金之藏 (已搬遷) 新店位置

看到其他食評都很好,決定一試。提早一天訂枱,並要求一個較安靜的位置慶祝生日，都能為我們安排。店面比我想像中小，入座時已差不多滿座，被預留室外位置，感覺意外地舒適，很有氣氛，很滿意。服務員姐姐非常有善及有禮，服務一流。食物方面，非常喜歡冷面卷，出奇地好吃，很特別。羊架普通，但柚子醬一流!牛小排正，煙肉蠔配搭一絕，鹽燒龍蝦彈牙新鮮。最後服務員姐姐還為我們送上小小紀念禮物，令我們留下一個難忘溫暖的快樂回憶。一流的服務配合美味的食物，是一間用心又有誠意的餐廳，值得推介。

之前, 在大坑四圍揾午餐, 雖然見到佢先, 但係嗰日想食 all day breakfast~ 唯有下次才試...後來, 揾到個同我一樣為食的美女, 陪我去試新嘢~其實, 開初睇雜誌是介紹它的"黃金拉麵", 但原來去到才發現, 夜晚的拉麵只有細碗, 主力是串燒~不過, 唔緊要, 我發現這個是他們的細心位~ 因為, 可以同時又食拉麵, 又食串燒~ 唔怕試得拉麵來, 又試唔到串燒~是晚叫咗這幾款: 黃金拉麵 & 銀王拉麵 & 燒鵝肝多士串燒: 茄子, 魷魚, 雞軟骨, 雞皮 拉麵的湯底, 我幾鍾意, 因為佢係炒完啲蔥來煲的~ 串燒都唔差, 師傅好有心機燒~ 但係太多七味粉...推介食燒雞皮~ 下次會call多兩個朋友, 試多啲串燒~

那天是我和老公結婚兩週年，我們早幾天詢問店員有什麼特別的食品時，店員就一句：放心，包在我身上，我們只透露我不吃鵝肝這些殘忍的東西，也不吃羊，他們真的很上心，那天安排了一個安靜的位置，又特意準備了美味的手打烏冬，我們聽店員說湯底都是天然地烹調，絕不含咪精，我和老公一口氣把湯底飲乾淨，果然不口渴。。。好多好正的東西要分享，可惜照片在老公手機𥚃⋯⋯後續

其實我原本黎大坑食份子雪糕既見肚餓就求其搵野食經過依間有個服務生好熱情咁招我同女友入去食原本冇咁大期望諗住叫少少算數點知食佢d小食個煙肉蠔真係好好味有個紫蔡卷,個醬汁係熱既, 又凍又熱咁好正拉面個味有濃,仲接受到, 冇味精味羊架好食, 因為配埋個柚子SOURCE好掂D料好靚, 但價錢好OK!!最貼心係, 依度竟然可以8達通俾$$

今日朋友帶我去食，間外觀普通，本來期望吾高，我本身鐘意食拉麵，所以就叫黍試下，我叫左個黃金拉麵，等左10分鐘就有得食，外觀幾特別，有一大張紙菜裝飾，食落味道有驚喜，我吾敢話一定正，但好啱我口味，D麵軟硬適中，豬肉鬆軟得黍唔會散，最鐘意就系D湯，非常香濃，仲有我至愛既溫泉蛋，我一定會再翻食!

大坑小店，值得一試！！！最近超多拉麵店開張，哩半年我食過起碼30間以上，所以見到新假期有介紹北海道拉麵，所以專程去試一試！我係大坑行左幾分鐘先搵到哩間金之藏，一去到門口，就有兩個服務員走埋來，好熱情咁推介佢地D野食。我同朋友二話不說，就入左去。我叫左個黃金拉面（味噌味），我朋友叫左將王拉麵（醬油味），叫左D串燒。等左5分鐘度，開始有麵食啦。我食左幾啖，即刻同朋友講：“有D料到wow！“ 朋友都都話唔錯。之後有幾樣串燒上來啦，有鵝肝多士、帶子、龍蝦、牛舌、雞中翼等等,樣樣都幾大件。哩間鋪頭係有1 set調味醬料比我地任加，哩度我對小店加分，D醬料好味，我知係貴野來架。但令我有衝動來寫篇野推介小店，又點會得食物好味咁簡單？我食鵝肝嘅時候，我唔小心整跌左，我有D失望，服務員好快幫我清理左地方，我繼續食其他野。當我同朋友就來食完餐晚飯，想叫埋單嘅時候，服務員突然送左份鵝肝比我，話：“食唔到件鵝肝,常餐飯少左好多意義，所以我地補返比你，慢用。“嘩！哩件鵝肝多士真係超好味，因為入面有好豐富嘅人情味！我同朋友8點走，已經坐爆場了，真係有料到！

去到大坑同朋友一齊搵食，選擇眾多，我既選擇困難症又出現啦，由街頭行到街尾，發現一間裝修簡單既日式串燒拉麵店，不太起眼但就有種親切感，聽聽侍應哥哥介紹，睇睇manu就決定試下新野!!先黎就點了幾款小食，燒物好特別，用心好味之作燒鯖魚出奇的好吃另外推介燒粟米超香又唔會燒焦，好味!!唔少得侍應哥哥重點推介店內出名的龍蝦，鵝肝!新鮮龍蝦大大隻，朋友連龍蝦鬚都食埋!!正鵝肝大大塊又肥美!!抵食~最後再每人一款北海道札幌拉麵試試!!!仲可選擇湯濃度同麵既軟硬度!!推介黃金拉麵同醬油拉麵三五知已食下串燒飲下酒又可以食下拉麵飲啖湯暖下，好滿足既一餐。特別係要讚下幾位店員用心服務，唔怕煩，不斷聽取客人意見，完全感受到佢地既熱誠!

平時都有去開大坑搵食, 不過都只係食粥多今次同朋友行開尼搵野食 , 見到依間日本餐廳 應該係新開張有個staff出黎見到我地就同我地推介下佢地既拉麵叫我地試下佢地D叉燒 好就即管試下試拉麵之前試下佢地既燒物件鵝肝好大呀 開始仲以為88蚊一件會好少但食左之後就覺得依個價值真係抵!!!和牛燒得唔錯 唔會燒得太硬另外羊架又係一個好推介 雖然staff有提供柚子sause但我硬係覺得羊架加薄荷sause正D最後緊係食我期待已久既拉麵啦叫左醬油拉麵 , 麵既軟硬度都ok 都叫爽口!叉燒都真係幾厚食落同出面D拉麵店真係唔同

一向都知大坑多野食 琴晚就同朋友入左去睇下有咩好食啦行左個圈 噤岩經過金の藏 個服務員就向我地介紹下 睇相賣相同價錢又OK 噤我地就去左試啦我地叫左鵝肝多士 串燒 同拉麵非常介紹佢地GE鵝肝多士。鵝肝多士唔貴又大件 值得一試又抵食!!另外 食左青魚 牛舌 青椒 茄子 但我覺得和牛串燒 虎蝦 羊架 好正和牛又嫩又JUICY 虎蝦食落都係新鮮蝦黎 落左小小鹽都覺得好好食本身鍾意食羊鍾意配香草醬食 但呢間鋪好特別 係用柚子醬配羊架食 小小酸味配上羊架又真係幾好味我同我朋友叫左唔同GE拉麵 分別係黃金拉麵同醬油拉麵PS:佢份餐牌上寫住係用札幌拉麵 雖然唔知同平時有咩唔同(未食過札幌拉麵本身食開淡味啦 所以個人比較喜歡醬油拉麵 食左啖拉麵終於知道札幌拉麵係比平時食個D彈牙可能間鋪係新開張啦 個老闆又幾NICE 一得閒就會走出黎 同我地傾下計 問下我地GE意見服務態度真係100分!平時呢個價錢真係食唔到噤好質素GE食物 所以真係好抵食可能我本身比較喂食啦 所以我一路打食評 一路諗番起佢D食物 都有D肚餓 食過之後真係會再去食多次!AGAIN AND AGAIN

想搵個好地方同朋友慶祝生日，朋友試過呢間拉面話好好味，就決定這間望落平實既日本餐廳。雖然我們３個女仔，但我地叫左１０樣野。前菜法國鵝肝和牛龍蝦半件牛舌免治雞肉棒明太子雞翼煙肉筍卷拉面燒粟米仲有杯特飲一杯店員上菜速度都好快 ，笑容仲好親切 =)咁多道菜，最喜歡法國鵝肝同煙肉筍卷，真係好好味啊！！！因為第1 次去，唔知道分量幾多，點知呢度真係大件抵食，食到我地３個捧住個肚走。真係驚喜的發現，望下餐牌，平時食拉面都係幾十蚊，岩曬銅鑼灣工作既我。

今日早左落堂，就同兩個同學去覓食。成日都聽到d人話大坑好多野食，甘我地就去搵下。好大鄉裡，原來真系好多野食。我地一路行一路諗食咩好。甘岩經過金之藏嘅時候，有個後生仔出黎見到我地就同我地推介下，後尾先知原來佢系老闆，好後生啊！見佢甘好笑容又親切，我地就入去試下。可能過左lunch高峰期，成間鋪得我地3個，好似包左場，好正，哈哈！我好中意個環境，設計主要以黑色為主，好簡約，播住d柔和音樂，成個人好relax。原來得4款拉麵，見每一款都好有特色甘，我地就一人試一款。等左一陣，d拉麵終於黎啦！三個湯底都唔同，各有特色，我就最中意個鹽味拉麵，開頭以為會好咸，但原來好特別。而個醬油拉麵一d都唔油，仲好香添。佢地個招牌黃金拉麵個湯底就好濃郁的味道，真系好正。我中意佢d麵嘅口感，唔硬又唔軟，煮得岩岩好，好有口感。老闆好犀利，特登去札幌學師，仲同我地傾計，好nice! d豬骨湯甘濃郁，原來要煮成8個鐘。同埋好特別，會炒香d配料再加落湯煮，我都系第一次聽。傾傾下，原來夜晚仲有串燒食，下次試下去食先得!

睇完小儀個廚神節目就去左大坑試下個拉麵來，去到條隊勁長，諗住好食等下都無所謂啦！點知排排下聽到行過嘅5~6個路人都系度講''其實拉麵來都唔系咁好味，點解咁多人排。。''班friend淆曬底就決定放棄食拉麵來，打算去一風堂食穩陣啲啦，行到布朗街時發現左一間系食札晃拉麵嘅，本身見裝修唔特別都唔諗住入，望下個menu諗住閃，點知突然有個服務員出嚟介紹重好鬼熱情又好好禮貌，於是我地就信距入去食左個黃金拉麵啦！結果發現距地嘅拉麵好特別，麵夠爽口彈牙，湯底好香濃而且唔油！食完之後師傅就系廚房出嚟同我地傾下計啦，原來距地系抄香左啲配料再加豬骨湯炒香湯底，系新式做法，非常特別。而且距地個豬骨湯煲8個鐘兼唔落味精。最後先知原來師傅突登去完北海道學師反嚟，真正純正北海道拉麵！下次一於夜晚去試距要嘅串燒！

沒有預訂，沒有計劃，沒有搜尋 Open Rice，2013年1月19日的晚上，我們走到了大坑的街頭，為的就是找尋一個舒適的環境去享受一個周未的晚上，當我們經過金の藏的門口時，店員立刻走到我們的跟前努力的介紹，經過一番思量後，我們決定以行動去支持一下小店的誠意。走進小店，我們當然不會期待有五星級的酒店服務，但店員也很窩心的特意加插一張椅子給我們放東西。我們首先 Order 了一客雞泡魚乾和栗米，感覺不錯，特別是燒粟米，的確值得一試。緊接的牛舌，簡直是意料之外的美味，其他的串燒也是水準之作。不能不提的是金の藏的燒龍蝦，我個人的評語是超超值之選，由於龍蝦實在太令人驚喜了，不知不覺地令其後的燒帶子失去它原有的光芒。店長推介的燒鯖魚，也是值得一試的菜式。最後，我們以金の藏的拉麵﹣湯底超讚的拉麵去結束這頓意料之外的晚餐。

聽朋友講最近大坑多左好多食店，果日放假過去行下，見呢間鋪頭幾新，門口個牌標榜北海道正宗拉麵，好奇心驅使就入去了，lunch時段只有4款拉麵，個店員話個師傅係北海道札幌學完拉麵冇耐wor，但一睇，wa，個師傅仔都幾後生！就點左個＂黃金拉麵＂要100%北海道風味，麵ge軟硬度都100%爽口！食落同出面d拉麵店真係唔同，個豬骨湯真材實料，我見佢廚房仲煲緊湯，食食下個師傅可能見客人d拉麵都上曬就出來同我地傾下計，個師傅好nice，問d客人拉麵岩唔岩口味，仲笑容可恭！服務很好，非常友善，拉麵超出預期的好味！下次再試其他款拉麵！