金坊泰國美食

營業中

休息中

一人下午茶☕️！食返個好味泰式豬頸肉金邊粉～$58/位可以以超抵價追加泰式小食。有芒果絲沙律、串燒、生菜包、西米糕等等…講返個金識粉，量好足夠飽，味道有一定水準，仲有好多通菜、莞茜、蔥、芽菜做配菜！

因為落大雨關係讓我今天有機會在荃灣來個泰式afternoon tea。呢間泰國菜館下午茶時段竟然有happy hour，Singha大支裝特價賣$18一支，坐低即刻叫咗因為又熱又口渴又落雨，跟住就睇吓有乜野下午茶餐嘅小食可以餸吓酒啦，點知佢全部嘅下午茶餐都係一碗或者一碟粉麵飯再加一小份小食，唔係好啱餸酒，結果就叫咗個泰式小食拼盤，入面有蝦餅、魚餅、泰式春卷同埋香蘭葉包雞，盛惠$118。幾樣野入面最好食係個蝦餅，好彈牙，春卷入面好多蘿蔔絲，都炸得夠香脆，佢個魚餅就只屬一般，至於個香蘭葉包雞就麻麻哋，我嫌佢無乜香蘭葉味。突如其來的一餐，不過不失啦。

一直覺得呢度嘅食物質素唔錯☺️而且選擇都好多，食咗幾次都無覺得厭😆但記得要早啲嚟呀！小妹次次去都要排隊😫🐟 燒大蟮 $85外脆內軟，入口啖啖肉🤩配辣椒、青檸同魚露而成嘅醬汁，推介！但價錢偏貴，大家可以衡量下～🥔 椒鹽鮑魚，薯仔配雞軟骨 $85 邪惡感滿滿嘅一碟炸物🐷鮑魚同雞軟骨份量恰當，唔會得薯仔太好食啦唉... 我哋夾下夾下好快清晒😨🥘 蝦醬炒飯 $88 配料有香腸雞蛋同埋肉鬆🍚飯粒粒分明，食落去唔覺得油膩而且蝦醬炒得好香，係泰國嘅味道呀😆🥦 泰式粉絲雜菜煲 $88呢個可以幫助中和油膩感😆菜嘅款式多到數唔晒～而且粉絲吸晒啲菜汁，配飯一流🙈🦀️ 咖喱炒軟殼蟹 $168 軟殼蟹炸到金黃色，香脆惹味😗蟹肉飽滿鮮甜，啖啖肉好正呀啊啊～咖喱配料有青紅椒洋蔥等等，口感豐富！🫓 印度薄餅 $45即叫即整要等大概10至15分鐘用呢個點咖喱汁超！級！正！🤣⭐️ CP值：🐘🐘🐘🐘⭐️ 打卡able：🐘🐘🐘⭐️ 舒適度：🐘🐘🐘⭐️ 再食指數：🐘🐘🐘🐘（5 星為滿分）人均消費：$100-150 其他分店：1️⃣ 將軍澳貿業路8號新都城中心2期2樓2016號舖2️⃣ 荃灣兆和街38-40號荃灣美食城3樓3️⃣ 紅磡民泰街43號地下C

🚦金坊泰國美食（荃灣）🍗馬沙文咖喱燒雞髀飯🍗$548/10【芝士味咖喱】芝士味咖喱，令我聯想起芝士圈啲芝士粉🧀味道幾特別，我自己就好鍾意🥰咖喱夠熱，所以都OK😋未算係最嫩滑，但都不至於鞋👟燒雞髀就中等質素啦🙌🐓青咖喱雞飯🐓$547.5/10【夠多配料】椰汁味重🥥香料味食到一半就會少咗青咖喱獨有嘅青辣椒味偏淡，可以辣少少但作為普通嘅咖喱都唔錯🫢其他配料包括菜同埋雞肉嘅份量都幾多！🐖遊船豬手湯金邊粉🐖$528/10【勁豐富】肉骨茶湯底，有少少中藥feel但唔苦👻豬皮、豬血、豬手，份量足夠金邊粉有煙韌，唔會煮得太淋🍜豬手正常發揮，豬皮唔錯🐷夠晒入味，但肉偏瘦，所以好鞋👟菜都有好多，青菜芽菜紅蘿蔔🥕豬皮做點綴，浸淋之後食有少少似炸魚皮👍🐾泰式酸辣鳳爪🐾+$48.5/10【抵食之選】加$4嚟講都有4、5隻😍好抵酸酸甜甜，醃得好入味！軟骨嘅質地好好👍脆脆地又有肉感🧋泰式奶茶🧋+$87.5/10超甜！嗌咗小甜都好甜，果然係泰式奶茶🫢😂茶味比較淡，但都滿足到我飲泰式奶茶嘅慾望🧡整體8.5/101️⃣CP值高，份量足、小食平！好抵食😍人均$70已經可以叫到成枱都係👍而且好多選擇食😋小食加好少錢已經嗌到好多！

茄子豬肉片， 肉冇醃過冇味。咖哩唔夠咖哩香 ，菠蘿咕嚕肉混和咖哩汁的三餸飯，完全食唔出味道的層次， 雖然價錢36蚊三餸飯，唔係貴，但茄子數埋得三舊，性價比唔高，菠蘿咕嚕肉滑多個肉飯量係夠， 唔需要擔心唔夠飽。經東張西望介紹後，慕名而來，排了30分鐘 才購買到。 加咗十蚊買埋冬陰功湯，好咸，唔好味， 但勝在蔬菜有啲菇喺入面，餐飯可以吸收多啲纖維。真心，浪費時間，名過其實，不會再幫襯。 如果住附近又近，就冇乜所謂。我特登揸車去幫襯，覺得有啲嘥時間，同埋味道唔單止係一般，直頭係唔好食。

出荃灣吃早餐一定係金坊，食咗好多次，水準也保持到，早餐大大份，最緊要係性價比高，早晨有這個水準又係泰國食物，真係抵食。應該最多人客叫M113,我也不例外，係泰式辣湯豬頸肉金邊粉，味道恰道好處，野味，豬頸肉應煎了才放在湯，碗粉仲有好多通菜，舊白蘿蔔又淋又入味。再加上個多士，味道好似法式多士，牛油味香且濃郁，軟滑且微脆。但要數最好味和抵食一定少不了個蝦餅，今日果蝦餅可能剛煎好，還熱的，蝦餅應該冇加其他料，好好味，還有些彈牙。所以這個泰式早餐很多人幫襯，如果想食蝦餅要早，好快賣晒

近日疫情嚴峻，很多食肆都不設堂食，小編中午的時候到外吃飯，終於能夠找到一間有堂食的泰國餐廳。ฉันชอบกินข้าวมันไก่。我二話不說選了一個海南雞飯加配泰式春卷，泰式春卷只是$4。午餐亦配有餐湯，可以選擇冬瓜湯或冬陰功，喜歡吃泰國菜的我當然選了冬陰功。冬陰功來到枱上，內裏有傳統冬陰功有的蕃茄和秀珍菇，十分香口辣味十足，不適合不能吃辣的朋友。海南雞飯油飯香口，飯量十分多，小編失了預算，應該叫少飯，避免浪費食物。海南雞香滑有雞味，肉嫩。醬汁清香一流，是小編最愛的醬味。泰式春卷有2條差不多吧，炸得外脆內軟，好！最後，我選了龍眼冰作為餐飯，甜到略高，我還可以再加水喝，一杯變兩杯。總括而言，性價比高。

【大熱海南雞飯+菠蘿海鮮炒飯🤓驚喜三色冰】在荃灣食泰國嘢的話，可以試下路德圍既金坊泰國美食今次lunch menu食openrice首推top 2既大熱海南雞飯+菠蘿海鮮炒飯，好食wo仲叫左小食同野飲______________________________【食評篇👇👇👇】🤓🤓評分benchmark參考🤓🤓✏10分 - rare heaven😇✏8, 9分 - 屬高分之作✏7分 - 正正常常，同平時食到嘅差唔多 ✏6分 - 有d失望，expect佢會好食d✏5分 - 伏野，零分重作🍛lunch menu既主食價錢$5x啦~送湯同野飲🍛菠蘿海鮮炒飯 (💝8.5/10)- 材料非常豐富，菠蘿、大蝦、雜豆、肉鬆、提子乾、腰果、青瓜和蕃茄，呢點已經贏左其他泰國餐廳- 想特別講下佢加左😽特製醃料臘腸肉😽，少少甜味好滋味，佢比中式臘腸甜，同少油花粒👍，唔會硬易咬(compared with中式臘腸)，加分- 呢兩點我比高分$54海南雞飯 (💝8/10)- 雞肉嫩滑肉質不會鞋，啖啖肉仲要冇骨- 秘製的酸甜醬汁，開胃辣辣地，配金黃雞油飯- 想特別講講雞肉份量，at least唔係少 (話說小編去過西

住係呢頭既朋友如果講起荃灣有咩泰國菜食，大家一定會識金坊我同媽咪都好耐冇食過呢間泰國菜了，所以今日就決定食呢間啦我同媽咪都好鍾意食海南雞，所以就叫左半隻海南雞再加個油飯，再叫個馬拉盞雜菜煲個海南雞雞肉好嫩滑，而且啖啖肉仲要冇骨，都幾正！雜菜煲夠哂惹味，整得好香最後叫多個蒜蓉磚，個包甜甜地，再加上牛油同蒜蓉既香味真係食到停唔到口之後餐廳原來每枱都個奉送甜品，甜品係用椰子水造成既糕點味道都唔錯，真係唔怪得餐廳經常爆滿

身為一個荃灣人在荃灣食泰國嘢真係不二之選就係金舫喇由於太耐冇食過泰國嘢啦所以就一於去返路德圍嗰邊嗰間回味一下餐牌嘅選擇依然係好豐富由於我哋咩都想食嘅關係就揀咗一個小食拼盤同時間呢度嘅蒜蓉包都好好食所以都叫了一份同埋叫咗一份咖哩嚟點包小食拼盤真係好豐富滿足曬我哋所有嘅願望包括有春捲，蝦餅，魚餅同埋荷葉包雞先講講最好食嘅蝦餅外邊咬落非常之脆口內裏就非常之彈牙非常推薦大家試下魚餅就辣辣地非常開胃荷葉包雞唔會太乾香口得黎仍然保持肉汁春捲就依然係好足料基本上四樣小食都好好食蒜蓉包亦都係其中一個嘅主角真係好脆口會令人一塊接住一塊咁樣食再加埋個咖哩汁就非常之正咖哩方面我哋揀一個黃咖哩豬冇諗過咖哩嘅份量有咁多咖哩味相當濃郁豬肉嚟講相當足料飲品方面我哋叫咗個龍眼冰仲有椰青椰青真係飲落好鮮甜價錢都好抵飲所以值得推介

燒魷魚 $98食魷魚好怕食到嗰d橡筋咁咬極都咬唔開😖😖好彩呢個燒魷魚無令我地失望🤪食落新鮮彈牙😁 而且原條上嘅燒魷魚好吸睛😍點埋醬食就更yummy🤩馬拉盞炒通菜 $88見到餐牌上面寫住佢哋嘅通菜係用泰國進口嘅通菜😍所以諗都冇諗就叫咗呢個嚟試吓😜碟炒通菜嘅份量比想像中多好多🥳完全係夠3-4人share 😜馬拉盞夠惹味🤩入口爽脆又帶d鑊氣🥰雜錦拼盤 $118 （蝦餅，魚餅，春卷+香葉包雞）呢個雜錦拼盤絕對係一次過滿足晒對泰式小食嘅願望😜蝦餅魚餅咬落好彈牙😋春卷脆卜卜又唔油膩🥰雞肉完全係入晒香葉嘅香氣😍真係大滿足😋地點: 金坊泰國美食 (荃灣)荃灣荃興徑13號地下

周五晚黎番人氣旺盛嘅荃灣路德圍搵食，由於時間尚早，晚上6點半好多間食店都唔洗等位就入得！呢晚黎到荃灣街坊都唔會無食過嘅老字號泰菜 金坊之前都食過好幾次，價錢唔算平但勝在夠大碟。而家做緊一個超抵推廣價$48 泰式生蝦雖然餐牌寫住訂枱優先，先到先得！但我就甘walk in都話有得order~$48總共有8隻每隻生蝦面均配有生蒜片，食用時連蒜片沾酸辣汁，蝦肉爽甜夠冰凍，超抵食！泰式豬頸肉 $96幾大碟，刀工好好，每片均切成薄片配秘製醬汁，爽彈有油香。泰式香菜葉肉碎生菜包 $92可選豬/牛/雞平時食開豬，今次想特別啲食牛加入大量豆角增加口感，牛肉幾好咬口唔覺乾，調味偏辣～芒果黑白糯米飯 $68食泰菜必點，用左傳統水仙芒，清甜有淡淡花白香，黑糯米煙韌有咬口，白糯米呈淡綠色。加入斑蘭有淡淡椰香～

成日經過依間泰國餐廳門口都排晒長龍，今日終於有機會試吓。🥗泰式粉絲雜菜煲 - $88個粉絲煲份量都幾大，入邊嘅雜菜好多，有芥蘭、椰菜、木耳、紅蘿蔔等等。佢係太識分試，有少少啦，都好惹味。🐟明爐馬友魚 - $178食得多烏頭，試吓馬友。馬友既肉地好滑，加上佢嘅泰式酸味，令個肉更加鮮甜。仲配左一碗酸辣湯，比你自己加湯。🦴燒羊鞍 - $98好少見泰國餐廳有羊鞍食，但佢又整得幾好食喎。一碟有四大件，每件都非常肥美。燒到啱啱好，切開嘅肉有少少粉紅色，亦都容易切開。點埋佢嘅泰式醬汁，令個羊肉升華咗。最後仲送咗桂花糕返俾我哋做甜品。

金坊 荃灣位於荃灣好多年嘅金坊泰國菜，係荃灣數一數二出名嘅泰國餐廳，難得約到好朋友一齊食飯，當然要食下！同時懷念一下以前讀書嘅生活🤣😝叫咗一個魚同埋一個菜明爐烏頭$168呢個一定要叫！嚟到嘅時候仲會附送一碗湯，比你一路煮嘅時候，再一路加上條魚度！魚好新鮮，配埋酸酸嘅汁，好開胃，好好食！！😝馬拉盞炒通菜$88本身以為馬拉盞都會有少少辣，但係唔食辣嘅我食落去居然覺得好惹味！停唔到口！配埋少少嘅肉碎，簡直送飯一流🤤🤤搞到我哋一人都食咗一碗飯🤣🍚🍚最後店員仲每位客人送上甜品，隨機派~有啲西米糕、有啲桂花糕、我哋就係奶茶糕🤣食落去好似飲緊奶茶咁，幾好食，唔會太甜😋

金坊泰國美食已經在路德圍經營多年，之前來過幾次，一直覺得這裡的食物質素不錯，今天晚上和好朋友在荃灣逛街，所以決定到這裏吃晚餐。這裏的食物選擇非常多，看着餐牌，猶豫了好一段時間，最後決定點選「泰式豬手」、「菠蘿海鮮炒飯」和「馬拉盞豬頸肉炒通菜」。「泰式豬手」($88)。作為女孩子，必須要時不時補充膠原蛋白，這道泰式豬手以秘製泰式滷水炮製，豬手肉非常軟稔入味，膠質黏度滿滿！豬手肉的底部還有雞蛋、蔬菜和酸菜作配菜，雞蛋有豐富蛋白質，菜類開胃又有助減低油膩感，營養均衡、不油膩而且非常香，很好下飯的一道菜！「菠蘿海鮮炒飯」($88)。這道菠蘿海鮮炒飯材料非常豐富，有菠蘿、大蝦、雜豆、肉鬆、提子乾、腰果、青瓜和蕃茄等，飯粒軟硬適中、大蝦大隻爽口、菠蘿清爽香甜、肉鬆微鹹帶甜、提子乾甜滋滋、腰果也很香脆，青瓜和蕃茄同樣有助減低油膩感，所有材料混著一口吃，味道多重，也可想而知口感有多麼豐富。「馬拉盞豬頸肉炒通菜」($100)。為了飲食均衡，當然少不了要點選菜類，選了這道馬拉盞豬頸肉炒通菜。豬頸肉軟稔不嚡口，而且肉味香濃，通菜新鮮爽脆，配搭馬拉盞醬汁，整到菜味道更為鹹香惹味，讓人一口接一口！這裏的食物質素