金泰燒烤

營業中

休息中

我好鍾意食串燒架,所以睇倒食評話好味,我就即刻去買黎試!個叔叔都好好人,我問佢買幾串先會俾盒我,佢就話幾串都得!(因為我唔係堂食)我買左:雞翼,豬頸肉,雞肉,牛肉,雞腎!各兩串我話想要兩種醬,佢都肯俾我,有沙嗲同酸辣!雖然返到屋企凍晒,但同男朋友都食得好開心,每款都唔錯,啲醬兩種都好好味,各有千秋!重覺得唔夠喉添!下次要買多幾串!!雞腎爽得黎唔un,牛肉唔會老,雞翼都好易脫骨,豬肉都唔差,豬頸肉好好味(因為我好鍾意食豬頸肉)

以燒烤外賣為主的一間店, 售賣各種燒烤.1) 豬肉 - 酥軟味濃2) 牛肉 - 多汁好食3) 雞肉 - 入口就化4) 豬頸肉 - 油而不膩5) 雞腎 - 爽口彈牙6) 雞心 - 最好食7) 雞肝 - 濃郁好味8) 雞翅 - 正9) 大蝦 - 肉多膏多0) 大蛤 - 抵食大份

多 數 都 在 侯 王 道 另 一 金 泰 的 店 吃今 次 就 來 了 這 間 金 泰其 實 都 是 同 樣 的 食 品無 蝦 餅, 只 食 了 豬 頸 肉, 雞 肉 與 牛 肉即 燒 的 食 物 當 然 好 吃但 靈 魂 始 終 都 是 那 些 source沙 爹 source 有 很 香 的 花 生 味 的配 上 燒 得 微 焦 表 面 的 串 燒, 很 香 口牛 肉 並 不 是 全 熟, 有 少 許 肉 汁 + 血 水, 蠻 好 吃 的豬 頸 肉 很 爽, 但 雞 肉 很 "淋" 身不 過 好 貴 的 一 串, 現 在 要 $8 了不 知 為 何 又 加 了 價, 我 覺 得 貴 了 點 呢

高球過後,見時間尚早,又來了九龍城吃合成,但友人說肚子有點空,便提議吃串燒.以往吃罷合成離開時都會經過這間串燒店,總覺得很吸引,便決意來這裏一試.豬頸肉($8) - 豬頸肉通常都會比較膩,但這裏的則比較瘦,少了應有的肥美.雞腎($8) - 不會太實或太淋,味道還可以.雞翼($10) - 上桌時味道四溢,但吃下就覺得不夠入味,而且外層亦不太香口.魚餅($8) - 帶點辣的泰式魚餅,爽口,值得一試.這裏的串燒都會加沙爹醬和酸辣汁.順帶一提,這類的小食店,大家都不會對其清潔程度抱太大期望,但當看在眼裡,又真的很難接受.話說坐在廚房門外,調好味的串燒都放在一個膠箱裏.店員如常將雞肉串燒放箱內,其中一串不小心跌在地上,而地面的衛生程度是0,因為有很多水和菜頭菜尾,店員想也不想便把地上的串燒拿起放點箱內,即使沒有期望,但至少也用水洗洗吧,看在眼裡,真的有點嘔心,但那時我們都吃完了.經此一役,恐怕也不會再來,大家也小心點吧.

星期日和老公去九龍城食泰國茶, 未走到同心已被金泰燒烤吸引了。 原先只想叫串燒試試, 由於太多美食選擇, 所以越點越多堂食串燒一定要點半打或以上, 所以我們點了雞牛豬肉各兩串再後加多串雞翼, 說實話串燒真的麻麻, 來時只時溫熱, 味道和肉質很一般, 醬汁好稀味道亦一般。要數比較可口的亦只有雞翼, 但要$10一串, 其他大多數只是$8串。椰青沙冰份量頗多, 每口也喝到椰絲, 不會太甜, 十分冰凍, 夏天飲一流。蒜茸包看上去似是很好吃, 但吃時只覺蒜味唔夠, 又不夠鹹, 雖然很熱, 但很乾, 好難吞下。老公超喜歡吃蒜茸包的也說不好吃, 而且還有吃剩, 吃剩蒜茸包還真的是頭一趟, 結果這個最後要我埋尾老公見別人點的炒粉樣子不俗, 所以後點多碟乾炒雞河, 這個最好味道, 份量偏少, 但很夠鑊氣, 又不會過油, 芥菜份量頗多, 這個有水準。見很多人點菠蘿炒飯, 下次來試試。店舖很少, 但人流不絕, 店員亦少, 雖則十分忙碌, 但服務態度不俗炒粉沙冰唔錯, 下次會再去

金泰本來是太公伉儷在九龍城光顧泰菜的不二之選；可是，自從一次在候王道店因著店員專橫無禮的態度而受了一肚之氣後，也開始物色新的泰菜店，敬而遠之了。是晚，太公伉儷見太子道這小店有位，就來個「昔日味道緬懷夜」，假假地都係呢度都算係我地初次約會之地，吖~~！好，坐低，唔使睇餐牌，叫了生蝦、生菜包(豬)、燒泰國腸、燒鰂魚、和蒜蓉包各一客。生蝦水準依舊，依舊鮮甜爽口，加上帶微酸但夠香辣的青辣椒汁，只可以以一個字黎形容：好正！豬肉生菜包的豬肉碎也一如以往，下的香料剛好，豬肉炒得很香；而包肉碎用的生菜比以前新鮮，份量也多了一點，有驚喜。燒泰國腸也好像比以前做得好 - 也許是因為實在太久遺了！這道燒泰國腸不好找，很多泰菜店都沒有供應，唯獨這店屬少部分有供應的；泰國腸以豬肉及蒜蓉製作，肉汁豐腴而者香口，有點廣式臘腸之味，只是沒有經灑乾，味道沒那種重也較多肉汁。配上帶有花生味的醬汁，認真一絕，光顧此店的話，非試不可！燒鰂魚和蒜蓉包則退步，尤其是燒鰂魚，這次overdone了，很鞋口，而調味也實在「求其」，塞在魚肚裏的香料不足，未能吊出魚鮮味，以致食味欠奉，與以往的鮮甜嫩滑的食味差天共地，極度失敗之作！蒜蓉包

29-12-20080係 PageOne 食到一肚火, 朋友一聽到話返九龍城食第二 round, 立即雙眼放光, 結果拉了佢0黎呢度食串燒.- 今次只食了兩串0野... 燒雞肝咬落粉糯, 甘香又帶甜, 膽固醇萬歲! - 雞腎十分爽脆, 配上甜甜0地又有粒粒花生的醬汁, 好食.- 無食朋友的豬頸肉, 不過佢叫了 3 串咁多, 係咁 munch munch munch, 相信幾好食.- 仲有一客 share 食的蒜蓉包: 只係普通嘉頓麵包塗上牛油, 灑上蒜粒, 蔥 etc 烘, 烘得鬆脆, 蒜味強勁, 食落十分香口, 好食.其實我唔食得辣, 但另外自己食了一碟泰式酸辣鳳爪, 果然夠酸, 辣度對我0黎講已到噴火程度, 愈食愈過癮, 哈哈. 不過過癮還過癮, 食了兩隻已急急叫一杯青檸沙冰救火, 又幾好飲喎.呢間主要做外賣生意, 鋪位比侯王道分店細好多, 但我覺得不論食物及招呼都比分店好, 唔怕人多 / 迫的話, 絕對應該食呢間 instead.

六月廿九‧熱已不是第一次來這裡，次次在附近打完牌，總會幾條友來這裡吃夜宵。一來這裡開得夜，二來幾個人來喝喝啤酒，吃吃串燒才歸家，也是樂事。這裡以燒烤為名，也賣一般的泰式炒粉麵飯，即叫即炒，很夠鑊氣的。 平日的夜晚十一時許來到，人客一點不少，差點兒要坐在門外的。先來幾支泰啤，味道爽口，酒味不重，勝在消暑。在考慮各式燒烤食物方面，先來一碟烤蒜蓉包來下酒。這裡的蒜蓉包只是嘉頓一包六件的軟豬仔包，中間塗了香草蒜蓉，在電爐上烤得兩面香脆。吃起來蒜蓉的味道不太強，但內裡卻非常軟熟，淨食可口，點沙爹汁也美味，廿蚊六件，來這裡不吃串燒也沒什麼，但就一定要吃此品； 別的串燒，平心而論，只平平穩穩。燒豬頸肉軟熟不韌，吃起來豐腴，卻欠缺了豬頸肉的爽口口感；燒稔肉也是次次都點，稔肉就似泰式香腸，不知是用什麼肉來做的，肥肉比例多，燒得香口，吃起來自然美味，亦是下酒良品。配上的酸汁也醒胃，用來點包吃更不錯。不過始終假味太多，也是一件起兩件止；燒雞翼很難會燒得難吃，而這裡的燒得不夠乾身，雞皮不香不脆，自然遜色；燒雞腎就脆口好吃，而另一味不能錯過的內臟是~~雞心。 埋單每位60蚊，也吃得稱心滿意的。

串燒炒飯可不試 鮮果沙冰我推薦成日行過都覺得佢好吸引....今日終於尼左食叫左個蝦醬肉崧炒飯 + 雞亦串燒x2 + 珍寶腸 + 豬牛雞各一 + 雞腎 + 波羅沙冰 + 西瓜沙冰蝦醬肉崧炒飯 ....蝦醬味不夠....只有肉崧味不過個人始終唔係咁like 太多肉崧....因為會整到個口好乾叫左一大碟串燒全部都ok啦....不過不失.....最好味的係 牛肉.....牛肉完全散發出尼可見燒烤火喉十足....醬汁較一般的泰汁為甜不過講到成間野最出色的都算係佢的沙冰喇無論波羅沙冰 定西瓜沙冰都絕對係 上等之作呢間野的沙冰係用大大舊的 生果尼 炮制的見到佢用一件件 肥大汁多的 生果 放入 攪拌機度就知道佢用料係幾咁足飲落 甜絲絲的....甘香的...冰甜的感覺真係令你一試難忙....總括來說串燒炒飯可不試 鮮果沙冰我推薦

家姐路過九龍城打電話回來問我們食唔食宵夜,為食的我當然試啦!她買了牛,雞,豬,墨魚丸回來.經過試驗之後,發現最唔得牛,燒得好乾,肉又有蘇味.最好味可算是雞,醃得夠味,又唔會燒得好乾.墨魚丸也不錯,烤過後味道突出.最最唔抵係38元的蝦餅,唔知係咪外賣關係回到家縮了水,變得好細件,至於味道,唔覺有蝦味,炸得算香口,只是真得不值這個價錢呢總括而言各樣很平均,未算突出

今日同我Honey去咗九龍城搵嘢食, 天時暑熱所以想話食啲辣辣地O既野... 行下行下就比我地聞到啲好香好香好想既燒烤味, 於是就入咗去叫咗以下既嘢食:1. 咸魚炒芥蘭 - 一個完全有咸魚味既炒芥蘭2. 泰式醉貓豬肉干炒河 - 味到偏咸, 越食越咸, 都唔知係咪因為係醉貓炒所以咁咸!!! 3. 燒烤豬頸肉 - 啲豬頸肉都有肉汁都幾好味, 但係有啲燒焦4. 燒雞翼 - 一啲都唔干, 雖然要等幾耐下, 但係即叫燒唔會干爭爭...... 但令我最意想不到O既係佢既衛生環境, 佢枱面上有筷子盒, 我用咗張紙巾嚟抺一下啲黑色筷子, 但係有驚嚇既發現...... 啲黑色膠筷子係會脫色架... 我張紙巾變咗黑色呀!!!!!!!!! 總括嚟講, 雖然價錢唔係貴, 但係我唔會再次光臨架啦... 九龍城有好多好多選擇啦.........

食完金寶行來食串燒,勁多人呀!搵呀姐幫我地開張枱,自己搬椅喇!坐係路邊特別有風味!地方細人右多,自己行埋去一次過叫完呀姐就唔理我地喇!!要左2串豬頸肉, 一串腎,蒜容包, 燒蜆,燒側魚, 椰青!反而最失色係個椰青,肉唔夠多,味道啖左少少.埋單150蚊,每人37.5食完行去24小時老麥去TOILET,反來佢都未得閒執枱...

日日0係屋企樓下食, 食左廿几年...好悶今日趁老爸放假就走左落九龍城食"金泰"...本來諗住去侯王道間大鋪, 點知日頭唔開...所以出左去太子道西0個間...鋪頭好細, 兩點几仲要等位呢三個人叫左六串串燒(根據menu 所寫, 堂食淨食串燒最少六串)牛肉, 雞肉, 豬頸肉, 蝦餅, 雞腎, 雞心各一串...好想食燒大蜆...不過老爸話唔抵...媽媽則反問咁食咩先抵?! 不過最尾都係無嗌...串燒都几好味, 即燒熱辣辣, 佢無問我地要咩汁...我諗佢落比我地既係沙嗲汁啦, 略嫌稀左d, 不過都几香下次有機會要問下有咩其他汁可以揀, 因為我見佢有好几兜ga!除左串燒仲叫左酸辣無骨鳳爪, 泰式海鮮醉貓炒河, 兩罐汽水+一杯青檸梳打無骨鳳爪味道唔錯, 不過$25既份量好似少左d...海鮮醉貓炒河偏咸, 不過新鮮即炒熱辣辣...都几好味, 蝦亦彈牙食食下見到隔離檯嗌既蒜蓉包好吸引, 所以又嗌左一碟...$20有5個細細個...但係得個樣, d 醬無咩蒜蓉味, 個芯仲要凍既...蒜蓉包不試也罷...p.s. 理論上呢度上菜好快, 所以如果各位見到d 野食無黎好即刻追啦因為我今日去食, 青檸梳打同

尋日和老媽 去九龍城掃野食,因為係openrice見到而間野既串燒好似幾好食咁,所以一定要去(寫左好多篇九龍城既食評了,頭一句都係差唔多=.=因為係印尼小食度叫左牛肉同豬頸肉,所以係而度叫左一串雞翼only燒完後再加左o的沙爹漿,唸住應該都唔錯,食落口既時侯係幾香口,不過都係一般應有既香口,即使加埋o圴沙爹漿都係唔會話好食到爆咁後尾先唸返1年前我食過而度o的牛肉先係最好味............好後悔.....................下次一定要食返牛肉呀!!!!!總括的話,8蚊一串雞翼,唔可以話貴,係正常的價錢,也是正常的質數

哩一間舖頭, 可以話, 自從我男朋友仔帶我o黎食過之後, 我每個月都話要o黎食一次呀!! 因為好好味..由其佢個生蝦... 我記得大約$50 (8隻), 仲有白雲鳳爪, 哩兩個係我必食呀~我原本係唔食得辣既, 但我d 朋友仔呢, 偏偏愛吃辣, 咁一次去食, 就叫左 "冬陰功湯", eee... 都幾好味喎~仲有佢d 串燒呀~ 雞翼都係我每次必食之一呢... 好好味... 我仲有過雞心, 雞肝 都一樣咁好味喎~最緊要係, 哩一間真係好抵食呀~