金坊泰國美食

營業中

休息中

環境坐得舒服 有卡位 有大枱坐朋友仔有頂枱 好快可以入座 三個人 叫左五樣野食好飽😂 碟碟 份量都好有誠意咖喱炒蜆 大隻 無砂 有咖哩香味 唔辣 炸蝦餅 保持水準 香口彈牙 無投訴冬陰公 色香味到齊哂 唔死鹹 但湯料較少海鮮炒粉絲 都正 足料 最後仲叫多個蒜蓉包 送埋咖喱汁勁開心仔🥰🥰

金坊泰國美食以獨特的美食吸引食客，是泰國美食愛好者的盛宴。青檸汁燒牛肉，牛肉鮮嫩多汁，搭配酸甜的青檸汁，味道清新提神。牛肉經過醃製後，吸收青檸香氣，增加層次感。燒烤的過程中，牛肉外焦內嫩，口感極佳。泰式青咖哩豬肉菜，豬肉軟嫩，與青咖哩的香氣完美結合。咖哩中的香料如香茅、青檸葉和辣椒，讓整道菜散發出誘人的香氣，口味上帶有微微的辣味。蒜蓉包條外皮酥脆，內餡香濃，蒜蓉的香氣十分撲鼻，搭配青咖哩食用最佳。沙爹串燒半打，包含豬肉、牛肉和雞肉，三種肉類各具特色。沙爹醬汁香濃，略帶花生風味，搭配烤肉的香氣，讓人垂涎欲滴。芒果沙冰色澤鮮艷，口感滑順。椰子沙冰充分利用椰子的天然甜味，口感綿密，清新可口，椰香濃郁。金坊泰國美食 (荃灣)地址：荃灣兆和街38-40號荃灣美食城3樓

之前幫襯過荃灣路德圍同黃埔分店，嗰兩間都唔錯，呢間真係一般🫣一上到去感覺就好舊同唔太衛生咁🥲禮拜日下午嚟到，lunch menu 好多選擇，價錢合理👍⭐️鮮蝦金邊粉等咗25分鐘⋯⋯金邊粉味道OK，食落唔橡筋，份量正常，蝦肉彈牙但係完全冇味，反而啲雞蛋仲好食😅⭐️白灼時菜（芥蘭）等咗35分鐘⋯⋯正常冬天食芥蘭係好好食，但係佢呢碟有啲鞋口，唔太新鮮同好似好重草青味咁唔只我等得耐，我見隔籬周圍檯檯都喺度催單🤦🏻‍♀️應該係因為佢哋接左張好大嘅外賣定到會單，店員話廚房已經慢慢出緊堂食單，但係我希望餐廳可以確定有足夠人手同能力先接呢啲大單，如果唔係只會得失其他堂食嘅客人🫣

金坊泰國美食位於荃灣，店內裝潢簡潔而不失泰國特色，木質桌椅與暖色調燈光營造出溫馨的用餐氛圍。冬陰明爐馬友魚，最開心是帶著爐，對于現在已經開始漸凍的天氣，熱辣辣的食得熱乎乎的，配料有香芹菜、芫荽及檸檬葉……等，增添香味。馬友魚肉質細膩，吸收了冬陰功湯的酸辣，酸辣適度，每一口都是對味蕾的挑戰。泰式青咖喱牛肉，牛肉軟嫩，青咖喱的香氣濃郁，辣中帶甜，令人回味。蒜蓉炒通菜，通菜新鮮，蒜蓉的香味與通菜的清脆相得益彰，簡單卻不失美味。餐廳的服務人員態度友好，上菜速度快，整體用餐體驗令人滿意。金坊泰國美食以其正宗的泰國風味和舒適的用餐環境，爲食客們提供了一次難忘的美食之旅。無論是家庭聚餐還是朋友小聚，這裏都是一個不錯的選擇。

朋友話金坊泰國菜係荃灣最出名既泰國菜，做完野就同朋友過黎試下！佢地有2人套餐，分別係$238同埋$278，食物好豐富，仲唔使收加一！ 我地就叫左$278套餐！ 揀左馬拉盞炒椰菜苗、海南雞半隻、燒豬頸肉同埋鮮蝦炒金邊粉！馬拉盞炒椰菜苗炒得夠惹味！海南雞色水好靚，雞肉又嫩又滑！燒豬頸肉色香味俱全！加埋個蝦炒金邊粉有大大隻蝦仁真係好夠飽！想食生蝦仲可以用優惠加$48加配4隻生蝦，大大隻又鮮味十足！最後仲會奉送泰國糕點做甜品，性價比超高呀！

今日咁岩去開荃灣做野,咁就去路德圍睇下有咩食啦。咁岩幾個同事又想食泰國野,咁我地見到有位就入左去。我叫左個海鮮炒公仔麵,再叫左個凍奶茶,同事就叫左個海鮮炒粉絲。個炒公仔麵都等左幾耐,差唔多15分鐘先黎到,可能因為都幾full啦,等到都有D肚餓。個炒公仔麵黎到第一眼覺得都幾大份,但原來麵係比得唔多,但反而配菜係比得好多,食落感覺係配菜比麵仲多D。個麵炒出黎都幾好食,唔會話太重味,海鮮都唔錯,不過海鮮就唔多啦,有10粒8粒咁啦,都可以接受。另外凍奶茶就不過不失咁啦,無咩特別。而個lunch價$57都合理既,食哂都幾飽,如果下次再經過都會再去,同事話炒粉絲好食,下次會去試下。

又約咗女友人WK噚（18-10-2024 Sat)晚嚟同我食飯，今次我要外賣自取，我哋喺西餐同泰國菜中揀，佢揀咗泰國菜。咁我揀呢間啦，因為近車站，因為WK行路依然唔方便行路，所以我一個嚟到，就喺地下影menu俾佢睇，同佢商量買咩食。影影吓，有人撞到我後入𨋢，而一直坐喺喥嘅女人就走嚟問我影相？我答咗上面原因，亦反問佢係咪唔俾我買？佢就話上上面買。嗰刻我係唔想幫趁，但因為呢喥方便，同唔想再諗食咩嘢，所以都照上去買。我睇menu都睇咗好耐，因為搵唔到WK之前睇中一個食家，喺2021年7月12日嘅食評https://www.openrice.com/zh/hongkong/review/%E6%84%9B%E4%B8%8A%E4%BA%86%E6%B3%B0%E8%8F%9C-%E9%87%91%E5%9D%8A%E6%B3%B0%E5%9C%8B%E7%BE%8E%E9%A3%9F-%E8%8D%83%E7%81%A3-e4083888中嘅香茅蠔仔煲，直至我想行入去，望到𨋢門口一塊黑板menu至見到，但冇寫價錢。咁我照上去問啦，上到去有個正在拎嘢入去，應該係老闆嘅中年男人問我幾多位？我答我

依間員工係咪癡左線，我哋book左10位，有吉枱都唔俾我地，叫我地坐住張6人枱，好啦，就俾左對walkin 嘅客，跟住先話安排將10人枱俾我哋，冇病啊？我哋屋企人每年生日都會嚟慶祝，叫我哋哋等咗成五個字，勸喻大家大班人都唔好嚟呢度食飯。最尾係要逼坐8人枱。

午餐 J2：海南雞併豬頸肉飯（$63）凍檸蜜（+$3）海南雞約有6-7件，沒有骨，雞肉滑及嫩，適量另肥膏；豬頸肉有5片，比較乾身偏嚡，味道一般；油飯夠乾身唔油膩，不錯；兩款醬汁，咸甜、酸辣，都不錯。另外附送一碗例湯。午餐 503：遊船湯金邊粉（$60）凍泰式奶茶（+$11）湯底超濃郁，略帶微甜，唔油膩，好味道（飲咗大半碗湯，之後沒有勁口渴）；金邊粉份量適中，幼身頗滑；配料有碎豬肉、豬潤、豬肉丸、豬紅，味道正常。泰式奶茶偏甜，無咩茶味，唔太識欣賞，不是我杯茶。PS：沒有加一服務費。

老闆及職員有禮貌每個禮拜都有過嚟食晚飯每次都有觀察職員嘅態度無論幾忙，老闆職員到一樣咁有禮貌香港有食肆能夠keep住食物品質及服務態度確實不多。成功是有原因，能夠keep到食物好食，服務態度優良，絕對係成功之道。加油，加油，加油10分推介 值得推介！食物品質有保證老闆好人職員有禮非常好每次老闆都送甜品椰汁糕好好食😋甜品好食好食好食一定要食😋😋😋推介大家試；泰國生蝦炸蝦餅蒜蓉燒生蠔🦪燒魷魚🦑

今晚去金坊泰國菜美食，頭炮叫了三隻蟶子，三隻蠔。生蠔有手掌咁大咖！應該係大陸蠔，味道不過不失，小許腥，不過加了極惹味的酸咸醬汁就無咩事了。主菜我們要了優惠價咖哩軟殼蟹配蒜蓉包，呢個超好味！d汁除了送蒜蓉包還很下飯。我們更加加購了蒜蓉包，正價有6件。原本跟餐只有4件。Total10件，好飽。。。仲有叫了炸魚柳青木瓜沙律，都幾好食。食到咁上下又上了雞煲翅，暖暖的，雞肉挺多，魚翅也很好口感，量多，幾抵食！我飲品叫了椰青同珍多冰。飯後還有免費甜品椰汁大菜糕。

喺香港冇加一嘅店真係少之又少，去埋單嘅時候仲問系唔系打漏咗🤣加上食完之後再送上甜品絕對非常驚喜😍🦀咖喱炒軟殼蟹+蒜蓉包條睇到今期推薦，不能錯過😋餐品上嚟比圖片更吸引，微辣嘅咖喱汁無論搭配脆口嘅軟殼蟹仲定系金黃嘅麵包條，都十分美味☺️另外仲叫咗油飯，加埋一起好好食哦🤣🥘泰式古法煲仔翅（細）非常足料，基本每啖都能食到裡面嘅配料，湯汁濃郁鮮美，話系裝到2-3碗，不過我覺得唔止🤣⚠️煲下面會點火，所以要小心燙到，一直熱著口感真係好正😋就系要記得攪拌一下😝🦐炸蝦餅被油炸至金黃色嘅蝦餅，入口脆彈牙😋🍹椰皇沙冰/芒果沙冰都系用新鮮果肉製成，口感十足😋加上靚靚嘅裝飾，十分泰國風情🌺樓下門口直接安排叫號，上去後直接泰國風情嘅裝修，叫菜嘅時候都會俾一定推薦並且解釋份量👍🏻睇到食完執好碗碟都準備走啦，點知仲有甜品上，實喺驚喜🤩可惜已經食到超飽，下次就醒目啦，個肚留翻d位食甜品😆

小小嘅荃灣竟然有兩間金坊泰國美食， 究竟係咩原因令金坊可以屹立多年而食客不絕呢？答案原來係。。。因為金坊真係好食又抵食！佢有一本正價menu 同一本特價menu, 呢餐除咗炒粉絲同飲品外， 全部都係由特價menu 叫嘅菜式😛😛😛🥳🥳🥳🤩🤩🤩燒蠔 $18 1隻， 燒大頭蝦 $28每一隻蠔都非常飽滿，一問之下原來係用咗乳山蠔， 蠔肉有一隻手掌咁大，而火喉控制準確，滑嫩鮮甜仲飲到鮮味嘅蠔汁，叫咗4隻， 好抵食！大頭蝦肉質嫩滑， 係新鮮嘅蝦嚟，大頭蝦黃澄蝦膏係重點， 鮮香細膩，回味無窮😋😋😋😄😄😄😙😙😙咖哩炒軟殼蟹+蒜蓉包條 $138今晚另一重點，軟殼蟹炸得夠透，香酥脆嫩，而且係足量嘅兩大隻，黃咖哩膽本身香濃潤滑，加上蛋漿及大量洋葱，葱段，唐芹後，口感層次瞬間昇華，蒜蓉包條香脆夠惹味，配合一齊食，令整道菜變得完美，價錢竟然只係$138, 實在係超值🤩🤩🤩😋😋😋😁😁😁明爐烏頭 $98烏頭魚肉實在，香茅，子薑，等泰式香料同底部微酸微辣醬汁令魚肉變得鮮美， 唔洗沾額外準備好嘅泰式酸甜汁，更能食到烏頭魚嘅魚香， 建議先食魚，後食咖哩🥳🥳🥳🥰🥰🥰😜😜😜😜馬拉盞牛肉炒粉絲 $78充滿鑊氣嘅澱粉質之選，

係荃灣食泰國菜，我會首選金坊，晚市平時都好多人，今日特登揀午市去食，看下啲碟頭飯嘅水準得唔得先。先點咗個 青咖哩豬頸肉煎蛋飯再加香茅雞翼 2 隻配埋杯鴨屎香烏龍茶青咖哩椰香味濃，咖哩汁香滑鮮甜，用嚟送飯超正，青咖哩汁內還有香葉，泰式豆角及茄瓜，豆角及茄瓜吸晒濃濃香滑嘅青咖哩汁，惹味好食，豆角爽口，茄瓜清甜，很好的配搭。豬頸肉份量十足，外邊燒得微脆，肉質嫩滑，咬落仲會咇汁，一啲都唔乾又唔韌，好味。香芧雞翼外皮炸得好脆，中間肉質滑溜有汁配埋杯鴨屎香烏龍茶幫助解膩這一餐真不錯

串燒凍，金邊粉有雪藏味。燒烤烏頭比較上係熱，味道好一般。茶餐廳格局。荃灣這麼多美食，呢間分店真係要好好檢討，比較起荃灣另一間地舖，地舖好味好多！起碼每一味餸都是熱辣辣上枱，和有心機整岀來。