金公館 (彩明商場) (已搬遷) 新店位置

內地肺炎疫症還未停止, 很懷念北上食酸菜魚, 今日去調景嶺開完會, 途經見到呢間金公館, 主打粵菜。見差不多晚飯時段, 正好外賣小炒返屋企同家人分享。外賣還有77折, 比起堂食唔洗加一, 茶芥, 價錢更抵!【川鹵鴨舌】HK$52鴨舌好林, 入味得黎亦唔會太重口味, 少少鹹既鹵水汁已經帶出味道。【干扁雞軟骨】HK$98炒得很有穫氣, 軟骨非常爽口, 辣辣地, 香口又惹味【老壇酸菜魚】HK$198份量好多, 外賣分兩大碗放。可選辣度, 揀左少辣, 已經好夠辣。無骨魚塊超嫩滑, 夾埋酸菜食, 酸酸辣辣好開胃!! 還有滑滑薯粉, 質地唔會過份索湯, 很飽肚。第一次食金公館, 質素果然驚喜的高質, 絕對會bookmark再幫襯!! 正!!!

疫情越來越嚴重，大家都盡量留在家中不到處走走，但每日返工離家始終左所難免，放工後多數也盡早回家，但平時放工回家煮飯已經太夜，所以最近多數買外賣回家比較方便快捷。屋企附近餐廳食店已經吃到有點悶，今晚決定在公司附近買外賣回家，轉換一下口味。原來附近有間川菜酒樓，外賣自取有77折，還有老公最愛的口水雞，一於買幾個小菜回家吃。估唔到酒樓外賣都包裝得非常好，每個盒都包上保鮮紙，防止漏汁，好貼心喔！蒜泥白玉麻辣香味四溢，豬腩片中間夾住青瓜片，沾上麻辣醬汁，蒜泥香蔥等等，入口軟嫩惹味，青瓜清甜味可以中和麻辣辛辣味，麻辣味香濃又不太辣，不錯不錯！招牌口水雞（半隻）一打開外賣盒麻辣香味已經直撲入鼻腔，份量十足，紅紅的醬汁顏色非常吸引，雞肉鮮嫩入味，麻辣味香而不太辣，一食就令人食不停口，超正！京蔥爆牛肉京蔥吸收了大量醬汁，鮮甜又美味，牛肉肉味香濃嫩滑，非常有鑊氣。

好多食肆紛紛嚮應抗疫，推出外賣自取優惠！金公館都唔例外，外賣自取77折～更吸引的是整本menu都可做外賣！到親友屋企作客又怎能夠兩手空空呢?就決定外賣等大家安在家中都食到片皮鴨開心下～總共買了四碟餸菜加餸。烤北京填鴨 半隻$188已包含摩摩皮、醬料及配菜。建議同時包入一塊鴨皮、一塊肉口感更佳!加$78 就可以一鴨兩吃 。我就選擇左雪菜鴨絲炆年糕，年糕夠煙韌，不過調味唔夠濃。還有鴨架、炒鴨鬆等其他選擇~椒鹽豆腐粒$42調味調得好好，可惜焗住就唔太脆, 外賣就盡量避免order椒鹽菜式。雞絲粉皮 $48麻醬用了日本芝麻醬，味帶酸酸甜甜。

今日去將軍澳「金公館」，見佢做緊外賣自取77折優惠，咁抵食，當然要試下， 望入店內，都依足政府限聚令，4人一枱，令食客食得安心。叫了烤北京填鴨(半隻)$188，烤得好靚，鴨皮有光澤，皮下脂肪又唔多，肉質片得大細均勻，又多肉，薄餅皮還暖暖地好軟熟，都有好多塊，自己夾上京蔥，青瓜，鴨皮，厚厚的鴨肉和海鮮醬，完美配搭。叫埋二食，加$78的雪菜鴨肉絲炒年糕，年糕份量超多，好大份，又唔會好油膩。小食叫了雞湯雲吞，雲吞好滑，肉質鮮甜，連埋濃味雞湯，好鮮甜。另外再點了家常酸辣粉$38，有少少酸味及麻辣香味，醬料濃味又夠惹味，水晶粉煙煙韌韌撈埋花生、蔥同醬料一齊食，川味十足。

無飯夫妻加上現時情況都是買外賣回家食，今天來到這間之前大排長龍的中菜館，終於可以一試看到有二人套餐，有湯有片皮鴨有菜有甜品，十分抵食點了餐後發覺原來餐牌上外賣有77折的優惠大概等了15 分鐘做可取餐雞絲粉皮 - 雞絲青瓜絲混麻醬粉皮，粉皮爽口有彈性，味道清新，非常開胃的涼伴前菜老火湯 - 一大碗的，無飯夫妻對於有啖家常湯飲表示非常滿足！是青紅蘿蔔粟米煲豬骨，非常足料！烤北京填鴨 - 熱辣辣的烤鴨，雖然是外賣但一點也不馬虎鴨肉厚實肉汁滿滿，香脆的外皮非常鬆化宮保雞丁 - 看似很辣，但其實是可接受而且辣到適中非常惹味蒜蓉炒菜心 - 份量不少，而且是滿滿蒜蓉的荔枝桂花糕 - 口感清爽，味道清新，可以中和膩感想不到外賣的中菜都可以很好吃，這個套餐的份量肯定是多於兩人的！性價比很高！疫情過後一定要再來試堂食！

將軍澳調景嶺，都幾容易搵地鐵上嚟就係 搵都唔使搵好快就搵到啦，金公館外賣套餐一個，外帶試下外賣返屋企食，先去到彩明商場整返個二人套餐，呢個套餐係有燒烤鴨套餐。落咗order 要等廿分鐘左右，商場環境跟住咁，四圍都係人來人往，呢度嗰度，人流非常暢旺，雖然係疫情下，但係都幾多人排隊等外賣嘅 ，望入去就人頭差唔多， 因為要隔開嚟坐。套餐包括是日例湯，北京烤鴨半隻，雞絲粉，皮宮保雞丁，蒜蓉炒菜 ，白飯兩碗，甜品加個荔枝桂花糕。包裝包得密密實實唔會倒瀉 是日例湯，青紅 蘿蔔清甜可口，例湯冇甩拖。北京烤鴨半隻， 片皮鴨覺得啱啱好，返到屋企都食得咁好好味，而且皮肉 夠分量， 同埋跟嘅粉皮同埋京蔥大蒜啱啱夠食。雞絲粉皮， 粉皮可能耐得滯，乾咗少少 ，屋企加少少芝麻沙律汁落去，一樣整得番靚，一樣咁好味。皮宮保雞丁，宮保雞丁用咗花生代替腰果 ，味到口咁就係有少少分別，大致上都係可以接受嘅!蒜蓉炒菜 ， 蒜蓉炒菜蕊都唔錯 ，一樣係清甜可口。白飯兩碗，甜品係荔枝桂花糕 荔枝桂花糕大大嚿，做甜品冇得彈呀。整體落呢，個套餐合曬心意，唔使煮飯，啱啱好。

疫情下好小外出食晚飯了，聽說"金公館"有二人烤鴨套餐外賣呢！喜愛食片皮鴨的我真是太好了，可以在家慢慢享受一樂也。😋😋遠遠就望見光光猛猛"金公館"大大招牌，而且還很多人添，個個也看外賣牌，原來真的很多人叫外賣㗎！兩個人食烤鴨套餐只是$328好抵啊！還不收加一服務費，唔洗諗咁多了。侍應生非常有禮貌，外賣只需等廿分鐘便可。便叫了二人烤鴨套餐。😀😀烤北京填鴨(半隻)~~半份量算係大，有十二塊片皮鴨食和好多鴨肉，哈哈！在家食可以不講儀態，包住片皮鴨大 啖大啖食好爽！也不覺油膩。😁雞絲粉皮~~呢個真的好味，雞絲很滑粉皮好多啊！再配埋醬料食，入口香濃醬芝麻味👍份量夠大啊！蒜蓉炒時蔬~~ 宮保雞丁~~ 望落去好多辣椒呢！以為好辣啦！原來食落口 又不辣㗎好香口，配白飯食一流👍是日例湯白飯和甜品荔枝桂花糕~~在家也可以享受片皮鴨感覺好正👍😁

全球疫症蔓延， 很多時都留在家中，自己煮食避免外出。 但有時悶悶哋又不想煮食，唯有外賣自取是一個好方法。今天途經金公館非常懷念他們的酸菜魚， 於是決定今晚晚餐在這裏外賣自取。 這裏有川菜還有廣東菜，我必選酸菜魚，還選擇了菠蘿咕嚕肉和翡翠紅燒豆腐。外賣時間都快捷，落單後大約20分鐘左右已經可以取走了。自取後就可以回家即時享用，他們外賣包裝都很細心，食物盒蓋好後再用保鮮紙在外包住確保不會漏掉。這個酸菜魚，因份量比較大鍋，他將分成兩大碗方便提取， 味道依然保持水準，酸辣味濃魚塊還很嫩滑。菠蘿咕嚕肉，酸酸甜甜都很好味， 配埋 紅燒豆腐這餐外賣非常豐富滿足。這間金公館防疫措施都做得很足夠， 上月未爆發得很嚴重時，我在堂食，他們鋪裏都已間起了屏風，還有酒精搓手液和探熱， 還值得一讚他們都很熱心，我都看見幾次在鋪門口外派發消毒藥水，疫症之下大家互相支持， 希望疫症快過大家加油。

閒日夜晚去食飯, 唔算多人幫襯， 等咗四十分鐘都上唔到菜， 好聲好氣咁問咗幾次， 似乎廚房完全out of control， 佢鍾意煮乜就煮乜， 畀你食又得， 唔畀你食又得， 隔離嗰台， 遲我哋十五分鐘入嚟， 已經食完三個餸，我哋張枱再空空如也。嗰部長習以為常，一於扮睇唔到。 臨尾話要走喇，佢就話而家攞嚟畀你， 態度好曳， 好似話畀你聽 : -而家咪有得你食囉， 想點呀， 唔要咪同你cancel囉! 感覺好似問人借錢咁， 食餐飯都要咁受氣。唔使錢，免費嘅，我都唔去食。真係要祝佢哋呢間餐廳好運， 請到班咁好嘅夥記。PS 嗰日唔係唯一我哋受難， 隔離枱都好啲，小上一兩個餸啫， 全枱人走曬得返個太太喺度等， 見到我哋起身忽袖而去， 就同我哋講: 做得好， 我個小籠包仲未到。 睇呢太太已經畀咗錢，肉在砧板上， 焗等。

金公館未開張前已經見到裝修圍板寫著有酸菜魚這道菜式一直都很想試～～～今次和同事決定午餐來試試啊～～～必點的是酸菜魚！！然後點的其他食物有椒鹽豆腐粒﹑夫妻肺片﹑四川擔擔麵及蒜茸炒通菜椒鹽豆腐粒，外皮炸得金黃香脆椒鹽味味道恰好，味道夠香包裹著軟綿綿的豆腐很好吃！！夫妻肺片，夠麻辣夠入味那陣椒麻味幾香肺片夠爽口！四川擔擔麵，麵量算多，麵質爽滑不會糊糊的湯底味道雖香濃夠辣，但花生香不夠出個人較喜歡花生味濃郁的擔擔麵啊～～酸菜魚，選了中辣上桌時都覺得幾大盤～～大家都先試試湯底，酸菜份量夠，酸度十足！加上微微的辣，湯底正～～～酸辣酸辣的好開胃魚肉份量足，沒什麼骨，肉質嫩滑得來不易散當中還有蒿荀及寬粉，寬粉好入味～～～～果然是招牌菜式！！和同事們都很喜歡吃呢！！蒜茸炒通菜，蒜茸味幾香～通菜翠綠爽脆，不會炒得太油膩！綜合各方面而言，食物質素甚佳座位寬敞舒適裝潢光猛又乾淨在區內算是幾好的中菜餐館呢！酸菜魚亦是個人覺得最好吃的一間餐廳呢～～值得推介！

今天是第一次到金公館食午餐，成日以為這裡只有小菜，不太適合食午餐，後來才發覺這裡是有即叫即造的點心！這裡可以用App 攞飛，比較方便，但裝修方面比較簡單，大部分都是中size 的圓枱，適合4-6人。我們一共四個人，要了懷舊原籠馬拉糕（$23）、南乳花生豬手（$23）、蜜汁叉燒腸粉（$22）、生煎菜肉包（$25）、蘿蔔千絲酥（$25）、蜜汁叉燒包（$23）和酸菜魚（小辣）（$92）。原則上所要的點心也不過不失，最令我們失望反而是最貴的酸菜魚，店員說魚是用鱸魚，魚片不是很多，薯粉有點過分煙韌！因朋友不太可以嚐辣，所以要求可否「走辣」，但店員説至少要揀「小辣」，若你是不太受「辣」的人，千祈不要點這款菜式，因朋友結果也是受不了，所以變成唯一一碟吃剩的！茶錢是每位$10，連埋加一，埋單剛好是$300！

這間金公館近來開幾個月，所以專誠試一試， 京川滬菜式， 嘗試了他們的酸菜魚， 我們要求少少辣，酸辣適中， 魚肉亦很嫩滑， 湯汁裏面還有很多水晶粉，口感qq， 味道非常惹味。 別外還有其他廣東和京滬點心都不錯。

CP值高中菜@調景嶺喺港島區幫襯過金公館，記得裝修靚、食物同服務唔錯，但價錢公道。依間將軍澳分店都幾好，品牌水準穩定。幾個涼菜都好食，海蜇混咗雲耳，兩種都爽口，相得益彰。而且佢哋都比較大塊，口感更佳。酸汁好刺激食慾，拌埋蒜粒同蒽花仲好惹味呢。鴨舌滷得入味，色澤好均勻，唔係一味得個鹹字。鴨舌只係鴨一個好細嘅部位，而依道嘅鴨舌算得上厚肉，食起嚟非常香脆有𡁻勁。經典到不得了嘅蒜泥白玉，賣相如花，五花腩包住青瓜片，形成一塊塊花瓣咁，咁樣連住食唔會膩口。紅油抄手嘅餛飩皮好滑嫩，肉餡剛剛好。食落唔係十分辣，開胃但係易入口，如果太辣唔係人人食到咁辣，哈哈。烤北京填鴨同上次食一樣好味，鴨肉嫰滑，烤鴨皮好脆，無乜脂肪。用荷葉薄餅皮卷埋啲青瓜絲同大蔥絲，再加塗少少甜麵醬，將唔同嘅口感集合。荷蘭豆好翠綠爽脆，同桂花蚌都係咁有咬口，而腰果炒埋一齊幾香口。當中仲有海鮮呢，帶子鮮甜，份量都可觀。蒜片牛仔粒鑊氣十足，牛仔粒厚肉多汁，好啱送飯！蒜片脆口，如果再多啲就仲正。椒鹽九肚魚外脆內軟，出面炸到好脆，九肚魚嘅魚肉仲好完整同滑，係個炸漿薄多啲啲就無得彈喇。我哋無轉場喺依道食埋糖水，價錢好實惠喎。椰汁西米露好足料，冰

We noticed that there’s a high quality restaurant recently opened in tko, so we decided to give it a visit as we are craving for some Chinese food 🥘 We saw a lot of good reviews about their fish & duck, so we ordered two. There’s a dinner set for two which includes the half duck, a big bowl of soup, veggie and pan stirred chicken. the daily soup first arrived, it was hot and delicious which cooked meat instead to create the strong flavors. the second appetizer then arrived, shedded chicken with

「金公館」原址在銅鑼灣，去年曾經光顧，對於餐廳的三國時期主題裝修風格、及正宗地道四川菜仍然有很深刻的印象。估唔到餐廳營運不到兩年就要結業，感到有點遺憾；因為香港實在很難找到一間裝修雅緻、價錢公道、味道正宗的四川菜館（兼營京川滬的外省中菜館唔算數）。後來才知道原來「金公館」搬了去太古，最近擴充營業，在將軍澳開了分店；既然在屋企附近，當然要重臨舊地，希望再回味正宗四川菜。去到酒樓門口才發覺原來已經變了一間京川滬菜館。裝修不單止完全沒有了之前的四川蜀國歷史風味，甚至乎只是一間非常普通的中式酒樓，同普通一間屋邨酒樓沒有太大分別 ⋯⋯ 酒樓門口甚至有一個廣東點心外賣部，有點失望。唯一勉強稱得上四川特色的裝修，就只是那些川劇變臉的面譜造型。再看看餐牌，京川滬粵四種中菜口味全部都有，明顯改了走多元化市場，迎合大部份香港人的口味；之前「金公館」的正宗地道四川口味就全部沒有了。椒鹽九肚魚（$68）並非起出魚肉的大條九肚魚，只是簡單切去魚頭、開肚去腸臟、之後再炸熟的細細條九肚魚。炸粉太厚太多，咬落去雖然香脆，但粉漿厚，唔夠鬆化。九肚魚雖然鮮甜，但水份亦多；如果唔夠大條，魚肉份量就會很少，影響口感。這一碟椒