金凱小廚 (已結業)

今次想介紹呢一間雞煲係喺美林邨入面,，朋友推介，係正美林巴士總站隔離，放工喺金鐘直接有巴士去到！雖然朋友話呢度有任食串燒, 但係我朋友又唔食牛同埋我又唔太肚餓關係, 就叫咗最平嘅198餐包每人三串串燒！雞煲有分小辣中辣同大辣，小辣都頗辣，唔食得辣嘅朋友記得嗌唔辣！個雞煲肉質嫩滑又夠曬惹味, 兩個人起計半隻雞, 分量都ok！串燒我哋叫咗芝士蠔,，蒜蓉元貝，豬腩片同牛脊肉！串燒嗰part非常ok，如果胃口大可以upgrade任食！至於火鍋就揀咗醉雞湯底，藥材同酒味都濃，本身菜單都可以添加醉雞肉，牛肉豬肉都各叫咗一碟，質素都比得上出邊嗰啲連鎖店！菜就冇得揀，得雜菜拼盤，新鮮爽口！海鮮推介鯇魚片，蚌片同，墨魚仔！另外鵝腸大推，爽得嚟清晒油膏！飲品就都係大路嘢，汽水啤酒同包裝茶！總體嚟講cp value極高，服務ok，值得一試！P.s. 我星期四夜晚都好多人，七點幾已經full曬，預早去或bk定先好去！

今次收工嚟到大圍接朋友食雞煲加打邊爐！呢一間餐廳位於美林邨入面，晚市都好熱鬧，大部分枱都有人。我同朋友揀咗$198晚市火鍋放題，包括有：即炒麻辣雞煲加自選串燒再加火鍋同飲品任飲。串燒方面揀咗特上燒雞軟骨、安格斯牛粒串、鹽燒海蝦同埋蒜蓉燒扇貝。雞煲方面我覺得辣度適中，唔會太辣但又好惹味，雞肉份量充足，醬料都好多好入味！打邊爐方面我地揀咗花膠雞濃湯，職員會直接換一個新鍋比我地，鍋內有花膠、雞、娃娃菜。火鍋配料方面有大約25款揀，我個人最鍾意就係牛栢葉再加上鵝腸，都係好爽口！肉方面就有安格斯肩胛牛肉、安格斯牛板腱、西班牙黑毛豬同雞件。整體而言，唔使$200就可以食雞煲同任飲任食火鍋真係好平，唯一差少少就係無咩菜類火鍋配料，如果可以加埋多啲菜就剛剛好！

又約沙田友搵食，家住大圍的地膽話要帶我食好野😋屋村冬菇亭收埋好多黃金小店，相信金凱小廚就係其中一間嘞！一個價錢有雞煲又有邊爐任食，中間仲要有串燒，何其滿足😎唔講咁多！先上惹味雞煲，我地揀左小辣，呢度的雞煲好乾身，但雞肉卻鮮嫩又夠入味，辣味適中，好好味令人想一食再食，二人份量亦恰到好處，食到半飽開始打邊爐🍲好多雞煲食完都會直接加湯底就打邊爐，貪佢夠方便又惹味，但咁樣湯底就會變得肥膩，金凱就會直接換過另一煲湯底，邊爐還邊爐🫕，讚👍🏻兩個女人緊係揀花膠湯底啦！估唔到真係有大大塊花膠啊😲 不過味道就略為清淡左打小小啦！唔緊要！加埋D配料剛剛好😋😋安格斯肩胛牛肉都真係冇得輸，食肉獸必點之作，肥瘦均勻，牛味濃郁，好正！另有羊肉，黑豚肉等多個選擇，唔錯！另外必須一讚各款丸類，係手打架！非一般急凍可比，尤其係牛丸，好正好入味，我地order左3轉！講返中間個串燒先，好多唔同選擇，連海鮮都有，我地就揀左扇貝、生蠔，兩款都燒得好惹味，鐘意濃味的朋友必讚～總結：東菇亭係唔會令人失望的！難怪金凱小廚地點唔太就腳都備受好評啦！會再Encore🤗

食評發表左係圖片度，🤣🤣唔識整反落嚟，好食嘅，可以去，都坐得舒服，即叫即燒，真係唔錯，又熱又好味，下次再去試雞煲，不過記得訂枱好啲，唔使等位，約朋友一齊去食啦

朋友介紹這裏的火鍋放題，價錢便宜，款式選擇多，今晚便來到了。雞煲放題每位$198， 包括選擇六款串燒，雞煲和廿多款配料，另外汽水啤酒任飲。 特上牛脊肉、鹽燒海蝦和燒菠蘿，其中與特上牛隻肉的味道最為濃郁，是必點的一道串燒。雞煲配料有洋蔥、芫荽和蒜頭。味道帶點香辣，雞肉已經八成熟，放在煲內滾一會，便可進食。蕃茄薯仔湯底，蕃茄和薯仔的份量十足，湯底的味道比想像之中還要鮮味可口，令人回味無窮。安格斯肩胛牛肉、西班牙黑毛豬、安格斯牛板𨫡，各管肉類都很有肉味，其中以西班牙黑毛豬的肉質最為甜美可口。鴨血、海蝦、響鈴和鵝腸。其中海蝦的肉質爽口彈牙，所以點了很多次，這個非常值得推介。

估不到美林邨熟食亭會有一間咁特別嘅雞煲任食, 朋友今日約我去食198餐, 呢度除咗雞煲之外亦都有串燒. 如果係我哋最平嘅餐就係每人包三種串燒, 我建議揀海鮮類, 因為如果揀肉類陣間打邊爐又食肉呢會好滯. 海鮮類自己嗌咗個焗蠔, 芝士好多又香. 有機會我都想試下個扇貝. 跟住我哋食雞煲, 佢個醬汁惹味而且有少少花椒麻辣嘅感, 雖然兩個人食得半隻雞, 但係如果真係想食多啲店員都話可以加畀我哋, 而且雖然寫明食兩個鐘, 如果客人不多可以一路食到去佢哋收檔. 真係有良心做街坊生意. 喺呢度做推薦佢哋嘅手打肉丸類, 特別彈牙爆汁. 雖然佢哋食物款式不多, 但係食物質素絕對有保證. 我特別鍾意食佢哋嘅蚌片, 有啲似厚身嘅珊瑚蚌, 咁當然冇咁彈牙, 但好啱我口味. 飲品亦都汽水及包裝茶為主. 其實我覺得加多70蚊食佢哋嘅任食串燒仲抵. 下次會再試.

一個套餐包括有雞煲, 打邊爐, 串燒雞煲係微辣口味, 職員話已經八成熟, 兜2分鐘就可以食喇, 有幾條辣椒, 洋蔥, 蒜頭粒, 所以係好惹味, 雞好入味, 而且好鮮嫩, 2人份量都算多串燒每人揀3串: 安格斯牛柳粒, 肉質好林, 燒得好香雞翼, 有小小蜜糖, 椒鹽粉, 燒到皮脆脆地, 好食五花腩, 肉汁豐富, 我覺得呢個係最好食! 直情想再追加~打邊爐湯底有5款可以揀, 我就覺得前面食得太多咸味野, 今次想淡返些少, 所以我揀左花膠湯, 可以滋潤下, 而且花膠有豐富骨膠原, 具養顏功效打邊爐配料有丸類, 肉類, 麵類, 海鮮類, 其實食到呢到都已經6-7成飽, 所以就唔哂QUOTA食丸類喇~ 就試下安格斯牛肉同西班牙黑毛豬, 係好新鮮既肉質, 唔係急凍肉, 肥牛好食, 脂肪比例岩岩好

大圍屋邨雞煲，性價比高一黎當然就係先食雞煲啦！！！ 唔敢太辣，叫小辣！對平時食開譚仔5小辣的我黎講，將夠麻！再挑戰串燒！ 我地叫左最平最抵的198$ 雞煲火鍋餐，所以每人可以揀三款串燒燒波蘿一定係串燒必食，甜！牛舌好大塊，但唔係厚身😛燒雞翼、五花肉、雞軟骨正常芝士扇貝😍食完雞煲、串燒，再黎火鍋！ 我哋揀左沙嗲湯底！好濃厚😍雖然198$ 最平，但選擇都唔少架！！見到啲肉質都知唔會係伏仲有蔬菜盤任點，粟米好甜！飲品都有兩個大雪櫃任飲！！

雞煲份量足 夠哂餓鬼分 味道夠濃 但唔算太辣 啱曬又要惹味又怕辣嘅我哋🙉呢間餐廳做緊嘅火鍋放題 包埋每人兩樣串燒畀你 有差唔多三十款仼你揀 我哋叫咗蒜蓉焗蠔 特上牛脊肉 雞翼 雞腎 仲有估唔到會喺度食到嘅有蒲燒雞泡魚乾! 好有驚喜～🙊🙊雞煲都未食完 話咁快串燒就嚟啦未落湯底打邊爐已經有好滿足嘅感覺呢～～～😋😋😋因為最近喺屋企先食完花膠湯底 (-w-")所以今次諗住一試甜味十足嘅蕃茄薯仔湯底 係無錯 係蕃茄既甜味啊!🍅🍅🍅🍅火鍋配料方面 安格斯肩胛牛肉 真係冇得輸 唔好睇佢薄薄一片但牛味十足 🥩🥩另外要特別講講完佢嘅紫菜丸 我第一次食呢種丸 但一試便愛上 🍢🍡🍢當然佢其他嘅牛丸豬肉丸都好好食啦海鮮方面 我哋都試咗佢嘅蚌同蟹柳 全部都冇雪味架🍤🦪🍥每枱仲送一大盤蔬菜籃 🥦🥬🌽🥕有兩種菜仲有菇類添🥙🥗打邊爐打到咁上下就會好想飲嘢 呢度所有飲品都係任攞任飲 仲包兩款啤酒添🍺無程程星期一走去食雞煲打邊爐 無諗過原來可以咁happy 一定會再嚟幫襯🤤🤤爭啲唔記得講佢一份魚皮多到可以夠一家五口食🙈🙈

天氣開始凍 梗係踩單車嘅季節啦踩完單車個肚超級餓 揀咗一間人氣超旺嘅雞煲竟然仲係放題 超級抵食呀餐廳裏面座無虛席 就知道啲嘢定係好好食啦即刻叫咗個雞煲火鍋放題套餐都係$198添 仲有四隻肉任呀都認真抵食呀首先係雞煲上先雞煲都好惹味添有超多芫荽啊 我呢個芫荽控梗係好開心啦佢雞煲嘅汁都好惹味另外最正嘅係每個人都可以嗌三串串燒所有全消都係熱辣辣咁送上嚟嘅我哋兩個人一共嗌左六樣嘢生蠔竟然都可以叫佢生蠔好新鮮 係嗰啲好大隻好飽滿嘅生蠔 冇任何嘅腥味即刻出去睇吓有啲咩飲先兩大個雪櫃嘅嘢飲 連茶都有好多種 有埋啤酒任飲添 $200有找算係咁 店家都真係落足心思啦食完個雞煲係時候打邊爐啦我哋揀咗沙嗲湯底好多唔同嘅材料揀各類打邊爐既靚料都有我最欣賞都係呢個炸魚皮脆卜卜一咬落去鬆脆可口佢嘅肉類打邊爐都好正 都幾有肉味㗎是得出係新鮮唔差嘅肉今餐真係好正呀以後會再嚟

呢個星期天氣凍咗好多，最啱就係食雞煲放題啦🐓今次就去咗大圍一間有好多正評嘅金凱小廚🤩我同朋友夜晚七點左右到已經好多人，好彩有預先book枱如果唔係都唔知要等幾耐😂我哋叫咗最平嗰個set，$198仲包每人三串串燒😃雞煲食落有少少辣，辣得非常吊癮😋😋😋雞嘅數量都非常多，而且店員仲會喺適當時間過嚟幫手加水避免燒濃🤣食完唔夠喉仲可以俾我哋加雞😋😋食完雞煲之後我哋就轉打邊爐，之前喺旺角一啲鋪頭係用返同一個煲，搞到啲味mix埋一齊好怪🤢好彩呢度係會比過個新煲新湯底😍 認真細心同好服務👍🏻👍🏻👍🏻我地就揀咗沙嗲湯底😇呢個湯底就算我地食咗一輪之後都仲係好濃😍個人就好鐘意呢隻安格斯肩胛牛肉🤩 肥瘦都好平均而且仲好重牛肉味😚😚有好多肉類選擇，就連醉雞都有，出面比較少會食得到😆至於串燒方面就有好多選擇，我個人就最鍾意蒜蓉燒生蠔🦪燒生蠔嘅蒜蓉夠多而且仲好大隻，一定要試吓🥰埋單只係$198加一仲要包曬大路牌子汽水任飲，可惜冇甜品啦呢度扣咗少少分🤧 不過整體都唔錯嘅推薦大家去😜地址：大圍美田路30號美林邨熟食亭1-4號舖

估唔到係大圍呢個屋邨冬菇亭，都有d CP值咁高既雞煲放題！食物方面有驚喜，本身以為咁既價錢唔會太好食， 但雞煲味道真係不錯，有麻辣既感覺又唔會太辣，醬汁再加埋d洋蔥好惹味！佢上檯既時候基本上都熟左，只要加熱幾分鐘就食得，啱哂超級肚餓既我地！本身以為打邊爐係直接用雞煲個底料再加水，點知仲可以揀湯底！真係超值啊！注重美顏養生既我地，當然揀左花膠雞湯，味道清清地都唔錯，用呢個湯底食出幾種肉既鮮味。串燒味道不錯，肉類唔會烤得太老，味道偏甜，鹹淡適中，唔需要自己額外加調料已經好夠味。蘑菇都唔會烤得好乾，食既時候仲有d菇汁，不錯不錯。侍應既服務態度都幾好，佢地上菜既速度好快，由落單到上菜唔洗幾分鐘就有得食，另外即使有好多客要serve，我跌左幾次筷子，叫佢地再比過都仲好有耐性。之後佢地見我地食肉食得飽飽地，仲主動問我地需唔需要菜籃，頗貼心。環境都ok，餐廳內雖然人多，但個場地都寬闊，檯與檯之間距離唔會好貼近，所以唔算嘈雜。而且有個飲品櫃比大家任君選擇，等大家可以解下膩！

198套餐每人可以選3串串燒 牛肉串燒的水準都很不錯 選了個香菇的沒上 最後自己也忘了沒吃上🥲先上的麻辣雞煲，味道很不錯，夠味吃完就選湯底直接變火鍋 有五种可選 我選的花膠雞湯 菜品牛百葉腸仔支竹都几好 鵝腸不太新鮮飲料任喝 品種很多飯點人多 可以稍微早點去

之前有一次入大圍搵朋友就發現呢度好似城市嘅後花園，好寧靜嘅小區。今日專登再過嚟搵朋友食晚餐，決定一齊去試呢個$198食均雞煲、打邊爐加串燒。麻辣雞煲上枱後只須加熱兩三分鐘就食得，雞煲醬汁唔係好辣，辣度適合大眾，如果平時食完大辣嘅朋友仔就可能要出去醬料區自行加醬料啦哈哈!串燒就每人可以揀4款，蒜蓉燒扇貝蒜蓉夠多，扇貝有鮮味。蒜蓉燒生蠔夠大隻，食落有甜味，唔腥，無得彈!食過雞煲串燒後，店員再上火煱，火煱湯底選了養生既花膠雞湯，大大塊花膠配搭滋補既紅棗杞子，十分滋潤。安格斯肩胛牛肉肉質鮮嫩不油膩，鯇魚片都好新鮮~除左肉類仲有好多唔同配菜，各式各樣嘅丸，包括貢肉、紫菜丸同墨魚丸都好彈牙。總括而言呢度食物嘅質素都非常高，$198咁嘅價錢唔洗加一真係物超所值~

金凱小廚真係好抵食，雞煲、串燒、火鍋放題任食2個鐘$198/位, 仲要免收加一每人可以揀3串串燒, 我地要左雞泡魚乾、燒生蠔、扇貝、牛肉片, 呢個有驚喜, 真係即叫即燒, 好香口, 盡對唔會HEA 你, 而且質素比得上出面串燒鋪雞煲上枱，等幾分鐘就可以食得, 香噴噴，雞件整得入味配埋醬汁好惹味, 肉質嫰滑, 可惜冇得自選辣度食完之後可以揀火鍋湯底，見好多人都叫左花膠雞湯一於試試, 估唔到入面都有成五六件花膠，成個湯底奶白色好有膠質肉類方面有3款包括安格斯肩胛牛肉、安格斯牛板腱、黑毛豬，我自己中意食安格斯牛板腱, 油脂多啲, 肉味濃啲其他配料都好新鮮, 例如蝦、鯇魚片、帶子, 完全冇雪/ 腥味飲品有茶、汽水、啤酒, 都幾多選擇menu