金公館 (彩明商場) (已搬遷) 新店位置

前幾日經過彩明商場，見有間新開嘅中菜館，嗰個舖位之前係雲南米線。下午茶時間點心85折，今日就拉埋兩個同事陪我做老鼠仔，去到唔使排隊，職員無問我哋嘅情況下安排咗我哋搭枱。食店唔大，唔算係太逼，但環境都幾嘈下。可能新開，職員架部唔熟，有啲亂，不過都斯文有禮貌，味道就一般，但唔使排隊都係一個賣點。鮮蝦餃皇，有啲細粒，蝦肉唔係好爽脆，還好。蟹籽燒賣皇，無咩蟹籽，其中兩件一夾皮同肉分開，餡應該就無蝦，味道可以。陳皮鮮竹牛肉球，肉質唔會太軟淋，唔錯流沙奶皇包，流沙效果可以，餡嘅味唔夠。雞湯小籠包，完全無湯汁，皮亦無穿，不過其中一個朋友話呢個餃子幾好食，比我同另一個朋友笑咗好耐，所以唔當佢係小籠包味係可以嘅。香茜牛肉腸，個皮幾好，又滑夾起又完整。蘿蔔千絲酥，熱辣辣完全無食到成口油，外層酥鬆，裏面嘅蘿蔔絲入口即溶，好味。北菇滑雞飯，應該唔係蒸飯，好似就咁放上去再加豉油咁，一盅嘅份量係兩碗飯。乾炒牛河，好乾，太少油，肉有啲鞋，味亦唔太夠，好清淡嘅炒牛河。

不用上堂的晚上，緊係約朋友出黎見架啦，今次幫襯新開既金公館，就係彩明商場一樓，幾間食肆係左右但呢度最多人排隊，好彩我地早到早入。呢度招牌菜係片皮鴨同酸菜/水煮魚，差唔多枱枱都點，我哋都不可錯過啦。烤鴨肉算嫩口唔柴，皮已經細心地刮走了油脂，只香而不會太油，當然一定配甜麵醬同京蔥包在粉皮中食就最正宗好食啦。水煮魚同酸菜魚中苦惱了一回，最終決定了酸菜魚，食完鴨想開胃點，酸菜份量幾多所以湯底夠酸，而且下了炸過的花椒很香，魚肉嫩滑酸酸辣辣的，忍唔住飲左碗湯。另外原來仲有一個隱藏大佬給了我們很大的驚喜，炸饅頭，火候處理得非常好，外面酥脆，裏面鬆軟，現在想起也想再吃，唯一煉奶給得不夠多，我們再多加了，煉奶炸饅頭簡直人間美味。同場比較特別的還有靈芝菇炒萵筍絲，很嫩口又少少清脆的口感，吃完一口又接一口。上湯杞子津白都好清甜。總括而言呢間中菜係調景嶺係幾高質，姐姐都好好幫我地收碟換碟食甜品，唔怪得咁多人排隊啦。下次介紹埋係DI 讀書既同事黎食先。

本來是想試食北京填鴨先來食點知7點半入座居然都冇得食, 但隔來枱又有喎!咁都算啦！點菜又落錯晒單,叫左麻香雞, 雞完全唔咸肉又梅, 好難食酸菜魚仲不知所謂魚肉超笙, 十分恐怖之後碟椒鹽九肚魚好似比人食左半碟咁得幾件..其他餸菜真係唔想再講, 絕無下次

9月份將軍澳彩明商場開左間‘金公館’，呢間主打川菜食辣，新餐廳晚晚都勁多人排隊，好受歡迎。有日放早同屋企人提早做節，就去左呢間新野試試。全屋企人都想食烤鴨，乾脆就叫左個四人烤鴨套餐。全套套餐有8樣野，青椒黃金皮蛋、椒鹽豆腐粒、青城山杏汁白肺湯、烤北京填鴨（全隻）、麻辣水煮魚、上湯浸時菜、碎米牙菜炒飯、甜品係荔枝桂花糕，另外再單點左盤夫妻肺片。最好食既當然係主菜烤北京填鴨，師傅烤得岩岩好，有水準，一開始佢已經切好晒，可以先夾肉，再放鴨皮在摩摩皮（薄薄地既面粉皮）上面，再加上醬料，蔥絲青瓜，包起再放入口。佢既好處係你鍾意邊樣，可以放多少少，自己調節控制。好味道！麻辣水煮魚，唔算太辣，雖然成盤都紅當當，入口都唔會即刻要飲水甘誇張。魚都好滑，唔會‘鞋’口。我好鍾意佢個白肺湯，完全飲唔到味精，每人一盅燉湯，唔洗再分黎分去甘麻煩。夫妻肺片好入味，比較辣，但呢隻麻辣就係我想要既味道，正！推介！最後食左個桂花糕，算係冷卻番個味蕾，清清甜甜，不過不失。

9月3日致電調景嶺分店訂了9月13日晚上8:15，店員亦有致電回覆確認留位。當晚8時到達餐廳，店員竟說沒有我們的訂位記錄。我向店員顯示通話紀錄證明9月3日有致電貴公司，其後店員表示會安排我們下一個入座。等到8:30還未能入座，然後店員出來說烤北京填鴨已售罄，在場等候的客人也都到無奈。見你地新開，附近冇類似既餐廳。特登揀係度食中秋節飯，竟然有個咁特別既經驗，以後唔會再貪近。各位想食唔洗book位架啦，排隊會穩陣啲

生日諗住同屋企人出去食飯就選擇咗新開嘅京菜？🥳味道都尚可 但態度需改善🤷🏻‍♀️首先因爲新開張有許多人都想試試新菜 由取飛到入去坐低 大概等候了個半鐘 尚算可以理解😊😊但由於許多人取飛後離開 叫號時有些混亂入去坐底後點咗北京填鴨半隻🦆🦆🦆 。酸菜魚🐟🐟🐟。四川擔擔麵🍜🍜🍜。宮保雞丁🐔🐔🐔味道幾嘢味😋。份量中等。三人食都足夠了👌🏻人手有啲不足同其中一個經理態度差之外。值得一嘗😴

門口接代員態度非常惡劣，沒有任何笑容已經一早訂座7點2位，準時到達 告知接代員已訂座2位，態度不是太好說所有訂座都要等等現時繁忙時間，我明白繁忙時間門口也非常多客人等候座位等了大約20分鐘，有枱後都是叫票號入座我再次句接代員查詢，看到booking紙上也沒有我的名字，叫自行拎票話所有入客都叫票睇機才入座，因為細枱後幾張，那何必接受訂枱呢，見銅鑼灣店關了沒機會品嚐，專程來彩明分店最後當然立即走人，門口職員態度惡劣食物再如何吸引也很快沒有生意吧 新開有人排隊，上網看投訴也多了 後悔專程黎

彩明商場最近又新開咗一間食店-金公館，主打京川粵菜，有點心食，又有京川菜食，以後食嘢多一個選擇。裝修都ok呀，D枱都唔算迫，地方都幾乾淨。有兩張落單紙，一張係點心，一張係午市，午市嗰張主要係京川嘢。我第一次食酸辣粉，覺得個味好香，好惹味，餸就少D料，只有少量芽菜、肉碎同花生🥜，食嘅時候要小心，唔覺意好易搶喉🤭蝦餃都唔錯，味道幾好，蝦🦐較為碎小籠包冇咩湯汁，皮算薄，唔乾，D肉都幾好食，個醋有薑粒，好味。腸粉都好足料，有足夠嘅叉燒粒，腸粉皮算滑。棉花鷄都幾好，唔係用豬皮，不過蟹柳粉咗D😛不過要留意吓張單啱唔啱，今次我係搭枱嘅，哩張係初落單紙完全冇問題，但係A枱加單竟然之後加咗落正枱張單度，好彩A枱嘅茶客發現，改咗單後點心冇錯，但係我兩個人，佢收三個茶位，所以埋單記得check單呀⋯⋯職員服務唔錯😊，有禮貌又快手，暫時好過豪X好多😝。