金城茶餐廳

營業中

休息中

今日lunch 去試吓呢間話好好味既肉餅飯點知換黎一肚氣😡我大肚，諗住坐啲闊啲既位點知個4眼阿叔 死都要我坐係圓枱又話啲人陣間黎你都要搭台架啦我明係要搭台 咁點解唔可以俾我坐啲闊啲既位呢？啲態度又衰食物方面 叫左個生煎肉餅飯好硬….啲飯又硬…根本就唔係啲人講到咁好食我覺得好難食….同埋要成$62 真係有啲貴….同場加映我對面有位男士叫左個叉燒炒河碟河粉黎到 位男士話少左啲喎然後啲待應就話一係你食過第二樣啦位男士都覺得服務好差就話唔食走左人啦⋯⋯

以前细個住系大圍都未試過依間金城既肉餅飯 之前有機會經過就決定去試下 個飯叫生煎肉餅飯 開價$62 加飲品$9 加多隻蛋 食落真係吾錯 有口感有層次 仲要外脆內軟 味道配合得十分好 非常推介

讀書時候就住在大圍附近，竟然沒有發現這家肉餅飯！有天去上水，那順道來大圍試試這家。排隊挺長，不過也很快就到我們了，選了一個椒鹽豬排，很好吃，肉質不柴。肉餅飯自不用多說，好吃，外面焦香，裏面多汁。每桌都有菜脯，味道不錯！解膩

今天和家人打算去車公廟拜神然後去到大圍吃個午餐才過去到了金城茶餐廳我們叫了一份肉餅飯椒鹽豬扒飯價錢62元感覺上好像比一般茶餐廳貴一點點但食落也比一般茶餐廳好食今天不用排隊，下次也會再來

被稱為「大圍必食」，就緊係要試下，唔試就冇得_。餐廳細細間，非常懷舊，枱仔細細要坐四人，座位唔多，一入到嚟就問你幾位，安排你坐邊度，冇乜機會一人坐4人卡位啦。此店名物 生煎肉餅飯，開價$62(加熱飲要+$9)，充滿信心，令人好奇，食落就知唔係好多肥膏果種，但唔嚡口，大部份都係豬肉，仲有陳皮、土魷等材料，味道唔單調，油水唔多，真係煎出嚟嘅，外脆內軟，大大塊食得幾滿足嘅。飯有自製甜豉油，味道配合不錯，但只得幾條菜心伴碟，感覺值$50。

我剛讀中學搬來，那時不是食漢年，就係食佢！咁當然佢比漢年就差好遠嘅！不過有時食嘢都會轉下口味！咁咪兩間輪樓轉下啦！而且當年佢都真係ok嘅！不過當我中學畢業之後，應該2000年左右啦就開始服務差，食物一般就再冇食過！！今日行過，見好似裝修過，環境好似好左，都多人左就諗住再試，但冇枱就買外賣啦！買嘢嗰下就已經覺得冇坐低係正確的！態度好到呢！！！！！！！！！！！！！叫咗個肉餅飯！返上樓入屋坐低吃！竟然成盒飯只係微暖！我都係住斜對面啫！有冇凍得咁快呀！！！跟住再食肉餅！乾到呢！正如其他食評所講！懷緬下可以嘅！長食！就………免啦都唔只冇長進！直頭退步！唔會再去！冇錢開飯嘅就可以諗下嘅！！！！！！！！！

以前覺得好好食，但因為佢收7點唔係好多機會可以食到，今日放假特登過嚟食，點知… 感覺真係大不如前🙃又haai 又冇口感… 啲飯又乾又唔熱… 不了希望佢只係今日失準，因為係香港好食嘅肉餅飯真係唔多！

今日的午餐幫襯大圍積福街83號地舖金城茶餐廳，用咗app送餐，爸爸嘅生煎肉餅飯同我嘅香醋豬仔肉飯都好食到飛起，我著名走汁就真的沒有汁，唔似得太興啲飯盒註明要走汁都有汁，仲好多汁添！但係每盒飯嘅份量大到跳舞，啲米嘅質量很好，我哋兩個人只係食咗一個飯盒嘅白飯，每盒$80 ，貴得有道理！因為好好食！啲豬肉好新鮮！肉質又有新鮮豬肉的嚼勁，唔知呢間茶餐廳整個餐牌仲有乜嘢食嘅呢？因為外送餐只係做幾款。

【沙田區】【金城茶餐廳】大圍都算係一個陪伴我成長嘅地方，因為我係喺大圍讀書嘅，呢個地方喺近年嘅變化都頗大，尤其係水上樂園同單車公園變咗大圍車廠同名城等等。以前冇蓋嗰個巴士總站仲經典，試過幾次喺度飲玻璃樽 Jolly Shandy。咁有啲嘢就冇經歲月而消逝嘅，例如今次嚟到嘅呢間金城茶餐廳，以前其實好耐之前食過呢度一次，最記得係佢幅紅色磚牆，同埋嗰個好鬼鹹嘅椒鹽豬扒飯。不過都真係好耐之前，所以我都唔會用呢個經歷嚟做我寫嘢嘅藍本。想寫佢嘅，咪自己嚟食一次囉，自己寫出自己感受，起碼對自己負責。好似坊間一啲招稿平台，一味等人投稿，自己唔使食，然後又幫人轉達感受，都幾慨嘆香港人係咪連發表意見都要搵 agency 咁冇用，講講吓都傷感。我自己嚟到，嗰日仲要落雨，不過為咗寫嘢都冇計。叫咗個下午茶餐，有得「吉烈豬扒配西多士」咁樣配搭又幾好，因為佢呢度出名豬扒，個吉烈豬扒又真係幾好。另外，個西多士係半份，但半份得嚟都有夾花生醬，正呀。個餐加埋餐飲「熱奶茶」先 $40，我覺得價錢算係幾抵呀，畢竟豬扒出名吖嘛。人就話怕出名啫，豬怕咩呢係咪？咁佢呢度仲有另外一樣嘢出名嘅，就係肉餅，但係我呢個狀態之下又點食得落一

話說今朝經過入去吃個早餐，雙蛋沙嗲牛米，凍奶茶奶茶甜到想嘔，仲要埋單41元，我比50元，男人收錢問我有無1蚊我話無，條友找9蚊掟起枱，極差態度，是我錯因為我無1蚊，永遠唔會再去垃圾鋪

🍚金城茶餐廳生煎肉餅飯肉餅大塊雖然唔算厚身～但脆面咬落啖啖肉～配埋豉油連飯簡直大滿足～食得辣最緊要加辣菜蒲～口感同味道大增🤩絕對要試一試(不過都有啲辣)🤣🤣盛惠💰$7x好味指數(7級最佳)▁ ▂ ▃ ▄ ▅ ▆ ▇—————————————————☻非專業食評·純個人口味☻—————————————————📍總結:一定黎再食～椒鹽豬扒飯都好似唔錯架🤡推介大家要黎食👍👍小編都係入大圍為左佢架😜

Hello 大家好👋🏻！又係我A_W_foodie同大家分享一下「今餐食啲乜！」嘅「隨心食評」今日我嚟到位於大圍積福街嘅“金城茶餐廳”，我不時都會專登揸車嚟依間餐廳食嘢，今次同大家分享一下佢哋嘅早餐⋯⋯早餐：沙嗲牛肉米通粉+雙太陽蛋+凍齋啡走甜美食攻略：要這吓唔係度度都有嘅‘’米通粉‘’，同埋一定要加「自家菜脯」（任加），如果中午去就試埋佢嘅“椒鹽豬扒飯炒底”美食指數：5🌝最高味道：🌝🌝🌝🌝🌚環境：🌝🌝🌜🌚🌚服務：🌝🌝🌜🌚🌚賣相：🌝🌝🌜🌚🌚

💛粒粒分明💛茶餐廳各式各樣嘅炒飯仲有一款啱你食😋而且份量好夠 一定會飽😆今日咁岩午餐餐牌出就即post先📸-✨是日午餐推介：➡️生炒牛肉飯淨係睇圖都睇得出好有鑊氣😍每樣配料都切好 每啖口感都好豐富🥰疫情底下繼續外賣自取折‼️而且仲要供應至夜晚八點半🎉仲唔快啲過嚟買？🤩🤩🤩🤩==============================📍：金城茶餐厅大围积福街84号地下

肉餅大家都食得多煎既又食過未？🤔煎肉餅$53可能外賣個盒吳夠放所以半開左🙈一開盒見到吳夠色反開另一邊就太夠色🙈底有豉油(甜豉油黎，應該有煮過)入口前聞到有少少燶左既味不過入口有少少燶左既苦整體ok既不過食完好想飲水結: 老店最大問題 水準既問題可能之前做到好好食又有報導咁但耐左就未必時時都咁好#煎肉餅#金城茶餐廳

大圍好似冇乜選擇，今次就同朋友試下傳統茶記😆😆生煎肉餅飯朋友推介依個煎肉餅飯，肉餅幾好味，夠味且煎得幾香！ 飯就用咗甜豉油，對我嚟講少少偏咸嘅，我下次會叫少色😗而價錢都係正常茶記價位，對鍾意食肉又窮L嘅我嚟講都不錯的西多士我平時西多士切成九件井字咁，有得揀麵包角落 同最中間軟心位， 我兩樣都鍾意，有唔同口感同埋內餡醬嘅分佈；而依間佢係分開兩件炸嘅西多士， 就冇咗中間軟心個件🥹🥲不過味道同新鮮度都搭夠嘅~~如果你鍾意依邊邊位就適合你喇！