金拇指米線 (福至工業大廈)

營業中

休息中

係附近返工，附近選擇都頗多，平時好少嚟呢間食。最近見到呢間食堂貼咗張新嘅成都小巷兩餸飯嘅菜單，就入咗嚟𥄫吓。望完之後對佢嘅兩餸飯無乜興趣，而呢間食堂下午茶餐就嗌得，最後叫咗個下午茶餐炒貴刁食。呢間食堂以快餐模式，係門口買飛，張飛有號碼，正想坐低之際，收銀個呀姐大聲嗌過嚟話要比飛㕑房。咁無問題就比咗飛㕑房，坐底要留意嗌號碼，雖然四圍都有mon但只有㕑房門口個mon有開，顯示可以拎餐嘅號碼。可能因為係炒嘢，等咗差唔多10分鐘，後面嘅號碼都嗌咗好幾個先出到個炒貴刁。見到個貴刁嗰陣都覺得有少少問題，比平常見到嘅深色，一食落去勁咸。以後都唔會再嚟。

晏晝諗住食碗米線，食到最後見到黑色一隻嘢，望真啲竟然係曱甴😨😨😨😨😨重要食到最後先見到，已經唔知都唔敢諗啱啱有冇唔小心食咗啲手手腳腳🥲🥲🥲同店員講碗麵有曱甴，店員有講唔好意思，亦都即時退錢，話會再跟進返有關情況，都幾有禮貌嘅，希望真係會改善下衛生問題🤢真係冇諗過食個午餐都會咁黑仔，雖然不嬲都知道所有餐廳廚房唔會話太乾淨，不過冇諗過可以咁好彩食到碗曱甴麵…永久black list 呢間野

已經早成個鐘叫外賣，佢都可以遲一個鐘黎..仲要服務員猛話出緊出緊，完全無諗過處理，猛話吹左就算..不知所謂，不會再叫這間垃圾餐廳。如果我自己遲叫就話姐，之前已經試過諗住再比多次機會點知仲係咁，都唔係留客，趕客的。

金拇指餐廳｜荔枝角依間係我平時返工必定既飯堂之一太就腳 行幾步就到公司餐廳內 勝在地方夠大 夠多台唔會話好迫野食方面有超多選擇 有點心 蒸飯 中式飯 燒味 酸辣米線🍜🍜🍜今日食左佢既招牌酸辣米線 腩肉 加 雞肉😋😋😋大大碗酸辣米線 連凍飲都係49$ 酸辣米線最緊要係咩？係花生🥜😋😋😋佢d腩肉同雞肉 次次都多到完全係食唔哂超抵食不過佢除左酸辣米線其他中式飯都唔差好似酸辣雞扒菜飯 梅子蒸排骨飯而家仲要有優惠 食十餐可以之後換一餐免費🤣

店名有米線，以為米線做得好，結果就係中伏。湯底好奇怪有花生醬味道，酸辣小辣一d都唔辣。豬潤煮到硬曬。未食過咁難食既米線，叫凍飲仲要比熱飲我。。。。點解佢可以生存咁耐。。

本身叫左個米線，最後黎左個湯飯。事關呢間餐廳經常送錯餐，次次等佢送番岩既黎都完lunch hour，所以就打算自己拎番張單去餐廳拎外賣。點知個外賣員態度差，仲話我落單時應該係電話同人confirm食咩！我睇番張單係打岩既，同佢講confirm都冇用，係廚房出錯單姐。佢竟然同我說教！話教左我點做唔聽就算！！😡😡去到餐廳已經趕時間，同埋本身已經落左單，我就冇刻意排隊，喺側邊叫個收銀幫我整番個餐就算。點知佢仲叫我排隊處理！🤬🤬🤬🤬🤬🤬🤬🤬話有好多客等佢落單！有冇搞錯！！！你地送錯單，我已經落黎自取，仲要排隊先處理我既訴求！好過分！！！我最尾都有排隊處理，不過咁既服務態度，我以後都唔會幫襯你地！😡😡😡😡😡

想食個豐富d既早餐又唔想落街買於是就叫金拇指既外賣早餐🍽自選早餐 $34炒蛋兩份+蜜汁叉燒通粉+牛油多士+熱檸水🍲叉燒通粉味道唔錯,叉燒都有4-5塊,通粉唔會煮得太焾🍳炒蛋好油下, 盒底成層油😐🍞牛油多士烘得太耐,有d燶,有半塊食唔到早餐黎講分量夠曬, 價錢都合理 整體ⓞⓚ

下午茶對對碰，選了西多士，豬扒，炸薯餅。西多士味道不錯......可惜薯餅變左薯條😭還是非常不合格的過氣薯條......天知道我過重唔夠格吃爆卡下午茶，少吃一點吧......

雞扒菜飯味道正常，簡簡單單又一餐。原本是想吃香茅豬扒，豬扒感覺更薄脆香口一點。無奈自己點錯了...雞扒的皮煎得不錯，皮下油脂很少、幾乎沒有。菜飯裡的菜碎很好，整體滿意。

荔枝角區搵食都多選擇，如果想食米線，除咗譚仔之外，通常都會嚟呢間「金拇指米線」。Tea time 嘅米線餐都幾抵食，我叫咗個酸辣豬大腸米線，加埋凍檸檬茶，都係$34，米線都幾大碗，好抵食👍🏻！豬腸都幾大件，下午茶嘅輕盈米線都咁足料，已經算唔錯。加上配料有鹹酸菜、芫荽、花生、芽菜，我揀咗酸辣湯底，味道好特別，有少少麻醬，我叫咗少辣，食落好香口🤗🤗呢度係買飛攞餐，如果想食個好味嘅快餐，呢間係唔錯嘅選擇😋

本人係米線迷，睇食評中啲米線好似好正咁，今日特登去試吓，點知........叫左個雞翼冬菇蘿蔔酸辣米線，我最緊要就係個湯底，酸辣做乜要整花生醬落去完全唔掂，雞翼一早炸好，乾過我荷包，冬菇一樣，乾爭爭，成碗嘢只有蘿蔔係正常少少，食左少少真係頂唔順個湯底，無下次

到金拇指米線吃午餐， 位於荔枝角青山道658號福至工業大廈地下A舖，餐廳環境比較陰暗， 光線不足。 先在櫃檯點餐然後自己搵位， 自助形式。燒汁牛肉飯$36、 西炒飯$35、茶走。燒汁牛肉飯～ 牛肉多， 燒汁味道甜甜地， 食落都幾開胃。西炒飯～ 等了很久才到的西炒飯， 勝在超大碟， 味道屬於一般。茶走～ 茶走都是一般般， 茶味較淡。整體來說價錢貼地， 食物質素普通。金拇指米線 (福至工業大廈)地址: 荔枝角青山道658號福至工業大廈地下A舖

呢排都唔敢出去食飯，所以都係去買外賣返去食。揀咗呢間茶記，貪佢選擇多，大份夾抵食。我點咗三樣嘢，黑椒牛肉炒意粉：一打開俾分量嚇一驚，下午茶都係大大份。牛肉炒得軟嫩，黑椒味都啱啱好，唔會太辣。幾啱我口味。日式芝麻醬撈烏冬：同事點咗呢個，我覺得都幾特別，茶餐廳都有日式嘢食。花生醬西多士 配沙律：西多士仲配埋沙律，二十幾蚊，都算係咁啦。茶記嘢食就無咩好評，環境就無咩期待，但都算整齊企理。食物味道最緊要，幫襯咗咁耐，都覺得無咩伏位，味道有保證。

上次同事介紹呢間茶記，未食過就會覺得茶記都唔會有咩特別。但食過先知，味道真係比起一般茶記有質素好多，加上價錢實惠，之後我都變成常客。平時常叫就係菜飯，菜飯我覺得好抵食，對於唔鍾意食菜嘅我真係好方便！連埋飯一齊食，又健康，感覺又豐富。今次就想試下新嘢：蟲草花雞湯米線。我以為淨係得蟲草花+雞湯啦，點知有勁多舊雞肉！真係好足料。雞皮好話，肉質比較實，唔會話好鞋，味道都唔錯。湯嘅味道比較香濃，有腐皮芽菜，仲有配酸菜，好解膩。米線口感都好岩我口味。總括而言係會常光顧嘅茶記，味道中上，價錢又適中！

今日同同事去咗荔枝角見客, 見完都成兩點就拿拿聲去搵野食, 最後揀咗 餐廳食野選擇都好多, 價錢都合理🐔蟲草花嫩雞米線配凍檸茶 ($48+$3)湯底清甜, 香濃雞味, 但唔算太油膩, 好有驚喜😍 米線份量多, 蟲草花同雞件份量一樣多, 而且煮得岩岩好, 肉質好鮮嫩, 推介👍🏾🐮西冷牛扒飯*黑椒汁配凍檸茶 ($49+$3)大大塊牛扒, 非常滿足, 加上平時午餐牛扒飯通常都輕輕煎下就加d汁上去蓋住, 但呢到係唔會淨係食到汁既味, 而係完全食得出牛扒煎過既牛香味🤤🍋檸檬茶就一般茶餐廳味道雖然餐廳環境一般, 但食物絕對有驚喜, 食物絕不馬夫😋