金城茶餐廳

營業中

休息中

今次係我第4次黎食金城嘅早餐，每次都係特登為咗呢到嘅菜甫而黎！菜甫好香，辣到岩岩好，撈落去碗米粉到好惹味同愈食愈開胃！完全唔吝嗇咁每枱放一樽滿滿嘅菜甫，放多啲都唔驚！（每次同朋友兩個人食都會食咗大半樽，好誇張嘻嘻）愛吃菜甫嘅人類，你一定要食呢間！仲有得買一樽架！而佢本身嘅早餐其實已經幾好味！好抵食！$35呢個價好合理～PS 個餐飽好鬆軟架！金城係一間舊式嘅餐廳，格局裝修都有舊時嘅味道。呢到時不時有隻貓出現，好奇問老闆先知原來佢叫「鴛鴦」，好多熟客都會撩下佢玩架！

今日同女朋友行過決定試下金城茶餐廳嘅豬排同肉餅飯。老牌茶餐廳格局，幫襯嘅都係街坊。我見到佢個menu寫左豬扒稱王，內餅稱霸，寫都咁大，應該都對自己出品好有信心啦。我就係鐘意呢種串串地嘅風格。我地叫左一個肉餅飯同一個椒鹽豬排飯。佢個肉餅係煎出黎個種，好香口，裏面有加馬蹄所以有少少爽口。第一眼望到咁大舊都有點驚訝。呢種肉餅可以話係港式漢堡扒，絕對比得上鬼佬漢堡。其實佢地都有賣肉餅包，望到隔離枱有叫，份量十足，下午茶可以一試。豬扒方面，佢唔係煎到好乾身好辣個種，反而係有少少甜。好入味又唔會難咬。佢地仲有菜脯，重口味嘅朋友可以加，辣度十足。我叫左杯熱奶茶，老式茶餐廳，有水凖。一個飯五十六，仲要唔跟野飲。野飲唔記得係加九蚊定八蚊。佢對自己出品有信心，收貴少少都有佢理由嘅，食完都好滿意。經過大圍可以試下。完

The restaurant is super crowded during lunchtime, the table is so packed too, such a local restaurant.We ordered fried spicy pork cutlet rice which having large portion and soft pork cutlet, the pork is well cooked and seasoned, so yumm to eat that, the sauce is well mixed with green onion.Fried Pork patty rice is pretty nice too, really good for mixing with rice, it’s yum having pork patty which fried well but a bit too over, the layer turned a bit dark. Still delicious having thisHaving normal

原本冇諗住出街食，D同事係咁話呢間野好好食架，一定要去食，唔食就走寶，咁既然講到咁，一於就去試吓啦，咁究竟係邊間野咁好食呢？就係金城茶餐廳啦，我地去到都已經好多人，得返幾個位，我同事一去到就話可以叫野食啦，佢叫左個肉餅飯，送到黎真係唔講多笑，個肉餅好大件，我同事話好好味，送飯一流。我就唔想食飯，於是叫左個雪菜火鴨絲湯米，D火鴨絲好入味，好正呀。我另外同事叫左個XO香茜牛肉湯米粉，佢話辣辣地，好惹味，好岩佢食。

中午去左大圍一間好出名但好平民嘅茶餐廳食佢地好出名嘅肉餅飯同豬扒飯😋佢地嘅肉飯煎得好脆口，件肉餅好足料，份量一d都唔小，煎左嘅肉餅比起蒸肉餅香口好多，本人比較鍾意食香口野，所以覺得堅正👍🏻👍🏻👍🏻另外又叫左佢地都好出名嘅椒鹽豬扒飯，豬扒整得好入味，佢地整嘅豬肉好出色兩樣都好好味，我見其他客人有加錢改炒飯底，我今次想試左原味先，下次會再去試下炒飯底.鐘意食豬肉嘅朋友呢間係唔錯嘅選擇🤩🤩

大圍人其實食嘢真係不乏選擇，咩菜都有，但要襟食，食唔厭，夠持久就真係唔係間間得。始終廣東人都係鍾意一盅兩件，小菜一兩碟所以金城真係長年客來客往，見佢稍為唔滿座時可能係未到peak hour, 一到peak hour, 大家都坐到密麻麻無他，小菜價錢相應質素算合理，質素幾好，多心機菜揀仲有早茶時段，真係抵佢客似雲來

$56肉餅飯，唔平不包餐飲份量大 ，質素一般幸好不咸，可接受肉餅，始終是阿媽整得最好味茶餐廳內，9成客人叫肉餅或椒鹽豬扒下次有機會才試反而附近有間酒家，1點半排長龍想試

【重口味之選💥】⁣⁣📍 金城茶餐廳 🌟大圍⁣⁣平平無奇既一間茶記 入邊竟然有驚喜🤩⁣⁣______________________________⁣⁣⁣⁣🔶 椒鹽豬扒飯⁣⁣💰56⁣⁣👅8/10⁣⁣醬汁好惹味 辣椒香味🌶️加埋椒鹽鹹香 配上大量蔥花😍 真係超重口味👄 豬扒淋度岩岩好 唔乾 我個人覺得鹹左少少 不過用黎餸飯真係一流🍚🤤⁣⁣______________________________⁣⁣⁣⁣地址: 大圍積福街84號地下⁣⁣😋大家快啲去試下！試完同我分享下你地既食評喇😋#大圍 #大圍美食 #香港美食

工作嘅關係唔需要去到唔同地區，我就最鍾意食四周圍嘅名物，到大圍同事介紹我一間茶餐廳佢嘅煎肉餅飯好正😍重點係佢知我好大食，佢覺得個份量我應該會好鍾意，於是今日放工我就衝左過去食😍其實佢真係一間好懷舊的舊式茶餐廳，不過就係積福街都幾易搵，其實就響華輝手撕雞腸粉前面十個鋪位左右，啲名物都鍾意聚埋在附近。一入去我就叫咗個煎肉餅飯($56),我見係單點都幾貴所以就冇點飲品，5分鐘左右肉餅飯就出現了。同我想像中嘅差唔多都係塊肉餅好大塊，蓋過咗下面嘅飯，而且都算厚身，不過佢最大嘅特色就係生煎。咬落去外皮好脆好香，中間嘅肉非常之軟同埋腍身，腍得來我又覺得有啲似平時食點心嘅牛肉球嘅質感，不過佢轉左用豬肉同埋實身一啲間中有筋，食下食下我覺得浸味有啲似曾相識，我突然間諗到了！係啦！就係一陣鹼水嘅味道！佢啲豬肉應該有落到鹼水，所以先至發到咁腍，鍾意食點心牛肉口感嘅朋友仔應該就幾鍾意，我都可以接受，因生煎肉餅係幾特別嘅，不過就dry左少少，同埋有啲貴，試過就算，我下次應該會比較想嘗試下佢嘅椒鹽豬扒加炒底多啲🤣____________________________店名：：金城茶餐廳 環境🏝：5/10服務💁🏼‍♀️

經常幫襯佢都必叫椒鹽豬扒飯，份量夠大碟，豬扒又淋又入味，配埋蔥、辣椒同埋蒜蓉簡直冇得輸，唔肚餓都變肚餓。 仲有一個叫生煎肉餅飯，外脆內軟，有肉汁，份量有成塊面咁大，睇落好似好飽，因為實在太好食，所以一個人都食得曬。

打工仔每日最煩惱就係lunch食咩好日日食同款又怕悶 轉餐廳又要搵試新野又怕伏又怕貴明日復明日 咁樣都幾攰見沙田真係食lunch食到冇idea同班同事決定轉場轉戰大圍金城茶餐廳外觀看似係間平平無奇既茶記但食物味道同質素真係有驚喜叫左呢到既名物椒鹽豬扒飯同埋煎肉餅飯大家share食兩個飯既下飯程度都係極高首先 椒鹽豬扒飯個醬汁好好味入口有辣椒辣味又帶出椒鹽的鹹香鹹鹹辣辣 香口惹味豬肉軟臨臨加上有大量蔥花伴碟好味好味到個煎肉餅飯份量十足既肉餅煎到金黄微焦豬肉香口但唔膩 有咬囗 好好味鐘意食辣可以加辣菜甫一齊食 (金城入面每張枱上都有一盅免費既辣菜甫等你送飯)呢到既飯 份量都好大下 味道唔錯可以話係大圍既高級碟頭飯好開心終於揾到一個新既lunch好去處

下午茶時間同老公嚟搵食，店內環境係舊式茶餐廳，唔係懷舊嗰款，係真係舊。店內座位非常窄，好彩我地下午茶時間唔多人，唔係逼死。聽聞佢地嘅肉餅飯好食，但見到嗰大嚿肉餅已經有點濟，細食嘅女生未必啱，老公就叫咗嚟試吓，佢話不錯啦。下午茶我淨係想食啲簡單啲，嘩！常餐索價$41，但我真係想食湯麵所以叫咗，結果味道非常普通😑同一般茶餐廳無分別，份量都唔係特別大。我就覺得又貴又唔係特別好食啦。仲有杯凍檸茶好細杯，佢用一般茶餐廳膠水杯裝，兩啖就飲曬，有點唔抵。

區內有名的茶餐廳👻 香港首間以生煎肉餅飯出名的🤣店內客人長期爆滿❤️午飯時間更要等位🐷生煎肉餅飯HKD$56一面煎得香口又帶脆😆調味比較淡 但加一些辣菜脯拌著吃味道即時昇華🤤🐷椒鹽豬扒飯HKD$56重口味至愛 豬扒唔會過分油👍🏻肉質嫩滑 蔥花與醬汁搭配不會過咸 微甜又帶點微辣👻雖然不便宜 但絕對是人生中最好吃的椒鹽豬扒飯❤️❤️難怪大部分客人都吃它

之前已經聽人講過呢度既肉餅飯 所以小編們今次黎到 都係衝著肉餅飯而來😆😆{生煎肉餅飯 $56 🍛}一上檯 嘩！塊肉餅大塊到呢‼️‼️ 個size差唔多仲大過啲飯既面積呢😝肉餅煎得香口而不油膩 仲有少少脆身添😻 入面肉質比較實淨有咬口 但唔會有筋 同埋因為肥肉比例應該都唔少 所以入面都幾juicy的😚 味道仲充滿果皮香！撈埋豉油同飯一齊食 真係好正😋😋 如果食得辣既 記住記住一定要加埋呢度自家製既辣菜脯 食落更開胃更惹味！😻不過份量真係好多 如果兩個女仔食 叫一份share都一定夠！否則會比較飽滯😛 見到椒鹽豬扒飯都有好多人嗌 下次黎試賣先😚

朋友介紹黎呢到食個tea 原本都無乜期望點知係大圍入面都叫做搵到驚喜我個人好推介呢個藥膳雞腳！好入味 食得出真材實料而且份量都夠！真係必食點心我就覺得差啲啦菜苗餃入面個料太少 皮又過厚 唔好食之後仲叫左左冬瓜海鮮湯飯又幾好食 料好多 絕對無話飯多過送嘅問題 算叫抵食 又大碗