一點點辣~^^牛肉烏冬味道很不錯, 牛肉味濃, 減了一點點辣後我覺得剛剛好~如果沒有減辣,對我來說就可能會辣了一點點~廣島炸生蠔的味道也很好呢~侍應全程都很有禮貌也很細心, 這點實在非常值得一讚, 希望日後也會繼續保持這樣的服務呢~^^下午茶時間客人不多, 餐廳環境也不錯, 感覺挺休閒的~

小肥大師很有抽獎運，經常抽到優先場的戲票，今次出發去圓方Grand睇戲，每次去圓方都覺得好似返大陸，位置又遠又唔方便。野姜餐廳的環境寧靜，檯與檯之間空間足夠，與其他居酒屋不可同日而語。小肥大師：「材料質素很好，廚師亦能夠帶出味道鮮味，正！有新鮮感，不用次次去飯堂別府。」

今天去圓方看電影,入場前先吃午飯,友人提議去食烏冬話聽聞呢間唔錯,一個紥馬尾西臉女待應帶我們坐了一張半圓形的綠色卡位.立即點菜一開口叫了３款,果位西面人話"落order叫號碼唔該"....1)朝鮮風牛肉烏冬2)豬軟骨烏冬3)夏威夷薄餅4)燒馬蹄腸5)辛辣單骨雞翼個烏冬完全唔熱!牛肉用下價貨"鞋"到離奇,烏冬Ｄ質地同包裝貨無分別.而我食完十五分鐘後另一碗都未到,追個待應先話就快到跟住先去補order...(張單都見到最尾先加上去)個薄餅賣相核突食落去似油騷餅多Ｄ,個雞翼炸到柴皮咁,上枱時個待應將雞翼放入個木桶度跟住揸住包辣椒粉問一包定半包?我又未食過又唔知有幾辣點答呢？問完倒埋入個桶度冚埋蓋搖兩搖倒番出嚟....最正常得條腸!等待埋單時先發現坐椅上滿怖毛髮!幾嘔心都有!(肯定頭髮不是我們的,因為剪skinhead)張單出嚟又無折扣(指定咭九折)問咗一輪攞張單去改唔好意思都無聲.再去幫襯機會係零!跟住問朋友邊度聰番嚟話好,佢話飲X男女.........罰咗佢落去下面食百六蚊雪糕!

今晚8點幾去到, 叫人抹檯等左十分鐘, 再等左一陣先再兜截到人落單.....點左三樣野, 等左大半個鐘凍冰冰+腰骨痛都未有得食(事關張凳冇得挨+風口位), 叫個男waiter check 單, 佢\\\噤完電腦後就飄走左, 再叫另一個waitress, 先知無落到單....雖然有say sorry, 但係已經成十點鐘, 真係咩mood都冇晒la...仲有期間係咁聽到個staff係咁話某個客麻煩要呢樣果樣, 今晚個場lum晒等,(都有幾多檯D客走左成個鐘都無人執, 水吧D飲淨既杯堆到好鬼高都無人清)真係唔係咁good lor......如果間shop afford 唔到稍多既客量就唔該請多D人or 租間細D既鋪啦....

全個MENU只有冷烏冬可以食得落肚，其他...不要試!!上星期日，打電話去訂位，問佢BOOKING FULL左未? 佢地話仲可以BOOK...OK! 6:30PM四位，去到，時間仲早，只有2張TABLE有人，佢地竟然安排我地坐在KITCHEN門口，成日有WAITER出出入之外，仲好大油煙味，食完可以番上樓沖涼，不用去街。我們ORDER了海鮮石頭飯，大家都知道石頭飯係熱騰騰，但我們的石頭飯一D都唔熱，同SERVE我們的WAITER-STANLEY講，佢扮聽唔到，一路同我們MIX個飯，飯上面的生雞蛋都唔熟，佢仲係咁MIX...之後我們向MANAGER投訴，佢只係SAY SORRY....其他食物都不值多提...差強人意!!

完場過後,時間仍早,找個地方寫一寫電影筆記,兼吃個late dinner.Grand Cinema旁的野姜,自稱為手打讚岐烏冬專門店,再看看餐牌,又不算很貴.裝修一如Elemnet內的食店,硬係比外面的更高格調,而且亦有明月照維港的海景附送.相信一到放煙花的日子,這處會人山人海.最平的烏冬為冷食烏冬,$48一客.我怕不夠,要個明太子海鮮炒烏冬.$68一碟.看個名有點點西日fusion味道,本來是意粉,係意粉轉成烏冬,其實,應該是100%日本味才對.明太子本身是很咸,用來送啤酒就最好,這夜滴酒不沾,用檸茶伴之.烏冬自稱為手打,吃落也有點質感,點點彈牙幾煙齦.如果冷吃的話,應會吃得到烏冬本身的原味,這個炒烏冬,味道全屬於明太子的咸味.其他海鮮配料,出奇地新鮮,蜆肉鮮甜無沙,蝦肉爽甜,有點喜出望外.比起同樣以烏冬作出打的赤丸,野姜好得多.或者,這處是圓方.

我就更之覺得唔掂啦。其實服務方面我還覺得OK既，但問題出@食物同埋環境度。有蚊滋方面我都算啦* 因為早知道唔知一間係咁”但最大問題係食物方面*叫左個海鮮蛋白石頭飯，其實我地唔落醬所以知道實淡，但最死既係。唔夠熱*　石頭飯黎Ga Bor*而個吉列豬扒湯麵都係咁。豬扒凍左好易Lum掉的嘛"豆腐鍋算係比較好少少既，但豆漿味的確太Slight，反而有少少麵豉既感覺"(?!)個價錢還可以，但係質素爭D呢*

mar 2, 08,4人來lunch,叫咗 :1) 日式餃子-皮都算薄,不錯2) 豬軟骨烏冬餐x 2-烏冬個質感都不俗因食到有d煙韌-豬軟骨都有4舊,都幾大舊,肉同軟骨都腍,亦夠味-個湯底清,都可叫合格-包1杯飲品3) 帶子石鍋飯餐-試咗友人2口,帶子喺1/2生熟,所以好嫩,亦有鮮味-有好香嘅薑味(有薑粒),熱騰騰-不過整體清淡咗d-包1杯飲品4) 荔枝mousse cake x 2-叫餐嘅話,+$10/件-mousse部份就少咗d,但滲有淡淡嘅荔枝清香味,而海綿蛋糕部份亦夠濕潤,都好唔錯

行左好耐．發現無野想食．睇到戲院邊有間日本野．就入去啦．．．．．．．．．叫左牛舌石頭飯。一點都不像石頭飯．．．．．牛舌ｏｋ．．．三文魚粟米ｐｉｚｚａ．．．細到呢．．．其實都知道細．但係想都無想過咁細個．又用ｓｏ皮做．．．．食左＝無食．．．ｌａｔｔｅ．．．他說：「無奶味」。

星期五晚上，因要到西九龍海濱長廊看福娃造型的彩燈，所以在九龍站下車。在圓方行了好幾間食肆，不是價錢頗貴，便是外國人口味feel太重。最後到了Wild Ginger試吓，我們叫了燒牛肉飯套餐（包括香嫩照燒牛肉，白飯，味噌湯，涷或熱飲，加$10還有一客甜品）價錢$58，石頭煱妙菜（超香和熱，吃到最後一條菜都是熱的）價錢$48，埋單時持有The Grand Cinema會員卡或特定信用卡會有九折。服務員態度親切，食物美味，價錢合理，環境舒適清潔，座位靠近大窗還可看到維港夜景，很棒！！

好處是不用等位, set dinner也抵食, 份量不太多, 味道一般, 加了錢要甜品, 一客兩件不同味道的餅, 都是一般, 但環境的確十分美, 加上渣打咭九折。

因為去grand cinema睇戲，所以揾左elements裡面一間餐廳醫肚。呢間Wild Ginger食日本野的居酒屋，門口有一排好獨特既椅，不過我地冇坐。其食物質素同和民、別府差不多。當日我地叫左海鮮泡菜石頭飯，味道尚算不算，不過我最中意食的是香腸馬蹄伴沙津(忘記個名了)，夠香口，沙津既醬汁又野味，正。而且他們的服務好好，不斷有服務生同你refill d水，食完既碟亦好快收走。