野川拉麵 (已結業)

朋友工作順利, 所以就請我吃飯, 哈, 因為這家在附近, 就以就挑了這家。(真心的說, 因為部份東西, 價錢叫合理, 叫太多朋友也不用付太貴。)我們叫了點串燒, 拉面和飲品。串燒呢, 不過不失, 真心可以不叫。反而年糕和炸物很有驚喜。年糕香軟內有香滑流心, 而炸物的外很好吃好, 很鬆脆不油膩。那拉面呢, 唔, 以這價錢也叫對得吃這質素。湯是普通的, 反而拉麵和配料分量算是多, 而且調味偏濃。吃得出食品的調味和配搭是為了配酒而來的。我覺得如果要和朋友喝點小酒, 然後要找點食物配, 然後可以談很久的天, 這家也是不錯的選擇

同朋友行去YOHO MALL，本身諗住食元朗最出名既甜品鋪，經過見到依間日本野好似唔錯，就咁就入左去幫襯啦。自家制豬軟骨拉麵豬軟骨同拉麵索哂湯底好入味，仲送野飲。日本南瓜餅，熱辣辣，入面係滿滿既南瓜蓉，super like!!泰式生蝦唔知點解日本菜又出現泰式既生蝦，不過幾抵食，$４９有成８隻。芝士豆腐咬開有芝士咇出黎，細細舊咁，食下食下就成碟食哂。雙重芝士蘑菇釀雞翼一碟有４隻，好香芝士味，不過可能已經食左好多野啦，有啲漏。日本綠茶可樂會飲上癮架！！飲完一枝覺得好好飲又嗌多支飲。信州蘋果梳打我覺得依個甜左Ｄ，可能因為日本既蘋果都真係咁甜啦。

朋友約我食飯，friend 話今晚突然想食拉麵,仲話已經booking ，send location for me !點知糸尋晚我食個間既分店，again pls!!!!搞笑🙂😬呢間雖然鋪頭細細 ，但靜靜地都吾算好迫, 朋友望下個menu ，發現呢間除左拉麵 仲有好多小食添! 我試新野，我就叫左蕃加湯底燒雞扒拉麵, 個湯底同個拉麵出奇地夾 ，如果吾想禁普通食豬骨湯底拉麪都係一個吾錯既選擇!至於小食 我就叫左燒和牛,黃金扇貝同雙重芝士磨菇雞翼! 作為芝士控既我勁like 個芝士雞翼! D芝士熔熔地仲勁足料 。 埋單時朋友先發現原來呢間係新b仔隔離開左間 地方仲大d ! 其實係我尋晚食個間，我暗笑左，👍🏻

10月27日 落了元朗午餐 搵了一間小店試下 係元朗b仔涼粉附近位置唔係太明顯 揀選了自制叉燒拉麵先讚叉燒好食但好細塊 麵質都好食 蛋煮了過龍 湯底唔太好 如果普通係日式餐廳其中一樣係拉麵就ok 但如果用拉麵牌頭有點拉麵最着重湯底ma

個拉麵係公仔麵黎 連個湯底都認得到係粉沖出黎想試下平時 neway 的平餐 可以去囉真係50幾蚊都唒比佢巨伏 完佢的正評吾知幾錢買💩個野飲先勁康師傅 冰紅茶都比得出 講到送有幾好要哄你上fb share lol

完全唔好食，入到去地方細，個員工又西面都算。一黎就見到成埋share facebook可以低啲叫小食。拉面舖又酒牌 又食煙咁環境差到爆。到兩個拉面，三件嘅豬軟骨係正常味道，另外炸蝦係伏黎，就算你唔係食開雪藏嘅都一食就食得出佢陣怪味。 個面同湯，出前一叮豬骨湯面黎咖，啲面又硬又唔似拉面。 以為130個好評會好食， 伏到真係要打成埋字，我就死都唔會再食，黎食嘅都要睇清楚，問清楚先。

有次聽友人說野川拉麵都幾好食....之後老公話呢間我地食過啦，但我就完全冇晒印象、所以決定今晚收工去試下...一去到門口...就記得原以為真係黎過老公即刻叫返杯啤酒..爽一爽先😻😻😻自家製豬軟骨稻庭烏冬：湯底有香濃豬骨味，豬軟骨都好淋..烏冬都好煙"un "雪場蟹柳稻庭烏冬：都有好多條蟹柳...岩晒最鐘意食既我...！仲有最重要係呢度係有一隻溫泉蛋...好多時係地他地方都是得半隻....燒雞泡魚干上面有些七味粉...食落有少少辣辣地幾惹味，配埋單酒簡直一流....之後我地都叫多在兩款小食....最後都覺得小店既食物質素都唔差...唔想食烏冬...都可以叫小食配啤酒都可以...有多元化選擇

自從工作時間變夜後，經常都會跟朋友食宵夜。野川可以給食客的既是一個深宵的餐廳，又可以是一個居酒屋，要約佬食宵夜，它會是首選。必點的一定是拉麵，三個人都未食飯，所以三個都有點拉麵，值得提提的有兩個：汁燒極上和牛拉麵 $75牛只有幾片，但係就非常嫩口，中間保留半生半熟。湯底可選擇豬骨、蕃茄、地獄等等。而小弟就是選了地獄，因為生活就似是活在地獄> 照燒雞扒稻庭烏冬 $75而我的FD囝就選了照燒雞扒稻庭烏冬，雞扒即煎，所以浸了湯都不會林。 主角終於出場就是串燒，串燒的價值不單只是食物質素，還有心機和時間。燒雞泡魚干 $42雖然只是一片由包裝袋取出的雞泡魚干，但煮的過程都顯出用心，切得不會馬虎。 蒜蓉燒線貝 $52線貝性價比強，味道適中，不用多加解釋。 燒大蔥 $14大蔥最好食，蔥的中間都燒得變甜。外面只有很少部分焦了，有串燒經驗的人都知道燒大蔥是要有心機。 酒：Asahi，今日不是有什麼特別事，所以都只點了Asahi。啤酒選擇不多，但野川的售價就比一般酒吧平，所以喜愛適合聊天的成熟男性。

元朗呢個地方，對我黎講真係有啲遠😅不過我都成日聽到朋友話呢度有好多好野食今日難得黎開元朗，一早搵定地方食晚飯上網見到呢間野川拉麵幾受歡迎除咗拉麵，亦有串燒同小食😋所以就決定黎試下！餐廳有拉麵同烏冬食，而烏冬亦分稻庭湯烏冬同讚崎手打烏冬兩款無論係拉麵定烏冬，都有得自選湯底！有辣，有唔辣個人鐘意粗身少少既讚崎烏冬，貪佢彈牙啲所以最後揀左自家制豬軟骨讚崎手打烏冬！而湯底我就揀左芝士湯底湯底：唔會好咸，清得黎有芝士味烏冬：夠彈牙，有咬口， 啲烏冬上面有溶緊既芝士😍 鐘意佢夠多芝士，但係唔會好咸， 亦唔會有好膩既感覺！豬軟骨: 真心覺得啲豬軟骨好好味 好多時啲豬軟骨都煮得唔夠"淋" 呢度完全無呢個問題！ 煮得夠"淋"之餘，亦都夠入味！ 最重要係啲豬軟骨夠多！🐷 唔會剩係得一兩舊only 配料: 比起出面啲拉麵烏冬，我覺得佢啲配料算多 我好鐘意食糖心蛋😍 出面大部分餐廳

作為一個元朗人，幫襯好幾次，越來越唔掂，之前食义燒拉麵，都算正常，之後又賣酒又賣串燒，品質越來越差，今次叫了極上牛肉拉麵，嗰D係肥牛不特止，仲要好un (咬唔開），仲差過任食火煱打邊爐嘅肥牛，問番凍肉朋友，原來呢D直情係一舊差肥牛D頭尾位，又un 又碎，完全係下爛嘢，舖細，員工服務差，廚房煲煙玩電話，為何會有好評？費解⋯⋯永久blacklist, 亦會不斷宣傳blackshop惡行，現在朋友連動至少幾百人不會幫襯，希望冇人再俾佢地呃，有啲所謂的好評簡直白痴，芝士乜乜全部都是現貨交來，你自己喺屋企整都一樣好味，醒下啦，香港人...

下班後與朋友宵夜小酌可算是工作一整天的安慰, 今次Tony來到一間日式小店裝潢的野川拉麵餐廳, 簡樸的佈局配合半開放式廚房令店充滿串燒香氣. 餐廳的菜色實而不華, 不靠浮誇的擺盤, 以食物質素和味道吸引顧客, 加上良好的服務態度, 價錢合宜. 值得一再光顧. 和牛拉麵(血池地獄湯底)足足5塊和牛, 經過燒烤後不鞋口, 嫰滑肉質加上燒汁, 味道令人回味.拉麵麵身帶軟,但不會太淋. 血池地獄湯底香濃, 不會太辣, 適合大眾.照燒雞排稻庭烏冬(豬骨湯底)照燒雞排十分香口, 肉汁都充分鎖在肉裹. 稻庭烏冬偏幼身, 軟身.豬骨湯底濃厚, 不錯.吉列豚肉稻庭烏冬(蕃茄湯底)蕃茄湯底酸甜平衡, 是夏日不錯的選擇.燒大蔥(2串)純熟的燒烤技巧令簡單食材變得更美味.蒜蓉燒扇貝(共有四隻)蒜蓉份量剛好不會遮蓋扇貝原有的鮮甜. 燒雞泡魚乾日式居酒屋常見的下酒小吃, 加上七味粉, 令味道更豐富.

第一次寫食評呢間野可以令我開個ac寫食評 真係不得了！！叫左個蟹柳稻庭烏冬 蕃茄湯底 好淡好淡 難食！溏心蛋都好難食！真係嬲到要即刻上黎寫低我既感受 奉勸大家真係唔好食！同行四人全部都覺得好難食

香港人向來鍾意食宵夜，咁岩係元朗嗰邊，搵到一間係開到兩點嘅店舖，梗係忍唔住即刻去食啦，仲要係好多款嘅串燒，見到都覺得吸引雖然間餐廳叫野川拉麵，但我反而覺得串燒應該先系呢度既招牌菜呢。流心芝士蝦丸有拉絲既效果，入面仲有一粒粒既蝦肉。芝麻雞翼同平時既炸雞翼差吾多，只系好食啲咁解，入面仲要生生地，真心吾好食燒安格斯牛肉十分軟稔會有心理準備系生生地，如果系全熟就會好硬。雞泡魚干勝在稀有，聽聞系比較高級既地方先有，雖然呢度就唔係好高級，不過難得見到有就梗係試一試，食過雞泡魚干系比較細條，呢度就切得大條啲，味道也不錯，幾鮮味。扇貝每一隻都好大隻，不過就吾系好熱辣辣，如果吾系會更好食，蒜蓉都好多好香口，果然足料芝士燒廣島蠔既芝士好多，但蠔實在吾鮮味，仲有啲海水味⋯⋯$10就吾好期望咁多喇。

今日到元朗陪朋友買老婆餅俾屋企人食，一到達元朗先搵地方醫肚，響教育路附近想食拉麵當然要向Open rice 搜尋下先，見到有間野川拉麵店舖，當然要去食啦，因之前曾經食過另一分店的磯燒及小食已很懷念點了個烏冬，跟餐仲有沙律及飲品只不過係＄52，沙律菜很爽甜尤其配了麻醬分開惹味芝士地獄海鮮烏冬， 地獄得來少少辣，烏冬夠彈牙，吃了兩啖後，將芝士伴在一起食夠香濃朋友點了杯 Kirin Been，在出面酷熱天氣的環境下入來喝一大口，簡直是賞心樂事還點了些小食給朋友喝啤酒的，小食的質素與另一分店的也是一樣，雞泡魚干有微溫，無論配上沙律醬/七味粉也是很滋味的，炸雞翼送到來時也是脆脆的下午茶時前來，人流比較稀少， 但店舖對食物認真的製作，食得出是有一種堅持，仍能保持食物的質素如果係學生還有學生優惠的

今日又入元朗搵朋友，順便同佢食餐飯。 行行下去咗大坑渠邊，沿路都有好多食肆可以選擇。今次我哋揀咗間細細地嘅拉麵舖試下。呢間日式拉麵舖主打係拉麵同埋串燒。我哋兩個人叫咗兩碗， 一碗係燒汁和牛烏冬另一碗係豬軟骨拉麵 。同埋揀咗d串燒試下。話咁快碗烏冬同拉麵就上枱。 呢度嘅湯底唔錯，烏冬同拉麵都好彈牙 。豬軟骨亦都炆得好淋，和牛燒得好香。至於d串燒當然係即叫即燒。 我哋叫咗燒牛舌同埋帆立貝。啲料好新鮮同埋燒得好香。 雖然我哋冇叫啤酒飲，淨係叫咗支蘋果soda。但係見到好多枱人都一邊飲啤酒一邊食串燒，真係一流享受。總括嚟講呢間拉麵店有小店風味，味道亦都相當不錯，價錢亦都非常合理。如果行開去元朗可以試試。