金坊泰國美食

營業中

休息中

7月中晚上去食，唔想搭枱所以要響出面街企15分鐘焗死咁等終於入到去坐時環境都係好熱好焗冇開冷氣咁，因為用條唔知咩布抹，一坐入去卡位張枱係臭嘅，啲櫈好多上手食完嘅飯粒食物質素一般串燒好乾好硬，咖喱蟹不過不失，炒通菜超級油，叫左個香茅魚還好，正常發揮，另外有個推廣係海鮮桶，但店員落錯左單叫左冬陰功底，下面係堆滿咗公仔麵嘅另一款海鮮桶，其實即係泰式部隊鍋，湯係好飲但加個麵落去發脹晒真係唔開胃，不如唔好加麵仲好影左幾張相之後都唔想再影，因為吸引唔到去影點名年輕電髮男店員落錯單兼態度趕客，記得以前呢個位有間泰國菜，但鋪面唔係咁，食完先知原來轉左手，今次之後可以唔使再去

//04 07 23 晴天🌞20:36 紅磡 民泰街金坊泰國美食數數手指 泰國之旅差唔多完咗成個月🇹🇭(我仲有好多post都未出…)每次望返手機 拍低嘅相同片就會好懷念係當地所發生嘅一切✨✨✨(好難得集合晒；喜怒哀樂☺️😤😞😆）唉，唔知又要等幾耐先可以再飛過去呢✈️？既然個心囉囉攣❤️‍🩹今晚就不如 搵間有得食船麵嘅泰國餐廳 醫住自己嘅相思症先啦🥹~~遊船湯河 (碎豬、豬潤、豬肉丸) (‘轉金邊粉) HKD$68————————————————————————湯底色澤好似泰國嘅船麵湯底望落去非常濃郁 但越食就會有種越鹹嘅感覺中途要溝返少少清水 先至緩和到佢嘅鹹味金邊粉今次太過碎 所以好快就淋晒、變一pat 配料都豐富：豬皮比得都算多 浸完湯之後 入口依然脆卜卜豬肉丸 爽口彈牙 食到有豬嘅香味豬紅 有少少腥 但質感嫩滑豬潤可能我鍾意食泰國嗰種爽滑口感但港式豬潤嘅煮法 始終做唔到食起嚟依然有起渣嘅感覺椰青榚————————————————————————入口好似食緊大菜榚一樣咁Q彈𡁻起嚟會軟軟地 但絕無加膠嘅成份而且𢳂起成舊亦唔會散開 味道帶甜 但又充滿椰青嘅香味——————————————

見佢有做緊set優惠 二人餐有三款食物價錢算平 食物都夠份量炒馬拉盞通菜 炒得都算惹味烤豬頸肉 肉醃得入味同鬆軟 醬汁少少辣 幾好食濕炒河 汁唔算多 味道正常 河粉黏埋一餅餅咁呢個價錢呢個份量同質素 尚算ok

Score 總分: 70講到去黃埔花園食野，唔知大家有沒有好似我咁諗法“好味嘅，不過太貴羅” 或 “唔好味，又貴”......係羅，黃埔花園話晒都係十大藍籌屋苑之一，鋪租都反映晒係食物價錢上啦，平得去邊喎!? 其實，黃埔又有咁好行呢又？但食盡黃埔美食嘅我，一於反其道而行(反咩？有咩好反?痴左線? 還是反胃?(第二次睇之後我嘅諗法))。為左大家嘅胃，我決定括出去，係附近揾間好食嘅泰國菜介紹比大家。冇錯! 冇錯! 香港人最識食，就係這間在黃埔花園外，黃埔地鐵站外嘅泰國菜。平時佢地午餐唔算好貴，60蚊左右啦，而又午午(即中午) 好多人排隊等候入內嘅泰國菜。講堅，性價比一流。味道我比佢70分，同80分嘅泰國菜比，性價比絕對贏晒。總結: 去到黃埔，又唔想食咁貴，又想食泰國菜，選這間冇錯架啦～ 溝女，溝仔都得! 之後可以行下黃埔海濱，吹下海風添 ~ 不論渣車或搭地鐵都好方便。

見店內比較多人，唔想等位，所以外賣海南雞飯回家慢慢食，$68一盒，這個價錢唔包飲品。雞是滑的，件數都唔少，油飯好上色，正常味道。不是個人喜歡的口味，所以試過就算。

一間位於紅磡的平民式泰國菜館，睇落平凡菜館但驚喜滿滿！餐廳設有午餐同下午茶選擇，價格大約 $50-70位置，但質素非常驚喜！飲品同時相當出色！絕對值得大家一試！___泰式燒豬頸肉船河金邊粉   + 泰式甜品  HKD45(high tea)不得不說呢個船河質素極高質，湯底濃郁但一啲都唔油膩，作為喜愛湯麵嘅我絕對欣賞！而燒豬頸肉份量都唔少，調味剛好，同時唔會太油膩，整體出色。下午茶會配送小食，我就選擇咗椰汁糕，椰汁糕椰糖味香，但如果椰汁味再濃啲會更好！海南雞飯 + 例湯  HKD56 (set lunch) 海南雞飯嘅靈魂當然係醬汁，醬汁酸甜剛好，唔會好辣，點海南雞係一流！雞肉份量足，油飯相對平淡，如果油香味濃啲會更好！食完飲返碗例湯，滿足！碎肉生菜包小食  HKD18 (半價加配)呢個大家黎到一定要叫！炒得超好食，雖然佢係小食加配，但都即叫即炒！欣賞！味道香濃，做開胃前菜的確一流！泰式奶茶/ 龍眼冰 + HKD11泰式奶茶茶香味濃，極似泰國飲嘅泰式奶茶，推薦！龍眼冰足料，飲得出陣陣龍眼甜！___評價：❤️ 開心之選👍🏻 值得一試👅平民美食❤️ CP值極高推介指數：❤️❤️❤️❤️（五個心心為滿分）

晚上三個人打完羽毛球🏸️ 來食晚飯🥣 已經晚上9:30pm了。第一次來這間店，找了好幾間店最後選這間是因為其他店位置空間很小，這間位置空間較大 好坐～三人叫了：1. 一條$128燒烏頭魚（星期一至五$88）一整條好大條 大家即時覺得好抵食、 味道好食新鮮👍🏻👍🏻👍🏻🥰🥰2. 燒雞半隻$108 三人一致大讚好味😋不需加調味汁已好好味、好香燒雞味，另外還跟調味汁小小辣汁（香辣野味）👍🏻👍🏻👍🏻👍🏻🥰🥰3. 生蝦$128有9隻，大隻新鮮！👍🏻👍🏻👍🏻👍🏻🥰4.1 Lite啤酒🍻（一大渣）才$40 晚上食飯吹下水或宵夜 岩曬👍🏻👍🏻🥰服務方面：一入來有個女人好好笑容招呼、一直都好好笑容幫我們落單等等、食完仲主動送耶汁糕甜品（有六件）比我們、感覺好親切～👍🏻👍🏻👍🏻👍🏻🥰 環境：位置空間比其他茶餐廳麵店等都較大較好坐👍🏻👍🏻👍🏻👍🏻🥰價錢：帳單總共$441每人平均$147

呢度既食物都好大份 同埋熱辣辣香草辣椒肉碎 好好食夠香 少少辣好開胃 配埋生菜包 好泰式燒雞比想像中好食 外脆內軟 有陣燒烤味 調料入味 有肉汁 半隻雞都好大份 咖喱軟殼蟹配薄餅一流 不過薄餅唔夠脆 下次配白飯好似會更夾 青木瓜魚柳沙律 醬汁酸酸甜甜 好開胃少少辣 魚柳份量都好多 不過醬汁淋上去魚柳冇咁脆 小食拼盤都係新鮮即炸 好夠熱 配埋醬汁都好好食 炸雞翼脆卜卜 整體而言 性價比好高 環境都唔錯，裝修咗幾闊落 上菜速度都好快 嘢飲都正常發揮 係紅磡附近嘅泰菜好選擇

第二次去這餐廳，但今次實在不快，很想投訴。某個仕應態度差，兩次下錯單又不承認，堅持說是我們下錯單，第一，我要的是咖喱軟殼蟹但來了炸軟殼蟹，最後只是把來錯的加上烯烯的咖喱給我們，第二，我們下單是椰青但變了椰汁沙冰，本想要蒜容包點咖喱但又沒有到，催單只是說麪包要焗所以時間長，但吃完仍未到，收抬態度便知道她很不滿，極差，埋單才知道原來蒜容包沒有下單，估計是他們又下錯單，蒜蓉包下了炸軟殼蟹。我們想加單，向某男仕揮手但他視而不倒，吃了一肚氣，不會再去🤬

#金坊泰國美食 係寫字樓工作一段時間，好多時都係同同事一齊食飯，依間金坊係其中一間同事覺得幾唔錯既泰式餐廳。第一次食午餐，海南雞拼豬頸肉飯，$60。海南雞份量唔算多，但味道幾好，尚算皮爽肉嫩，豬頸肉都唔會乾柴，做得唔錯。最好係個醬，有兩款，都幾惹味，撈飯食都幾正👍第二次自己去試另一推介，海鮮炒河，$56。同樣跟熱飲同雞湯，今次個湯唔夠熱而且偏咸，炒河賣相都可以，食落就係另一回事😓河粉厚身但一舊舊，少少偏碎，海鮮包括魷魚，大蝦仁同一粒帶子，但全部味道都偏淡，基本上係冇乜底味，整體比較一般。第三次係下午茶時間，食肥牛船金邊粉，反而有驚喜🤣 湯底夠濃夠熱亦夠味，唔會好咸。金邊粉偏淋，肥牛就一般。下午茶$45，仲跟一份小食同熱飲，都算幾 好。整體會比較欣賞下午茶多於午餐，一來人少會坐得比較舒服，二來依個下午茶餐質素幾好，可以試吓。金坊泰國美食紅磡民泰街43號地下C1舖@foodiehck2022 #港飲港食平靚正 #紅磡 #泰國菜 #午餐 #下午茶

金坊泰國美食（Whampoa)咁啱經過黃埔諗住隨心搵間食下午茶☕️ 見哩間舖頭嘅姐姐係門口好熱心招呼🫡 於是就入去喇 小編都係第一次試咁抵食嘅泰式下午茶🇹🇭⌖ 冬陰功豬頸肉扎肉湯粉 🌶️🐖🍜💰$45一上檯已經聞到超香嘅冬陰功味👃 湯底飲落辣辣地超惹味！感覺就係飲緊原盅冬陰功湯😍😍 配料亦都好豐富 除咗有爽口嘅豬頸肉、大大塊黑椒扎肉、秀珍菇🍄 金邊粉仲要超掛湯💦 重口味人士必嗌😙😙 性價比好高～⌖ 熱好立克💰$0（跟餐價）正常發揮 夠濃郁😛⌖ 椰汁西米糕 🥥💰$8下午茶追加嘅小食 細細件有三個 好重椰香味🥥 西米偏淋身 都幾好食😋😋⌖ 泰式牛肉遊船湯河粉 🐂🍜💰$45湯底牛味濃郁帶甜味🤤 肥牛份量都幾多🤩🤩 河粉完全無煮到散開 面頭仲有啲九層塔同埋香口嘅炸豬皮 夾埋食可以豐富成個口感😚😚⌖ 凍奶茶💰$2（跟餐價）冇特別嗌泰式奶茶 哩款係中規中矩嘅港式奶茶😂⌖ 青咖喱印度薄餅💰$0（跟餐價）青咖喱甜甜地完全唔辣 薄餅得兩塊一定要趁熱食🔥 ☻ 回頭指數：8 / 10

同朋友去開附近，隨心搵食，見門面乾乾淨淨，就入去坐低。菠蘿海鮮炒飯，無乜菠蘿，海鮮量正常豬肉碎包菜，好咸🫣咸到要即飲大杯水炒金邊炒😅無乜味既？咖哩軟殼蟹，正常芒果黑糯米飯，黑糯米煮得岩岩好，但椰奶唔夠濃，似溝多左水？蒜蓉麵條，香脆可口，估唔到最好食係佢🤣印度薄餅，可以不理，叫多份蒜蓉麵好過😅

這泰菜館星期六日也有午餐供應，價錢更和星期一至五相同，可說是有良心。我們點了海南雞拼豬手飯（ $58 ）和冬陰功豬頸肉扎肉河粉（ $52 ），另外追加了午市小食酸辣鳳爪沙律（ $18 ）。午餐奉送飲品，分別點了熱檸檬水和熱檸檬茶。海南雞拼豬手飯：豬手和海南雞合起來份量不少，還有半隻烚蛋和少量芥蘭，米飯也不少，可說是分量十足。豬手味道好，不過就不夠泰式風味。記得在泰國吃的豬手飯，豬手的肉質都非常柔軟，而且醬汁味道濃郁。至於海南雞，雞肉很嫩滑，味道也不錯，當然，吃這價錢的海南雞，便不能要求鮮味十足。這飯配有兩碟醬汁，把豬手和海南雞沾上醬汁，增加了不少泰國風味。冬陰功豬頸肉扎肉河粉：湯頭酸酸的，微辣，辣一點更好。豬頸肉有五六片，味道很好，扎肉有三片，跟平時吃的有點不同，味道一般，河粉不太多，是很粗的那種，有泰國特色。湯頭裏還有小蕃茄和菇，食材豐富。酸辣鳳爪沙律：這追加的小食只收$18 ，份量頗多，簡直超值！味道方面，酸酸的，微辣，也是辣一點更佳。沙律中還有洋蔥、蕃茄和芹菜等，甚是好吃。

紅磡呢條街真係聚集咗好多餐廳 各國嘅佳餚都會喺呢度搵到 今次就嚟咗食呢間泰國餐廳😗 中午一點時分嚟到有好多打工仔啊 餐廳幾乎坐滿餐廳有份餐牌係有啲每日推介嘅特價午餐 大概比你喺主餐牌度叫平兩蚊左右😂豬手拼豬頸肉飯呢度餸嘅份量真係幾足 豬手同豬頸肉都有返咁上下多🤫 豬手肉質幾有咬口 仲有少少軟骨嘅部份 豬頸肉就偏韌 兩樣餸揀我會鍾意食豬手多啲 陳皮係入口即溶㗎😍柏靚咖喱豬軟骨飯呢度嘅咖喱幾重香料味 食到好香嘅香葉味 都有少少辣味 豬軟骨肉質比較乾身 咬落比較鞋😂 坦白講呢個賣相就唔係特別吸引嘅 但係佢嘅味道又唔錯喎 尤其係佢嘅軟骨部份真係燜得好腍好入味熱奶茶 熱檸茶午餐包咗一杯餐飲 味道就正正常常啦值得一提兩個碟頭飯嘅飯量都幾多 如果比較細食嘅朋友 最好就叫少飯 以免浪費食物啦😮 不過餐廳真係好忙碌 所以店員都有少少急進呀😅

兩個人揀咗個$288嘅二人餐 唔洗煩先嚟個冬瓜雞腳湯 出奇地好飲 好夠熱同香再嚟個馬拉盞炒椰菜苗 上面有啲肉碎同乾蒜同蔥 好香好惹味 用嚟送白飯一流再上半隻海南雞 比我想像中好食 香同滑 但得一款醬 酸酸甜甜都唔錯之後嚟半打串燒就比較失望 啲肉好Un 好難咬得開 早知試炭燒豬頸肉最後嚟個炒粉絲 味道一般 個豬肉又係好Un 同諧 佢個餐反而唔係跟金邊粉呢啲大路嘢最後送個甜品 咬落口爽同埋少少甜 無乜椰香 埋單$294 無收加人但收了每人$3水錢🤣