金太郎 (已結業)

d三文魚好似有層膠水係面咁...吾新鮮....叫左2碟(6舊)食左第一舊已經吾想再食....d飯有陣吾識形容o既怪味....同埋環境污蹧左d...

平係好平,帶子壽司同海膽壽司都只係$12,但係根本唔抵,一舊得一小片帶子同一粒仔帶子,真係無奈,果小片帶子仲要又霉又腥,12蚊食垃圾...果一小片都冇平時正常果D既一半,所以真係非常唔抵,真係好難食,我以後都唔會再去呀...!!!

我在附近返工晚晚10幾去食食到11幾我多數食八爪魚北寄貝手卷刺身等等埋單100到又唔系好飽肚消夜一流又平值得一試

見大家都冇相, 整返張上先~ ^^其實佢咁多間都食勻, 初頭覺得萬間最抵食, boz 三文魚刺身係最新鮮同最大件。不迥有時貪就腳, 邊間近就食邊間; 前日去通菜街呢間, 本身都知道呢度三文魚好細舊, 不過算啦~禮拜五5-7 仲有特價, $10 三件刺身, 仲想點。今次冇乜食壽司, 見圖。今次三文魚好新鮮, 好厚。個人從來唔好其他大型連鎖壽司店, 事關覺得唔抵食。最鍾意佢三文魚沙津壽司& 芥辣蟹籽壽司, 好好食!以前食滿$120 就送隻刺身船! 不過e + 只係送隻壽司船lu~經理好好人好有禮貌!不過同以前比, 水準確實又係差。就以日式茄子為例, 以前佢唔係炸, e + 炸5 係咁好食。

有次行過，見佢好似好平咁，就入去試試，真係一試難忘，簡直同垃圾一樣，你見倒輸送帶上面d垃圾轉黎轉去，真係無辦法可以揀得落手，唯有叫左碗所謂嘰拉麵，真係未食過咁差嘰拉麵，早知返屋企食碗出前一丁無咁滾。

今日下午同朋友去左金太郎,因為聽講幾抵.食下午茶套餐\,我食豬小排拉麵+和風蝦卷都只係$18,真係幾平.朋友食雞扒拉麵+特飲.(都係$18)豬小排味道好似日式叉燒,再食三文魚壽司,飯比較散,三文魚不過不失.店員服務好好,有禮貌.雖然店輔比較細,但環境唔錯.以價錢黎講,算唔錯~

完全唔知點解會排晒隊，唔係女友想食真係唔去。但係D野真係唔食得，走個時經過佢隔離條巷仔，見到個廚房好污蹧，地下濕淋淋，D肉就咁放係筲箕擺0係地下解凍，隔離就係垃圾桶。得個平字，不過都無下次喇。

香港人果然鐘意食日本野金太郎都咁多笑面??平係夠平lor , 但真係好難食諗住叫個拉面會唔會好d la仲衰, 林到爆冇下次la

同好姊妹黎金太郎開餐,因為我地都勁鍾意食三文魚,10 點宵夜時段拉麵.小吃仲平一半添~~~ 我地叫左幾款sushi.同燒三文魚骨.魷魚鬚... 都已經夠食啦我地係member. 仲有9折tim!

星期五朋友介紹下去食lunch，食迴轉壽司食夠五碟後，每碟只需$5，即是一舊壽司只需$2.5，雖然壽司的質素麻麻，好容易用筷子夾散，但係響返工的日子，中午趕頭趕命的時間，$2.5一舊壽司，可以坐定定食野，仲想點？

味道真的一般，但有d一碟有3舊，好抵。如果冇要求，都唔錯。

(9/12/06)今次我要坐迴轉臺,但竟然無拎過迴轉帶既野。食左個"set":牛肉烏冬+三文魚壽司三件。烏冬出奇地好味!因為預期質感會好粉/好實趯趯的,點知是中上質素!加埋好香胡楜味的白湯,正正正!不過那些肥牛,"鞋"口既。三文魚壽司,壽司飯亦酸度適中,新鮮~白豚肉刺身,比上次大片,可惜咬落急凍水份頗多。燒三文魚骨,好香,算多肉,但油得緊要。今次再來,感覺越來越鍾意啊,想申請埋開心咭添呀!

(11/11/06)男友帶我來,lunch好抵食,加幾蚊可以揀多幾款野,可惜只限一至四&日。入到去幾乾淨,感覺仲好過元氣添呀!食左墨魚菠菜拉麵,菠菜拉麵好好味,男友話仲好過黃色o個隻拉麵,墨魚丸竟然唔係日式墨魚丸,而係雲吞麵店的墨丸!炸過,仲唔好食,本身粒墨丸都唔好食,好粉。不過湯底唔錯,濃得黎唔確喉。我鍾意白玉豚sashimi,新鮮/鮮甜度算係咁喇!男友第一次食,都話幾好。炸鰻魚沙律角,即炸飯團包住鰻魚,那小小的鰻魚,仲要用紫菜包住,掩飾佢既細小,唉...不過整體都好好味,好香。酒炒牛肉粒,輕微酒味,牛肉不太特出。

我試過一次係夜晚十一點幾去.....<br /><br />叫左碗唔係好記得係乜既拉麵<br />佢\犯左一個好嚴重既錯誤: 就係湯唔熱<br />味道一般, 不過佢\拉麵都係十幾蚊一碗, 都算係咁架啦<br /><br />同場加映壽司一碟<br />質素認真麻麻....一夾上去舊飯已經一分為二了......<br />唔通佢\地係預左我用手\"那\" 黎食?

同朋友食飯，介紹去金太郎，其實之前食過，不過朋友叫道。冇計...10 多元的湯麵，沒有太大驚喜，足料就算了。麵質不好，可能將貨就價吧。鋪面很細，坐得很不舒服。食完不久便走人。