金沙日西料理 (已結業)

同阿埋食下午茶，因之前食過黃昏晚餐，覺得好ok。阿媽叫左汁燒牛肉烏冬，我叫咗炸豬扒烏冬。烏冬非常好味，手打的，豬骨湯也很甜，連阿媽好咀雕都大讚。不過，塊豬扒認真麻麻，上到黎，原來個個都咁講，如果早啲睇咗就唔會叫了補充之前食過晚餐，我仲好欣賞它的蒸蛋！

到沙田shopping完,專誠去金沙食黄昏餐,叫了豬扒拉麵餐,件豬扒又乾又唔熱,好似趙樹皮咁,總之一句講哂"乾爭爭"豬骨湯底略為無味道.另加一客日式餃子,為何變成炸餃子?這叫日式嗎?真有點失望

以前間中都會去呢到食lunch, 都ok o架. 今次係第一次o黎呢到食dinner. 兩個人叫o左兩set 黃昏dinner(好似5:30-7:30).Set A- 炸豬扒拉麵+三文魚刺身($55)~~炸豬扒好乾同好鞋, 唔合格.Set B- 烏冬+六件壽司($65)~~烏冬煙煙韌韌,好味.壽司OK喇, 三件太卷+三件小三文魚卷壽司. 飽!!! 每個set都包一個生菜沙津,日式蒸蛋,餐飲(凍飲唔駛加錢), 綠茶雪糕一杯. 另收加一.基上佢o既價錢同食lunch o既價錢係一樣.我覺都ok抵, 一個set包咁多o野. 雖然味道唔可以話好出色, 不過如果係普通食飯我覺得都ok. (最緊要唔好叫炸豬扒.)環境都幾好, 唔會好迫. 如果坐卡位仲好. 因為佢d卡位好闊落.埋單合共:$132

今次係第二次去吃.因為星期一係女仕之夜,所以有野飲送.叫左草莓梳打,味道普通.叫左豬扒飯套餐\.d飯係用珍珠米, 幾好咬感.汁亦調得唔錯,甜甜地,加埋d滑蛋一齊吃仲好味.不過主角就麻麻了, 一d都唔香,又唔鬆脆,而且d粉勁厚, 一d 口感都冇.綠茶雪糕一d 都唔滑,不過我幾鐘意淡淡ge綠茶味.但係環境幾好.可能因為我地坐係最入面.都幾清靜,而且waitress們都冇經常出沒燈光好柔和,唔錯.雖然吃物質素麻麻,不過幾抵吃.所以來多次.但係加左價,本來$48 加到$55 .

前晚同男友兩個去食，由於6點半前去到，所以叫到好多人話抵的黃昏套餐。我們分別點了一個55蚊的滑蛋豬排飯同85蚊的海膽魚生飯。結果好失望,因為兩個主菜都唔好食。豬排好乾，無咩肉味，不過見佢55蚊就由佢啦。但佢魚生飯要成85蚊,質素似垃圾就唔可原諒,魚生唔多又無魚味,d飯就好多,但可惜似隔夜冷飯,搞到我要撈鼓油先食得入口。前菜的刺身都好唔得,得3塊好細塊,又唔新鮮,顏色暗啞,我挑了一塊較似樣的吃,其餘2塊比百毒不侵的男友食。好奇怪,呢間野d主菜難食,但前菜例如沙律同蒸蛋反而幾好味,雪糕都唔錯。服務方面,個人感覺都幾差,2碗飯未食夠一半就問仲要唔要,之後又問左幾次。當食到一半時,又唔出聲咁無啦啦放低2杯雪糕然後走左去,無奈地惟有先解決2杯雪糕先再食飯。你話如果假日爆場都情有可原,但前晚是平日,由我們入座到離開都唔full,都唔知佢趕咩。埋單140兩個人,單看價錢唔貴,但我卻覺得物非所值,因為食物質素同服務實在太差。食完今次真是無下次了。同意”李生大豬”所講,寧願食大家樂好過。

上次食過個黃昏C5餐(咖哩1口黑"屯"肉)都可以入口，都算中間級數，以價錢黎講，真係好抵食! 3文魚係少d，但係$75蚊再加一都係80幾蚊，有蒸蛋，沙律，魚生，飯，餐飲，雪糕，仲想點我個fd個黃昏b5餐(咖哩吉列豬扒飯)就真係好很十分喪爆唔得喇，我食左1舊細既，入口即lar~，酸酸地=.="，Eww! 真係難得可以有食物煮得咁難食，仲要"鞋"既，我再食我個(1口黑"屯"肉)就變左，好味左好多Ah~，see the differences? 引用1句俗語「當軍3年，豬扒當雕蟬」仲有D咖哩入面D薯仔，2碟都有既，冇批皮，你係新薯(似1個波，細細個果種)就話OK姐，又唔係，D皮有d "火會"番薯皮既feel，"un"今次要俾個bad 喇，因為呢2個"弱點"實在扣左好多分地下有對快子冇人執去dom，感覺上乾淨呢part 都扣左分上次坐都舒服，今次就逼同埋上次waiter waitress易叫好多，今次就煩左好多，要入"房"的話，唔好入喇，但係service綜合黎講都算OK既

三文魚刺身三片~ 一點魚味也沒有雜菜沙律~ 沙律少有的伴腰果,很特別,醬汁也好味日式蒸蛋~ 好甜炸豬扒地獄拉麵~ 麵太林,可能煮得太耐了,反而豬扒很好,炸粉與豬扒很一致

26 Dec Boxing Day 到金沙食early bird set, 都好多選擇, 若唔要的話, 可揀christmas set dinner, 最後點左軟殼蟹拉面餐和咖喱豬扒飯餐.整體上來說都ok呀, 但我覺得烏東會更好食, 因真係滑, 咖喱就咸左d, 豬扒就無乜味...其他的前菜及蒸旦幾好, 食完都要捧住個肚走, 但服務就有待改善啦, 因為唔係咁夠侍應, 要等一陣先會有人serve你.

呢間餐廳一直都諗住試下，因為沙田廣場/好運中心/沙中都冇日本菜食。嘩, 唔試都唔知呢間嘢真係難食過三四十蚊的快餐店。我點了吉列豬扒拉面套餐(豬骨湯底)套餐包括沙律，三文魚刺身，燉蛋，綠茶雪糕及飲品一杯。四十八蚊加一。其實我冇咩期望, 但係都唔好咁難食吖! 個豬扒竟然唔係另上，浸住啲湯, 嚟到已經淋哂。淋都唔緊要,仲要冇味!! 啲 面, 嘩!勁唔掂，出前一丁的拉面無論湯底同面都好過佢。三文魚細得唔可以再細! 其實如果因為成本上升, 點解唔將配菜減少，咁多樣嘢, 冇一樣好食，只係得個燉蛋同檸茶可以。沙田有咁多餐廳, 其實選擇有好多，雖然佢係我屋企附近唯一的日本餐廳, 但下次我想食, 一定會行多兩步去新城市果邊食。比多三四十蚊, 起碼食好少少。五十幾蚊換來一肚氣, 早知一早去聽老公話去太興食小菜算呀!

星期日同老婆諗住去金沙食幾抵的EARLY DINNER. 我地叫了:1. 餃子拉面套餐(地獄湯底)2. 吉列豬扒拉面套餐(豬骨湯底)套餐包括沙律，三文魚刺身，燉蛋，綠茶雪糕及飲品一杯沙律- 好多腰果，份量及味道OK!三文魚刺身- 細細片，一般.燉蛋- 全部食物中最好味，滑，香. 拉面- 餃子及吉列豬扒OK，但拉面嫌太腍. 地獄湯底不地獄，豬骨湯底較好. 綠茶雪糕- REGULAR 味. 又有一粒腰果贈你.價錢係唔貴但論味道，不要抱太大期望.

聽了很多人推介,终於可以試試我食了軟殼蟹拉麵-雖然拉麵普通,不過軟殼蟹好脆,好多蟹子一粒粒好脆,配合豬骨湯飲好味,如果湯冇咁快凍晒就更好三文魚壽司-ok凍檸檬茶-ok如果唔使加一,就更好

收工諗下有咩食咁岩經過此地見門口好多抵食特價招牌於是一試﹗環境不錯，一坐低兩口子先讚坐得舒適，記住要坐卡位﹗點了個99蚊的套餐再加個壽司兩份食﹗個套餐咩都有，沙律、前菜、蒸蛋、刺食、刺食飯、魚、總之咩都有得食啦，仲要樣樣賣相同埋味覺都不錯﹗唔似得出面0的日式套餐是旦求其食飽你就算﹗要推介既係個蒸蛋，好滑好香，正﹗刺食飯勁多料，直頭可以話係料多過飯，仲要係新鮮既三文魚同埋魚子，好味道﹗壽司實淨，圓圓的好得意，有機會大家都試下﹗星期一定唔記得星期三叫野飲仲買一送一，幾特別，食100蚊送左10蚊coupon下次用，會再來的﹗

起初這間食店給我的印象好好架! 因為食物同環境都唔錯又見好耐無去,一於再去!一入到去都已經坐到7成滿,因為7點半前結賬有優惠!我們兩人去..點了壽司+烏冬and 牛肉飯+天婦羅沙律同餐飲都好快到天婦羅=好好味..外脆內軟牛肉飯=好香烏冬=好煙"un"壽司=都唔錯..係款色普通完成以上過程依然是很满足,但係...個綠荼雪糕等左好耐5分鐘催...回覆:出緊黎出緊黎,8分鐘催催...眼見好多雪糕出左都未輪到我地又有個服裝似經理既話會幫我地跟,都無野既,咪再同男友傾多陣10分鐘催催催...幫我地落單既小姐回覆會幫我地跟進15分鐘發脾氣寫意見書...原因係眼見隔離食完個餐都係叫同一樣既雪糕但只需2分鐘咋...太過份啦!其實想人七點半前結賬都係想做多兩轉..點解唔快快趣趣俾埋個甜品人食...同埋佢地d"跟進"好差呀!都跟唔到!好唔想再去呀!

陪媽媽到沙田買錶送人因泊車便利的關係選了這家便宜的日本料理作晚餐地點七時入座還有黃昏晚餐供應價錢果然相惠..由$48~$68不等點選的兩個餐都有..**沙律．沒有特別...不用說了**蒸蛋．意外的滑..味道亦不錯!!但好像是鹹了一點點**迷你版的三文魚刺身x3．六片都孝順了媽媽..媽媽說也挺新鮮呢~**餃子拉麵餃子當然不會是自家製也不會是煎的炸得乾巴巴的..賣相麻麻..媽媽喜歡食拉麵..亦沒有甚麼投訴唯一真的想要讚是地獄湯底真的夠辣!!**海鮮烏冬最令人驚喜的是..放在面的四條不是蟹柳而真的是蟹捧雖說未必是甚麼貴價貨..但可見用心~還有些蜆肉..魷魚..墨魚..算是不錯了..至於烏冬...就是一貫的平價貨..豬骨湯底.. 確實沒有甚麼味..只有味精..**甜品= 綠茶雪糕**飲品... ??服務是真的零了.. 可以明白的~實在太平也太多人光顧侍應都忙過不停食客都等得不耐煩..雪糕要追單了三次餐飲..?等了十分鐘也沒有...也就放棄了茶..筷子..七味粉都要三催四請..但總要安慰自己付出這樣的價錢..得到快餐店的服務已就算了~

今日同同事去吃, 我叫了萬魚飯, 味道ok, 燉egg好食. 價錢合理, 不過遲去要等位架.