金啫の鍋 (已結業)

這間新開的金啫之鍋，座落於油麻地旺地，是我的飯堂之地，又怎會少得了我的光臨，今日來到油麻地，就上來餐廳食。上去見到正有人等位，食好野就是會多人的了，等位也覺值哦，這就是有射自然香了，不過都隻是等了幾分鐘的時間。招牌金啫之鍋連加一$240/位食完雞煲加湯打邊爐，有幾十款配料放於雪櫃，任取任飲任食。餐廳先送上一個雞煲，用爐熱著一邊煮一邊食，份量很多，雞件切得很大件，入味又嫩滑，令我食到停不了囗。再將餐廳送上的蟶子，還有半熟的鮑魚及蝦放到雞煲內一齊煮，令雞及海鮮都更為惹味。當食到差不多的時候，侍應來叫我們去撈蜆，每兩至四人可以雙手撈一次，六人撈兩次，十二人撈三次，如此類推，撈多少餐廳請食多少，每星期更新，撈得最多的可登上摸蜆龍虎榜，頭三名還有豐富獎品，送出機票及旅遊券，嘩，有得食又有得玩，又有機票旅遊券，真是抵食又抵玩，可惜我們撈得不是太多，自然不會上龍虎榜了，但一樣撈得開心，食得開心。待雞煲食得差不多，侍應先將食剩的雞裝起，然後將蜆放到煲內不加水直接煮蜆，蜆直接吸收了剩下的雞湯汁精華，非常鮮甜又惹味。當蜆食到差不多尾聲，侍應用烏冬、肥牛一齊放到煲內不停炒，直到所有材料熟為止，令所有的材料吸

真係冇諗過用咁嘅價錢可以同時有四種美食體驗！！！！！一上到去，點員就話可以用雙手撈起啲蜆，撈到幾多就可以煮幾多！！呢啲時候梗係要派男士出場啦！我老公都真係撈到好多～啲蜆好新鮮呀～！！一坐返低，店員就放低兩隻鮑魚同一碟肥牛，然後就上雞煲，仲幫我哋睇火同攪拌～我哋叫咗小辣，啲雞好肥美，醬汁超好味呀！呢個時候就梗係順便出去睇吓有咩醬同嘢飲拎啦～我超鍾意佢哋預備咗勁多醬！！！好少打邊爐、雞煲店會有得就咁拎芫茜，我呢個蔥茜控即時瘋狂夾～飲品方面實在太多選擇，我都係揀返最鍾意嘅忌廉溝鮮奶啦～食到咁上下，店員仲幫我哋將蜆放入去，頭先雞煲嘅醬汁完全冇浪費到，用嚟整蜆好好食呀！！跟住再幫我哋用返同一個煲整肥牛烏冬，好入味好正～！！食完之後仲可以自己拎材料打邊爐架～但我哋已經超飽！！！！！店員見我哋食唔落，就主動上埋個糖水。係冰糖雪燕嚟架！！好足料好甜好好味呀～咁嘅價錢食到咁～多嘢～會唔會太抵呀？！食物質素仲要咁高，唔怪得知食到一半已經全店坐滿晒人啦！

好耐都冇食雞煲啦！見呢間餐廳係新開，又好似好多嘢食咁，一於就食佢啦！我就覺得重點當然係雞煲啦～醬汁夠惹味而且雞肉又滑！店員又會主動幫手煮，唔會過老啊！個雞煲咁正，食一煲就梗係唔夠啦，所以有叫多一輪！新一輪落左單之後唔使5分鐘就到非常抵讚👍🏻食完雞煲就會落啲海鮮落去，有蝦蟹蟶子蜆同鮑魚！呢度仲有個摸蜆贏機票活動，雖然我就摸得七十幾隻連個排行榜都入唔到～但就勝在玩得幾開心😃咁之後就係打邊爐嘅時間啦，呢度就有三款湯底可以俾你選擇，有麻辣番茄同豬骨！我揀咁豬骨湯！味道唔錯！至於火鍋配料方面，選擇都有好多～同埋係自助形式！慳返唔少落單時間！有更容易控制分量，就唔使食淨野啦！😉而呢度豬肉味道就相當唔錯啦，豬味濃郁而且嫩滑👍🏻仲有鵝腸一啲異味都冇，又有少少油脂好香口！

book咗18：30，準時入座，完全唔使等地方唔算大，我坐卡位（有個2個月大BB, 4個大人）都唔會逼坐低around 3mins就上雞煲，職員有教兩分鐘翻炒一次，要炒四次（其間會有職員不時過嚟跟）食曬雞就落烏冬牛肉…之後落湯落海鮮……會有職員一直教同跟住…食物飲品自取，會主動加湯、執碟好快手…完全唔使叫人食咗一陣職員問玩唔玩撈蜆👇🏻真係幾有趣，雙手攞到幾多，就可以全部拎返埋位…仲有排名榜…有機會贏到機票 👍🏻九成都新鮮冇沙雖然係任食兩小時，但到夠鐘都未派單…我地主動嗌埋單，職員仲叫我地食埋甜品先👇🏻係椰汁雪燕，唔太甜😋之前見到食評話唔夠時間，都有啲擔心，而且帶住👶🏻不過我地食兩round雞，再打邊爐都夠時間，而且職員不時會問“會唔會大煙攻到👶🏻？”會幫我地set個風扇吹開啲…食物refill得好快，雖然拎果個位就啲逼…呢間其實係倫gor…打去book嘅朋友仔都應該會知…所以個雞煲係唔錯，飲品都多選擇，火鍋配料就普普通通…有送個海鮮拼盤，都正常ge👇🏻總括嚟講服務好好，食品正常，價錢都唔貴，地點就腳，地方雖然唔大但唔會太逼，衛生就一般

留意到旺角開了一間新的雞煲🐔網上評價不錯，所以就趁着新張期間有試業價$188任飲任食2小時～就帶家人來吃一餐！這裏吃雞煲有幾部曲，又有摸蜆贏機票活動，花款好多！看得出店家很用心喔～首先說說雞煲，因為同行友人不能吃辣所以就叫了不辣的！但都好惹味😋雞肉嫩滑！全部人都好喜歡😘吃完雞後店員就把活動摸到的蜆，兩隻鮑魚、兩隻蟶子、兩隻蝦和一隻蟹放入鍋加了些酒煮3分鐘！醬汁加入了酒後香味增加了一個層次喔！把海鮮吃完我們就開始打邊爐了，一共有三款湯底可以選擇分別是麻辣，番茄和豬骨！剛剛吃完濃味的雞煲所以就想吃清一點的豬骨湯啊！至於火鍋料就一共有69款可以選擇😃可以說是應有盡有吧！連我最愛的沙律丸都有！日本南瓜好甜喔～特別推薦黑豚肉，肉質鮮嫩得來豬味十足！而甜品就是椰汁燕窩，椰汁好香喔！我喜歡～

同朋友黎開旺角，行街行到肚餓。我朋友話想搵間雞煲火鍋食，我哋冇咩心水餐廳。隨意經過見到譽發廣場有呢間餐廳就入咗去。呢間餐廳叫做金啫之鍋。入到去見到餐廳嘅環境都寬敞，唔似得有啲火鍋店咁坐到好逼。由於有空間感，亦都唔會好嘈吵，所以傾計都可以有私隱。餐牌見到個金啫攻略，一定要介紹下。其實佢係講緊 煮食方法嘅四部曲。首先，第一步係選擇雞煲嘅口味同辣度，當雞煲上菜之後先開火翻炒，每兩分鐘炒一次，大約炒四次，喺八至十分鐘之後就可以食用個雞煲啦。第二步係食海鮮，火鍋店提供幾款海鮮，有蝦蟹、蟶子同鮑魚，可以喺四款海鮮入面揀一款。先炒海鮮，之後炒蜆肉，兩款都炒完之後就加入黃酒蓋焗下佢。焗三分鐘就可以食海鮮。第三步係加入金啫招牌牛肉同埋烏冬入個鍋。裏面加埋醬汁，揀啱自己嘅口味，炒到啲烏冬變得軟身就可以食用，當然可以加埋配料。第四步就係同店員揀鍋底，好似平日咁湯鍋打邊爐。要介紹下佢一個特色嘅地方，就係一個用手摸蜆嘅小遊戲。每四個人就可以派一個人用手摸蜆，摸得幾多就可以食幾多。手大就最著數。好彩我朋友都唔輸蝕，攞咗成兜蜆返嚟，好滿足。同其他餐廳一樣，呢度有個火鍋配料嘅角落，有個價架，寫住唔同配料，都幾user

夏天應該熱大太陽，近日日落雨濕濕，要去去風。食雞煲暖下身吧！雞煲選左唔辣每2分鐘炒一次，炒4次食得。可能我地炒得太差，店員話幫我地，哈哈！Juicy、少件細骨。麻得嚟唔辣，就係我地想要既感覺！非常唔錯！影相upload就有鮑魚蟶子同炸蝦送。全都係預先煮過先，炒下痴下汁食得。炒鮑魚蟶子同炸蝦好野味，特別鮑魚好厚身！蟶子無沙爽口既！自助吧調下d醬，準備火鍋！調完被叫去挑戰撈蜆。蜆47隻，yeah！店員會幫你一邊數一邊睇下有邊d要換新鮮d。我地以為有一碟都幾多，點知最多有人係127隻有機票獎！牛肉必食啦，之後可以再去拎肥牛同豬肉既肉類，點芝麻醬豉油最好味。蕃茄、木耳、冬瓜、金菇同d葉類蔬菜。冬瓜比蘿蔔更吸湯，豬骨湯岩岩好咸度，唔會太咸。魚皮餃都好彈。另外有貪吃類，嘻嘻！芝士腸、午餐肉！依d加讚岐烏冬啦，彈牙又唔會咁易斷。午餐肉切到好厚，呵呵。食埋qq麻吉同娃娃菜後，飲埋椰子糖水，超飽既兩少女再飲多杯汽水甘蔗汁先走。

朋友介紹話呢間新開嘅金啫之鍋嘅食物性價比高，就約左幾個朋友嚟試下，去到先發現原來係倫哥私房菜嘅第二條line，即刻信心大增，雞煲我哋叫咗小辣食落去好夠味，好有鑊氣，D雞本身都幾嫩滑，聞落去仲好香添 👍🏻食完雞煲就上海鮮拼盤 - 蝦、鮑魚、蟹同蟶子，經過店員喺面前啫完一輪之後，D海鮮味出晒黎，嗰個醬汁同黃酒係完全帶出海鮮嘅鮮味，令到我連蟹腳都唔放過呀跟住店員就叫我哋 出去玩摸蜆活動，每二至四位就有一次摸蜆機會，用雙手摸得幾多就有得食幾多，而且仲係一個比賽嚟嘅添，雖然我哋摸左84隻，上唔到龍虎榜，但係 有84隻蜆食都幾好呀，蜆肉啫完後變得好惹味，而且肥美新鮮又無沙，飲啤酒一流~之後店員就啫肥牛烏冬，完全冇諗過食完雞煲同海鮮煲之後仲可以啫烏冬，不過個烏冬都啫得好香，味重而且乾身👍🏻其實食到烏冬我同朋友都已經好飽 而且都冇咩時間打邊爐，所以最後我哋都係放棄咗個邊爐就走啦，不過呢間餐廳主要係啫野食，所以我覺得前嗰三個step會比打邊爐更加重要~如果你又想食雞煲又想打邊爐嘅話，就記得預留時間啦~

我同朋友今日出旺角行街，諗唔到食乜好，大家就發現好耐冇食雞煲，而知道有間新開嘅任食雞煲火鍋在旺角，地點又方便，所以決定試下😋一坐低，侍應就問雞煲想要小辣/大辣，我地就選左小辣，之後就係等雞煲來呢，響呢段等待嘅時間，出面有以自助形式的權裝飲品、調味料及火鍋材料可以自己拎，拎完曬所有想要嘅野，雞煲就上場了。而唔知係咪試業中嘅關係，每枱都送上鮮蝦、鮑魚、聖子，太開心了吧😆雞煲嘅醬汁是麻辣的辣，好鐘意呢種辣呀，而甜度剛好，我食過其他雞煲會偏甜，呢個少甜加小麻辣好好味，雞肉都好嫩滑，配埋芫茜蔥一齊食好香口呀！過左一陣，侍應叫我地搵一個代表去摸蜆，我開頭完全唔明做乜，原來有個活動，用一對手攞到嘅蜆就可以請我地食，同埋響活動日期之內第一名摸得最多就送一張機票😆，第二名$1000 旅遊劵，第三名$500 旅遊券，正所謂有得玩又有得食。最後我朋友就摸到 7x 隻，成績都不錯呀哈哈！又過左一陣，侍應問我地玩唔玩印水紙遊戲，只要跟單張所寫將印水紙印在額頭/面/手，然後upload 上社交網，就有額外食物送俾我地，我貪得意想玩下，所以只印在手背上，就獲得額外2隻蝦了🤣🤣最後輪到火鍋環節了，當食完雞就可叫侍應加

睇網上廣告見到有優惠，$188加一 可以任飲任食雞煲，位置又方便，所以決定去試下！我地兩個人，㨂左夜晚9點半入座時間，一坐低就有兩隻蝦，一隻象拔蚌，同一隻鮑魚。跟住就坐低等雞煲啦叫左個小辣，辣度ok 都幾惹味店員會間唔中過黎整下，熟左佢會幫你開蓋食完雞之後就過去玩用手一下子撈硯撈到幾多就有幾多可以食幾好玩總結黎講食物質素唔錯但人手唔太夠臨尾加湯同埋埋單都用左唔少時間等待但最後埋單有甜品送～椰汁西米露性價比黎講唔錯 推介！！！

原來旺角近住油麻地有幢新嘅商業大廈, 樓下望上去見到幾乎全部都係食店, 喺ig睇到有間雞煲有撈蜆玩添✋🏻🤚🏻, 試業期間All You Can Eat ⏳兩小時⌛️都只係HKD188起, 嗜辣同事+我食飯, 就雞煲吧! >時間尚早, 6點半去到係早場HKD188. 一坐底, server都無怠慢, 即刻過黎take order: 小辣/ 中辣/ 大辣. 根據經驗次次都係越食越辣🔥, 所以我地Go for小辣. >感覺上server們係唔止侍應咁簡單, 有一兩位巡場嘅叔叔似係雞煲嘅廚, 佢地不時過黎幫手炒匀雞件(Perfect係每兩分鐘炒一炒x 4次就食得), Li度嘅鍋比較深, 完全無彈到成台係. 雞肉炒過4次非常入味, 大量花椒辣椒🌶️洋葱蒜頭香氣四溢, 雞肉口感勁嫩滑, 即使越食越麻辣都令人停唔到口, 周不時都會有人睇睇個鍋問要唔要加雞肉(FREE). >差不多食哂啲雞肉時, 有個server叔叔逐枱邀請代表出去玩撈蜆: set好巨型貝殼🐚然後倒入勁多蜆, 我地戴上手套🧤睇下雙手撈到幾多呢???*超*好*玩*! >撈起嘅蜆係送俾我地食嘅, 啱啱好食哂雞肉

自助餐放題食得多 偶爾都想來一點港式化 最近天氣雖熱 不過無損想去打邊爐既心情 最近旺角新開既食店都唔少 收工後相約妹妹去旺角搵食 網遊時搵到呢間金啫の鍋 有雞煲之餘仲可以打邊爐 岩晒中意一煲幾食既朋友仔 唔講唔知 原來佢係倫哥旗下既雞煲火鍋 質素自然有保證 雖然舖唔算大 不過勝在坐位間都算有空間 出入都唔會撞到隔離枱先來啫啫雞煲 上枱後店員會幫你不停翻炒 炒得香噴噴熱哄哄 雞肉炒至微微金黃 香口鮮嫩 食落有好重既花椒八角芫茜香 惹味濃郁 食得咁上下 店員就會幫你整海鮮啫啫煲 將開頭上枱送上既大蝦、鮑魚同蟶子 連帶摸蜆得來既蜆 加上黃酒一併炒 酒味香濃 蜆肉頗新鮮 雖然唔算大隻厚肉不過爽口鮮甜 可是略嫌有些少沙店員早就預備好烏冬同肥牛 食完海鮮 就開始炒肥牛烏冬 n_cc還是第一次食用啫啫雞煲來炒烏冬 肥牛炒得剛好 入口滑嫩 烏冬吸收晒雞煲汁精華 味道鮮濃惹味 不過就是有點難夾 而且都略帶點沙最後就是打邊爐 湯底就有3款可以選 有豬骨、蕃茄同老壇酸菜湯 食過濃味既啫啫煲 就來一煲豬骨湯清淡一下 奶白色既豬骨濃湯 味道香濃 舖內共有60多款材料可供

網友介紹倫哥旗下間新鷄煲非常抵食，果然CP值超高7點前入座，$188兩小時任飲任食享受一：雞煲我哋揀小辣，兩個人，一大煱服務員教，每兩分鐘炒一次，炒四次就可以食，雞肉嫩滑，調味料恰到好處，絕不會搶走雞味之後送上海鮮，今日有聖子、蝦同鮑魚然後就係歡樂時光，撈蜆比賽，每星期的冠軍有機票送，可惜我只撈到50隻，上星期龍虎榜是133隻享受二：牛肉炒烏冬我上Openrice 做定功課，火鍋料是自取的所以我拿了鱔片與椰菜，與雞煲內的烏冬一起炒，此時的雞汁已經融合了雞、鮑魚、蝦、聖子、鱔片同椰菜的精華，讚岐烏冬入口好彈牙，牛肉片雪花好均勻雞汁海鮮烏冬炒牛肉，單是這道菜已經值回票價享受三：打邊爐火鍋料有好多選擇，各式各樣的丸、肉片、蔬菜、菇菌、豆腐、響鈴等等，我哋揀蕃茄湯底，再加粟米、蕃茄、娃娃菜、冰菜，這個番茄湯底非常認真，好濃但又唔係靠味精，一定要留肚食粟米，非常清甜最後仲有一碗椰汁雪燕，好滋潤呀

宵夜時段食雞煲，諗起都覺得開心，今次仲搵到間好食又抵食既，就更加開心。七樓一出𨋢就係，L形落地玻璃，坐位又寬敞乾淨，環境唔錯架。調味料擺放都好講究。有啤酒汽水任飲，最特別係有水果茶，睇下幾靚，每瓶都係$15 ，試得過架。雪櫃放左近七十款新鮮食材，一小份咁用小碟裝好，比起一般自己夾既，更乾淨方便。食雞煲前要睇金啫攻略，如果非繁忙時間，店員會主動幫忙架。雞煲一開蓋就香氣撲鼻，辣味剛剛好，店員會另外準備一碟醬料，可以隨時自己加辣。雞肉鮮嫩，配料又夠，非常惹味。特別招待既海產，按人頭分配架。鮑魚仔爽口彈牙，蟶子好鮮味，最得意係隻蝦，初既仲諗係咪就咁可以食，好彩問下店員，原來都係要煮過先食既，蝦肉又彈又鮮甜，水準唔錯。食食下會有店員帶你去抓蜆，用雙手一抓落碟，抓得多食得多，之後店員會數數，睇下可唔可以打入排名榜架，好彩我都唔係包尾😂真係好創新，好好玩。估唔到d蜆細細隻，但全部都好新鮮，無沙兼開晒口架，非常鮮甜，我同朋友2個人，食晒70隻，正！一路掛住食，原來影得一張邊爐料相，雞子唔係度度有，呢度又大粒又新鮮。食物有水準，店員好細心，又親切有禮，下次會再黎過。

約左成班朋友去新開既金啫の鍋，可以食完雞煲再打邊爐，正！金啫之鍋鄰近油麻地地鐵站，環境企理潔淨，坐得好舒服～ 試業價只需HK$188任飲任食兩小時，食品同飲品種類都好多選擇～ 雞煲揀左唔辣，總共要翻炒四次，店員會不時到來幫手翻炒，服務超好呢～秘製醬汁濃郁又惹味，少少麻既感覺好正～雞件嫩滑，醃得入味！ 食至尾聲店員告知原來有摸蜆活動，每2-4人就可以雙手撈蜆一次。一雙手撈到幾多就可以食幾多～更有摸蜆龍虎榜，頭獎送贈價值HK$2,500機票，二獎及三獎分別送贈HK$1,000及HK$500旅遊券！有得食又有玩，大家都好開心～ 撈蜆前店員會奉上手套，確保衛生。一雙手撈到七十幾隻，好好玩～ 蜆已經洗乾淨，食畢雞煲就可以將蜆加入黃酒炒，充滿酒香，蜆肉鮮甜味美～ 新店開張免費送贈兩隻蝦、鮑魚及蟶子，加入雞煲炒再焗一陣就食得。蝦肉爽口彈牙，鮑魚口感嫩滑有嚼勁，蟶子厚肉鮮甜～ 之後加入清湯轉打邊爐，有豬骨湯、蕃茄湯及酸菜湯三種供選擇，我地揀左蕃茄湯，非常濃郁～打邊爐配料同飲品都係自助形式，可自行到雪櫃自取，包括不同丸類、肉、蔬菜等，期間見師傅不停refill，食材好新鮮！ 最鍾意食冰菜、豆腐同栗米！冰