金太郎 (已結業)

30 號晚睇完kelly去左旺角搵消夜食,最後都係揀左金太郎,之前都食過好多次,都唔太差,但今次去食,真係勁唔掂!!!!!個晚叫左兩個牛肉烏冬,牛肉無味,麵'士'湯無咩味,豬骨湯底都ok.....三文魚同赤貝刺身,三文魚唔夠以前食既厚身,赤貝都幾好,都有鮮味....三文魚子壽司:勁差,味度同口感都好怪,唔知係唔新鮮or係傳聞中既假魚子.....以前食都無試過咁古怪咁難食....海膽壽司:唔太新鮮,仲無左片蔥..帶子壽司:塊帶子勁薄....較ok既壽司:蟹子沙律壽司,甘蝦壽司,北寄貝壽司d壽司飯大多在點豉油時都散開....唔知係因為差唔多收工而差左定已一直差緊???

果次我同我家姐返完教會去食...（基本上我地每次返完教會都會去...同埋我地兩姐妹都好鐘意食壽司架!!）d野岩岩黎到...我地食左唔係好耐...我就見到有隻大過一隻手既老鼠係張bar度行喎....之後我就大嗌~~其實我未嗌之前已經見到果度既經理知道有隻老鼠係度啦...但係佢無意識去捉喎!!!到我地就要走果陣佢就同我地講話隻老鼠已經走左去後門...仲話冇事...當然佢想我地繼續留係度食當然咁樣講啦...但係我點知係咪真係走左架?所以我同我家姐都話要走...最後我家姐問佢d野點計...佢就話唔收我地錢....本來呢間野都冇咩野既...d 野都ok可以...唔太差咁...但係自從果次之後我地都唔會再走果間度食喇!!但係並冇減低我地食壽司既興趣bor...哈哈~~~^.^

果日去食下午荼,叫碗拉麵都唔使$20.味道算過得去,但咁價錢又算係幾抵.呢間金太郎係比較多人,下午荼時段都差不多坐滿,不過好細好迫!

同朋友兩點幾先食晏,本黎想等食tea,不過行過俾樓下姐姐仔叫住話抵食,見金太郎既tea要三點先開始,但唔駛等tea都覺得依到食lunch好抵,所有壽司同前菜都係$10,仲有三款特價湯麵($10),所以就上左去試試因為已經係兩點幾,人好少,迴轉帶上既壽司仲少,因為唔知d壽司擺左幾耐,所以都係落單order穩陣d$10既壽司當然唔可以話好好食,好新鮮,不過三文魚同鰻魚壽司都算抵食中既抵食,$10一碟有三舊,雖然d三文魚比較薄,仲有d鰻魚汁味道有點兒怪另外仲叫左個九州辣拉麵,料既款多,但量少,味道過得去,因為只係$10,覺得係咁上下兩個人食左$63, 真係好抵食,而味道相對地都ok既,因為樣樣都係$10,想好食就真係比較難既

平~就真係好平!!係優惠時段$10就已經可以食到一客拉麵, 不過拉抵麵就真係唔多好食..., 其他食物水平只可以叫做"一般", 談不上係"好"!! 坐位方面太細~太小空間了..., 像我這種有番噤上下高大的男人黎會好迫!!

呢間黎過幾次...我覺得好抵味道都ok....咁實係唔夠元氣好食家啦........有d款既壽司都做得幾好食.果次經過尖咀果間見到下午茶拉面$12........都ok有會員卡重有好多discount....例如壽司75折

成日去尖沙咀0個間食tea,真係好抵食囉,佢地一大碗牛肉飯,十二蚊咋,叫多杯唔知咩特飲,都係加多五蚊,仲要係D質素有返咁上下喎,上次我個friend叫左個咖哩朱扒飯,好好食呀,好大份,仲要係分開上,之後仲叫左個三文魚同凍豆腐,每樣十蚊,都好抵,哈哈,最0岩我呢D月尾就要扼緊'fu'頭0既人,哈哈

我見過D廚房佬用切魚生的刀去開紙皮箱座位又迫,三文魚經常有黑炭屎

又開左間新店喇....

十分難得$10碟壽司水准都幾好.....三文魚魚子壽司,勁多魚子,味度好好.....而海膽壽司,雖然得好小海膽,但以$10來講已很不錯了,有一小舊海膽加一小段大蔥,都很鮮味,很甜.........而燒冬菇同金菇牛肉卷就不太好食.....但地方真的很窄.......

見到呢間所謂既日本料理都咁多人讚,實在令我震驚..首先壽司硬掘掘就例牌啦,定食油淋淋(不過佢平..),$10 既刺身,本人試過叫吞拿魚同三文魚..吞拿魚上碟時己經呈現瘀黑色,其新鮮度可想而知..三文魚色澤同平日食開既差不多,當時以為冇問題,後來睇蔡瀾既書先知道三文魚新鮮與否色澤上都差不多..其後認識一位同事,原來佢以前0係金太郎做廚房,我問佢有冇偷食,佢話請都唔食,因為佢話廚房既衛生程度係十分恐佈,d 生菜之類洗都唔洗.,最離譜係飯煲就放0係一條不停漏水既沆渠隔離..聽完佢既一席話,小弟決定以後唔幫襯~

上星期同班friend去食, 個鹽燒三文魚頭$28 有成半個咁多! Yummy!! d刺生都ok, 但上桌時仲有小小硬, 好似未完全解凍, 等一陣食會好d. 最差係d拉麵, 好似浸左好耐咁..但好抵食!

我差唔多個個星期都去金太朗食野~佢d野食又新鮮~又便~岩曬依家d香港人!最值得一讚既係waiter/waitress既太度~good^_^

之前聽朋友講金太郎十蚊碟壽司, 已經好想去食。星期日下午去, 唔駛等位, 但係發現無壽司迴轉喎, 全部係ORDER。依家做緊PROMOTION, 十五蚊一份三件O既三文魚刺身,正價要68蚊先有8件O架!仲有幾類刺身都係15蚊三件。正!壽司依然十蚊兩件大大件。D套?又幾抵喎, 有飯有麵揀, 通常一個飯/麵配三件壽司/刺身。三十五至四十五蚊, OK啦。我試O左雞扒麵, 都OK丫, 湯底幾好味。試過金菇牛肉卷, 麻麻O地, 但係好大件, 算抵食。環境係逼少少, 好處係開放廚房可以響廚師手中直接送食物去你面前, 感覺好似好重視你咁。不過因為對正廚房, 所以一路食一路望住D污糟碗碟囉…值得一提係金太郎依家學味千拉麵咁出張開心咭喎~20年費, 佢列O左十種唔同O既優惠, 有九折/八折(唔同時段唔同折), 送O野食, 或者某種食品半價等, 每次去都可以用其中一樣優惠。幾得意丫, 可以多D選擇, 想點優惠可以自己揀, 揀到最O岩自己, 好過硬性規定丫。

Don't go there to eat.<br>The noodles are not well cooked. They are still stick together.<br>The food is bad.<br>The chicken is very "hard".<br>The salad does not have any taste.<br>Please don't believe the advertisement. it is not cheap. You will feel cheated after going there.<br>It is very crowded. Definitely not worth to go.