金沙日西料理 (已結業)

繼上次食過下午茶後,今日再試佢o既午餐,款式很多,我們要了:"滑蛋蟹子軟殼蟹定食":有酸菜,三色刺身,海蜇,麵鼓湯及滑蛋蟹子軟殼蟹飯;"日替定食":有酸菜,三色刺身,海蜇,海鮮蒸蛋,菜沙律,麵鼓湯,白飯及汁炒牛肉;兩個定食份量好多,味道亦不錯,飯後仲有甜品送(抹茶雪糕),侍應亦不時加茶,咁o既價錢真係幾抵食^3^

星期六去睇兩點九，未夠鐘梗係要醫肚食晏啦，因為我個人鍾意食日本，所以我個friend就我去呢度食晏(未試過)，我點了拉麵套餐，買相唔錯：1.生菜沙律~ 有好似nuts果仁加埋D酸酸地汁都幾開胃，唔錯。2.刺身~ 一碟總共有四件唔知咩名的魚生，size都幾細，而且肉身都幾實淨，感覺唔多新鮮！3.蟹腳海鮮拉麵~ 佢就標榜用豬骨做湯底，不過我食落就咩豬骨味都感覺唔到，味道淡，成碗麵最好味都可能係蟹腳，其餘都係D豪bb、蝦仔、魷魚仔(幾爽)咁啦！最主要拉麵就煮得過淋！4.蒸蛋~ 有東菇粒，面頭那層就較「鞋」，下面就較滑，味道不俗！5.雪糕~ 抹茶味，好味，不過太小了，比普遍雪糕球細一半！我朋友就叫個洋蔥炒牛肉套餐，不過佢話D牛肉炒得太乾，無食哂！既然其他網友提過D服務，我都想講小小，因為我最後先食沙律，而我朋友已食完但食唔哂仲有D飯呀、呀碗度，個女侍應二話不說已經想放低杯雪糕，我即刻同佢講話可唔可以食埋先，佢先無擺低，大佬呀，雪糕唔等得架，擺度食唔切融哂都唔搵邊個食！咸面一個！但係食都算okay啦！60幾蚊一個set lunch，話平唔平，雖則有多款食物，不過主菜(拉麵同牛肉)要認真煮嘛！

本人最鐘意食牛肉～所以叫左個牛肉稻庭烏冬，ｄ烏冬幾有口感，仲有牛肉都幾多同幾香︿︿！牛肉炒反－份量很足夠，我諗一個人食唔哂．．ｈａ軟殼蟹沙津－上菜時我和朋友都”嘩”了一聲！　軟殼蟹上鋪上很多的蟹子，橙色的蟹子令這客沙津賣相極吸引，加上酸酸的沙津汁，十分開胃！雞泡魚干－這個一般！仲有叫左個招牌菜－沙拉天婦羅，估不到沙津醬＋炸蝦，冬姑會那麼”親”！仲有幾味菜不多說了，都不錯！最後就是甜品－叫了”心太軟”和”意大利芝士cake"yummy!服務幾好，當天都有頗多人在門外等候，我和朋友都只是等了十多分鐘，有卡位︿︿侍應雖然全是後生仔後生女！雖然忙，但係無亂！都常加水，抵讚，特別是有位細細粒的女孩，笑得很甜，ｈａｈａ！價錢我諗都係一分錢一分貨啦～

間野坐就坐得係舒服不過個度ｄ人既服務態度真係差到爆！！ｄ野食根本唔值呢個價！唔可以話係難食，但一定唔可以話係好食！５０幾６０蚊一個餐．．咁既水準真係．．．野食唔夠好都算，個度ｄwaitress同部長真係不知所謂！問都唔問就同我執走晒我ｄ餐具！我已經話你而家好趕時間丫．．我未埋單就同我執晒ｄ野個waitress應都唔應我繼續執！最唔得既係我個fd仲食緊野，我話你等佢食完野先執會死佢依舊唔應我，照執！！呢間野ｄwaitress個個一ｄ笑容都無！無都算，仲要個個好似死老豆咁既樣叫佢拎ｄ野比你就黑面，好似我爭佢錢咁！見到有靚仔就個個死晒入黎睇．．跟住又話自己唔識英文唔識同人溝通！！今時今日咁既服務態度！！真係仲衰過去大排檔！個部長見人寫意見個張卡先死入黎扮加茶呢間野真係請都一定唔會再黎！！鍾意趕客走，完全無服務態度可言既人可以一試！

同朋友二個人去到沙田, 俾佢門口塊大招牌"黃昏晚餐"吸引左...七點半前order $58套餐, 等位時都無咩期待, 貪平同少人等...order左2個set, 嘩好豐富, 沙津, 蒸蛋, 三文魚, 軟殼蟹地獄拉麵, 2款壽司,烏冬, 2杯飲品+甜品...食品水準唔錯, 咁既價錢, 俾我好大驚喜! $120兩個人既日本菜晚餐...仲平過食lunch ...^^

今日第一次去，約七點半去到，門口已經一大班人在等，攞飛後等了約半小時就可入座。要讚的是雖然人很多，但待應忙而不亂，很淡定和有禮。原本有些特價套餐\七點半前才供應，但們說我們攞飛時未到七點半，可以照order，幾好。食物味道中規中矩，沒有什麼特別回味的，但以這個價錢來說算是很合理。份量很足，吃得很飽。

5:30-7:30有個叫黃昏時段...有48,58,68蚊set食!好似幾舒服,同男朋友仔走左去食!叫左個a5 set係滑旦豬排飯!佢好快就黎左個3塊三文魚,幾fresh,唔錯!男朋友仔話總之叫三文魚飯,下次啦下次我地再去食過!仲有野菜salad,冇mud special個豬排飯好快就到,幾大呀都!塊豬排唔係炸得好緊要,但係好好食!d旦汁都唔錯呀!個飯成個都有80分!仲有杯野飲,都有個綠茶icecream~~overall我覺得okay呀,同埋佢又近火車站仲有而家佢地食夠100蚊送張10蚊coupon^^,不過兩個星期要用喇!男朋友仔我地再去食啦!!^^

最重要抵食5:45-7:00食黃昏套餐一共十六樣任你擇簡直超直及三文魚刺身又肥又大好味到唔停得口總之一定要光顧大概一人$100

是一間必食的餐廳,又抵又好食!現今為止食過一次lunch和dinner,兩次都好好食.今次去食晚飯,因帶朋友去食,所以食set,可以試多些食物,有日式合桃什菜沙津,份量仲多過一碗飯,好健康,日式沙律醬也好開胃.必食推介是日式海鮮蒸蛋,好滑又夠味;烏冬都好好味,唔咪一般的貨式,最重要是價錢經濟,只是90元以內, 就有沙津、烏冬、刺身、壽司、天婦羅,仲有一定質素,消費滿100元,還有10元現金卷送,真是很滿足了唯一要注意是卷物是此餐廳相對較弱的食物,大家可以試其他,你們也可以去餐廳的網頁觀賞一下, http://www.goldsands.com.hk/main.htm 相片與上菜時的樣子真是一模一樣的

成日都會黎食lunch/下午茶佢既lunch set有好多野食又蒸旦又沙律咁仲有好好食既綠茶雪糕!最中意食既係燒魚套餐~不過上次因為想食烏冬而叫左個卷物餐就真係mama地..d壽司好難食..

初初見到個名:金沙即刻笑左出黎-,-" 因為同"金莎"同音下次再去食可以同朋友講:"喂,晚餐食金沙啦"環境唔錯,食野唔洗hurry hurry hurry咁,去到果陣岩岩過左7點,冇得點果d超抵既set dinner,不過都唔算貴,合理。

我勁鍾意去沙田金沙食野呢~ 等我講下我既推介先~1. 豬軟骨OR 叉燒烏冬(豬骨湯底) - D 烏冬絶對唔係街市貨十蚊三包個D, 佢D烏冬咬落好CHEWY, 配埋個湯底真係講起都流口水..2. 咖哩一口豚- 係一粒粒豬柳, 一啖一舊, 人生享受3. 雞軟骨串- 一碟四串, 記得記得要唧D檸檬汁落去先帶到D味出黎, 燒得好香口, 係我最我既小食4. 沙津蝦天婦羅- 有蝦有菇, 招牌菜, D 蝦大大隻D肉又實, 正爆~5. 楊枝金露- 我覺得一碗可以分3個人食都得~ D 椰果好好味呢!其實仲有其它推介, 好似三文魚啦, 新鮮到不得了, 金菇牛肉炒飯, 蝦天婦羅壽司, 芝士豆腐都好正!之前有個食評話有酒店級數, 嘿嘿, 呢間野個大廚係前半島日菜廳個總廚開架, 梗係有返咁上下啦! 呢個價錢真係去沙田先食到, 裝潢又得, 如果開到出旺區真係不得了..

Very Good, I booked the table for two at 7:30. For first we sit in an open area and i asked change table becuase it was my close friend birthday and i want to change to another sit, so they reserve a table for me. The set dinner in around 80$, the price is ok, the taste of the food actually worth more than that price i think. The service is very good also, fast and nice. Very Good.

與男友星期日o黎食下午茶,叫咗兩個tea set:滑蛋牛肉飯+三文魚刺身~牛肉飯好好食,三文魚都好新鮮;吉列豬扒烏冬+壽司~個烏冬要咗地獄湯底,有啲似出前一丁啲辣味,如果要豬骨湯底應該會更好;總括而言,三十幾蚊一個下午茶,分量ok又好味,坐得舒服,絕對超值!見到佢仲有黃昏晚餐,都好抵食,下次可以試吓^o^

成日入嚟沙田,都係走去市廣場果邊醫肚,我個人比較鍾意食日本嘢,但好無奈食過咁多間都令我唔會再番轉頭.早輪咪行過少少,去咗沙田廣場覓食lor,發現有間寫住日西料理?諗住試埋la,點知一望menu眼都花埋,可能太多選擇,由其係D套餐,我哋最終都係散叫,食咗三文魚頭什菜鍋,燈籠刺身,稻庭烏冬,米紙海鮮卷,蝦冬菇天婦羅, 黑芝麻燉蛋等,每當食物到,我哋都覺賣相好靚,有酒店feel,可能我哋係呢行,所以有D要求,食埋落肚就會覺得呢間料理,我只可以話响沙田中心區,係一間令我覺得我一定會番轉頭的覓食地方,直得一提係佢哋D食物用料,係酒店級數嚟,但又唔貴wor,佢哋杯咖啡都係靚嘢,連D細微嘢都好講究.真係頂癔.