金公館 (彩明商場) (已搬遷) 新店位置

讚1. 個小食豆乾粒都幾足料既，同埋真係有蔥味2. 服務幾好，幾多侍應會走黎問野咁彈1. 有啲污糟，地寒同張檯都有啲黐立立2. 酸菜牛肉真係唔得，唔酸都算，牛肉幾乎全部都有橫筋係肉入味，無舊係咬得開噃！

最近將軍澳開左間新餐廳，今日特登黎試下餐廳都幾乾淨，唔使點等位，好快就有得食呢到既店員都幾有性格，應該會幾好食可惜太夜黎已經冇北京烤鴨食唯有食下其他野外脆內軟既炸饅頭，又香又熱色香味俱全，牛肉唔會太老太靭太乾身，感覺好似食緊7成熟咁以後近近地可以黎呢到食酸菜魚，唔使返大陸lu，魚肉本身就好滑，不過要小心仍然有少少骨，味道唔會太濃睇落去好似好辣，食落去還可以，只係比較多骨，如果用黎送啤酒就好了食左成晚炸野，要飲返個湯滋潤一下食完飯唔少得梗係要食返個甜品， 個甜品應該係即刻整既， 拎上手仲有餘溫，食落去會辣咀總體黎講呢到都唔錯，不過下次要早D黎食

彩明商場其實都有很多食肆，今晚就同屋企去了這間以京川滬菜的金公館食晚飯。雞絲粉皮：以日式甜麻醬及清爽的青瓜絲拌勻，雞絲帶點咸味亦不鞋口，是個開胃前菜。雞湯小籠包：外皮未算很薄但都可以接受，裏面都有很多湯汁，肉汁鮮甜。靈芝菇炒萵筍絲：萵筍翠綠爽口，清炒亦不覺有油，清爽好味。香酥葱油餅：即叫即炸，麵包外炸內軟，不過裏面的香葱較少。香滷豬手：豬手炆至豬皮很腍，豬筋則帶點咬口，雖以花椒八角去炆煮，但未夠入味。乾鍋豬大腸：豬大腸份量不算多，但一上枱就飄出陣陣辣香，但入口又唔算辣，豬腸帶脆有咬口，十分惹味。酸菜魚：魚肉雪白嫩滑而且無骨，酸菜湯帶酸辣味，惹味之餘又開胃，裏面還有些萵筍及薯粉，煙韌又飽肚。

教育局宣佈學校停課几天！細路唔返學，家長好頭痕！返工已經疲於奔命，放工後更加唔想煮！今晚外出晚餐！大約７時來到這商場，看到這家金公館快客滿。直覺：平日晚上仍有那麼多客人光顧，應該有一定水準。再細閱店門餐牌，款式ＯＫ，所以決定在此晚餐。　　一家三口於細枱就座，看到枱面有筷子托，覺得很開心。自家傳統思想：筷子托，子有所托。　　其實在店門等待之時，己相中＜招牌片皮鴨＞。散點半隻188元！而套餐盛惠338元！只是額外多了百五個大洋，就享有湯，涼粉小食，炒豬頸肉，青菜，白飯和甜品。心中那＜計到盡＞的性格：點套餐抵食尐！　烤北京填鴨　　填鴨，需要客人親自包起各配料，自己DIY。對細路來講＝有得食，有得玩！所以小米喜歡北京填鴨。　薄身烤鴨皮己刮去油脂，只得薄薄的一片鴨皮，是減肥恩物。配大蔥，青瓜，麵醬，冰梅醬，一流！　　最特別是這叠饃饃皮很有心思！　每層有紙相隔，保証饃饃皮不粘結。　大蔥和青瓜長度較短，方便把各材料包成小卷，變成一口填鴨。客人可一口即食，無需咬斷，食烤鴨保証有儀態。可是小米食片皮鴨經驗不足，手勢不純熟，唯有把一堆食材連同饃皮放入口中。原來烤鴨皮下還有多件鴨肉，可沾冰梅醬，變成一鴨二食

同朋友去了食晚餐，揀了一間比較多人幫襯的餐廳，食物款式主要以京川滬為主，有多款的小食前菜，川式食物及北京填鴨等，款式甚多，而者價錢亦唔算貴。青城山杏汁白肺湯杏仁味道略淡，但配搭了白菜仔，豬肺乾淨無騷味，湯清且甜。蒜泥白肉以青瓜片包裹著薄薄的腩片，加上特製的蒜泥汁，帶點蒜辣香。椒鹽九肚魚九肚魚炸得香脆又嫩滑，不過略嫌味道較淡。烤北京填鴨半隻填鴨即叫即燒，而且外皮香脆並去掉油脂，鴨肉切成小件，加上青瓜、大蒜及酸梅醬，十分美味。四川擔擔麵擔擔麵表面舖上了肉碎，湯底的花生醬不會太濃稠，味道帶點辣香，麵質爽口。

金公館在調景嶺開了新分店，晚市很旺總是人頭湧湧，是夜特地早點拿位置和家人來吃晚餐，試試新餐廳小食點了一份京滷鴨舌，鴨舌充分吸收了滷汁，鹹香兼有，讓人吃不停口蒜泥白玉一片腩片一片青瓜，加上蒜泥醬汁，吃起來青爽不膩，口感味道俱佳蒜片牛仔粒炒得香氣逼人，牛柳粒保留豐富肉汁，肉味香濃主角烤北京填鴨來了，我們點了半份，份量剛好。外皮油潤發亮，皮脆肉嫩，在還冒著煙的饃饃皮加上京蔥絲、青瓜條，一點冰梅醬或甜麵醬再包來吃，滋味無窮呢椒鹽九肚魚也是常點菜式之一，可口酥脆非常好下飯五代同堂炒飯很抵食，一大窩份量大方，米飯也炒得乾身蔬菜點了百合腰果炒桂花蚌帶子，腰果十分香口甜點點了擂沙湯丸和杞子桂花糕，非常完美的作結

行過見到呢間新開張嘅「金公館」，竟然有時令「大閘蟹」食，十分過癮，拎咗飛等一陣就入咗去兩個人落單好快，叫咗兩個湯，必食嘅片皮鴨同大閘蟹呢個杏汁白肺湯唔係度度餐廳有，因為清洗豬肺要花好多時間同功夫，原盅連蓋上，上枱嘅時候熱到滾兩盅嘅湯都用料十足，入面有豬肺，菜乾，水展肉杏汁味道唔會太濃，加咗菜乾同豬肉煲出嚟好鮮甜，豬肺好軟淋成盅湯都好香濃，一啲腥味都冇，滋潤補身半隻片皮鴨好靚，差不多有12片皮同鴨肉，份量足十分夠食感覺呢間明明唔係專門食鴨嘅餐廳，但係比起某某鴨子餐廳更為貼心，上菜嘅時候特登再奉上濕紙巾抹手而且！佢每張皮同皮之間，都有層紙隔住，免卻咗花時間搣開痴住哂嘅皮，真係超好服務嘅設計摩摩皮薄得嚟夠韌，包上京蔥，青瓜，焦脆嘅鴨皮不帶多餘嘅油脂，再夾上厚厚嘅鴨肉包起來唔容易穿，整個diy嘅肉味香濃，絕對係令人難忘嘅味道除咗正宗嘅北京填鴨醬，呢度亦配有香港人口味，食燒鴨必備嘅酸梅醬，幾新鮮兩隻都係帶甜，同烤鴨好夾椒鹽九肚魚又叫椒鹽豆腐魚，好香脆，金黃色嘅炸蒜鋪滿炸好嘅魚身，外脆內軟每條魚都用薄薄嘅炸粉包裹住，入面雪白嘅魚肉滑捋捋，又熱又嫩，唔係度度都食到好嘢梗係壓軸出場，大閘蟹即叫即蒸，隻

今日去咗食京菜😍呢間質素頗高 性價比也可以叫咗個酸菜魚，大閘蟹，口水雞，一隻片皮鴨朋友生日🎂4個女仔都食得曬 每人都係200幾😍酸菜魚味道似太二 但比太二冇咁辣大閘蟹好多膏口水雞好正宗喜歡吃辣的會覺得好正最後係超正片皮鴨 我地叫咗一隻 4個人食 佢皮好薄 啲鴨好脆😍💕值得推介

金公館開咗一排，一直都冇乜機會去食！！ 今晚懶得煮飯一於入去食下佢~~首先我哋帶咗個青城山杏汁白肺湯！個湯火候控制得好好，呢個秋天最適合飲呢個滋潤一下，連啲湯渣都好好食架再黎係冷盤蒜泥白肉！！呢個白肉同出面街既紅油加蒜泥放係五花肉唔同，呢個係特制微辣醬汁加白肉，肉中間仲放咗一片青瓜，可以用惹味爽脆解膩黎形容，值得一試喔~香滷豬手，我哋一開始以為係前菜細細碟！點知上到台真係勁有驚喜😍真係超級大碟，最緊要係豬手滷得好入味啊！omg 真係滿滿嘅骨膠原啊~~~~到最後我地食咗個煉奶炸饅頭，個炸饅頭又係新鮮炸既，好香好鬆脆，加上奶味十足既煉奶，童年回憶番晒黎!!

話說帶阿仔去調景嶺看醫生，咁啱醒起附近開咗間新嘅中菜餐廳，因之前新開1個月前太多人排隊，看完醫生去到唔洗排隊，坐低看下餐牌，d點心超平，我地點咗…（1）午市自選優惠$98 （可以選1個點心，1個粉麵飯，1個蔬菜）我地選咗豉汁豆卜蒸排骨，蔥花瑤柱蛋白炒飯， 田園時蔬-菜心) 排骨都幾新鮮，炒飯嘅飯炒得夠乾身香口，菜心好鮮綠🤟(2)蟹柳棉花雞$25 魚肚好入味，唔會蒸到太淋(3) 懷舊糯米雞$28 裏面好足料，有雞翼，豬肉，冬菇，糯米好香荷葉味食咗咁多嘢，連埋茶位，都唔洗200蚊，超抵食🤗

金公館最近喺調景嶺彩明商場都開左分店，裝修別緻高尚，感覺舒適，吸引唔少街坊顧客惠顧菜單上嘅選擇極之多元化，粵菜、滬菜、川菜等等樣樣齊，非常適合朋友飯局或家庭聚餐手拍蒜蓉青瓜青瓜夠新鮮爽脆，配上蒜蓉，散發着陣陣蒜香，醒神開胃之前菜青城山杏汁白肺湯用新鮮豬肺熬制，火候充足，清甜滋潤，好似住家老火湯。但略嫌杏汁味道不算很濃烈西湖牛肉羹湯羹濃稠適中，口味比較清淡，有唔少牛肉碎同蛋白松子合桃雞丁份量頗多，嫩滑雞柳粒肥瘦適中，入口香軟腍滑，調味適中帶鹹香。旁邊仲有金黃香脆的松子同合桃，增添脆脆口感，好香口，送飯食就啱晒啦！竹笙海皇蒸蛋白非常健康的一道素菜，竹笙同蝦仁造成一個薄獻汁，而底下則係嫩滑蒸蛋白，可品嚐到食材的原汁原味百合腰果炒桂花蚌帶子本來係炒帶子但因為缺貨所以轉左做蝦仁，蝦仁新鮮且爽口彈牙，仲有鮮甜爽彈桂花蚌，啖啖肉，好鮮味！荷蘭豆、百合、甘筍粒、腰果等等配菜七彩繽紛，好健康蔥花瑤柱蛋白炒飯炒飯份量十足，足夠4-5人分享。飯粒粒分明，炒得乾身唔油膩，好夠鑊氣又香口，正啊！蛋白同瑤柱的份量充足，好足料呢

呢一間餐廳一直都好多人排隊，開業至今，我哋終於有機會嚟食飯啦！青城山杏汁豬肺湯$58秋風起，當然要飲一啲滋補靚湯潤下喉。行汁豬肺湯就係不錯嘅選擇，杏汁清甜，配上菜乾，更加帶出燉湯嘅甜味，豬肺爽滑。紹菜肉絲炒年糕$88年糕軟韌，醬油香十足！配上燒菜及肉絲，簡單味美。雞湯小籠包$32小籠包皮薄，即叫即整，熱辣辣，餡料飽滿多汁，很好吃呢！香醋配上薑粒，更加帶出餡料的香味。終於來了！成餐飯我哋最期待嘅菜式！招牌精選香鍋重慶的傳統小菜！有多款配料可以自己選擇。辣椒及多款香料用油爆香後，更加帶出麻辣鮮香！配料我們選了雞蛋乾、萵筍、靈芝菇、五花腩、金錢肚。萵筍爽甜，中和了一點點辣。雞蛋乾、靈芝菇與香料配搭得毫無瑕疵。五花腩令到整體更為惹味，金錢肚有口感！這個菜式不論是拌飯、送啤酒也是一流。雖然第日要返工，還是忍不住點了一大支啤酒🍻爽呀！想不到這裏可以吃到這樣傳統的重慶菜式呢！餐廳菜式甚有風味，師傅功架十足，將軍澳街坊又多了一個吃飯好去處了！秋天仲有大閘蟹！有興趣嘅話不妨一試！

今晚就試下樓下開咗唔耐但又一直冇食過晚市既金公館，平時都係中午黎多所以就係點菜時見到食過既小龍包同時令大閘蟹就即刻點番一籠，大閘蟹雖然當造但係有朋友唔食得所以就冇點到首先就到即叫即蒸既小籠包，熱辣辣既小籠包，入面啲汁非常多，片又簿！！當然比得起上海館既小籠，值得一讚再黎就係半隻片皮鴨呢隻鴨肥瘦適中，又係啱啱出爐咁熱辣辣！！點啲甜醬加啲青瓜同大蒜包上連皮鴨肉，肉嫩皮脆，一啖咬落去推介！！對於唔食得辣嘅我，係酸菜魚一上枱之後已經秒速整走晒啲辣椒🌶️hahah ~雖然呢個係有啲辣仲有啲麻！！但真係好好味越食越過癮 而且魚肉勁滑身， 薯粉就吸晒湯味！ 辣到不行不行的 最後當然要叫返個菜，我哋嗌左個象拔蚌帶子炒荷蘭豆鑊氣十足又入味又惹味好好味又健康！

平常同阿媽飲茶，金公館係我哋其中一個飛佛，全因佢價錢平，抵食，大大碟，兩點後仲有特價添！今日去探媽媽，我哋兩個又叫咗好多靚餸同點心，金公館的菜式係集粵、京、川於一身，想食邊種口味全由自己決定。蒜泥白肉：呢碟菜係我們在金公館必點的菜式之一，佢哋嘅蒜泥醬汁整得非常好味，白肉切得薄薄的，大大塊，白肉之間還夾着一塊薄青瓜片，食落去小小辣，但同時因為塊青瓜，味道感覺清新不少。椒鹽鮮魷：是我喜愛的菜式，炸粉偏薄，炸得香脆，份量不少，好惹味。鮮蝦腐皮卷：熱辣辣，好新鮮，裏面啖啖蝦膠肉，是我最喜愛的港式點心。四川龍抄手：其實即是紅油抄手，佢哋嘅抄手都大大粒，加埋醬汁非常好味，這個抄手不會太辣，適合怕辣的人士也可食用。紹菜肉絲炒年糕：又係好大碟，而且味道不錯，好濃郁，紹菜和肉絲的份量不少，所以好夠味。年糕片爽和硬身，我喜歡這口感。食咗咁多野連埋茶錢和加一，都係二百零蚊，我媽媽都話好抵食。

陪媽媽行彩明街市，中午就揀左樓上金公館食lunch.飲個茶食件點心炒個小菜都非常合適。招牌菜一定系酸菜桂魚片，我地決定試一試。點心紙幾十種點心，相當豐富，價錢也很親民，晤怪得咁多街坊過來飲茶。酸菜桂魚片，一個字，贊！魚肉嫰爽，高質，且份量不小氣，酸菜湯底非常滋味，酸得開胃，酸得有特色。尤其系四川粉皮，Q彈有韌性，口感一流！一定不要錯過。北方餃子，估唔到咁大隻！皮薄餡飽滿，正！擔擔麵走辣，麻醬湯底略帶胡椒香味，麵爽口。其他點心都實惠高質，餐廳很有誠意！腸粉細緻，蒸排骨新鮮熱辣，連甜品桂花杞子糕都色香味俱全。