金坊泰國美食

營業中

休息中

依家出左晚市套餐$278已經有5款餸菜組合選擇 飲品仲買一送一😍好抵食👍🏼已經食第二次泰式炒通菜🥬係一碟必點既泰菜 炒通菜既顏色鮮綠 味道清新 有微微既蒜香 炒得恰到好處 如果你鍾意清淡又健康既選擇 絕對要試下燒豬頸肉🐽肉質非常嫩滑 外表微焦 香氣四溢 每一啖都感受到肉的鮮甜 搭配特製既醬汁 味道更上一層樓 豬頸肉份量都好足👍🏼海南雞（半隻）🐔雞肉非常嫩 好滑～肉汁豐富 配埋佢地獨家調配既醬油 令整體口感更加立體 雖然相對其他餸黎講 味道較為清淡 但係一個好好既選擇👍🏼菠蘿海鮮炒飯🍍賣相非常誘人 飯粒金黃 裡面有蝦仁同菠蘿粒 每一啖都有菠蘿既清甜 配埋蝦但既鮮味 令人忍唔住想食多幾啖 而且味道層次分明 係鍾意海鮮既朋友必點之一🤗軟殼蟹配蒜蓉包條🦀軟殼蟹炸得外脆內嫩 配埋蒜蓉的香氣 係好夾～包條既酥脆感同蟹肉既鮮嫩形成完美既對比 令整到口感非常豐富～如果你鍾意食咖喱軟殼蟹 都要試下💯雖然係二人餐 但份量比足三人份量咁 食到飽 好滿足🤗金坊泰國美食 (荃灣)荃灣荃興徑13號地舖#中菜#西餐#日本菜#食物打卡#相機食先#食好西系列#好食#好好食#鍾意食#打卡餐廳 #打卡美食#食評#foodi

「金坊泰國美食」，位於荃灣兆和街，開業已經十多年，歷史頗悠久。地下有𨋢直上三樓。入口裝修已經很富有傳統泰國餐廳風味。食物選擇很多，各款泰式沙律、燒烤、小菜、鐵板、炒飯麵等應有盡有。晚市提供有精選二人套餐，非常超值。二人點咗「精選二人套餐B 」($278)-泰式炒通菜-海南雞半隻-燒烏頭-炒鮮蝦金邊粉海南雞肉已經起骨，雞皮爽彈，味道不錯。金邊粉咬口煙韌，十分正宗，充滿泰國風味。炒通菜足料夠惹味。燒烏頭超大條，即叫即燒，肥美咸香肉嫰。$48追加生蝦肉厚震撼價追加《燒蟶子》（大$28大/ 中$18）同《燒生蠔》（$18/隻）加埋泰式醬汁超正。椰皇超好飲，餐廳已起椰肉並打成沙冰。

同貓仔玩完，落去路德圍呢邊睇下有咩食，呢間泰國菜有人等位，仲唔少人叫外擺，實無伏，食呢度啦！叫左個二人餐，$278已經有4樣野馬拉盞炒椰菜苗，椰菜苗有營養，炒得又翠綠，食落新鮮又爽甜，馬拉盞鹹鹹帶微辣，同椰菜苗好夾。燒烏頭，真係成條魚上，燒到好香，揭開魚皮，裡面魚肉岀煙，食落仲有魚汁唔會乾海南雞半隻，無骨雞又白又嫩滑，份量都唔少。菠蘿海鮮炒飯，個飯炒得幾香，配菜仲有腰果、肉鬆，拌起食更香口。青咖喱牛，叫多個咖喱，惹味一下，仲可以拌飯。咖哩稠身、汁香，配料個泰式茄子好爽甜。蒜蓉包，食咖哩點可以冇包點，蒜蓉包好香蒜，又脆口，就咁食都唔差，點咖哩仲正！送甜品椰汁糕

想不到金坊泰國美食這麼價廉物美，抵食又大件，絕對超值！糯米雞翼是這家泰國餐廳必吃的經典之作。這道菜的雞翼外皮香脆，內裡則是細土膩的糯米，讓人每一口都能感受到豐富的口感。雞翼經過香料醃製，肉質鮮嫩，帶有淡淡的香氣。搭配的甜辣醬更是為整體味道增添一層層風味，讓人欲罷不能。香茅蠔仔煲是一道充滿泰國特色的海鮮料理，蠔仔新鮮肥美，肉質彈牙。煲中的香料與香茅的香氣交融，為蠔仔增添獨特的風味。煲底的湯汁濃郁，具有一定的辣味，但不會過於刺激，適合各種口味的食客。咖哩羊腩是一道集香、辣、甜於一體的佳餚，羊腩肉質軟嫩，經過慢火燉煮，入味十足。咖哩的香氣非常誘人，讓人食指大動。這道菜的辣度適中，搭配白飯或蒜蓉包吃用，能夠中和咖哩的濃郁，讓整體口感更加平衡。$88的價格使這道菜成為了實惠的選擇，非常適合喜歡咖哩的人士。燒大蝦是這家餐廳的另一道必點菜品，價格僅需$18/隻，實在是極具吸引力。大蝦新鮮且肉質飽滿，經過炭火燒烤後，外皮微微焦香，內裡保持多汁的口感，每一口都充滿香氣。金坊泰國美食 (荃灣)地址：荃灣荃興徑13號地舖

今日我去咗荃灣一間超出名嘅泰國菜餐廳，真係好開心！我試咗佢哋嘅金坊二人套餐，食得真係好滿足，以下係每道菜式嘅詳細味道：**馬拉盞炒椰菜苗** 呢道菜色澤鮮艷，椰菜苗嘅口感脆口，配上馬拉盞醬，味道辛辣又帶有一絲甜味，真係好開胃，食到最後都忍唔住再舀幾口。**燒豬頸肉** 燒豬頸肉外脆內嫩，肉質肥瘦適中，配上特製醬汁，味道香濃，唔會油膩，食落去一口接一口，根本停唔到！**冬陰功海鮮湯** 呢碗冬陰功海鮮湯真係好正！湯底酸辣開胃，海鮮新鮮得不得了，蝦肉彈牙，魚片嫩滑，仲有香茅同檸檬葉嘅香氣，真係令人回味無窮。**菠蘿海鮮炒飯** 呢個炒飯色香味俱全，米飯粒粒分明，仲有菠蘿嘅甜味，海鮮新鮮，味道均衡，食完之後令人心情愉快。**明爐鱸魚** 最後，明爐鱸魚嘅味道真係好吸引，魚肉鮮嫩，配上酸湯，令整道菜更加出色，簡直係完美嘅收官之作！加飲品仲可以買一送一，真係超值！總括來講，今次嘅用餐體驗好愉快，食物質素高，服務亦好好，下次一定會再來！

位於荃灣的這間泰國餐廳午飯時間吸引了無數食客，尤其是附近的打工仔。餐廳的中午套餐選擇多樣，而且可以儲印花換取免費午餐，十分優惠。柚子沙律上面布滿了青木瓜絲，還有花生、蝦米和洋蔥等配料。沙律的調味酸酸辣辣，清新開胃。蠔仔煎蛋飯蠔仔約有六七隻，每一粒都飽滿而新鮮，口感滑嫩。雖然餐廳提供了額外的醬汁，但其實煎蛋本身的味道已經足夠，不需要額外調味。牛油果奶昔質地滑順，牛油果的味道濃烈。小總結❤️❤️❤️❤️📌牛油果奶昔滑順香濃📌柚子沙律清新開胃📌儲印花換免費午餐優惠

之前好耐同朋友去過荃灣 呢間 #金坊泰國美食我哋三個人都差唔多食咗三年啦嗰陣時個價錢好似同而家都係差唔多我覺得呢間餐廳性價比真係好高，味道又正因為咁多年價錢依然保持質量同埋食品都係咁好我今日就約咗我老婆揀咗個二人套餐套餐就揀咗炒馬拉盞炒粉絲、海南雞半隻、燒豬頸肉、馬拉盞炒椰菜苗再加到特價嘅聖子兩隻份量真係好多聖子大大隻 好新鮮又好味道價錢其實一啲都唔貴給個讚👍👍👍📍金坊泰國美食 (荃灣)荃灣荃興徑13號地下

食宵夜嘅好地方，今次嚟到呢一間泰國餐廳，好耐都冇飲過冬陰功啦，呢個冬陰功呢非常之精彩，酸辣味好出眾，加上啲蘑菇好新鮮，仲有好豐富嘅海鮮喺裏面，用了十足，而且好新鮮，仲有佢嘅沙嗲串燒，非常之好味，佢嘅通菜炒得好好，仲有個炒飯，啱晒一班朋友去宵夜，而且呢價錢親民，街坊生意。交通都非常方便，附近有地鐵站小巴同巴士等等。揸車嘅朋友亦都可以有停車場泊車。服務都非常之好，而且餐廳整潔衛生，我好滿意，所以推薦俾大家。

咖哩大蝦的咖喱已沒蛋花，是普通的咖喱，木瓜柚子沙律啲蝦乾好腥，燒大鱔也沒有以前炭燒的風味。蒜蓉多士條也太淋。總結，大失水準，失望。是換了廚師班底嗎？比起以前排長龍同而家無人食，就知咩事啦！店主自己知唔知架？

呢日同朋友揀左金坊食午餐，以為都有食過覺得味道同質素都唔錯，今次再黎發覺佢裝修完環境仲坐得舒服左。叫左個青咖哩牛同埋海鮮炒粉絲。因為我麻麻地青咖哩所以對於佢既味道就唔係咁中意，但朋友中意食就話好食同埋椰香味幾重；至於個海解炒粉絲就炒得好好食，好香好惹味同埋好吹料。小菜叫左炒通菜同埋泰式鳳爪，炒通菜切得太碎，好難夾而鳳爪就正常發揮。野飲都係必點芒果沙冰，好香芒果味，推介另一杯試左牛油果沙冰，麻麻地。

又係一早出左黎，去到荃灣食早餐！唔想成日食cafe , 今日選擇係路德圍既泰國餐廳食早餐！星期六一早都算多人， 要搭枱早餐方便有港式， 有泰式金邊粉今日揀左港式早餐配蝦餅，蝦餅未夠10:00 就賣晒！味道唔錯，另外個丹麥麵包都好食，荃灣早餐之選👍🏻

晚市黃雨行過想食泰菜,佢間野多款式,一條友入去6點幾冇人排隊,坐門口,本來冇野,個門口阿姐無端端拉埋個冇左電的玻璃門。本身落大雨已經唔熱,佢拉埋左度門,門口冷氣機D風大到我凍到震,我問阿姐可唔可以唔關門,反正D人出出入入,佢話門口燒衣紙,D煙吹入去難聞,ok咁你燒完咪開返 ,我都係打算快食就走人者,我成碟通菜即上已經5分鐘吹到凍左,唔係暖,係凍。個燒衣紙的都燒完,門照關,我忍唔住,仲有餸未上走打包外賣,打算安安樂樂食餐飯未唔得,如果因為食呢餐飯而吹到病左更唔抵。加一服務費,有服務咩？

今晚同朋友去食飯，食物叫左2樣，味道方面就正正常常。起初入去，招呼個阿姐都有D笑容，點知埋單那下黑口黑面。埋單計數那陣，望一望張單，多左項：水（免加一）$6 。成件事太冬陰公，太地獄。真係唔會再幫襯呀！坐底那下完全唔知唔清楚飲水都要俾錢，真係好透明呀！點解唔可以大字寫出嚟，要偷偷地喺張單到收？係唔敢，定係有心？夜麻麻，我都廢事去同佢吵。但係幫襯呢家野，真係唔使指意有下次。那$6我捐贈給助山區小孩子，積下。陰、得

🥘金坊泰囯美食📌荃灣荃興徑13號朋友帶我去吃泰菜，我問有什麼推介，佢話甜品啦，未吃菜先吃甜點？他說稍後啦。🥘海南雞飯（$68）雞比較大隻，黃油雞皮比較厚身，冇骨的雞肉都算滑和爽口，加上他們的秘製醬汁伴以青瓜片及黃飯，抵食。還送上一碗美味雞湯。🥬馬拉盞炒椰菜苗（$88）這個菜有點貴，但係椰菜苗真的好好吃，開邊的椰菜苗吸收馬拉盞和辣椒的香味，好夠鑊氣。🥘咖喱炒大蜆（$98)咖喱汁裏充滿洋蔥、芹菜、咖喱醬、紅黃椒、加上蜆肉的鮮甜，好惹味。叫了一客蒜蓉包條（$38）伴吃，最佳搭檔。最後是甜品環節，原來晚市會送甜品，朋友就是喜歡和期待送上什麼甜品，今日是椰汁糕，味道不錯。

去荃灣路德圍覓食，豆腐花店仍有好多人排隊，先找吃正餐的，見到金坊泰國美食的Menu都幾吸引，種類多而且價錢合理便試一下。菠蘿海鮮炒飯係我食泰菜時必點，因為好惹味，金坊的也不錯，海鮮有鮮魷、大蝦等， 飯粒好爽加埋腰果同肉鬆非常惹味。咖喱炒軟殼蟹+蒜蓉包條包條整條脆脆的，立體長方形四面都香脆，配上咖喱汁一齊吃，咖喱汁中的洋蔥和中國芹菜添香味，軟殼蟹都好大隻，炸得好酥脆。還有免費甜品供應，今日係椰汁紅豆糕共有四件，好香椰汁味。