金海灣火鍋小廚 (已結業)

約左老友吃飯，佢揀左呢間位於油麻地的，因為大家去都方便就腳。是一貫中式小菜餐廳的格局，雖未至於古色古香，但也充滿濃濃的香港風情。叫了四人餐，包一條蒸魚，粟米魚肚羹，燒味雙拼同兩款小菜，都幾豐富。見隔離枱D乳鴿好似好正，又叫左兩隻。嘩！洗淨雙手即刻用手食，好辣手 +香噴噴。不是妙䶖的 (bb 鴿），所以多肉食。但肉唔夠嫰滑，不過皮脆同香，大家都食得好滋味。粟米魚肚湯 ，多料但味道偏淡，全枱人都爭住要落胡椒粉。燒味雙拼是叉油雞，叉肥雞瘦，味道可以。美極海生蝦，大約三份之一的蝦唔算新鮮，但用美極煎香了，感覺良好左D。蒸沙巴仔，都蒸得幾靚，夠滑夠大條，很滿意。金銀旦菜芯，唔老，味道不錯，用料足。附送的糖水，水多料少，唔夠 「溶」，而且偏甜。埋單七百幾，足夠五位食，都幾抵。