金沙日西料理 (已結業)

今晚同老婆食左個dinner set,有小頭盤,軟殼蚧salad,sashimi,金姑牛,一個鍋同烏冬,甜品mango pudding軟殼蚧salad 幾好個鍋可以加錢轉其他鍋,我轉左三文魚頭,鮮甜......大致上都全都好好味

約左同事食Dinner, 大家都未試過依間, 就決定一試。我地叫左個鰻魚壽司定食, 1磅三文魚刺身, 1客甜蝦刺身, 1客帶子刺身, 1個鰻魚飯, 2個梳乎里。三文魚刺身--特價88蚊1磅, 仲要係極力推介, 寫住頂級三文魚, 諗住冇死啦, 應該ok既。唉, 點知, 冇味, 仲要係勁勁勁凍同有雪味, 一入口冇三文魚味嫁, 係得個凍字同埋有少少雪味, 如果我唔點wasabi個d, 真係咩味都冇。鰻魚壽司定食--有4件鰻魚壽司, 之後有個蒸蛋同烏冬。依個都幾好食, 個烏冬都唔差。不過睇返menu, 佢有黃昏套餐, 黃昏套餐多野食過Dinner,選擇又多d, 同埋套餐大份d。甜蝦刺身--d甜蝦d肉係白色, 好似煮熟左既蝦咁, 白色的。平時食既, 都會有少少透透地明, 同埋真係一d都冇蝦味, 我唔要求你鮮甜, 但比返少少蝦味我都好ma。帶子刺身--刺身與刺身之間有一片檸檬隔住做裝飾, 睇落幾靚, 但食落真係唔掂。一個充滿檸檬味的帶子, 入口氛芳的檸檬味, 但完全feel唔到帶子味, 唉。鰻魚飯--這個不錯, 幾好味。梳乎里--依個我覺得好好味, 我好鐘意食呀, 同埋佢d忌廉汁好好味, 我同我同

由於今日唔係太肚餓，所以我揀食日本菜。我成日行沙田，都未試過喱間日本料理，所以今次試。 1) 金沙手握壽司($98)用料尚算新鮮，賣相都幾靚！2) 蝦天婦羅手打冷烏東($68)個手打烏東真係好煙韌，但個蝦天婦羅略嫌「林」身。3) 雞軟骨餃子($38)喱個幾好食喎！皮薄，雞軟骨好有口感，唔錯。今日人客都算多，我入去之後就要等位。以我所見，好多人都叫佢晚市套餐，所以我散叫食物比較慢，算喇！我都唔趕時間。喱度座位都幾寬敞，服務都o.k.，算爽手。每逄食滿$100，會送$10 coupon，我隔離個auntie好好人，佢埋單有2張$10 coupon，送比我，所以我慳$20，今餐只係$200埋單，哈！哈！

今日約左個好耐冇見ge朋友出黎出飯,佢話想食日本野,咁岩我有張金沙$10 coupon月尾到期,而且食過又ok,所以決定食金沙=)7點幾去到,d款得好小,冇咩岩食,最後只叫左1個餐。今次同上次都有什菜沙律,魚生同抹茶雪糕,個什菜沙律同上次差唔多,但個魚生冇上次咁新鮮,有d失望。什錦天婦羅：雖然係炸,但唔會食到成口油,不過好似冇咩味。冬菇蒸蛋：d蛋好滑,有d入口即融ge感覺。箝押壽司：反卷ge類型,外面係紫菜碎,裏面係黃瓜,同埋有2樣唔記得係咩,味道1般,而且握得唔實,好易1夾起就散開晒。冬烏：好細碗,但d麵幾好。凍咖啡：朋友不停話好飲,但我冇試。總括黎講,7點前黎食特價dinner同埋lunch黎食抵好多同埋多好多好多款揀。7點後只有3-4個餐比客人選擇。我諗我下次黎食,為左有啖好食,1定要係7點前食= =

某日午飯時間路過，見這店的裝修不俗，顧客也不少，接近滿座，斷估應該差不到哪裡，便入內一試。午市套餐有十多款選擇，價錢由四十多元至六十多元不等，除主菜外，還跟漬物、沙律、幾片刺身、海鮮蒸蛋、味噌湯、雪糕等，視乎不同套餐而定。我們就一人揀了一款套餐來share.沙律只是西生菜伴合桃，原本配上日式salad dressing，簡簡單單的還不錯，可惜菜應已放了一段時間，不太新鮮，合桃又下的非常不均勻，明明見人家那些有不少，我那一客卻只得可憐的一顆。刺身不新鮮，不吃也罷。蒸蛋就過得去。吃完這些都已經飽了一半......主菜方面，軟殼蟹飯的軟殼蟹幾大隻，配以味道甜甜、約七成熟的炒蛋和珍珠米飯，非常滿足，以港式日本料理來說，水準是比想像中好。另一個牛肉套餐的主菜是teriyaki汁煮牛肉，是很難做得難吃的送飯菜，這裡做的也不差，牛肉是正常的偏老和韌，但有大量比牛肉還吸引的洋蔥。而咖哩雞扒也可以，但相對來說就給比了下去。甜品是綠茶雪糕，味道亦算不錯。總括而言，午市套餐的份量大，質素也過得去，算幾抵食。

下星期有個朋友要返澳洲,所以6個朋友一齊食餐飯當係送別。12點幾去到唔係好多人,所以一係就有位。lee度個環境都幾正=]食物方面,我叫左豬扒飯餐,都幾豐富,前菜包括魚生,沙律,海哲紫菜。個魚生都幾好味,而沙律同埋海哲紫菜就酸酸地幾開胃。跟住個滑蛋豬扒飯我覺得幾好味,d蛋同埋d飯一齊食好好味,但個豬扒就冇咩特別,普通的炸豬扒而已。而個麵豉湯就麻麻。佢重有1小碟好似yip菜ge野,紫色的,都幾得意。最後講下個甜品,抹茶雪糕,佢上面有粒合桃,跟住下面有小小cream,個雪糕食落都有小小抹茶味,總括黎講都幾好味=]我聽我d朋友講,佢地個個蒸蛋好溝好好味,我下次都要試下先得=]同埋其實lee餐都幾抵,我地叫左6個set lunch,加埋1都係$314。下次一定會再去過!!=]

去新城市行左好耐都唔知食乜好, 點知突然見到呢間, 見到個晚餐\幾豐富咁, 分48, 58, 68 蚊3種, 每種有幾款<br />兩個人, 我地點左1個48, 1個58<br />每set dinner 有前菜一個沙律,之後有3塊三文魚,飯,飲品,雪糕<br />58蚊o既會多個蒸魚水蛋, 個水蛋幾好味!<br />服務幾好, 上菜快, 比較多人, 整體唔錯, 會再去~

星期日無無聊聊入咗沙田行. 朋友介紹金沙好食, 又合巧經過, 便入去一試. 我們6:45pm 入去, 還可以叫黃昏套餐(5:30pm ~ 7pm). 黃昏套餐包了沙津, 海鮮蒸蛋, 三文魚刺身, 拉麵/飯, 甜品, 飲品. 沙津: 唔好味. 海鮮蒸蛋: 好滑.. ^^.. 成個餐最好食. 三文魚刺身: 唔錯, 不過不失啦!我叫了咖哩黑豚肉飯. 咖哩汁好good, 不過黑豚肉真係麻麻, 我諗配豬扒會好d.凍奶茶&抹茶雪糕幾好啦!.. 總括來說... 冇咩特色, 不過以價錢&量取勝. 下次我想我會試下晚市.

星期六的中午，和男友午餐。因為大家都沒食過這店，於是又試試。助六午餐(me)-有sushi、烏冬、蒸蛋和salad。豬扒飯餐(bf)-有魚生3塊、味噌湯、前菜和salad。烏冬和味噌湯都ok，但是sushi同魚生就麻麻了。魚生很細很薄，沒有什麼口感。salad加了核桃，很奇怪，再加上salad汁不好味，平時愛食salad的我也很失望。最後有一個green tea ice-cream，oh!在雪糕也加上了核桃，難道是核桃泛濫嗎？環境不錯，可惜服務一般，侍應也不醒目。

兩個人去食晚餐,星期一去女仕仲有杯價值$28蚊飲品送(姓別歧視=.=)我地坐卡位,環境唔錯,適合情侶去.茶係玄米茶,都ok,(唔好以為d茶有雜質^^)送的飲品要左荔枝梳打另外叫左:長腳蟹火鍋-火力剛好,唔會係咁滾,味噌(面屎)湯底,幾好味,長腳蟹都算多,又大舊,好~牛肉炒烏東-個人覺得多左d青椒紅椒,但烏東和汁的味道都十分之好,d海鮮配料亦非常多(都估唔到有海鮮的,有點驚喜)黑菌蝦春卷配蟹子酸忌簾-都ok,但沒什麼特出之處金菇牛肉卷-好味,但都係沒什麼特出之處自家制芒果班戟-芒果夠晒份量,對於鍾意芒困的我,十分滿足侍應服務都ok,常加水,亦好客氣整體來說,十分滿意

三個人叫左八爪魚小丸子, 都係果句, 粉左d. 但味道ok.金龍卷. 即炸蝦做餡外鋪牛油果茸同蟹籽. 好精緻囉...但ok o既.釀左唔知乜o既雞砌成片加兩塊炸番薯餅. D雞幾惹味, 但連皮, 要MIT蕃皮出來先食得. 炸番薯餅好香口, 番薯茸甜甜地, 好好味. 但成個DISH俾人感覺幾油下.DESSERT: 豆腐芝士餅拼雪糕. 豆腐芝士餅幾好味. 可能有人嫌佢硬, 但我絕對PREFER咁O既TEXTURE RATHER THAN 軟乃乃果隻口感. 個餅同個雪糕都好香. 個雪糕俾我O既感覺係有D VANILLA味但MORE THAN VANILLA. ANYWAY, 計好晒四個DISH夾埋O岩O岩過二百蚊, 可以用兩張上次來食得到O既COUPONS, 哈哈...跟住又送多兩張俾我地...服務幾好呀, 加水好主動.

奉玄米茶的食肆不小，但質量太差了。Lemon Sour 的味道太輕，倒像Lemon Soda。要不是那一點點僅能嘗道的Gin (可能是Rum，常常攪亂)，還以為弄錯了呢！食品方面，點了一個豬軟骨雜菜鍋加烏冬，一個魚生沙律，還有一個忘了。魚生沙律也不錯，加了蜜餞合桃和芝麻醬汁，是常用的手法去改善口感和香味。不過將魚生切粒便分不出是不新鮮。另外，魚生切粒會加長其經人手和暴露空氣中的時間，姑勿論是否對其味道有影響，這在客人心理上也不好受吧。菜則用了生菜，便宜又易弄，亦當然沒有苦味，也沒有新鮮不新鮮的煩惱。雜菜鍋加烏冬，除了那個爐外（不是gas 爐），最重要當然是湯，但感覺不深。菜的份量不多，豬肉很焾，烏冬倒是不錯。正常的餐廳服務，空間略為不足。地上的玻璃箱雖與店舖風格不配合，倒也有點特別。

和女朋友仔swimming後, 獨個兒在新城市行那裏都要等位, 係哩間唔駛. 門口棟了個牌寫住7:00前有平野雖則搵食的格言是, 多人幫襯未必好, 少人幫襯唔方好本人抱著貪小便宜, 冒險及不想再找其他店的精神, 進了這店被安排了坐在碗碟前, 奄尖的本大爺不太喜歡的, 不過今天心情好, 算了吧平野的是三個set dinner, 48, 58, 6848是炸豬扒烏冬, 不想吃炸野不想用68來冒險, 結果揀了58的咖哩雞扒飯等了不是太耐, 所有食物除了凍飲及雪糕, 其他的也一并上來沙拉, 落左單後睇返, 48同58 只差個沙拉.吃落竟然唔錯, 俾想像中好, 咸的, 醬是芝麻及合桃三文魚, 還可以, 只是不夠新鮮咖哩雞扒飯,汁夠, 因為很稀, 無乜咖哩味雞扒份量不少, 煎得街坊水準凍奶茶, 不滿的, 很甜, 只飲了半杯抹茶雪糕, 還可以, 雪糕嘛, 上面有半粒合桃,原本感覺是這間店入了太多合桃, 拿點來作裝飾吃後原來都幾襯茶, 是加了炒了的米之類的, 不喜歡服務的也是後生仔, 是旺角的一般服務, 不是太差也算了吧加1 後60餘元飽飽的走了, 應該不會有下次吧

章魚小丸子(sth like that): 個餡太粉, 冇咩章魚味, MK街邊擋好過佢.明太子釀雞翼: 切開小塊, 味道好特別又有D辣辣地.咩豆腐蟹肉麵豉汁: 豆腐好容易就係個炸皮內跌出來. 食落OK但冇咩蟹肉...冇咩特別...成條上燒魷魚: 只係暖. 味道還OK.軟殼蟹壽司: 呢個不錯, especially細果幾件.海鮮炒飯: 幾香口啦. 話好好味又唔係.仲有d刺身魚生類食品, 我冇食.甜品...賣相好吸引:芒果斑戟: 唔夠凍. 我又唔係芒果fans, 所以覺得麻麻地.tiramisu: 好可愛呀! 幾件圓柱體tiramisu棟晌隻碟度, 有個朱古力"架"棟係佢地中間, 周圍有d berries...食落仲正! 唔甜, 入口係咖啡味, 個body好滑, 最重要係夠凍, 酒味就爭d d...但我地再encore...不過再黎果碟呢就凍得滯喇, 食落似凍到牙軟的雪糕.環境: 似和民但"grand"過和民少少.服務: 大體上ok的, 雖然個妹妹仔green左d. 埋單有幾張coupons送, 不錯不錯!

經朋友介紹,同老婆去試下.....order 左炸豬排烏冬set,seafood 湯面,蠔火鍋,,沙律汁天婦羅,黑芝麻燉旦udon 同拉面要豬骨湯底,勁正...絕唔係一般味精湯,一定要試,火鍋都ok,蠔味濃.沙律汁天婦羅係天婦羅淋上特別salad 汁,酸同微棘,勁開胃,最後個甜品不可不試...芝麻味濃加上面的蕉糖...絕佩.....到最後跟餐coffee都係一杯機啡同coffee cream....酒店都係咁咋...