金海灣火鍋小廚 (已結業)

上一次黎金海灣, 記憶中菜式唔太差, 於是再黎幫襯.事隔幾個月, 成間餐廳得小貓一兩隻, 我包場咁濟....點咗個蒜蓉炒豆苗, 芝士龍蝦伊麵底.豆苗入口口感比較老, 相信同入貨原材料有關, 可能未係最好時候食豆苗吧.....芝士龍蝦伊麵自已感覺係一款比較"漏"嘅菜, 好多時食一碟已經"漏"到爆食唔到其他菜, 但今次一D"漏"嘅感覺都無, 相信同煮法有關.芝士汁比較水係我唔欣賞嘅質感, 但正正因為哩個原因, 所以入口唔會太"漏", 而且芝士味唔係太重, 配合得啱啱好, 夾自己口味, 再加上伊麵加入洋蔥粒, 令成個伊麵更惹味, 龍蝦肉又多又新鮮又彈牙，滿分!另外要提一提, 服務員態度好好, 上菜嘅時候同我講"慢慢享用", 我以為我聽錯, 但女友都聽到喎! 咁.... 有咩辦法唔俾大大個 Like 呢?

又係晏晝飯都無時間食，一食已經係下午茶時間，仲要趕時間要快食唸住快速搵間茶記，極速啪個常餐，茶餐之類，頂一頂肚先再唸依間金海灣火鍋小廚，除左有埋燒味之外，晚市之前同其他茶記無太大分別餐廳幾大，餐廳環境都好切合平民路線下午茶時間都有好多街坊係度歎下茶吹下水依度個常餐都要成49蚊，不過比一般茶餐廳会豐富啲首先有多士，奄列，仲有塊吉列豬扒不過塊多士一早烘定，黎到已經又硬又凍吉列豬扒幾脆，但係有少少酸味食左一啖以為自已幻覺，試多一啖成塊無食公仔麵都有两個餸個沙嗲牛肉汁甜甜地幾好食凍飲加3，埋單52蚊......

這是朋友的飯堂、良朋共聚、一於試試新嘢。～ 鹵水豬腳仔合格、豬腳仔入口爽口唔肥膩、有淡淡幽香嘅鹵水味～ 沙薑浸豬手粒合格、豬手粒入口爽滑、甜甜酸酸、送啤酒妙品，要挑剔的話、沙薑味稍為薄一點～ 脆皮燒腩仔正！皮脆肉嫩、入口有肉汁、必食之選～ 香蔥玩魚卜煲上枱賣相夠鑊氣，不過入口油淋淋、”師傅” 味精十足、味道遍重口味、一般般、可以放棄。。。～ 啫啫雞煲（半隻）。。。唔想再重覆～ 片皮鴨（1食）只能用3 個字形容：食得飽。。。（特價賣 $68 真心無投訴。。。）～ 蜜桃京都骨肉排炸過火、有點乾身同油膩～ 豉椒炒花甲合格、大排檔風味～ 椒鹽鮮魷可以～ 清炒白菜仔終於有一碟比較清爽小油嘅餸菜、感恩～ 海蜇小炒皇失敗、火喉不足、成碟嘢油淋淋、每樣食材好似各顧各。。。海蜇原全失咗蹤、食完只係覺得咸味十足、可以不用再試～ 秋葵高山耳蘭花蚌用所謂的花蚌來炒、非個人所好、不試也罷～ 星州炒米失敗、入口油淋淋滑潺潺、希望師傅可以多花半年功夫認真學習掌握火候同埋快炒方法～ 砂煲芥蘭啫爽肉又油又重口味。。。綜合嚟講係一間適合一大夥朋友開開心心共聚大杯酒、大塊肉、價錢又非常非常便宜的平民大排檔式小炒小店。

朋友 鍾意 重口味😅所以今日我推介佢去呢間 餐廳，因為 之前吃過好夠味 😛全部餸鹹就真係 幾鹹，送飯一流！ 因晚上本人不喜愛吃白飯，只愛吃餸，唔緊要🙄我可以用水清洗一下食物， 才放進口！ 但我的朋友就 覺得 很好味😸因為佢哋好鍾意鹹鹹鹹 🤩🤣但係味道都算唔錯！ 片皮鴨值得推介， 鴨舌和鹵水豬手仔很美味， 但我覺得都係過鹹， 都係要用清水清洗一下，也是為了健康呢 呢間餐廳服務就唔係太好😅但係勝在乾乾淨淨坐得舒服

係佐敦放學，經過金海灣，見到佢地係鋪頭外邊行咗幾張枱，咪坐底幫襯吓囉！幫襯金海灣，全因為可以係門口一路食飯一路食煙！點咗兩個雞翅濃湯，牛仔骨，叉燒，西蘭花鮮魷.首先講牛仔骨！試過廟街大排檔得記嘅牛仔骨，味道重過頭！要過一過茶先入到口，金海灣味道就啱啱好，而每件牛仔骨 size 唔會太大件容易入口，不過，份量偏少.叉燒係我中意嘅半肥瘦，咬落夠腍，味道夠甜，滿分！雞翅濃湯味道濃郁極正，但係魚翅極少極少，有D貨不對辦感覺....食食吓門口D蟹玩偷跳，走落地！笑鬼死！總結 ： 不過不失，可以幫襯嘅.....

約左老友吃飯，佢揀左呢間位於油麻地的，因為大家去都方便就腳。是一貫中式小菜餐廳的格局，雖未至於古色古香，但也充滿濃濃的香港風情。叫了四人餐，包一條蒸魚，粟米魚肚羹，燒味雙拼同兩款小菜，都幾豐富。見隔離枱D乳鴿好似好正，又叫左兩隻。嘩！洗淨雙手即刻用手食，好辣手 +香噴噴。不是妙䶖的 (bb 鴿），所以多肉食。但肉唔夠嫰滑，不過皮脆同香，大家都食得好滋味。粟米魚肚湯 ，多料但味道偏淡，全枱人都爭住要落胡椒粉。燒味雙拼是叉油雞，叉肥雞瘦，味道可以。美極海生蝦，大約三份之一的蝦唔算新鮮，但用美極煎香了，感覺良好左D。蒸沙巴仔，都蒸得幾靚，夠滑夠大條，很滿意。金銀旦菜芯，唔老，味道不錯，用料足。附送的糖水，水多料少，唔夠 「溶」，而且偏甜。埋單七百幾，足夠五位食，都幾抵。

今日如常咁叫老公去呢間金海灣度買外賣，因為佢唔識講中文所以sent咗兩張有關要order嘅leaflet相比老公直接比佢睇，講明兩個下午茶餐送埋熱飲，所以我喺張相度手寫飲咩附加，點知老公返到黎唔見有，我當然打落去問啦！點知聽電話嗰個話: 冇喎，🙈睇唔到喎!跟住佢又話: 我問你老公飲咩佢話唔要嘅。有咩可能，打開張相睇到我order咩但睇唔到相下方嘅字😑?之後佢話: 一次架咋你飲咩自己落黎攞跟住就cut咗我線喇。咩態度?自己睇漏咗仲咁嘅態度，真係要不得。無耐又打黎問: 你係咪落黎攞咖?我問: 你哋睇漏咗係咪應該你哋送返上黎呢？佢話: 唔好拗喇。跟住我火都離話: 你哋唔送上黎就算啦……然後我就收咗線喇。下午茶唔係送熱飲就唔好咁大隻字寫喺張leaflet度啦😡佢哋睇漏咗冇落單又要我哋自己顧客走返落去攞返? 冇野呀……其實呢間我哋都幫襯咗唔少次，但係呢次嘅態度係最差……嘅一次，之前睇其他人嘅評語講到佢哋有幾差我都唔信，但經過今次終於領教到，我諗我哋都係幫襯第二間好喇

下午茶時段 一入黎 張張枱都係下午茶餐牌 好似準備做晚市咁 叫左一個西多士餐($30) 加5蚊配炸薯條 等左半個鐘有多 同行朋友食哂成碗燒鵝瀨 個西多都未黎 分別催左唔同侍應 淨係答你整緊 其他遲黎嘅枱已經食緊件西多 最後上得半份西多 話薯條再要遲啲先有 完全取巧 已經加錢配薯條 最後會無左半份西多 呃錢到暈! 服務態度又差 淨係hea你 無跟過單 食西多士又無刀叉 要用筷子食 啲茄汁糖漿放低無耐就趕住埋黎收返 好似成間餐廳得一支茄汁咁!!!!加5蚊換黎嘅薯條 再少左半份西多

今天早上因為工作關係，到油麻地中央郵局，由於九點半才開門，便走到吳松街附近食早餐，原以為主打是晚餐的金海灣火鍋小廚飯店，心想早餐應該不會怎麼好吃。由於附近選擇不多，便入去試試。我叫了吉列魚柳，怎知道送上來的時候，已經已經覺得不錯，味道也好。而且這裡的工作人員，每位都很親切及友善，食物質素也佳。從未試過寫評語。但現在香港的食店服務質素下降得厲害，所以此店真的值得讚揚👍🏻👍🏻👍🏻而且價錢不貴。值得一試！

小廚的鎮店手抓BB豬相當出色，色，香，味俱全，即燒的叉燒好好味，晚爐燒鵝超級好食👍鍋氣小菜少油少鹽一樣出色😋海鮮生猛，環境舒適，服務好好，值得推薦👍👍👍

隊員周年晩飯，揀咗金海灣火鍋小廚。今晚由部長介紹寫菜，以聖子，蝦蟹為主。加上花甲豬肚湯同埋辣子雞。所有餸菜絕不馬夫，水準估不到在酒樓之上。大家都十分滿意，決定下次再來飲飽食醉😊